Nikamowina 15

tānisi ē‑isi-nitawēyihtahk kisē-manitow

onikamon David

1kā‑tipēyihcikēyan, awīna ka‑kī-pīhtikwēt kīkihk?

awīna ka‑kī-wīkit wacīhk Zionihk kā‑kihcihtwāwi-itēyihtākwahk?

2awiyak kā‑nanahihtawāt kisē-manitowa misiwē isi

mīna kwayask tōtahki tāpitawi,

mīna tāpwēwin otēhihk ohci piko āpacihtāci,

3mīna ēkāya māyācimāci awiya,

ēkāya māyi-tōtawāci owīcēwākana

mīna ēkāya papāmi-āyimōmāci owītapimākana.

4pakwātēw anihi kā‑ātawēyimāyit kisē-manitowa

mīna kihcēyimēw anihi kā‑nanahihtawāyit kā‑tipēyihcikēyit.

kākikē tōtam anima kā‑asotahk,

kiyām āta piko iyikohk tipahahki.

5awihiwēw sōniyāwa ēkāya ē‑akihtahk ayiwāk kita-tipahamāht ēkota ohci,

mīna namōya kita-kī-wayēsimāw

kita-māyipitāt awiya ē‑miywātisiyit.

awiyak tipitōtahki ōhi kākikē ka‑sōhkikāpawiw.

S'ha seleccionat:

Nikamowina 15: PCSBR

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Nikamowina 15