Sdaɗi Apostelai 2
2
Gizini Seze-sɗik
1Won hlai na mefeŋ na wiiɗi fet Paŋtekoste a cosi li, nagai paŋ e ɗi fu gaini tipi warni hlai ktai. 2Tizaw suura a halasi amai war hlai n'amai par maini suura na wiini berber na gdaŋ nɵa. A halasi a viti dilimi n'e ɗi woɗi ta. 3Nagai e tili wala a sɗa maini elesni afu nɵa, a ɓurwa edi sini marni par, a sumna midiɗi ktai ktai paŋ. 4Seze-sɗik a viɗi gaini hlaiɗi paŋ, e tiki piɗi aŋ miɗi warni meme zamai zamai pini na Seze a siŋɗi aŋ miɗiŋ ɗa nɵa.
5Amma Yudiyakai na jrekai n'edi midini afti na zamai par e ɗi fu aha warɗi Yeruzalem. 6Won hlai n'e ɵini suura n'a na wa ɗa, firiɗi ɗai viya e liwisi, e tûrli marwai buri e tili ɗa ɗif paŋ a ɵina ɓa e miɗiŋnisi ɗa war meme na wiini tar tar. 7E bindi hiyak, e siɗi wala n'e zi kai, e miɗi: ɗai n'e miɗi hanɗa e ɗi ɗai na Galeliya par paŋ kai ɗi? 8Kapai tumu a siya a siya paŋ a ɵinaŋ war meme na wiini tar tar ɗa, a za ɵa maɵa maɵa ɗa? 9Partekai, Medekai, Elamitekai, ɗai na Mezopotamiya par, na Yuda par, na Kapadokiya par, Pontus par, na Aziya par, 10na Fridiya par, na Paŋfiliya par, n'Egipte par, na Libiya na gobi gaiɗi Sirene par, gaiɗi ɗai na Rome par n'e hilisi a Yeruzalem aŋ jak. 11Yudiyakai gaiɗi nagai n'e yimi pini yimi na wiiɗi Yudiyakai, Kretekai, Arapai paŋ, tumu mu ɵunumu e miɗi miɗini sda n'abakai na wiini Alaw war meme na wimu maɵa ɗa? 12Nagai paŋ e bindi hiyak, e siɗi wala n'e zi kai, e miɗi arbaɗi marɗi: Wala hanɗa a siŋka ɗa a maɗa? 13Zamai e ziɗi yewere, e miɗi: E vi ɗa gaini viŋ na nem.
Ɓikini seŋ na wiini Peter
14Nɵa Peter a ɗiya amai zaw gaiɗi na doogo pi ktai, a muɗa gaini wulani amai, a muɗa sini firiɗi ɗai maini nɵa: Tiki ɗai na Yudiya gaiki tiki paŋ na ki ɗa war Yeruzalem, ɵini seŋŋa pɗem, yimiŋ midiki pɗem lai ɓa: 15Ɗai hanɗa e ɗa gaini ciini ca maini na ki hiiniŋ na ɗa ɵa kai, buri mu ɗumu na ɗa ler ɵeeŋe na wiini gorof par hai. 16Amma hanɗa a wala na ɗif na mini Alaw Yuwel a muɗasi miɗini ɓa: 17Alaw a muɗa: War mefeŋ na asakal ɗa, aga mu ma Sezeŋa midiɗi ɗai paŋ,
aliki na maɵagai gaiɗi na falakai lai ɗa aga e miɗi war wule war wule na wiiɗi ɗai na mini Alaw,
aliki na gawlakai ɗa, wala aga a siŋka arɗi,
ɗaiki na walakai ɗa, weseŋ aga a piɵiɗi.
18Nkam, midiɗi bagakaiŋa na
maɵagai gaiɗi na falakai war mefeŋ ni ɗa,
aga mu ma Sezeŋa midiɗi, aga e miɗi war wule na
wiiɗi ɗai na mini Alaw.
19Aga mu za wazagai zi hiila amai war hlai n'amai,
wazagai zi siŋki azumai warɗi yai lai,
aga mu hinasi fel gaini afu gaini ɗugul z'agiyiŋ.
20Futi ɗa aga te bunda aŋ gegeŋ, tile ɗa aŋ fel lai,
wuzani hlai na mefeŋ na wiini Epiɗ-ɗai a cosi ɗa,
mefeŋ n'abai, na juv gara hanɗa.
21Nɵa a siya a siya paŋ n'aga a yika yikini
Epiɗ-ɗai mini ɗa, aga a kurɗa.
22Ɗai na Izrayel, ɵini seŋ hanɗa, Yesu na Nazaret par, ɗif n'Alaw a ɵinaŋsi arbaki, a siŋkaŋ edi gaini wazagai zi hiila, gaini wazagai zi siŋki n'abakai na a bunda ɗif hiyak lai, na a zaŋ gaini arbaki maini na tiki ki sɗiŋ ɗa nɵa. 23Ɗif hanɗa, n'aŋ gaini si edi ta pini siɗi na wuze na wiini Alaw gaini seŋ n'aŋ gaini ɗiyi zaw ɗa, tiki ki fiɗiŋ edi, ki siŋ tiɗi ɗai n'e hûni Alaw kai ɗa e tûkûŋ amai sini luwuŋ zi dagra. 24Alaw a ɵiyaŋsi amai, a plaŋsi edi mini gir na wiini mri par buri futi te sa sini mri aŋ blasi miɗini kai. 25Buri David a muɗa edi midini maini nɵa:
Mu tala EPIƊ-ƊAI kûreɗ-kûreɗ wuzani ara,
buri ɓa Ni aŋ gaya blaŋ, kapai wala a sɗa aŋ gigiɗaŋa kai.
26Buri hanɗa agula t'aŋ warni firiyi,
alsiŋa te zina yama gaini firiyi n'abai,
a suwa hanɗa pra, amur-sa aga a fana azumai war waŋ war biyi na pini ɵeɗ lai.
27Buri ɓa aga ku hinaŋa azumai warni hlai zi simni na wiiɗi ɗai zi mri kai,
aga ku hina ɗifku na sɗik a hofa kai.
28Tuku ku siŋkaŋa futi na wiini suŋfa,
aga ku vaŋa gaini firiyi pini simni na ku sumna gaya.
29Tawalakaya, mu dara mu miɗiki gaini giriŋi kai hunai kaalai miɗini tiyimu David maini nɵa: A mra su, e piŋ tiɓ, yeɵni a na arbamu haa girna. 30A na ka a ɗif na mini Alaw, a sɗa ɓa Alaw a hini wala mini ɓa aga a tika midiɗi paramaini zi pai a ktai arbaɗi alini par; 31A talasi ɵiyi n'amai na wiini Kristu wuzani hlai par, a muɗa midini, won hlai na a muɗa ɓa: A hinasi azumai warni hlai zi simni na wiiɗi ɗai zi mri gamai kai, sini a hofa kaalai. 32Yesu, Ni n'Alaw a ɵiyaŋsi amai ɗa, tiyi paŋ mi ɗi zaidakaini. 33Alaw a sini rɗi n'amai, Api a sini Seze-sɗik na a za ha ɓ'aga a saŋ ɗa, a ma seze hanɗa edi ya, na ki ɗa tiliŋ lai, ki ɵiniŋ lai na ɗa a hanɗa. 34David gaini midini dama ɗa a hala amai war hlai n'amai ɗa kai, amma ni dama a muɗa maini nɵa:
Epiɗ-ɗai a muɗa sini Epiɗ-ɗaiŋa ɓa: Ku sumna warni hlaiŋa zi hormo,
35Haa mu miliɗi gawku aŋ tubla na azumai pini boburni azuku.
36A pɗem ɓa ɗai na Izrayel ɗa, e sɗiŋ edi gaglai ɓa Alaw ɗa a za Yesu na ki tûkûŋ amai sini luwuŋ zi dagra aŋ Epiɗ-ɗai, aŋ Kristu lai.
Ɗai na dubu hu n'e yimi avut
37Asakal n'e ɵini seŋ hanɗa ya, agulɗi a ya warɗi, e miɗini wiini Peter gaiɗi Apostelai na zamai ɗa lai ɓa: Tawalakai kapai mi zi maɵa ɗa? 38Peter a miɗiɗi: Ki bindi payaiki gamai, a siya, a siya paŋ a nava baptisme war yikini Yesu Kristu kapai tuwurni a nava girdi n'edi, asakal par aga ki nivi Seze-sɗik aŋ like. 39Buri wala n'Alaw a za ha midini hanɗa, a na buriki tiki gaiɗi aliki, gaiɗi nagai n'e ɗisi gai gai n'e kiɗi e piɵi kai, n'EPIƊ-ƊAI Alaw na wimu aga a yikiɗisi ɗa lai. 40A za zaida, a miɗiɗi seŋ zamai-zamai viya, a siɗi arai-zi-pi lai a muɗa: Pri edi wuzani vunaɗi ɗai na maafanai zi ɵipiti seŋ hanɗa. 41Nagai n'e yimi seŋni ɗa e nivi baptisme, mefeŋ ni ɗa, ɗai n'e yimisi hahakai ɗa e zi gobi dubu hu.
Vok n'avut na wiiɗi ɗai zi yimi
42War hitrai na wiiɗi Apostelai, war bonu zi tawal, war ɓrawni simi, gaini hlai zi siiwa lai ɗa, ɗif a hinasi edi kai. 43Ɗai paŋ hunai te yimiɗi paŋ, Apostelai e zi wazagai zi hiila gaini zi siŋki viya. 44Ɗai zi yimi ɗa paŋ e ɗi fu war hlai ktai, e tipi wazagaiɗi paŋ war hlai ktai lai. 45E wûri wazagaiɗi paŋ edi, dalamɗi gaini vowaiɗi lai, farai na e niviŋsi ɗa e ɓûrwiŋ arbaɗi, e si sini a siya ɗi paŋ pini hajani hajani. 46Mefeŋ paŋ e ɓûrwi gaini tempel ɗa kai, miɗi ktai, e simi ɗa aŋ bonu aha war dalam dalam, e simi simiɗi gaini firiyi, gaini kûlûni-si warɗi kai. 47E kûli Alaw, ɗai paŋ e firiyiɗi paŋ, mefeŋ paŋ ɗa, Epiɗ-ɗai a kiɗisi ɗai n'e ɗa kûri ɗa siɗi zi yimi sek sek.
S'ha seleccionat:
Sdaɗi Apostelai 2: MUSGUM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Sdaɗi Apostelai 2
2
Gizini Seze-sɗik
1Won hlai na mefeŋ na wiiɗi fet Paŋtekoste a cosi li, nagai paŋ e ɗi fu gaini tipi warni hlai ktai. 2Tizaw suura a halasi amai war hlai n'amai par maini suura na wiini berber na gdaŋ nɵa. A halasi a viti dilimi n'e ɗi woɗi ta. 3Nagai e tili wala a sɗa maini elesni afu nɵa, a ɓurwa edi sini marni par, a sumna midiɗi ktai ktai paŋ. 4Seze-sɗik a viɗi gaini hlaiɗi paŋ, e tiki piɗi aŋ miɗi warni meme zamai zamai pini na Seze a siŋɗi aŋ miɗiŋ ɗa nɵa.
5Amma Yudiyakai na jrekai n'edi midini afti na zamai par e ɗi fu aha warɗi Yeruzalem. 6Won hlai n'e ɵini suura n'a na wa ɗa, firiɗi ɗai viya e liwisi, e tûrli marwai buri e tili ɗa ɗif paŋ a ɵina ɓa e miɗiŋnisi ɗa war meme na wiini tar tar. 7E bindi hiyak, e siɗi wala n'e zi kai, e miɗi: ɗai n'e miɗi hanɗa e ɗi ɗai na Galeliya par paŋ kai ɗi? 8Kapai tumu a siya a siya paŋ a ɵinaŋ war meme na wiini tar tar ɗa, a za ɵa maɵa maɵa ɗa? 9Partekai, Medekai, Elamitekai, ɗai na Mezopotamiya par, na Yuda par, na Kapadokiya par, Pontus par, na Aziya par, 10na Fridiya par, na Paŋfiliya par, n'Egipte par, na Libiya na gobi gaiɗi Sirene par, gaiɗi ɗai na Rome par n'e hilisi a Yeruzalem aŋ jak. 11Yudiyakai gaiɗi nagai n'e yimi pini yimi na wiiɗi Yudiyakai, Kretekai, Arapai paŋ, tumu mu ɵunumu e miɗi miɗini sda n'abakai na wiini Alaw war meme na wimu maɵa ɗa? 12Nagai paŋ e bindi hiyak, e siɗi wala n'e zi kai, e miɗi arbaɗi marɗi: Wala hanɗa a siŋka ɗa a maɗa? 13Zamai e ziɗi yewere, e miɗi: E vi ɗa gaini viŋ na nem.
Ɓikini seŋ na wiini Peter
14Nɵa Peter a ɗiya amai zaw gaiɗi na doogo pi ktai, a muɗa gaini wulani amai, a muɗa sini firiɗi ɗai maini nɵa: Tiki ɗai na Yudiya gaiki tiki paŋ na ki ɗa war Yeruzalem, ɵini seŋŋa pɗem, yimiŋ midiki pɗem lai ɓa: 15Ɗai hanɗa e ɗa gaini ciini ca maini na ki hiiniŋ na ɗa ɵa kai, buri mu ɗumu na ɗa ler ɵeeŋe na wiini gorof par hai. 16Amma hanɗa a wala na ɗif na mini Alaw Yuwel a muɗasi miɗini ɓa: 17Alaw a muɗa: War mefeŋ na asakal ɗa, aga mu ma Sezeŋa midiɗi ɗai paŋ,
aliki na maɵagai gaiɗi na falakai lai ɗa aga e miɗi war wule war wule na wiiɗi ɗai na mini Alaw,
aliki na gawlakai ɗa, wala aga a siŋka arɗi,
ɗaiki na walakai ɗa, weseŋ aga a piɵiɗi.
18Nkam, midiɗi bagakaiŋa na
maɵagai gaiɗi na falakai war mefeŋ ni ɗa,
aga mu ma Sezeŋa midiɗi, aga e miɗi war wule na
wiiɗi ɗai na mini Alaw.
19Aga mu za wazagai zi hiila amai war hlai n'amai,
wazagai zi siŋki azumai warɗi yai lai,
aga mu hinasi fel gaini afu gaini ɗugul z'agiyiŋ.
20Futi ɗa aga te bunda aŋ gegeŋ, tile ɗa aŋ fel lai,
wuzani hlai na mefeŋ na wiini Epiɗ-ɗai a cosi ɗa,
mefeŋ n'abai, na juv gara hanɗa.
21Nɵa a siya a siya paŋ n'aga a yika yikini
Epiɗ-ɗai mini ɗa, aga a kurɗa.
22Ɗai na Izrayel, ɵini seŋ hanɗa, Yesu na Nazaret par, ɗif n'Alaw a ɵinaŋsi arbaki, a siŋkaŋ edi gaini wazagai zi hiila, gaini wazagai zi siŋki n'abakai na a bunda ɗif hiyak lai, na a zaŋ gaini arbaki maini na tiki ki sɗiŋ ɗa nɵa. 23Ɗif hanɗa, n'aŋ gaini si edi ta pini siɗi na wuze na wiini Alaw gaini seŋ n'aŋ gaini ɗiyi zaw ɗa, tiki ki fiɗiŋ edi, ki siŋ tiɗi ɗai n'e hûni Alaw kai ɗa e tûkûŋ amai sini luwuŋ zi dagra. 24Alaw a ɵiyaŋsi amai, a plaŋsi edi mini gir na wiini mri par buri futi te sa sini mri aŋ blasi miɗini kai. 25Buri David a muɗa edi midini maini nɵa:
Mu tala EPIƊ-ƊAI kûreɗ-kûreɗ wuzani ara,
buri ɓa Ni aŋ gaya blaŋ, kapai wala a sɗa aŋ gigiɗaŋa kai.
26Buri hanɗa agula t'aŋ warni firiyi,
alsiŋa te zina yama gaini firiyi n'abai,
a suwa hanɗa pra, amur-sa aga a fana azumai war waŋ war biyi na pini ɵeɗ lai.
27Buri ɓa aga ku hinaŋa azumai warni hlai zi simni na wiiɗi ɗai zi mri kai,
aga ku hina ɗifku na sɗik a hofa kai.
28Tuku ku siŋkaŋa futi na wiini suŋfa,
aga ku vaŋa gaini firiyi pini simni na ku sumna gaya.
29Tawalakaya, mu dara mu miɗiki gaini giriŋi kai hunai kaalai miɗini tiyimu David maini nɵa: A mra su, e piŋ tiɓ, yeɵni a na arbamu haa girna. 30A na ka a ɗif na mini Alaw, a sɗa ɓa Alaw a hini wala mini ɓa aga a tika midiɗi paramaini zi pai a ktai arbaɗi alini par; 31A talasi ɵiyi n'amai na wiini Kristu wuzani hlai par, a muɗa midini, won hlai na a muɗa ɓa: A hinasi azumai warni hlai zi simni na wiiɗi ɗai zi mri gamai kai, sini a hofa kaalai. 32Yesu, Ni n'Alaw a ɵiyaŋsi amai ɗa, tiyi paŋ mi ɗi zaidakaini. 33Alaw a sini rɗi n'amai, Api a sini Seze-sɗik na a za ha ɓ'aga a saŋ ɗa, a ma seze hanɗa edi ya, na ki ɗa tiliŋ lai, ki ɵiniŋ lai na ɗa a hanɗa. 34David gaini midini dama ɗa a hala amai war hlai n'amai ɗa kai, amma ni dama a muɗa maini nɵa:
Epiɗ-ɗai a muɗa sini Epiɗ-ɗaiŋa ɓa: Ku sumna warni hlaiŋa zi hormo,
35Haa mu miliɗi gawku aŋ tubla na azumai pini boburni azuku.
36A pɗem ɓa ɗai na Izrayel ɗa, e sɗiŋ edi gaglai ɓa Alaw ɗa a za Yesu na ki tûkûŋ amai sini luwuŋ zi dagra aŋ Epiɗ-ɗai, aŋ Kristu lai.
Ɗai na dubu hu n'e yimi avut
37Asakal n'e ɵini seŋ hanɗa ya, agulɗi a ya warɗi, e miɗini wiini Peter gaiɗi Apostelai na zamai ɗa lai ɓa: Tawalakai kapai mi zi maɵa ɗa? 38Peter a miɗiɗi: Ki bindi payaiki gamai, a siya, a siya paŋ a nava baptisme war yikini Yesu Kristu kapai tuwurni a nava girdi n'edi, asakal par aga ki nivi Seze-sɗik aŋ like. 39Buri wala n'Alaw a za ha midini hanɗa, a na buriki tiki gaiɗi aliki, gaiɗi nagai n'e ɗisi gai gai n'e kiɗi e piɵi kai, n'EPIƊ-ƊAI Alaw na wimu aga a yikiɗisi ɗa lai. 40A za zaida, a miɗiɗi seŋ zamai-zamai viya, a siɗi arai-zi-pi lai a muɗa: Pri edi wuzani vunaɗi ɗai na maafanai zi ɵipiti seŋ hanɗa. 41Nagai n'e yimi seŋni ɗa e nivi baptisme, mefeŋ ni ɗa, ɗai n'e yimisi hahakai ɗa e zi gobi dubu hu.
Vok n'avut na wiiɗi ɗai zi yimi
42War hitrai na wiiɗi Apostelai, war bonu zi tawal, war ɓrawni simi, gaini hlai zi siiwa lai ɗa, ɗif a hinasi edi kai. 43Ɗai paŋ hunai te yimiɗi paŋ, Apostelai e zi wazagai zi hiila gaini zi siŋki viya. 44Ɗai zi yimi ɗa paŋ e ɗi fu war hlai ktai, e tipi wazagaiɗi paŋ war hlai ktai lai. 45E wûri wazagaiɗi paŋ edi, dalamɗi gaini vowaiɗi lai, farai na e niviŋsi ɗa e ɓûrwiŋ arbaɗi, e si sini a siya ɗi paŋ pini hajani hajani. 46Mefeŋ paŋ e ɓûrwi gaini tempel ɗa kai, miɗi ktai, e simi ɗa aŋ bonu aha war dalam dalam, e simi simiɗi gaini firiyi, gaini kûlûni-si warɗi kai. 47E kûli Alaw, ɗai paŋ e firiyiɗi paŋ, mefeŋ paŋ ɗa, Epiɗ-ɗai a kiɗisi ɗai n'e ɗa kûri ɗa siɗi zi yimi sek sek.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964