Roukos 14
14
Ik
1Orowa, Shinuma anak ne Shini toho ta aep ibe gusu Parisee un utara koro shine esapane guru kot chisei ta an, awa, utara anak Shinuma orun oshit-kurukote nisa ruwe ne. 2Aige, ingarʼan, Shinuma kotchaketa suiki tashum ki shine ainu an. 3Orowa, Yesu ese wa kashpaotte pita utara newa Parisee un utara otta ene itak-hi :— Shini toho ta iwangere ki-i anak ne kashpaotte nei no an ambe ne ya? shomo ne ya? sekoro itak. 4Koroka, nei utara mo no okai nisa ruwe ne. Orowa, Shinuma nei guru uk, aige, iwangere wa omande ruwe ne. 5Orowa, nei okai utara otta Shinuma ene itak-hi :— Echi utara tumugeta inan guru ka koro roba hene beko hene shimpui otta hachiri yakun Shini toho ta nani nei ambe yange shomoki ya? ani itak. 6Orowa, shui nei utara tap okai itakbe gusu ese ki eaikap nisa ruwe ne.
7Orowa, nei ita ahotuyepakara utara anak ne iyotta sapane okai set numge shiri Yesu esanniyo chiki, otta shine itak-maukushte-itak ye wa ene itak-hi :— 8Nen ka shuke iwai otta eani hotuyekara chiki iyotta sapane set otta iteki rok yan; inambe gusu ne yakun, eani kasu no aeoripak an guru ahotuyekara, 9aige, nei guru hemhem eani hemhem hotuyekara guru e otta ek wa ene itak-hi :— Oyakta oman, tan guru rokte yan, sekoro itak: orowa no, eani anak ne yainikoroshma wa iyotta rata an ushiketa a kusu ne. 10Koroka, eani ahotuyekara chiki e oman wa iyotta rata an ushiketa a yan; orowa no, e hotuyekara guru ek wa e otta ene itak-hi :— Ikatairotke guru, naa sapane ushike un ek wa en kore, ani itak; yak ne ibe gusu rok utara kotchaketa aeoripak an kusu ne na. 11Inambe gusu ne yakun, nen ne yakka yaikota yairikande gurʼanak ne aramde kusu ne; orowa, yaikota yairamde gurʼanak ne arikta ande kusu ne na.
12Samata, ibe gusu Shinuma hotuyekara guru otta ne yakka ene itak-hi :— Tokap ibe hene, tunne ibe hene, e kara chiki, e ikatairotke utara hemhem, iriwak hemhem, apaha utara hemhem, aota un oteknu utara hemhem, iteki hotuyepakara yan: nei utara hotuyepakara chiki, shui aokai ahotuyekara wa ayaiyattasa an kusu ne na. 13Koroka, marapto e kara chiki, otek-sak utara hemhem, hera utara hemhem, yaiewen utara hemhem, shiknak utara hemhem hotuyepakara yan; 14yak anak ne aokai anunuke an kusu ne; inambe gusu ne yakun, nei utara anak ne eani gusu yaiyattasa eaikap: orowa, oupeka utara hetopo-shiknu ita, eani aeyaiyattasa an kusu ne gusu ne na.
15Orowa no, ibe gusu tura no rok utara un shine ainu anak ne tap okaibe nu chiki, Shinuma orota ene itak-hi :— Kamui moshiri ta aep ibe kusu ne guru anak anunuke ne ruwe ne. 16Koroka, orota Yesu ene itak-hi :— Poro marapto kara wa inne utara ahupte kuni shine ainu an; 17awa, nei marapto shipini aokere chiki otta araki kuni aeahupte utara otta koro uitek guru omande wa ene itakte-hi :— Araki yan; tane marapto etokoaoiki wa an na, ani itakte. 18Orowa, utara obitta shine ikinne yaiunashke heashi ruwe ne. Orota hoshiiki no an guru anak ne :— Kuani anak toi ku hok, awa, ku oman wa nei ambe ku nukara kusu ne ap, nekon ka newa shomo ku ek kuni yaiunashke ku ki na, ani itak. 19Orowa, moshima an guru ene itak-hi :— Kuani anak ne ashikne tup range beko ku hok, awa, nei ambe uwande kuni gusu ku oman kusu ne na: nekon ka newa shomo ku ek kuni yaiunashke ku ki na, ari itak. 20Orowa, moshima an guru ene itak-hi :— Kuani anak ne machi ku ahupkara nisa, tambe gusu ek eaikap ruwe ne, sekoro itak. 21Orowa no, nei uitek guru ek wa tap orushpe kon nishpa nure nisa ruwe ne na. Tata otta chisei kon nishpa irushka wa koro uitek guru otta ene itak-hi :— Tunashi no machiya un para ru otta newa hutne ru otta e oman wa irapokkari utara hemhem, yaiewen utara hemhem, shiknak utara hemhem, hera utara hemhem eteun tura yan, ari itak. 22Orowa no, uitek guru ene itak-hi :— E ikashpaotte korachi aki na, yakka ushike an ruwe ne, ani itak. 23Orota kon nishpa ene itak-hi :— Ku kot chisei aeshikte kuni gusu para ru otta hene, ankura an ushike otta hene, e oman wa utara ahup kuni ne ki yan, 24inambe gusu ne yakun, e otta Ku ye, marapto otta aeahupte kuni aye utara shinen ka nei marapto sapke shomoki kusu ne na, sekoro itak.
25Orowa, inne topaha utara Shinuma tura no paye: 26aige, Shinuma hosari wa otta ene itak-hi :— En orun ek guru anak ne yaikota koro ona hemhem, unu hemhem, po utara hemhem, okkai ainu iriwak hemhem, matne ainu iriwak hemhem, samata, yaikota kon ramat etunne shomoki chiki, En koikara guru ne eaikap ruwe ne. 27Nen ne yakka yaikota toro utasap ani wa En osh ek shomoki gurʼanak ne En koikara guru ne eaikap ruwe ne. 28Echi utara tumuge an inan guru ka shiruwe chisei kara kusu ne kuni ramu yak anak ne, hoshiki no a wa kara gusu okaibe upak an ya shomo ya nukara kuni ne nei atayehe esanniyo shomoki ya? shomo ne chiki, 29asama aande wa nei chisei kara okere eaikap shiri nukara utara obitta shinuma orun eoya-itak heashi wa ene ye-hi :— 30Tan guru anak ne chisei kara heashi, koroka, okere eaikapbe, ani ye. 31Samata, inan Moshiri shikkashima guru anak ne paye wa moshima okai Moshiri shikkashima guru tura kotumi koro chiki, hoshiki no rok wa shine ichi man nin ne ainu ani kotumi koro gusu ek tu ichi man nin ne ainu ukotumi koro eashkai ya shomo ya ukoramkoro shomoki ya? 32Shomo ne yakun, Shinuma naa ehangeko no an rapoketa itomo koramkoro kuni ne utara payere ruwe ne. 33Tambe gusu, tap korachi echi utara tumuge an nen ne yakka obitta no okai yaikota korobe emaka shomoki yakun, En koikara guru ne eaikapbe ne ruwe ne. 34Tambe gusu, shippo anak ne pirika ruwe ne: koroka, shippo ne yakka pan ne chiki nepi ani 35mawehe aomare ya? Toi gusu ne yakka tuimamindara gusu ne yakka raka isambe ne ruwe ne: nei ambe soita osura ruwe ne. Nu kuni kisara koro guru nu yan.
S'ha seleccionat:
Roukos 14: AINU
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© British and Foreign Bible Society 1897, 2018