John 5
5
Jesus kaa miinuwaachihaat naapeu ekaa uhchi nisitusiyich
1Chii utihchipayuu chek anit kaa chii makushetwaau Jewa iinuuch anite Jerusalemihch, ekute maak anite kaa ituhtet Jesus. 2Anite maak Jerusalemihch chii ihtakun anite e uhchi piihchaanuuhch maanishchaanish ishkwaahtem e ishinihkaatech peshuch maak anit chii ihtakun e pakaashimunaanuuhch, Bethzatha chii ishinihkaateu Hebrew e ishi ayiminaanuuhch. Niyaayin chii tahtinh pwaahch e ihtakuhkwaauh anit. 3Mihchetu awenich kaa aahkusitwaau ekute anite pwaahchihch kaa pimishihkwaau, anichii ekaa kaa waapahtahkwaau, anichii ekaa chii pimuhtetwaau kaye anichii ekaa kaa nisitusitwaau wiiyuwaahch, e ashuwaapahtahkwaau aniyuu nipiiyuu che ishpish aahtaakamipayiniyich. 4Wesh Chishemanituu chii pechi itishahweu utenchilamh chechii chistikwaakamihamiyich aniyuu nipiiyuu chechii aahtaakamipayiyich. Uyuu maak e ispayiyich aniyuu nipiiyuu, an awen taan mikw e itaaspinekwe niishtam e pakashtuwehtet chii miinuwaachihaakanuu. 5Chii ihtaau maak naapeu nishtumitanuu yaanaaneu pipun e chii ishpish aahkusit. 6Iskutak Jesus wiyaapamaat aniyuu naapeu anit e pimishiniyich, chii chischeyimeu shaash weskach e chii aahkusiyich, ekw kaa kakwechimaat e itaat, “Chiwii miinuwaachihiikusiin aa.”
7Ekw an naapeu kaa aahkusit kaa itwet, “Namui ihtaau awen chechii pechi ituhtahiit anite mekwaach e aahtaakamipayiyich aniyuu nipiiyuu. Mekwaach e ishpishiihkaasuyaan anite e wii ituhteyaan shaash ihtaau maan awen e pechi aakuschiskuut.”
8Ekw Jesus kaa itaat aniyuu naapeu, “Pisikuuh, utinh chitashpishimuwin che pimuhteyin.” 9Tiiwehch maak chii uhchi miinuwaatisiyuu an naapeu. Chii utinam utashpishimuwin ekw kaa chistuhtet. Chii ayimiheuchiishikaau maak uu kaa ispayihch. 10Ekw anichii Jewa iinuuh kaa niikaanishkuwaatwaau kaa itaatwaau aniyuu naapeu kaa miinuwaachihaakanuyich, “Ayimiheuchiishikaau anuhchiish namui itashteu niwiishuwewinaahch chechii tahkunaman chitashpishimuwin e ayimiheuchiishikaach.”
11Ekw an naapeu kaa miinuwaachihaakanuut kaa itwet, “An awen kaa pechi miinuwaachihiit, eukw an kaa pechi iishit, utinh chitashpishimuwin ekw maak pimuhteh.”
12Anichii maak Jewa iinuuh kaa niikaanishkuwaatwaau chii kakwechimeuch aniyuuh naapeu e itaatwaau, “Chekw naapeu uu kaa itisk chechii utinamut chitashpishimuwiniyuu ekw maak chechii pimuhteut.”
13Ekw an naapeu namui uhchi chischeyimeu aweyuu aniyuu kaa miinuwaachihiikut wesh shaash chii chistuhteyuuh Jesus wesaa e chii mihchetinaanuyich anit.
14Paatimaa maak anite chisheayimiheukamikuhch Jesus chii nachishkaweu aniyuu naapeu kaa miinuwaachihaat ekw kaa itaat, “Nituhtuuh, shaash chimiinuwaatisiin. Ekaawii miin machituut, ekaa netuweyihtamuwane uste e maayaatahch chekwaan chechii ispayin.”
15An maak naapeu kaa miinuwaachihaakanuut chii chistuhteu e nituu wiihtamuwaat aniyuu Jewa kaa niikaanishkuwaayich Jesus e chii miinuwaachihiikut. 16Anichii maak Jewa iinuuh kaa niikaanishkuwaatwaau ekut kaa uhchi chihchipayitwaau e aanimaatwaau Jesus aniyuu uhchi e chii miinuwaachihaayich aniyuu naapeu e Jewa ayimiheuchiishikaayich. 17Ekw kaa itikutwaau Jesus, “Nuuhtaawii muush miyutuutam aat e ayimiheuchiishikaayich, kaye niya maak ekun che wii ihtiyaan.”
18Uyuu Jesus kaa itweyich, anichii Jewa iinuuh kaa niikaanishkuwaatwaau chii iteuch, “Niishtam namui uhchi chisteyihtam e Jewa ayimiheuchiishikaayich ekw miin kaa itwet Chishemanituu e Uhtaawiit. Kaye muyaam taan e ishpish chisteyihtaakusiyich Chishemanituu ekun kaa e iteyimisut. Eukw maak uyuu wehchi etituu nituweyimaatwaau chechii nipahaakanuyich.”
Jesus kaa aayimuumaat uhtaawiih
19Jesus maak chii iteu, “Kuiskw chiwiihtamaatinaawaau, Ukusisimaau namui mikw wiya chika chii ihtuutam chekwaayuu. Uhtaawiimaauh kanawaapameu chekwaayuu e ihtiyich kaye wiya maak ekun e ati ihtit. Mikw taan e ihtiyich Uhtaawiih ekun e ihtit kaye wiya Ukusisimaau. 20Wesh Uhtaawiimaau saachiheu Ukusisimaauh kaye waapahtiyeu misiwe taan e ihtit. Chika wiichiheu etituu chechii maamishkaach ihtiyich. Ekw maak che maamishkaateyihtamekw. 21Uhtaawiimaau wanishkaaneu aweyuu nipuwinihch uhchi ekw maak maayaat pimaatisiiwiniyuu, ekun kaye nihaau e ihtit Ukusisimaau, miyeu aweyuu pimaatisiiwiniyuu aniyuu waa miyaat. 22Uhtaawiimaau namui wiyaaskuneu aweyuu. Wiya tekash chii miyeu Ukusisimaau chechii wiyaaskunicheyich. 23Ekw maak misiwe awen che chisteyimaat Ukusisimaau muyaam e ishi chisteyimaat Uhtaawiimaau. An awen ekaa kaa chisteyimaat Ukusisimaau namui chisteyimeu kaye Uhtaawiimaau aniyuu kaa pechi itishahukuyich.”
24“Kuiskw chiwiihtamaatinaawaau, an awen che pechi nituhtamukwe taan e iteuch kaye taapwehtawaate aniyuu kaa pechi itishahuyich kaachiche kata pimaatisiyuu. Namui kata uhchi wiyaaskunaakanuu wesh nipuwinihch chii uhchi utinaakanuu ekw pimaatisiiwinihch kaa ishi pachishtinaakanuut. 25Kuiskw chiwiihtamaatinaawaau shaash e utihchipayihch an tipahiikan uu che ispayihch, shaash maak ispayuu, anichii kaa nipitwaau kata pehtamuweuch Chishemanituu Ukusisa upehtaakusuwiniyuu. Anichii maak kaa pehtawaatwaau kata pimaatisiyuuch. 26Wesh wiya Uhtaawiimaau e ihtaat uhchipayuu pimaatisiiwin, miyeu maak Ukusisimaauh kaye wiya e ihtaayich chechii uhchipayiyich pimaatisiiwiniyuu. 27Chii miyeu kaye Ukusisimaauh tipeyihchichewiniyuu chechii wiyaaskunicheyich wesh wiya eukw Iinuu Ukusisa. 28Ekaawii kushkupayikw, wesh shaash peshunaakun misiwe anichii kaa chiskahaakanuutwaau chechii pehtamuwaatwaau Ukusisimaau upehtaakusuwiniyuu, 29ekw maak che wanishkaatwaau nipuwinihch uhchi. Ekw anichii kaa kuiskutaatisiitwaau kaachiche kata pimaatisiyuuch. Ekw anichii kaa machaatisiitwaau chika wanishkaanaakanuuch nipuwinihch uhchi chechii wiyaaskunaakanuutwaau.
Jesus etituu e ishi aayimuumisut
30“Niya maak, namui nuuhchi miikuun niya waa ihtiyaan chechii ihtiyaan, Iskutak e wiyaaskunicheyaan taan e itashumit Chishemanituu ekun e ihtiyaan. Kuiskunaakun maak an e wiyaaskunicheyaan wesh taan e itashumit an kaa pechi itishahuut ekun an waa ihtiyaan.”
31“Niya maak mikw tipaachimisuyaan e itweyaan e aawiyaan Christ namui nipaa uhchi taapwehtaakun. 32Kutak awen ihtaau e pechi tipaachimit e itwet e aawiyuuch Christ, nichischeyihten maak e taapwemakaniyich aniyuu kaa itaachimit. 33Chichii itishahwaawaauch awenich anite John e ihtaayich chechii nituchischeyimitwaau taapwe e aawiyuuche Christ. Chii taapweu maak taan kaa ishi tipaachimit John kaa itwet e aawiyuuch aniyuuh kaa pechi itishahwaat Chishemanituu. 34Namui iteyihtaakun chechii pechi wiihtamuut awen Christ e aawiyaan, wesh nichischeyimisun awen niya. Mikw ekun uu e itweyaan chechii pimaachihuyekw. 35Mwehch waashtenamaakan e chiihkaashtuwech ekun kaa ishinaakusit John tepaachimit. Chichii naheyihtenaawaau mikw weipishchiish chechii muuchicheyihtamekw anite uwaashtuwewinihch. 36Chii taapweu John taan kaa itaachimit, mikw maak niya taan e ishi maamishkaach ihtiyaan wetaach chiihkanaakuniyuu nuuhtaawii e chii pechi itishahuut. Wesh Nuuhtaawii nichii miikw suuhkaatisiiwiniyuu chechii maamishkaach ihtuuch chechii uhchi chischeyimakuyaan niya e aawiyaan Christ, wiya Nuuhtaawii e chii pechi itishahut. 37Uhtaawiimaau an kaa pechi itishahuut kaye wiya nipechi tipaachimikw. Namui maak nihtaa kuuhchi pehtamuwaanaawaau upehtaakusuwin kaye namui nihtaa kuuhchi waapamaawaau. 38Aniyuu utayimuwin namui chiwii kanuweyihtamuwaanaawaau chitehiiwaahch wesh namui chitaapwehtenaawaau wiya e chii pechi itishahuut. 39Yaakwaau chinaanituu chischeyihtenaawaau Chishemanituu utayimuwin e iteyihtamekw ekut anit chechii uhchi chischeyihtamekw taanite chechii uhchi ayaayekw kaachiche pimaatisiiwin. Chishemanituu utayimuwinihch ekute tepaachimikuyaan niya e aawiyaan Christ. 40Mikw maak namui chiwii pechi naasinaawaau chechii uhchi ayaayekw pimaatisiiwin.”
41“Namui nitihtuuten chekwaan naapeu chechii uhchi pechi chisteyimit. 42Wesh chichischeyimitinaawaau taan e iteyihtaakusiyekw. Namui chisaachihaawaau Chishemanituu anite chitehiiwaahch. 43Nichii takushin utah aschiihch Nuuhtaawii e chii pechi itishahuut yaapach maak namui chitaapateyiminaawaau. Kutak awen chii takushinit ekaa Chishemanituu uhchi pechi itashuwaat chipaa Nituhtaawawaau wiya. 44Taanite chechii uhchi taapwehtamekw mikw naapeu e wii nanihiiwehekw ekaa wii nanihiiwehekw Chishemanituu. 45Ekaawii iteyihtamukw che mamishimitakuch anite Uhtaawiimaau e ihtaat. Moses eukw che mamishimitaakw aat e iteyihtamekw nimiyuututenaan mikw Moses uwiishuwewin e nanihiihtamuwekw. 46Taapwe kaa taapwehtawekwe Moses kaye niya chipaa pechi taapwehtuunaawaau wesh niya aniyuu kaa pechi tipaachimit kaa masinahiichet. 47Ekw maak ekaa tiyaapwehtamuwekwe aniyuu Moses kaa itisinahiichet, taanite chechii uhchi taapwehtamekw niya nitayimuwin.”
S'ha seleccionat:
John 5: crjrNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
John 5
5
Jesus kaa miinuwaachihaat naapeu ekaa uhchi nisitusiyich
1Chii utihchipayuu chek anit kaa chii makushetwaau Jewa iinuuch anite Jerusalemihch, ekute maak anite kaa ituhtet Jesus. 2Anite maak Jerusalemihch chii ihtakun anite e uhchi piihchaanuuhch maanishchaanish ishkwaahtem e ishinihkaatech peshuch maak anit chii ihtakun e pakaashimunaanuuhch, Bethzatha chii ishinihkaateu Hebrew e ishi ayiminaanuuhch. Niyaayin chii tahtinh pwaahch e ihtakuhkwaauh anit. 3Mihchetu awenich kaa aahkusitwaau ekute anite pwaahchihch kaa pimishihkwaau, anichii ekaa kaa waapahtahkwaau, anichii ekaa chii pimuhtetwaau kaye anichii ekaa kaa nisitusitwaau wiiyuwaahch, e ashuwaapahtahkwaau aniyuu nipiiyuu che ishpish aahtaakamipayiniyich. 4Wesh Chishemanituu chii pechi itishahweu utenchilamh chechii chistikwaakamihamiyich aniyuu nipiiyuu chechii aahtaakamipayiyich. Uyuu maak e ispayiyich aniyuu nipiiyuu, an awen taan mikw e itaaspinekwe niishtam e pakashtuwehtet chii miinuwaachihaakanuu. 5Chii ihtaau maak naapeu nishtumitanuu yaanaaneu pipun e chii ishpish aahkusit. 6Iskutak Jesus wiyaapamaat aniyuu naapeu anit e pimishiniyich, chii chischeyimeu shaash weskach e chii aahkusiyich, ekw kaa kakwechimaat e itaat, “Chiwii miinuwaachihiikusiin aa.”
7Ekw an naapeu kaa aahkusit kaa itwet, “Namui ihtaau awen chechii pechi ituhtahiit anite mekwaach e aahtaakamipayiyich aniyuu nipiiyuu. Mekwaach e ishpishiihkaasuyaan anite e wii ituhteyaan shaash ihtaau maan awen e pechi aakuschiskuut.”
8Ekw Jesus kaa itaat aniyuu naapeu, “Pisikuuh, utinh chitashpishimuwin che pimuhteyin.” 9Tiiwehch maak chii uhchi miinuwaatisiyuu an naapeu. Chii utinam utashpishimuwin ekw kaa chistuhtet. Chii ayimiheuchiishikaau maak uu kaa ispayihch. 10Ekw anichii Jewa iinuuh kaa niikaanishkuwaatwaau kaa itaatwaau aniyuu naapeu kaa miinuwaachihaakanuyich, “Ayimiheuchiishikaau anuhchiish namui itashteu niwiishuwewinaahch chechii tahkunaman chitashpishimuwin e ayimiheuchiishikaach.”
11Ekw an naapeu kaa miinuwaachihaakanuut kaa itwet, “An awen kaa pechi miinuwaachihiit, eukw an kaa pechi iishit, utinh chitashpishimuwin ekw maak pimuhteh.”
12Anichii maak Jewa iinuuh kaa niikaanishkuwaatwaau chii kakwechimeuch aniyuuh naapeu e itaatwaau, “Chekw naapeu uu kaa itisk chechii utinamut chitashpishimuwiniyuu ekw maak chechii pimuhteut.”
13Ekw an naapeu namui uhchi chischeyimeu aweyuu aniyuu kaa miinuwaachihiikut wesh shaash chii chistuhteyuuh Jesus wesaa e chii mihchetinaanuyich anit.
14Paatimaa maak anite chisheayimiheukamikuhch Jesus chii nachishkaweu aniyuu naapeu kaa miinuwaachihaat ekw kaa itaat, “Nituhtuuh, shaash chimiinuwaatisiin. Ekaawii miin machituut, ekaa netuweyihtamuwane uste e maayaatahch chekwaan chechii ispayin.”
15An maak naapeu kaa miinuwaachihaakanuut chii chistuhteu e nituu wiihtamuwaat aniyuu Jewa kaa niikaanishkuwaayich Jesus e chii miinuwaachihiikut. 16Anichii maak Jewa iinuuh kaa niikaanishkuwaatwaau ekut kaa uhchi chihchipayitwaau e aanimaatwaau Jesus aniyuu uhchi e chii miinuwaachihaayich aniyuu naapeu e Jewa ayimiheuchiishikaayich. 17Ekw kaa itikutwaau Jesus, “Nuuhtaawii muush miyutuutam aat e ayimiheuchiishikaayich, kaye niya maak ekun che wii ihtiyaan.”
18Uyuu Jesus kaa itweyich, anichii Jewa iinuuh kaa niikaanishkuwaatwaau chii iteuch, “Niishtam namui uhchi chisteyihtam e Jewa ayimiheuchiishikaayich ekw miin kaa itwet Chishemanituu e Uhtaawiit. Kaye muyaam taan e ishpish chisteyihtaakusiyich Chishemanituu ekun kaa e iteyimisut. Eukw maak uyuu wehchi etituu nituweyimaatwaau chechii nipahaakanuyich.”
Jesus kaa aayimuumaat uhtaawiih
19Jesus maak chii iteu, “Kuiskw chiwiihtamaatinaawaau, Ukusisimaau namui mikw wiya chika chii ihtuutam chekwaayuu. Uhtaawiimaauh kanawaapameu chekwaayuu e ihtiyich kaye wiya maak ekun e ati ihtit. Mikw taan e ihtiyich Uhtaawiih ekun e ihtit kaye wiya Ukusisimaau. 20Wesh Uhtaawiimaau saachiheu Ukusisimaauh kaye waapahtiyeu misiwe taan e ihtit. Chika wiichiheu etituu chechii maamishkaach ihtiyich. Ekw maak che maamishkaateyihtamekw. 21Uhtaawiimaau wanishkaaneu aweyuu nipuwinihch uhchi ekw maak maayaat pimaatisiiwiniyuu, ekun kaye nihaau e ihtit Ukusisimaau, miyeu aweyuu pimaatisiiwiniyuu aniyuu waa miyaat. 22Uhtaawiimaau namui wiyaaskuneu aweyuu. Wiya tekash chii miyeu Ukusisimaau chechii wiyaaskunicheyich. 23Ekw maak misiwe awen che chisteyimaat Ukusisimaau muyaam e ishi chisteyimaat Uhtaawiimaau. An awen ekaa kaa chisteyimaat Ukusisimaau namui chisteyimeu kaye Uhtaawiimaau aniyuu kaa pechi itishahukuyich.”
24“Kuiskw chiwiihtamaatinaawaau, an awen che pechi nituhtamukwe taan e iteuch kaye taapwehtawaate aniyuu kaa pechi itishahuyich kaachiche kata pimaatisiyuu. Namui kata uhchi wiyaaskunaakanuu wesh nipuwinihch chii uhchi utinaakanuu ekw pimaatisiiwinihch kaa ishi pachishtinaakanuut. 25Kuiskw chiwiihtamaatinaawaau shaash e utihchipayihch an tipahiikan uu che ispayihch, shaash maak ispayuu, anichii kaa nipitwaau kata pehtamuweuch Chishemanituu Ukusisa upehtaakusuwiniyuu. Anichii maak kaa pehtawaatwaau kata pimaatisiyuuch. 26Wesh wiya Uhtaawiimaau e ihtaat uhchipayuu pimaatisiiwin, miyeu maak Ukusisimaauh kaye wiya e ihtaayich chechii uhchipayiyich pimaatisiiwiniyuu. 27Chii miyeu kaye Ukusisimaauh tipeyihchichewiniyuu chechii wiyaaskunicheyich wesh wiya eukw Iinuu Ukusisa. 28Ekaawii kushkupayikw, wesh shaash peshunaakun misiwe anichii kaa chiskahaakanuutwaau chechii pehtamuwaatwaau Ukusisimaau upehtaakusuwiniyuu, 29ekw maak che wanishkaatwaau nipuwinihch uhchi. Ekw anichii kaa kuiskutaatisiitwaau kaachiche kata pimaatisiyuuch. Ekw anichii kaa machaatisiitwaau chika wanishkaanaakanuuch nipuwinihch uhchi chechii wiyaaskunaakanuutwaau.
Jesus etituu e ishi aayimuumisut
30“Niya maak, namui nuuhchi miikuun niya waa ihtiyaan chechii ihtiyaan, Iskutak e wiyaaskunicheyaan taan e itashumit Chishemanituu ekun e ihtiyaan. Kuiskunaakun maak an e wiyaaskunicheyaan wesh taan e itashumit an kaa pechi itishahuut ekun an waa ihtiyaan.”
31“Niya maak mikw tipaachimisuyaan e itweyaan e aawiyaan Christ namui nipaa uhchi taapwehtaakun. 32Kutak awen ihtaau e pechi tipaachimit e itwet e aawiyuuch Christ, nichischeyihten maak e taapwemakaniyich aniyuu kaa itaachimit. 33Chichii itishahwaawaauch awenich anite John e ihtaayich chechii nituchischeyimitwaau taapwe e aawiyuuche Christ. Chii taapweu maak taan kaa ishi tipaachimit John kaa itwet e aawiyuuch aniyuuh kaa pechi itishahwaat Chishemanituu. 34Namui iteyihtaakun chechii pechi wiihtamuut awen Christ e aawiyaan, wesh nichischeyimisun awen niya. Mikw ekun uu e itweyaan chechii pimaachihuyekw. 35Mwehch waashtenamaakan e chiihkaashtuwech ekun kaa ishinaakusit John tepaachimit. Chichii naheyihtenaawaau mikw weipishchiish chechii muuchicheyihtamekw anite uwaashtuwewinihch. 36Chii taapweu John taan kaa itaachimit, mikw maak niya taan e ishi maamishkaach ihtiyaan wetaach chiihkanaakuniyuu nuuhtaawii e chii pechi itishahuut. Wesh Nuuhtaawii nichii miikw suuhkaatisiiwiniyuu chechii maamishkaach ihtuuch chechii uhchi chischeyimakuyaan niya e aawiyaan Christ, wiya Nuuhtaawii e chii pechi itishahut. 37Uhtaawiimaau an kaa pechi itishahuut kaye wiya nipechi tipaachimikw. Namui maak nihtaa kuuhchi pehtamuwaanaawaau upehtaakusuwin kaye namui nihtaa kuuhchi waapamaawaau. 38Aniyuu utayimuwin namui chiwii kanuweyihtamuwaanaawaau chitehiiwaahch wesh namui chitaapwehtenaawaau wiya e chii pechi itishahuut. 39Yaakwaau chinaanituu chischeyihtenaawaau Chishemanituu utayimuwin e iteyihtamekw ekut anit chechii uhchi chischeyihtamekw taanite chechii uhchi ayaayekw kaachiche pimaatisiiwin. Chishemanituu utayimuwinihch ekute tepaachimikuyaan niya e aawiyaan Christ. 40Mikw maak namui chiwii pechi naasinaawaau chechii uhchi ayaayekw pimaatisiiwin.”
41“Namui nitihtuuten chekwaan naapeu chechii uhchi pechi chisteyimit. 42Wesh chichischeyimitinaawaau taan e iteyihtaakusiyekw. Namui chisaachihaawaau Chishemanituu anite chitehiiwaahch. 43Nichii takushin utah aschiihch Nuuhtaawii e chii pechi itishahuut yaapach maak namui chitaapateyiminaawaau. Kutak awen chii takushinit ekaa Chishemanituu uhchi pechi itashuwaat chipaa Nituhtaawawaau wiya. 44Taanite chechii uhchi taapwehtamekw mikw naapeu e wii nanihiiwehekw ekaa wii nanihiiwehekw Chishemanituu. 45Ekaawii iteyihtamukw che mamishimitakuch anite Uhtaawiimaau e ihtaat. Moses eukw che mamishimitaakw aat e iteyihtamekw nimiyuututenaan mikw Moses uwiishuwewin e nanihiihtamuwekw. 46Taapwe kaa taapwehtawekwe Moses kaye niya chipaa pechi taapwehtuunaawaau wesh niya aniyuu kaa pechi tipaachimit kaa masinahiichet. 47Ekw maak ekaa tiyaapwehtamuwekwe aniyuu Moses kaa itisinahiichet, taanite chechii uhchi taapwehtamekw niya nitayimuwin.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.