Marcos 13
13
Chꞌin Jesús chrónka kixin tsoxika ni̱nko
(Mt. 24:1-2; Lc. 21:5-6)
1A̱ndá ti ó kꞌuaxrjexín chꞌin Jesús ti ni̱nko ndá ijnko ti sin kꞌuájiko chꞌan ndáchro:
―Maestro, kjuánchí náxrjón ti ixro̱ la ko ti nchia tsíkꞌóna.
2Ndá kjuáte̱he chꞌin Jesús ndáchro:
―¿Á tꞌikonra ti nchia ijié tsíkꞌóna ní? Itsi ijnko ña̱o la ninkehó ti ixro̱ i tsꞌejókjenhña kícho, kaín tsoxika.
Ti nkehe tso̱hen ti ña̱o tsjixixín
(Mt. 24:3-28; Lc. 21:7-24; 17:22-24)
3A̱ndá sákjuí sin chritaón ti ijna̱ Olivo chokꞌèxín itjen ti ni̱nko. Ntiha kjuákꞌetja̱xi̱n chꞌin Jesús. La chꞌin Pedro, Jacobo, Juan, la ko Andrés kjuanchankí sin:
4―Chro̱nka nkesá tso̱hen kaín tíha la ko nkexrín tso̱noheni nkesá tsoxiteyá ―ichro sin.
5Ndá chꞌin Jesús ndáchro chꞌan:
―Tsjehéra jína kixin ninkexró chrókjuitꞌayahyara. 6Kixin nchónhña chojni itsi tsondáchro sin kixin jehe sin mé ti Cristo. Ndá xi̱kaha sichꞌiyehe sin itsjé chojni.
7’A̱ndá ti ó tsinhínra kixin siín guerra la tꞌóñá kícho sin la chróchrakonhñara, kixin ticháxi̱n xi̱kaha tso̱hen tíha, kjánchó na̱xa̱ tsjeje̱hya chjasintajni. 8Ijnko nación tsjajo̱nko íjnko nación. La nkuíxín tsꞌinki nonte, la itsjé chjasin tso̱kjinta la ko tsꞌixité sin tso̱nínkaon sin. Kjánchó tíha la na̱ntá tsoxrankíxixón ti kjuatjoté.
9 #
Mt. 10:17-20; Lc. 12:11, 12. *’Tóxakohanra jahara kixin tsjikaánra sin nkayakon ti sin tꞌe̱to̱an, la nkaxehen ni̱nko tsjatíaxínra sin. La ticháxi̱n tso̱chjinara ti tjejó ti sin gobernador la ko ti sin rey kixin tinkachónkira ti janhan; ndá ntiha la tsjachara tso̱chro̱nkara ti itan kuénta̱na nkayakon sin. 10Kjánchó ticháxi̱n tsihin kaín chojni siín kaín nación ti itan jína tsaáxin sin. 11Ti ó sátsjikoára sin, tsjikaánra sin ti tjejó ti sin tꞌe̱to̱an, la tóxakuanhñara nkehe tsjate̱héra. Jehó chro̱nkara ti nkehe tsjajon Díos tsondáchrora ti hora a, kixin jahyara tsonixjara. Náhí. Ncha̱kuén Díos mé tsonixja. 12Iso chojni la kjónté ti kícho sin tsjikaán sin kixin itsꞌen la iso chojni la tsjikaán ti xje̱en la ko kja̱xin iso sin la tso̱nínkakohen sin ti itꞌé sin la ko ti ìñé sin la tsjikaán sin kixin itsꞌen. 13#Mt. 10:22.*La kaín chojni tso̱nínkakohanra sin kixin tinkachónkira ti janhan. Kjánchó ti sin tsíto̱ehya tsinkáchónki ti janhan hasta tsjixixín mé tsaá sin.
14 #
Dn. 9:27; 11:31; 12:11. *’Ti ó tsꞌikonra tsjakꞌe ti nkehe jínahña ti chrókjuakꞌehya éxi tsíndáchro ti profeta Daniel (ti nkexro nchekuáxin ti xroon i la chrókienxín sin jína), a̱ndá ti nkexro tjejó Judea la sátsji sin chritaón ijna̱ tsꞌejómá sin. 15#Lc. 17:31.*Ti sin tjejó chritaón nchia la chrókꞌuinkaji̱nhña sin, chrókꞌuixenhña sin nkaxehen nchia, chrókuákja sin nkojín nkehe. 16Ndá ti sin tjejó no̱nte̱e la í chrókjanhña sin chrókuákja sin ti ika tꞌitsáte sin. 17La nóa ti chojnichjin tsꞌejóyá ti ña̱o a la ko ti sin nchekakí ixjan. 18Chrokjuanchehe sin Díos kixin jehya ncha̱kuén ikin chrókóhen tíha. 19#Dn. 12:1; Ap. 7:14.*Kixin ti ña̱o a la imá kjuaxróxinhña tsꞌejó chojni kixin kuènhña xi̱kaha ndesi ti xránkíxixín kjuíchꞌéna Díos ti chjasintajni la xi̱kahña tso̱hen ínaá. 20A̱ndá ti Díos chrókjuajon kjuachaxin kixin isé chrókóhen tíha, la ninkexró chrókuaáhya. Kjánchó Díos ti̱konoéhe̱ chꞌan ti sin tsíkjeyá chꞌan la tsꞌe̱to̱an chꞌan kixin tjoka tsꞌatsínka ti kjuachrakon a.
21’A̱ndá nkojín nkexro tsondáchro: “Tsjehéra, ntihi itjen ti Cristo”, o̱ tsondáchro sin: “Tsjehé, ntiha itjen chꞌan”, la chrókuitekákuenhñara sin. 22Kixin itsi chojni tsondáchro kixin jehe sin mé ti Cristo la ko kja̱xin itsi chojni nduáhya tsjako la tsjasin sin kjuaxroan ijié kixin sichꞌiyexín sin kjónté ti sin tsíkjeyá Díos. 23Méxra̱ chrókóxakohanra kixin kaín tíha la ó senó tjo̱nka̱ra kixin tso̱nohara.
Itsi ti Xje̱en Díos kꞌóna Chojni
(Mt. 24:29-35, 42-44; Lc. 21:25-36)
24 #
Is. 13:10; Jl. 2:10, 31; 3:15; Ap. 6:12;
Is. 13:10; Ez. 32:7. *’A̱ndá ti ña̱o a ti ó tsꞌatsínka ti kjuachrakon la ti ña̱o la í tsꞌinkaséñaxínhña la ti nitjó la í tsjajonhña xrohi. 25#Is. 34:4; Ap. 6:13; Jl. 2:10.*Ti konotsé la tsꞌánótje̱xi̱n nka̱jní la ti kjuachaxin siín nka̱jní la tsꞌinki. 26#Dn. 7:13; Ap. 1:7.*Ndá tsꞌikon sin ti Xje̱en Díos kꞌóna Chojni itsi chríkjan itji̱, tsi̱ka̱o ti kjuachaxin ijié. 27Ndá tsochrꞌán chꞌan ti sin ángel kuènté chꞌan kuenté chjasintajni, tsjikjenájín sin kaín ti chojni tsíkjeyá chꞌan.
28’Chrokiénxinra ti nkehe si̱ntayóa̱xián. Éxi ti inta tꞌóna ito higo ti ó sítꞌaña kahnte̱ la nohara kixin í itsi ncha̱kuén sóa 29mé xi̱kaha ti ó tsꞌikonra tso̱hen kaín tíhi, la ó kuichjina ti tsjeje̱ chjasintajni. 30Chaxín ndáxrja̱n kixin kaín tíha tso̱hen ti na̱xa̱ tꞌenhña ti chojni siín chjasintajni ti ña̱o a. 31Ti nka̱jní la ko ti chjasintajni la tsꞌitjáña. Kjánchó ti nkehe ndáxrja̱n la tsꞌitjáñahña nkochríxín.
32 #
Mt. 24:36. *’A̱ndá ti ña̱o a, la ko ti hora tsoxiteyá tíha la ninkexró noehña, ni ti sin ángel tjejó nkaya nka̱jní, ni ti Xje̱en Díos kꞌóna Chojni; jehó Itꞌéni Díos mé nohe tíha.
33’Méxra̱ chrókóxakohanra, chrókꞌuejotsjehera la ko chrónixjehéra Díos kixin noahñara nkesá la ko nkehora tso̱hen tíha. 34#Lc. 12:36-38.*Éxi ijnko chojni sátsji ikjín, la ti na̱xa̱ sátjihya la senó chjéhe ixra̱ ti sin chꞌexín ixra̱ tꞌayakohen ti nchia, la nkojnko sin tsꞌáyéhe̱ sin nkojnko xra̱ sichꞌe sin. La ko tsꞌe̱tue̱hen chꞌan ti nkexro tsjakꞌe tsꞌayakohen ti ndója nchia. 35Méxra̱ chrókꞌuejotsjehera kixin noahñara nkesá tsokjan ìnché ti nchia, á ijnko tso̱ntanonte o̱ ijnko kꞌaxrotjen o̱ ti ó itsje ti kochíká o̱ ti ó tsꞌinkaséña. 36Ndá xrína̱hña itsi chꞌan la tsꞌitjaxín chꞌan kixin tjejochri̱nra. 37Mé xi̱kaha tjo̱nka̱ra la ko xi̱kaha ndátjan kaín chojni kixin chrókꞌuejótsjehe sin.
S'ha seleccionat:
Marcos 13: poeNTplus
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.