Јован 16
16
ГЛАВА 16
1Ова ви го кажав, за да не се соблазните.
2Ќе ве истеруваат од синагогите.
(Зачало 53)
Но ќе настапи и време,#Вторник од седмата седмица по Воскресение: Им рече Господ на Своите ученици: Ќе настапи време, кога секој што ќе ве убие, ќе мисли дека на Бога Му принесува служба.
Крај на саботата и на маченикот
3И ова ќе го прават, оти не Го познаа Отецот, ниту Мене.
4Но, ви го кажав тоа, та кога ќе дојде времето, да се сетите дека Јас сум ви рекол; а од почетокот не ви го зборував ова, зашто бев со вас.
5А сега одам кај Оној, Којшто Ме испрати, и никој од вас не Ме праша: каде одиш?
6Но затоа што ви го кажав ова, срцата ваши се исполнија со тага.
7Ама Јас вистината ви ја кажувам: поарно е за вас Јас да си отидам, оти ако не си отидам, Утешителот нема да дојде при вас; ако, пак, заминам, ќе ви Го испратам.
8И Он, кога ќе дојде, ќе го изобличи светот за грев, и за правда, и за суд;
9за грев, дека не верувате во Мене;
10за правда, оти Јас си одам при Својот Отец, и веќе нема да Ме видите;
11а за суд, зашто кнезот на овој свет е осуден.
12Имам уште многу да ви кажувам, но сега не можете да носите.
13А кога ќе дојде Он, Духот на вистината, ќе ве упати во секоја вистина;
Крај на вторникот
но од Себе нема да зборува, а ќе говори што ќе чуе, и ќе ви ја каже иднината;
14Он Мене ќе Ме прослави, зашто од Моето ќе земе и ќе ви јави.
(Зачало 54)
15Сѐ што#Среда од седмата седмица по Воскресение: Им рече Господ на Своите ученици: Сѐ што има Отецот, Мое е; затоа и ви реков дека од Моето ќе земе и ќе ви јави.
16Уште малку, и нема да Ме гледате; и, по малку, пак ќе Ме видите, зашто си одам при Отецот.
17А некои од учениците Негови си рекоа помеѓу Себе: што е тоа, што ни вели: уште малку, и нема да Ме гледате; и, по малку, пак ќе Ме видите, и дека Јас си одам при Отецот?
18И си зборуваа: што е тоа, што вели: уште малку?
19Разбра Исус дека сакаат да Го прашаат, и им рече: – Затоа ли се прашувате помеѓу себе, што реков: уште малку, и нема да Ме гледате; и, по малку, пак ќе Ме видите?
20Вистина, вистина ви велам дека вие ќе заплачете и ќе заридате, а светот ќе се зарадува; и вие ќе бидете нажалени, ама жалоста ваша ќе се претвори во радост.
21Жена кога раѓа има болки, оти ѝ дошло времето нејзино; но штом ќе го роди детето, од радост не ги помни веќе болките, зашто се родил човек на светот.
22Па така и вие, сега сте нажалени; ама Јас пак ќе ве видам, и ќе се зарадува срцето ваше, и радоста ваша никој нема да ви ја одземе;
23и во тој ден нема да Ме прашате за ништо.
(Зачало 55)
Вистина, вистина#Четврток од седмата седмица по Воскресение: Им рече Господ на Своите ученици: Вистина, вистина ви велам: што и да посакате од Отецот во Мое име, ќе ви даде.
Крај на средата
24Досега ништо не сте барале во Мое име; барајте и ќе добиете, за да биде радоста ваша полна.
25Ова во параболи ви го кажував; но ќе дојде час, кога нема веќе во параболи да ви зборувам, туку откриено ќе ве известам за Отецот.
26Во тој ден ќе побарате во Мое име, и не ви велам дека ќе Го помолам Отецот за вас;
27оти, Самиот Отец ве милува, зашто вие Ме засакавте и поверувавте дека Јас сум излегол од Бога.
28Излегов од Отецот и дојдов во светот; сега повторно го оставам светот и одам при Отецот.
29Му рекоа учениците Негови: – Еве, сега откриено зборуваш и никаква парабола не кажуваш.
30Сега узнавме дека знаеш сѐ, и нема потреба некој да Те праша. Заради тоа веруваме дека од Бога си излегол.
31Им одговори Исус: – Сега ли верувате?
32Ете, иде часот, и настапува веќе, за да се разбегате секој при своите, и Мене Сам да Ме оставите; ама Јас не сум Сам, бидејќи Отецот е со Мене.
33Ова ви го реков, за да имате мир во Мене.
Крај на четвртокот
Во светот ќе имате маки; но не бојте се, зашто Јас го победив светот.
S'ha seleccionat:
Јован 16: MK2008
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Македонска Православна Црква 2008
© Мacedonian Orthodox Church 2008