Acts 3
3
ē‑māskikātēt nāpēw iyinīhkahāw
1pēyakwāw nisto tipahikan ē‑ispayik, ē‑pōni-āpihtā-kīsikāk, Peter ēkwa John kī‑itohtēwak kihci-ayamihēwikamikohk kita-ayamihācik. 2ēkota pēyak nāpēw, ē‑māskikātēt aspin ohci ē‑nihtāwikit, kī‑pimisin ē‑itohtahiht māna tahto kīsikāw ita ē‑tawastēyik kā‑miyonākwahk tawastēw ē‑isiyihkātēyik. ēkota ē‑pakosīhtāt kita-miyikot sōniyāsa kā‑pīhtikwēyit ayisiyiniwa kihci-ayamihēwikamikohk. 3awa nāpēw wāpamēw Petera ēkwa Johna ē‑ati-pīhtikwēyit. mawimostawēw kita-miyikot sōniyāsa. 4Peter ēkwa John kitāpamēwak. ōmisi kā‑itāt Peter, “kitāpaminān!” 5ana nāpēw kitāpamēw, ē‑itēyihtahk ē‑wī-miyikot kīkway. 6ēkwa Peter ōmisi kā‑itāt, “namōya nitōsōniyāmin. māka kika-miyitin anima kā‑ayāyān. owīhowinihk Jesus Christ Nazarethihk ohci, pasikō ēkwa pimohtē!” 7kī‑sakicihcēnēw okihciniskiyihk ēkwa pasikōnēw. sēmāk ana nāpēw kī‑sōhkisiw ositihk mīna opiskokanānihk. 8kī‑pasikōkwāskohtiw ēkwa kī‑māci-pimohtēw. ē‑ati-pīhtikwē-wīcēwāt kihci-ayamihēwikamikohk, ē‑kwaskwēpayihot ēkwa ē‑mamihcimāt kisē-manitowa. 9kahkiyaw ayisiyiniwak kī‑wāpamēwak ē‑pimohtēyit mīna ē‑mamihcimāyit kisē-manitowa. 10kī‑nisitawēyimēwak ōhi nāpēwa ē‑kī-natotamāyit ē‑apiyit tawastēk kā‑miyonākwahk kā‑itamihk. ayisiyiniwak mistahi kī‑māmaskātēwak ē‑kī-tōtāmiht.
Peter opīkiskwēwin
11ana nāpēw mēkwāc ē‑micimināt Petera mīna Johna Solomon opiskihcikamikosihk kā‑itamihk, ayisiyiniwak ē‑māmaskātahkik kī‑pē-ispahtāwak. 12ispī Peter ē‑wāpamāt ōhi, kī‑pīkiskwātēw ayisiyiniwa, ē‑itwēt, “ayisiyinītik Israel ohci, tānēhki ōma kā‑māmaskātamēk? tānēhki ēkosi kā‑isi-kitāpamiyāhk? ē‑itēyihtamēk cī nisōhkisiwinināhk ohci ahpō ē‑manitowi-itēyihtākosiyāhk kā‑ohci-pimohtēt awa nāpēw? 13omanitōmiwāwa Abraham, ēkwa Isaac, ēkwa Jacob, ēkwa kimosōminawak kayās ohci kī‑kistēyihtākohēw Jesusa otatoskēyākana; ēwako kikī-misimāwāw ēkwa kikī-asēnāwāw, ita Pilate ē‑wī-pakitināt. 14kī‑kihcihtwāwisiw ēkwa kwayask kī‑itātisiw. āhci piko kikī-asēnāwāw, mēskoc ē‑macātisit nāpēw ē‑kī-nipahtākēt kikī-natotamānāwāw kita-pakitiniht. 15kiyawāw kitōtamowiniwāw kā‑kī-nipahiht, ēwako kā‑wāpahtihāt ayisiyiniwa tāpwē pimātisiwin. māka kisē-manitow kī‑waniskānēw nipiwinihk ohci. niyanān nikī-wāpahtēnān ēwako. 16owīhowin ē‑sōhkaniyik ohci Jesus kā‑ohci-miyāt sōhkisiwin awa kā‑kī-māskikātēt nāpēw. ōma kā‑wāpahtamēk mīna kā‑kiskēyihtamēk ihkin ayisk awa nāpēw tāpowakēyimēw Jesusa. kā‑tāpowakēyimāt Jesusa ohci kā‑miywāyāhikot kā‑isi-wāpahtamēk kahkiyaw.
17“nitōtēmitik, nikiskēyihtēn kiyawāw mīna kinīkānimiwāwak tānisi ē‑kī-tōtawāyēk Jesus ayisk ēkāya ē‑kiskēyihtamēk tānisi ē‑tōtamēk. 18kisē-manitow kayās kī‑wīhtam okiskiwēhikēwa ē‑wīhtamiyit ēkosi ōma kita-ispayiyik onawasōnākana kita-kakwātakihtāyit ēkwa ōmisi kī‑tāpwēmakaniyiw. 19ēkosi mihtātamok, ēkwa kwēskīstahk kisē-manitow, ēkosi kika-pōnēyihtamākowāw kimaci-tōtamowiniwāwa. 20kīspin ēkosi tōtamēko kika-miyikowisināwāw ayamihēwi-sōhkātisiwin ēkwa kita-itisahwēw Jesusa ēwako onawasōnākan āsay ē‑kī-nawasōnamākoyēk. 21piko kita-ayāw kihci-kīsikohk isko kahkiyaw kīkway kīhtwām oskāyiwiki, ēkosi kisē-manitow kī‑itēw okihcihtwāwi-kiskiwēhikēwa kayās aspin. 22ayisk Moses kā‑kī-itwēt, ‘kā‑tipēyihcikēt kimanitōmiwāw kika-pē-itisahamākowāw okiskiwēhikēwa, nīsta pēyakwan nikī-pē-itisahok, ēkwa kita-ohcīw kiyawāw pēyakwan kā‑ohtaskānēsiyēk. ka‑nanahihtawāyēk wīhtamākoyēko tānisi kita-tōtamēk. 23ēkwa awiyak ēkāya nanahihtawāci anihi okiskiwēhikēwa kita-wēpakimāw kisē-manitow otiyinima ohci, ēkwa kita-misiwanācihāw.’#3.22-23 Deuteronomy 18.19
24“ēkwa okiskiwēhikēwak wīsta Samuel kī‑wīhtamwak ēkwa āniskē okisiwēhikēwak, tānisi ē‑wī-ispayiniyik anohc ōma mēkwāc. 25otasotamākēwina kisē-manitow okiskwēhikēwak kā‑kī-itwēyit kiyawāw anima ohci, ēkwa kitakisonāwāw kā‑kī-wīci-isihcikēmāt kimosōmipaniwāwa. ōmisi kī‑itēw Abrahamwa, ‘kitāniskotāpāniwāwak ohci nika-sawēyimāwak kahkiyaw ayisiyiniwak ōta askīhk.’#3.25 Genesis 22.18 26ēkosi kisē-manitow kī‑nawasōnēw otatoskēyākana ēkwa kipē‑itisahamākowāw nīkān, ē‑sawēyimikoyēk kahkiyaw kita-nakatamēk macātisiwin.”
S'ha seleccionat:
Acts 3: PCSBR
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
Acts 3
3
ē‑māskikātēt nāpēw iyinīhkahāw
1pēyakwāw nisto tipahikan ē‑ispayik, ē‑pōni-āpihtā-kīsikāk, Peter ēkwa John kī‑itohtēwak kihci-ayamihēwikamikohk kita-ayamihācik. 2ēkota pēyak nāpēw, ē‑māskikātēt aspin ohci ē‑nihtāwikit, kī‑pimisin ē‑itohtahiht māna tahto kīsikāw ita ē‑tawastēyik kā‑miyonākwahk tawastēw ē‑isiyihkātēyik. ēkota ē‑pakosīhtāt kita-miyikot sōniyāsa kā‑pīhtikwēyit ayisiyiniwa kihci-ayamihēwikamikohk. 3awa nāpēw wāpamēw Petera ēkwa Johna ē‑ati-pīhtikwēyit. mawimostawēw kita-miyikot sōniyāsa. 4Peter ēkwa John kitāpamēwak. ōmisi kā‑itāt Peter, “kitāpaminān!” 5ana nāpēw kitāpamēw, ē‑itēyihtahk ē‑wī-miyikot kīkway. 6ēkwa Peter ōmisi kā‑itāt, “namōya nitōsōniyāmin. māka kika-miyitin anima kā‑ayāyān. owīhowinihk Jesus Christ Nazarethihk ohci, pasikō ēkwa pimohtē!” 7kī‑sakicihcēnēw okihciniskiyihk ēkwa pasikōnēw. sēmāk ana nāpēw kī‑sōhkisiw ositihk mīna opiskokanānihk. 8kī‑pasikōkwāskohtiw ēkwa kī‑māci-pimohtēw. ē‑ati-pīhtikwē-wīcēwāt kihci-ayamihēwikamikohk, ē‑kwaskwēpayihot ēkwa ē‑mamihcimāt kisē-manitowa. 9kahkiyaw ayisiyiniwak kī‑wāpamēwak ē‑pimohtēyit mīna ē‑mamihcimāyit kisē-manitowa. 10kī‑nisitawēyimēwak ōhi nāpēwa ē‑kī-natotamāyit ē‑apiyit tawastēk kā‑miyonākwahk kā‑itamihk. ayisiyiniwak mistahi kī‑māmaskātēwak ē‑kī-tōtāmiht.
Peter opīkiskwēwin
11ana nāpēw mēkwāc ē‑micimināt Petera mīna Johna Solomon opiskihcikamikosihk kā‑itamihk, ayisiyiniwak ē‑māmaskātahkik kī‑pē-ispahtāwak. 12ispī Peter ē‑wāpamāt ōhi, kī‑pīkiskwātēw ayisiyiniwa, ē‑itwēt, “ayisiyinītik Israel ohci, tānēhki ōma kā‑māmaskātamēk? tānēhki ēkosi kā‑isi-kitāpamiyāhk? ē‑itēyihtamēk cī nisōhkisiwinināhk ohci ahpō ē‑manitowi-itēyihtākosiyāhk kā‑ohci-pimohtēt awa nāpēw? 13omanitōmiwāwa Abraham, ēkwa Isaac, ēkwa Jacob, ēkwa kimosōminawak kayās ohci kī‑kistēyihtākohēw Jesusa otatoskēyākana; ēwako kikī-misimāwāw ēkwa kikī-asēnāwāw, ita Pilate ē‑wī-pakitināt. 14kī‑kihcihtwāwisiw ēkwa kwayask kī‑itātisiw. āhci piko kikī-asēnāwāw, mēskoc ē‑macātisit nāpēw ē‑kī-nipahtākēt kikī-natotamānāwāw kita-pakitiniht. 15kiyawāw kitōtamowiniwāw kā‑kī-nipahiht, ēwako kā‑wāpahtihāt ayisiyiniwa tāpwē pimātisiwin. māka kisē-manitow kī‑waniskānēw nipiwinihk ohci. niyanān nikī-wāpahtēnān ēwako. 16owīhowin ē‑sōhkaniyik ohci Jesus kā‑ohci-miyāt sōhkisiwin awa kā‑kī-māskikātēt nāpēw. ōma kā‑wāpahtamēk mīna kā‑kiskēyihtamēk ihkin ayisk awa nāpēw tāpowakēyimēw Jesusa. kā‑tāpowakēyimāt Jesusa ohci kā‑miywāyāhikot kā‑isi-wāpahtamēk kahkiyaw.
17“nitōtēmitik, nikiskēyihtēn kiyawāw mīna kinīkānimiwāwak tānisi ē‑kī-tōtawāyēk Jesus ayisk ēkāya ē‑kiskēyihtamēk tānisi ē‑tōtamēk. 18kisē-manitow kayās kī‑wīhtam okiskiwēhikēwa ē‑wīhtamiyit ēkosi ōma kita-ispayiyik onawasōnākana kita-kakwātakihtāyit ēkwa ōmisi kī‑tāpwēmakaniyiw. 19ēkosi mihtātamok, ēkwa kwēskīstahk kisē-manitow, ēkosi kika-pōnēyihtamākowāw kimaci-tōtamowiniwāwa. 20kīspin ēkosi tōtamēko kika-miyikowisināwāw ayamihēwi-sōhkātisiwin ēkwa kita-itisahwēw Jesusa ēwako onawasōnākan āsay ē‑kī-nawasōnamākoyēk. 21piko kita-ayāw kihci-kīsikohk isko kahkiyaw kīkway kīhtwām oskāyiwiki, ēkosi kisē-manitow kī‑itēw okihcihtwāwi-kiskiwēhikēwa kayās aspin. 22ayisk Moses kā‑kī-itwēt, ‘kā‑tipēyihcikēt kimanitōmiwāw kika-pē-itisahamākowāw okiskiwēhikēwa, nīsta pēyakwan nikī-pē-itisahok, ēkwa kita-ohcīw kiyawāw pēyakwan kā‑ohtaskānēsiyēk. ka‑nanahihtawāyēk wīhtamākoyēko tānisi kita-tōtamēk. 23ēkwa awiyak ēkāya nanahihtawāci anihi okiskiwēhikēwa kita-wēpakimāw kisē-manitow otiyinima ohci, ēkwa kita-misiwanācihāw.’#3.22-23 Deuteronomy 18.19
24“ēkwa okiskiwēhikēwak wīsta Samuel kī‑wīhtamwak ēkwa āniskē okisiwēhikēwak, tānisi ē‑wī-ispayiniyik anohc ōma mēkwāc. 25otasotamākēwina kisē-manitow okiskwēhikēwak kā‑kī-itwēyit kiyawāw anima ohci, ēkwa kitakisonāwāw kā‑kī-wīci-isihcikēmāt kimosōmipaniwāwa. ōmisi kī‑itēw Abrahamwa, ‘kitāniskotāpāniwāwak ohci nika-sawēyimāwak kahkiyaw ayisiyiniwak ōta askīhk.’#3.25 Genesis 22.18 26ēkosi kisē-manitow kī‑nawasōnēw otatoskēyākana ēkwa kipē‑itisahamākowāw nīkān, ē‑sawēyimikoyēk kahkiyaw kita-nakatamēk macātisiwin.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society