Sdaɗi Apostelai 1
1
Biyini Seze-sɗik
1Tuku Teyofilis tawala zi diri gara, warni maktuɓŋa n'avut ɗa, mu muɗa miɗini wala paŋ na Yesu a tika pini aŋ zaŋ, aŋ hitraŋ lai ɗa. 2Haa sini mefeŋ na a yima amai, asakal na a sa miɗi pini spakni Seze-sɗik, wiiɗi Apostelai na a viriɗi. 3Arɗi nagai lai a siŋka sini karni azi viya, asakal na a sɗa gir viya, war wazagai viya na a siŋka edi gaglai ɓa hanɗa A ni. A siŋka sini arɗi haa mefeŋ doogo doogo puɗu, a muɗa midiɗi pai na wiini Alaw maini nɵa:
4Won hlai n'a na gaiɗi, a gidiɗi buri e hili edi warɗi Yeruzalem par kai haw, e biyi wala na Api a za ha midini ɓa aga a saŋ ɗa, wala na ta mu miɗiki midini ɗa. 5Yohana ɗa a za baptisme gaini yem, amma tiki ɗa, mefeŋ aŋ kai agwi kadai aga ki nivi baptisme ɗa gaini Seze-sɗik.
Yimi n'amai na wiini Yesu
6Nagai n'e ɗi fu ta ɗa, e zilbiŋ e miɗi: Epiɗ-ɗai, hanɗa a sarti n'aga ku ziziniti paiɗi Izrayel warni ɗi? 7A waya seŋ a miɗiɗi: Mefeŋ gaini sarti na Apa a ɗiyaŋ war spak na wiini ɗa hanɗa a seŋ na wiiki kai. 8Amma tiki aga ki nivi spak won hlai na Seze-sɗik a halasi li midiki ɗa, tiki aga ki zi aŋ zaidakaiŋa aha warɗi Yeruzalem, midini afti na Yudiya gaini na Samariya paŋ, haa edi mini koŋɗi yai na puɗu paŋ. 9Asakal na a muɗa hanɗa ya, won hlai n'e ɗa aŋ tili ɗa, Yesu a yima amai, ɗugul a ŋoyaŋ wuzani arɗi lai. 10Won hlai na arɗi a hiɗika amai sek hlai na Yesu a na hala ɗa, ɗai sulu gaini sapa siɗi muɗukwi e siŋki siɗi arɗi. 11E miɗi: Tiki ɗai na Galeliya, siki ca aŋ tili arki amai sek ɗa buri maɗa? Yesu na a yimaɗi arbaki par a na hala amai sek na ɗa, aga a wayasi kal kal maini na ki tiliŋ a hala amai sek ɗa ɵa.
Vokɗi Apostelai
12Nɵa edi par midiɗi huwuŋ Olive na te na gobi gaiɗi Yeruzalem na hili na haa woni ta ɗa, a mogoni hili n'e hiliŋ war Sabbat ta, e wiyisi aha war Yeruzalem.
Mat. 10.2-4; Mark. 3.16-19; Luk. 6.13-16
13Won hlai n'e cûsi aha ɗa, e niyi amlai warɗi dilimi zi etaz n'e simni ka warɗi kureɗ ɗa, nagai n'e ɗa taaha ɗa e ɗi miɗi: Peter, Yohana, Yakob gaini Andre, Filip gaini Tumas, Bartelemi gaini Matewus, Yakob n'ahini Alfewus, Simun na Zelotus, gaini Yudas n'ahini Yakob ɗa lai. 14Nagai paŋ miɗi ktai, e bi hlaiɗi zi siiwa edi kai, gaiɗi falakai zamai zamai lai maiɗi mariya n'emini Yesu ɵa, tawalakaini lai. 15War mefeŋ ni ɗa, Peter a faka amai arbaɗi tawalakai, pɵaɗi ɗai n'e diŋgi ɗa a za gobi miya gaini caaɓa, a muɗa: 16Tawalakaya, ɗû na a muɗa edi warni spakni Seze-sɗik mini David par burini Yudas na a ɵasi wuzaɗi nagai n'e yimi Yesu ɗa, gaini dewele ɗû hanɗa a va amai. 17A na ka a pɵa ɗa arbamu, a za sda zi ɵeŋ n'aŋ tumu na ɗa lai. 18Ɗif hanɗa gaini farai na jre kai na a navaŋ ɗa, a wura vowai ktai kaai, a kɵa warni vowai ni ɗa, warni a naɓa edi haa aru na warni paŋ a niyasi edi. 19Wala hanɗa ɗai na Yeruzalem e sɗiŋ paŋ, haa e sini yiki wiini vowai hanɗa war seŋɗi ɓa: Hakeldama, a dara a muɗa: Vowai zi fel. 20Paŋktai aŋ gaini ɗû warni maktuɓ zi yama ɓa:
A juva ɓa dalamni a hina edi aŋ greŋ,
ɗif a sumna warni kir kai,
a juva ɓa ɗif zamai a tika sda war balamni lai.
21Nɵa ɗa a pɗem ɓa arbaɗi nagai n'e ɗi ka gaimu kureɗ kureɗ, hlai paŋ n'EPIƊ-ƊAI Yesu a na ka wuzamu su, a niya anene gaimu, a wayasi aha ɗa, 22a tikasi pini sini baptisme na Yohana a siŋni par haa sini mefeŋ na a yima amai arbamu par ta ɗa, ktai arbaɗi ɗai hanɗa a za aŋ zaida na wiini ɵiyi n'amai na wiini gaimu lai.
23E nivi ɗai sulu: Yosef n'e yikiŋ ɓa: Barsabas, na zinani ɓa: Yustus, gaini Matiyas. 24Asakal par e siiwi maini nɵa: Epiɗ-ɗai, tuku na ku siɗiti agulɗi ɗai paŋ, ku siŋkiyi ni na ku varaŋ arbaɗi na sulu hanɗa, 25kapai a tika balamni war sda zi ɵeŋ hanɗa, sɗa zi Apostel na Yudas a hinaŋ edi, aŋ hala warni hlai na a juva sini ɗa. 26Nɵa e zi wala zi vili, e tiki arbani par, wala zi vili a yima Matiyas, a tapa gaiɗi na doogo pi sulu.
S'ha seleccionat:
Sdaɗi Apostelai 1: MUSGUM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Sdaɗi Apostelai 1
1
Biyini Seze-sɗik
1Tuku Teyofilis tawala zi diri gara, warni maktuɓŋa n'avut ɗa, mu muɗa miɗini wala paŋ na Yesu a tika pini aŋ zaŋ, aŋ hitraŋ lai ɗa. 2Haa sini mefeŋ na a yima amai, asakal na a sa miɗi pini spakni Seze-sɗik, wiiɗi Apostelai na a viriɗi. 3Arɗi nagai lai a siŋka sini karni azi viya, asakal na a sɗa gir viya, war wazagai viya na a siŋka edi gaglai ɓa hanɗa A ni. A siŋka sini arɗi haa mefeŋ doogo doogo puɗu, a muɗa midiɗi pai na wiini Alaw maini nɵa:
4Won hlai n'a na gaiɗi, a gidiɗi buri e hili edi warɗi Yeruzalem par kai haw, e biyi wala na Api a za ha midini ɓa aga a saŋ ɗa, wala na ta mu miɗiki midini ɗa. 5Yohana ɗa a za baptisme gaini yem, amma tiki ɗa, mefeŋ aŋ kai agwi kadai aga ki nivi baptisme ɗa gaini Seze-sɗik.
Yimi n'amai na wiini Yesu
6Nagai n'e ɗi fu ta ɗa, e zilbiŋ e miɗi: Epiɗ-ɗai, hanɗa a sarti n'aga ku ziziniti paiɗi Izrayel warni ɗi? 7A waya seŋ a miɗiɗi: Mefeŋ gaini sarti na Apa a ɗiyaŋ war spak na wiini ɗa hanɗa a seŋ na wiiki kai. 8Amma tiki aga ki nivi spak won hlai na Seze-sɗik a halasi li midiki ɗa, tiki aga ki zi aŋ zaidakaiŋa aha warɗi Yeruzalem, midini afti na Yudiya gaini na Samariya paŋ, haa edi mini koŋɗi yai na puɗu paŋ. 9Asakal na a muɗa hanɗa ya, won hlai n'e ɗa aŋ tili ɗa, Yesu a yima amai, ɗugul a ŋoyaŋ wuzani arɗi lai. 10Won hlai na arɗi a hiɗika amai sek hlai na Yesu a na hala ɗa, ɗai sulu gaini sapa siɗi muɗukwi e siŋki siɗi arɗi. 11E miɗi: Tiki ɗai na Galeliya, siki ca aŋ tili arki amai sek ɗa buri maɗa? Yesu na a yimaɗi arbaki par a na hala amai sek na ɗa, aga a wayasi kal kal maini na ki tiliŋ a hala amai sek ɗa ɵa.
Vokɗi Apostelai
12Nɵa edi par midiɗi huwuŋ Olive na te na gobi gaiɗi Yeruzalem na hili na haa woni ta ɗa, a mogoni hili n'e hiliŋ war Sabbat ta, e wiyisi aha war Yeruzalem.
Mat. 10.2-4; Mark. 3.16-19; Luk. 6.13-16
13Won hlai n'e cûsi aha ɗa, e niyi amlai warɗi dilimi zi etaz n'e simni ka warɗi kureɗ ɗa, nagai n'e ɗa taaha ɗa e ɗi miɗi: Peter, Yohana, Yakob gaini Andre, Filip gaini Tumas, Bartelemi gaini Matewus, Yakob n'ahini Alfewus, Simun na Zelotus, gaini Yudas n'ahini Yakob ɗa lai. 14Nagai paŋ miɗi ktai, e bi hlaiɗi zi siiwa edi kai, gaiɗi falakai zamai zamai lai maiɗi mariya n'emini Yesu ɵa, tawalakaini lai. 15War mefeŋ ni ɗa, Peter a faka amai arbaɗi tawalakai, pɵaɗi ɗai n'e diŋgi ɗa a za gobi miya gaini caaɓa, a muɗa: 16Tawalakaya, ɗû na a muɗa edi warni spakni Seze-sɗik mini David par burini Yudas na a ɵasi wuzaɗi nagai n'e yimi Yesu ɗa, gaini dewele ɗû hanɗa a va amai. 17A na ka a pɵa ɗa arbamu, a za sda zi ɵeŋ n'aŋ tumu na ɗa lai. 18Ɗif hanɗa gaini farai na jre kai na a navaŋ ɗa, a wura vowai ktai kaai, a kɵa warni vowai ni ɗa, warni a naɓa edi haa aru na warni paŋ a niyasi edi. 19Wala hanɗa ɗai na Yeruzalem e sɗiŋ paŋ, haa e sini yiki wiini vowai hanɗa war seŋɗi ɓa: Hakeldama, a dara a muɗa: Vowai zi fel. 20Paŋktai aŋ gaini ɗû warni maktuɓ zi yama ɓa:
A juva ɓa dalamni a hina edi aŋ greŋ,
ɗif a sumna warni kir kai,
a juva ɓa ɗif zamai a tika sda war balamni lai.
21Nɵa ɗa a pɗem ɓa arbaɗi nagai n'e ɗi ka gaimu kureɗ kureɗ, hlai paŋ n'EPIƊ-ƊAI Yesu a na ka wuzamu su, a niya anene gaimu, a wayasi aha ɗa, 22a tikasi pini sini baptisme na Yohana a siŋni par haa sini mefeŋ na a yima amai arbamu par ta ɗa, ktai arbaɗi ɗai hanɗa a za aŋ zaida na wiini ɵiyi n'amai na wiini gaimu lai.
23E nivi ɗai sulu: Yosef n'e yikiŋ ɓa: Barsabas, na zinani ɓa: Yustus, gaini Matiyas. 24Asakal par e siiwi maini nɵa: Epiɗ-ɗai, tuku na ku siɗiti agulɗi ɗai paŋ, ku siŋkiyi ni na ku varaŋ arbaɗi na sulu hanɗa, 25kapai a tika balamni war sda zi ɵeŋ hanɗa, sɗa zi Apostel na Yudas a hinaŋ edi, aŋ hala warni hlai na a juva sini ɗa. 26Nɵa e zi wala zi vili, e tiki arbani par, wala zi vili a yima Matiyas, a tapa gaiɗi na doogo pi sulu.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964