لَاتَانٛوجِ 6
6
حَلّٜىٰندٜ يِمْࢡٜ عٜ عَنِّيَ اَللَّه نغَمْ حَلْکُغٛ ࢡٜ
1ندٜ يِمْࢡٜ ݠُطِّ طُوطُغٛ دٛوْ لٜسْدِ، ࢡٜدَࢩِ ࢡِࢡّٜ رٜوْࢡٜ؞ 2ࢡِࢡّٜ اَللَّه#6:2 مَانَ کَلِمَاجِ ࢡِࢡّٜ اَللَّه لَاࢡَايْ، تٜىٰمَ طُمْ مَلَاعِکَعٜنْ وٛطْࢡٜ؞ نغِعِ ࢡِࢡّٜ رٜوْࢡٜ يِمْࢡٜ نٛ مبٛوطِرِ، ࢡٜشُࢡِ وٛطْࢡٜ مَࢡّٜ، ࢡٜتٜعِ ࢡٜ؞ 3ندٜنْ جَوْمِرَاوٛ وِعِ: «رُوحُ عَمْ وٛنَتَا ندٜرْ نٜطّٛ ڢٛرٛيْ، نغَمْ عٛ مَايٛووٛ، بَلْطٜ نغٜىٰندَمْ مَاکٛ ࢡُرَتَا دُوࢡِ تٜىٰمٜرّٜ عٜ نٛوغَسْ (120)؞» 4سَاعِ مَاجُمْ، مَاݠِنْدِعٜنْ#لِمْلٜ 13:33؞ طٛنّٛ ندٜرْ دُنِيَارُ؞ کَمْࢡٜ لَاتِ مَاݠِنْدِعٜنْ ࢡٛويْمَ حَا لٜسْدِ، مَنَاࢡٜ؞ ࢡٜطٛنّٛ بٛو يَاکٜ ࢡِࢡّٜ اَللَّه#أَيُوبَ 1:6؛ 2:1؞ کَوْتِنٛ بٜى ࢡِࢡّٜ رٜوْࢡٜ يِمْࢡٜ، ندَࢩِدِ ࢡِࢡّٜ بٜى ࢡِࢡّٜ رٜوْࢡٜ ࢡٜعٜ؞ کَمْࢡٜ نغٛنِ دٛولْطٛوࢡٜ، جَمْعٜنْ تٜدُّنغَلْ؞ 5جَوْمِرَاوٛ يِعِ نٛ حَلّٜىٰندٜ يِمْࢡٜ طُوطِرِ دٛوْ لٜسْدِ؞ ࢩَلَادٜ ڢُو عَنِّيَاجِ عٜ نُمٛوجِ ࢡٜرْطٜ مَࢡّٜ کُوشِتَنِ حَلّٜىٰندٜ؞ 6نُمٛوجِ جَوْمِرَاوٛ نغَيْلِتِ ࢡَاوٛ ندٜ عٛتَغِ يِمْࢡٜ دٛوْ لٜسْدِ؞ ࢡٜرْندٜ مَاکٛ نَاوِ؞ 7عٛوِعِ: «مِنَتِّنَنْ يِمْࢡٜ ࢡٜ تَغْمِ دٛوْ لٜسْدِ حَا يٛتّٛ دَبَّاجِ عٜ لَدٛوجِ عٜ شٛلِّ؞ مِتَغَتَانٛ طُمْ؞» 8عَمَّا نُوحُ حٜࢡِ يٜرْدُيٜ جَوْمِرَاوٛ#مَتَّ 24:37؛ لُکَ 17:26؛ 1 ݠِيٜرْ 3:20؞؞
اَللَّه حٛوعِ عَنِّيَ حِسْنُغٛ نُوحُ
9ندَا حَبَرُ دَࢩْغٛلْ نُوحُ: نُوحُ عٛ عَدِلِيجٛ عٜ تِمُّطٛ شَکَ يِمْࢡٜ ندٜرْ زَمَنُورُ مُوطُمْ؞ عٛتٛکِّ لَاوٛلْ اَللَّه#2 ݠِيٜرْ 2:5؞؞ 10عٛدَࢩِ ࢡِࢡّٜ وٛرْࢡٜ تَتٛ: سٜمْ عٜ حَامُ عٜ يَڢٜتْ؞
11لٜسْدِ وٛنِّ حَا يٜىٰسٛ اَللَّه، ندِ حٜىٰوِ تٛوࢩَارٜ؞ 12اَللَّه لَارِ لٜسْدِ، ندَا ندِ وٛنَّکٜ، نغَمْ مَرْطُمْ يٛنغْکِ ڢُو وٛنِّ يَحْدُ مُوطُمْ دٛوْ لٜسْدِ؞ 13اَللَّه وِعِ نُوحُ: «مِعَنِّنِ تِمِّنْغٛ تَغْلٜ ڢُو؞ لٜسْدِ حٜىٰوِ تٛوࢩَارٜ نغَمْ دَلِيلَ يِمْࢡٜ؞ مِنَتِّنَنْ ࢡٜ حَوْتَادٜ بٜى لٜسْدِ ڢُو؞ 14وَطَنَنْ حٛورٜ مَاطَ کٛومْبٛوَلْ#6:14 کٛومْبٛوَلْ مَلَّ لَانَوَلْ؞ مَنغَلْ، نغَلْ لٜطّٜ غٛڢِرْ؞ عَوَطَ شُوطِ ندٜرْ مَاغَلْ، عَسُکَّ بُرْطٜ مَاغَلْ بٜى تَارِ، ندٜرْ عٜ يَاسِ ڢُو؞ 15ندَا نِي مبَطِرْتَ نغَلْ: نجُوتِرْکَ مَاغَلْ مَرَ مٜىٰتِرْ تٜىٰمٜرّٜ عٜ شَݠَّنْطٜ جٛوِ (150)، نجَاجِرْکَ مَاغَلْ مٜىٰتِرْ نٛوغَسْ عٜ جٛوِ (25) عٜ تٛوِرْکَ مَاغَلْ بٛو مٜىٰتِرْ سَݠّٛ عٜ جٛوِ (15)؞ 16سٜيْ عَحِݠَّ نغَلْ، عَوَطَ وُرْدٜرٜ حَا کٛومْبٛوَلْ، ندٜ رٜىٰتَ مٜىٰتِرْ غٛوتٜلْ، حَا لٜسْ مبِݠُّ مَاغَلْ؞ وَطْ دَمُّغَلْ کٛومْبٛوَلْ حَا شَکَ وُتُّدُ مَاغَلْ؞ سٜنْدُ تٛوِرْکَ مَاغَلْ حَا وَطَ شُوطِ تَتِ، وٛورُ دٛوْ وٛورُ؞ 17مِوَدَّنْ عِلَمْ دٛوْ لٜسْدِ، نغَمْ حَلْکُغٛ کٛ يٜىٰطَتَ لٜسْ عَسَمَ، مَرْطُمْ ݠٛوڢْطٜ نغٜىٰندَمْ؞ کٛ وٛنِ دٛوْ لٜسْدِ ڢُو نَتَّنْ؞ 18عَمَّا مِحَࢡَّنْ عَلْکَوَلْ بٜى مَاطَ؞ عَنَسْتَنْ کٛومْبٛوَلْ، عَنْ عٜ ࢡِࢡّٜ مَاطَ عٜ دٜبّٛ مَاطَ عٜ رٜوْࢡٜ ࢡِࢡّٜ مَاطَ؞ 19حَا غٜىٰتُمْ، مَرْطُمْ ࢡَنْدُ ڢُو، حٛوعُ طِطِ طِطِ ندٜرْ کٛومْبٛوَلْ، غٛرْطُمْ عٜ دٜبُّمْ، طُمْ حِسَ حَوْتَادٜ بٜى مَاطَ؞ 20حَا شٛلِّ ڢٛدّٜ عَسْلِ مَاجِ عٜ دَبَّاجِ ڢٛدّٜ عَسْلِ مَاجِ عٜ لَدٛوجِ لٜسْدِ ڢٛدّٜ عَسْلِ مَاجِ؞ غٛرْطُمْ عٜ دٜبُّمْ مَاجِ ڢُو نغَرَنْ غَلْ مَاطَ، نغَمْ حِسْنُغٛ يٛنغْکِيجِ مَاجِ؞ 21عَنْ بٛو، حٛوعُ دِغَ کٛ ࢩَامٜتٜ ڢُو، سِغُ طُمْ حَا مَاطَ، طُمْ لَاتٛ ࢩَامْدُ مَاطَ عٜ ࢩَامْدُ مَاجِ؞» 22نُوحُ وَطِ بَنَ نٛنْ، عٛوَطِ کٛ اَللَّه عُمْرِمٛ ڢُو#عِبْرَنِنغْکٜعٜنْ 11:7؞؞
S'ha seleccionat:
لَاتَانٛوجِ 6: داَ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Fulfulde Bible Ajamiya © Bible Society of Cameroon, 2016.