Iyohaichish 9
9
9. Iyohaichish.
Shinotcha rekte esapane guru otta Mutrabbem gusu, Dabid kara Iyohaichish.
1SAMBE osshi pakno Ehoba ku ko-yaiiraige ash na;
E koro aeiyokunnure ikip obitta ku assuru ashte kusu ne.
2Kuani Aokai gusu yaikopuntek wa yainuchattek kusu ne;
Iyotta rik un Kamui, E reihei gusu iyohaichish ku shinotchaki kusu ne.
3En epokba utara ahoshippare ita,
Aokai an gusu epetchiu wa aisamka kusu ne.
4Inambe gusu ne yakun, Aokai en gusu an kunip, orowa, ku goro orushpe kan nisa ruwe ne gusu ne na;
Aokai anak ne amset kata rok wa oupeka esanniyo ki nisa ruwe ne na.
5Aokai oya uirup utara kopashirota, wen utara E isamka nisa,
Otusashuishiri pakno ne yakka nei utara kon reihei ushka nisa ruwe ne.
6Epokba ki utara anak ne aokere na, hembara pakno ne yakka nei utara awende ruwe ne;
Aokai hokiru machiya reihei anak shomo aeshkarun pakno aisamka nisa ruwe ne.
7Koroka, Ehoba anak ne otusashuishiri pakno ne yakka an:
Esanniyo gusu koro amset etokooiki nisa ruwe ne na.
8Shinuma oheuge sak no moshiri koipishi,
Oupeka no ingi-moshirʼun utara koipishi kusu ne.
9Samata, Ehoba anak ne aeyairamkoikire utara gusu ri chashi ne;
Yairamhekomo an-i gusu ri chashi ne ruwe ne.
10Orowa, E reihei eraman utara anak ne Aokai gusu eyaikopashte kusu ne;
Inambe gusu ne yakun, Ehoba, Aokai anak ne E hunara utara emakba shomoki kusu ne gusu ne na.
11Sion kata oshiroma Ehoba otta iyohaichish shinotchaki yan;
Shinuma iki ikip moshiri uirup otta nure yan.
12Kem hunara guru Shinuma eshkarun,
Otek-sak utara ashte hawe oira shomoki ruwe ne.
13Aa Ehoba, pirika irenga sange wa en kore;
Bai apa orowa no en puni Kamui;
En etunne utara gusu ku ramusarakbe ingara wa en kore,
14Yak anak ne, obitta no okai E koro ramye kunip ku assuru ashte:
Sion matnepo koro apa otta, E ki kashiobiuki-i gusu ku enupetne kusu ne na.
15Moshiri uirup anak ne yaikota kara shui orooshma:
Nuina no ande ya otta yaikota koro kema auk nisa ruwe ne.
16Ehoba anak ne yaikota yaieamkirire wa esanniyo nisa ruwe ne:
Wen utara anak ne yaikota ki ikip ani akoiki ruwe ne. [Haggaion. Sera.]
17Wen utara anak ne Sheo otta hoshippa kusu ne,
Kamui oira obitta no okai moshiri uirup utara ka nei no ki kusu ne.
18Irapokkari utara anak ne ramma pakno aoirap shomo ne kusu ne.
Otek-sak utara kon rusuibe hembara pakno ne yakka aisamka shomoki kusu ne na.
19Aa Ehoba, hopuni, ainu iteki annokara ki kuni ne kara wa en kore;
E shik-samata moshiri uirup utara akoipishire wa en kore.
20Aa Ehoba, nei utara ishitomare,
Moshiri uirup ouse ainu ne kunak eramande wa en kore. [Sera.]
S'ha seleccionat:
Iyohaichish 9: AINU
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© British and Foreign Bible Society 1897, 2018