JOHAN THU MASA
THU MASA
Thâwngthâng Ṭha Johan rîn nih chun Jisu chu zungzâl nungnâk Pathian thu, “Minung ah hawng a chang hen kan lakah a um mi a sim. Hi lasuibu nih a sim mi chu, hi Thâwngthâng Ṭha rêltu tla nih Jisu chu Pathian Fapa, Ruangsuahtu ah ruat asi mi leh an lungnâk ruangah zungzâl nungnâk nei kho asi ti an lung khonâk ding hen asi. (20:31.)
A thu masa nûnah Jisu chu Pathian thu zungzâl nungnâk asi ti a theihtir le, Thâwngthâng Ṭha mun masa chem nih Jisu chu Pathian Fapa, Ruangsuahtu ding ah tiamh mi a sizia, a thilchê ti dang dang lakah a langhtir. Hi bang tla hi thilchê ti mi a langh mi simhfiangnâk nih a zûl. Hi bu nih hin Jisu chu mi zeimaw mi nih an zûl le, Amah lungtu an si, chu liau chun mi zeimaw mi nih an do le, lung ding an duh lo. Tluan 13 thawk hen 17 nih chun tleih hen a um zân ah a ṭhiruai tla hen anna kawmhnâk dawnghnâk thu a rîn le, timhtuahnâk leh fawrhnâk thu an sinah a sim mi chu khenh hen a um awt liauah tleih hen a um. Tluan dawnghnâk nih chun Jisu tleih leh nehsawh hen a um mi, khenh hen a um mi leh a thawknawlhnâk, a thawknawlh nûnah a ṭhiruai tla sinah â langh mi tla hawng kan simh. Nunau ṭângdang pawmtâk an tleih mi thu (8:1-11) ah mi hi rîn mi tam tak leh a lânah leh mi tla nih an telh lo le, a dang tla nih mun dang ah an telh ruangah braket sungah khumh asi.
Johan nih Krist zârah zungzâl nungnâk thilthawtpêk, thilpêk thuah a dawmh mi leh Jisu chu lampi asi ti hen ngaihtu tla, thu dik leh zungzâl nungnâk thungâi hen a uar. Johan nih a thilti banghnâk a langhtir mi tla chu nisiar nung dân thawk hen Thlarau ah taknâk langhtir chu asi le, chubang tla chu tî, sang, chêunâk, dawrâpu leh a dawrâ rual, grep zûn leh a rah.
A Sungah Mi Thu Riruatnâk
Thu Masa 1.1-18
Baptistu Johan leh Jisu ṭhiruai masa chem 1.19-51
Zapi tla sinah Jisu rianṭuannâk 2.1-12.50
Ni madung chem leh Jerusalem kiang 13.1-19.42
Lalpa thawknawlhnâk leh langhnâk 20.1-31
Thu Dawnghnâk: Galili ram ah â langhnâk dang 21.1-25
S'ha seleccionat:
JOHAN THU MASA: BCLBV
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bawm Common Language Bible © Bangladesh Bible Society, 2004. All rights reserved.