sēnt cān 3
3
1ki ayāw māka parasi nikotimas ē isiyihkāsot, oyasowēwiyinimiwāwa cowak: 2ēwako awa ki pē nātēw cisasa nipātipisk, omisi ē itāt, rapay, ki kiskēyimitinān ē okiskinohamākēwiyan kisēmanitohk ē pē ohciyan; cikēmā nama awiyak ayisiyiniw kita ki totam ohi mamātāwi isihcikēwina kiya kā totaman, piko kisēmanitowa wicēwikoci. 3cisas ki naskwēwasimēw omisi ē ki itāt, tāpwē, tāpwē, kit itin, kispin ēkā ayisiyiniw kihtwam nihtāwikici, namawiya kita wāpahtam kisēmanito ot otēnawiwin.
4nikotimas itēw, tānisi kē ki isi nihtāwikit ayisiyiniw ē ati kisēyiniwit? kitwām ci kita ki kikiskāk okāwiya, mina kita nihtāwikit? 5cisas ki naskwēwasimēw, tāpwē, tāpwē, kit itin, kispin ēkā ayisiyiniw nipi mina ahcāhkwa ohci nihtāwikici, namawiya kita pihtokēw kisēmanitowa ot otēnawiwiniyihk. 6anima wiyāsihk kā ohci nihtāwikihk wiyāsiwan ēwako; mina anima ahcāhkohk kā ohci nihtāwikihk ahcāhkowan ēwako. 7ēkāwiya māmaskatēyita ē ki ititān, piko kita kihtwam nihtāwikiyēk. 8wa ayisiyowēki yotin ayisiyowēw, ki pētēn māka ē matwēyowēk, māka namawiya ki kā ki wihtēn tānitē wēcipayik, mina tānitē ēspayik; ēkosi isi ayāw kahkiyaw awiyak ahcāhkohk kā ohci nihtāwikit.
9nikotimas māka ki naskwēwasimēw omisi ē ki itāt, tānisi wiya ohi kē ki isi ikiki? 10cisas māka ki naskwēwasimēw omisi ē ki itāt, ki kiskinohamawāwak ci isrēil, ēkā māka ē kiskēyitaman ohi? 11tāpwē, tāpwē, kit itin, ni tasitēnān anima kā kiskēyitamāhk, mina nit ātotēnān anima kā ki wāpahtamāhk; māka namawiya kotinamawinān nit ācimowininān. 12kispin wihtamātakok askiwi kēkwaya, ēkosi namawiya ki tāpwētēnāwāw, tānisi kē ki isi tāpwētamēk, kispin witāmātakwai kihci kisikowi kēkwaya? 13nama awiyak ayisiyiniw kihci kisikohk ki isi opiskāw, piko ana kihci kisikohk kā ki pē ohci yāsit, ēwako ana iyiniwikosisān kihci kisikohk kā ayat.
14 #
nampars 21:9
kā ki isi ohpāskwawāt mosis kinēpikwa pikwataskihk, ēkosi mwēhci kē isi ohpāskwaoht iyiniwikosisān: 15piko awiyak ē tāpwēyēyimat ēkā kita nisiwanātisit, māka kita ayāt kākikē pimātisiwin.
16wiya kisēmanito ēspici sākihtāt aski, ki mēkiw o pēyako kosisāna, piko awiyak ē tāpwēyēyimāt ēkā kita nisiwanātisit, māka kita ayāt kākikē pimātisiwin. 17wiya kisēmanito ki pē isitisawēw okosisa ota askihk namawiya kita oyasowātamiyit; māka wiya kita ohci pimātaniyik aski. 18ana kā tāpwēyēyimāt namawiya oyasowātāw: māka ana ēkā kā tāpwēyēyimāt ēwako sāsay oyasowātāw, cikēmā ēkā ē tāpwētahk o wiyowiniyiw kā o pēyako kosisānimikoyit kisēmanitowa. 19ēwako oma oyasowātikowin, wāstēw ē ki pē takosinomakahk ota askihk, ayisiyiniwak māka ki sākihtāwak wanitipiskāw ispic wāstēw, cikēmā ot isihcikēwiniwawa ē macayiwaniyiki. 20cikēmā tahto awiyak kā maci totahk pakwātam wāstēw, namawiya mina pē nātam wāstēw, ēkā kita nokwaniyiki ot isihcikēwina. 21māka wiya kwayask kā totahk pē nātam wastēw, kita nokwaniyiki ot isihcikēwina kisēmanitohk ē ohci kisicikātēyiki.
22ispi māka ohi kā ponipayiki cisas ki pē takosin mina o kiskinohamawākana cotiya askihk; ēkota māka ki ayitasi wawicēwēw, ē ki pāptaisiwiiwēt. 23can māka wista ki paptāsiwiiwēw inanihk ciki sēlamihk, cikēmā ki nipiskāw ēkota; ki pē itohtēwak māka, ē ki paptaisiwiicik. 24#mātyo 14:3; mārk 6:17; lok 3:19,20cikēmā namēskwa kipawāw cān.
25ēkospi māka ki sipwē kakwēcitowak atit can o kiskinohamawākana mina cowa ē tasitakik pēkiisowin. 26ki pē nātēwak māka cāna, omisi ē ki itācik, rāpay, ana kā ki wicēwisk akāmihk cārtanihk, ana kā acimat, cist, ēwako pāptaisiwiiwēw, kahkiyaw māka ayisiyiniwa pē nātik. 27cān ki naskwēwasimēw omisi ē ki itāt, namawiya ayisiyiniw kēkway kita ki otinam kispin ēkā kihci kisikohk ohci miyihci. 28#cān 1:20kiyawāw kēhciwāk ki ka ki ācimināwāw, mina ē ki itwēyān, namayēw niya Christ, māka ni pē isitēsaokawin nikān. 29ana kā ayāwat oskiskwēwāna, ēwako oskiskwēwēw: māka ana wētotēmit oskiskwēwēwa kā nipawit mina kā natotawāt, kihci miyawātam cikēmā ē pētawāt oskiskwēwēwa; ēwako māka oma ni miyawatamowin tipipayiw. 30ayiwak wiya kita ati kistēyitākosiw, niya māka notaw ni kā ati itēyitākosin.
31ispimihk kā ohcit mamawēyēs ēwako kistēyitākosiw: ana māka askihk wēhcit askiwiw, mina aski tasitam; ana māka kihci kisikohk kā ohcit, māmawēyēs ēwako kistēyitākosiw. 32anima kā ki wāpahtahk mina kā ki pēhtahk, ēwakwēyiw iyātotahk; māka nama awiya ki otinamāk ot ācimowin. 33ana māka kā ki otinamawat ot ācimowiniyiw ki āyātastāw oma ē tāpwēt kisēmanito. 34cikēmā ana kisēmanitowa kā ki pē isitisahokot tasitam kisēmanitowa ot ayamiwiniyiwa; cikēmā kisēmanito namawiya tipawān iyikohk miyēw ahcāhkwa. 35#mātyo 11:27; lok 10:22wēyotāwihk sākihēw okosisa, kahkiyaw māka kēkway ki miyēw ocihciyihk. 36ana tiyapwēyēyimāt ayāw kakikē pimātisiwin: ana māka ēkā kā tāpwēyēyimāt okosisimāwa namawiya kita wāpahtam pimātisiwin; māka kisēmanitowa o kisiwāsiwiniyiw pātakoskāk.
S'ha seleccionat:
sēnt cān 3: KKMR
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This Bible text is a transliteration of a corrected edition of the 1908 Western Cree Bible; it is in the public domain.