BOTHUBO 5
5
Adam Lagha
(1 Yeki 1.1-4)
1Hino Adam polo kughuko kakue. Alhou no Adam lhoke tsala lono Alhou kimihi lono pa lhoe. 2Pano kiptimi eno totimi lhoke eno panongu kumghatsue eno panongu lhoke tsala lono panongu pesu “Timi” ipi kutsue. 3Adam no kughou ampe 130 shi akeno, pa likhi pa kimihi lono anu lakhi lhoe, tiye pa julho paphie, eno paje Set kutsue. 4Set punu kethiu Adam ye ampe 800 xu eno ati anuli kutami kutomo shie. 5Adam ye ampe 930 xu puzu thive.
6Set no ampe 105 shi akelo anu lakhi ithulu, paje Enos. 7Enos punu kethiu Set ye ampe 807 xu eno ati anuli kutami kutomo punu, 8Set ye ampe 912 xu puzu thive.
9Enos no ampe lhotoku shi akelono anu lakhi punu paje Keinan. 10Keinan punu kethiu Enos ye ampe 815 xue; eno ati anuli kutami kutomo lho. 11Enos ye ampe 905 xu puzu thive.
12Keinan no ampe lhotsuni shi akelo anu lakhi punu paje Mahalalel. 13Tipathiuno ampe 840 xue; eno ati anuli kutami kutomo shive 14eno ampe 910 xu puzu thive.
15Mahalalel no ampe lhotsugho pungu shi akelo anu lakhi shie, paje Yared. 16Tipathiu paye ampe 830 xu, eno ati anuli kutami kutomo shie 17eno ampe 895 xu puzu thive.
18Yared no ampe 162 shi kelo anu lakhi shie, paje Enok. 19Tipathiu paye ampe 800 xu eno ati anuli kutami kutomo shie 20eno ampe 962 xu puzu thive.
21Enok no ampe lhotsugho pungu shi akelo anu lakhi shie, paje Methusela. 22Tipathiu Enok ye Alhou sasu kuposhughi ampe 300 xue eno ati anuli kutami kutomo lhoe 23paye ampe 365 xu. 24Enok ye Alhou sasu kuposhughi xuche kehu, pa juthumlave, kughengu Alhou no pa sawuveke.
25Methusela no ampe 187 shi akelo anu lakhi shie, paje Lamek. 26Tipathiu paye ampe 782 xue eno ati anuli kutami kutomo lhoe, 27eno ampe 969 xu puzu thive.
28Lamek no ampe 182 shi akelo anu lakhi shie, 29paje Noha kutsu puzu ishi pi: “AMPEU no ayeghi ghushove kehu tipau lono anu hipauno ni kumla ghichhe ghimelo ni ghulu lukepu sughi nani.” 30Tipathiu Lamek ye ampe 595 xu eno ati anuli kutami kutomo shie 31eno ampe 777 xu puzu thive.
32Noha ye ampe 500 shive eno anu kuthu ache, panongu je: Shem, Ham eno Jafet.
S'ha seleccionat:
BOTHUBO 5: SUMIBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.