sēnt lok 1
1
1cikēmā mihcēt ē ki otinamāsocik kita oyastācik wihtamakēwinihk anihi kēkwaya kā mitoni tipipayicikātēki ita ēyāyahk, 2anihi kā ki isi pakitinamakoyakok wiyawāw, nistam kā ki wāpahtahkik mina kā ki pamitācik ayamiwin, 3ni ki naiskākon nista mitoni, ē ki nisitawēyitamān nistam ohci kahkiyaw kēkwaya kwayask, kita masinahamātan kiya māmawi, kēstēyitākosiyan tiopilas; 4kita kiskēyitaman ēsi kēcināyēyitākwaki anihi kēkwaya kā ki kiskēyitamoikawiyan.
5 #
1 akinē ācimowina 24:10
ki ayāw ē mēkwa o kisikāmit ērat, cotia kihci okimāw, pēyak ayamihēwiyiniw sākarāyas, ē isiyihkāsot, ē wicēwāt apaicawa, wiwa māka ē ki ohtaskanēsiyit ēran otānisiyiwa, ilisēpit māka ē ki isiyihkāsot. 6tāpiskoc māka ki ayamiēwatisiwak ē isi wāpamikocik kisēmanitowa, kwayask mitoni ē pimotatakik kahkiyaw o sikimiwēwiniyiwa mina oyasowēwiniyiwa kā tipēyihcikēt. 7māka namawiya ki ayawēwak awasisa, wiya ilisēpit ēkā ē ki ot awāsimisit, ēsi nisicik māka ki kisēyatisiwak.
8ēkwa māka ki otihcipayiw, mēkwāc ē tipipayitāt ayamihēwiyiniw ot atoskēwin ot itāstamowiniyihk kisēmanitowa, ispi ē ispayiyik wiya kita totahk, 9anima kā ki isi pakitinamāht ispi pihtokwēci ot ayamihēwikamikoyihk kā tipēyihcikēt, kita wikimasikēt. 10kahkiyaw māka ē mamowēyaticik ayisiyiniwak ē ki ayamihācik wayawitimayihk ispi ē wikimasikēt.
11ki nokoototak okisikoma kā tipēyihcikēt ē nipawiyit kihciniskihk itēkē wikimasikani pakitinasowināpisk. 12ispi māka sākarāyas wiyāpamāt ki mikoskatēyitam, mina sēkisiwin ki pakamiskāk. 13māka okisikowa ki itik, ēkāwiya sēkisi, sākarāyas: cikēmā kit ayamihāwin pēhcikatēw, mina kiwa ilisēpit kita okosisiw, cān māka ki ka isiyihkātāw. 14mina māka ki ka ayān miyowatamowin mina miwēyitamowin; mihcēt māka kita miyowātamak nihtāwikici. 15#nampars 6:3cikēmā kita kihcāyiwiw ē isi kanawāpamikot kā tipēyihcikēyit, mina namawiya kita minikwēw sominapayiw ahpo kā maskawāk minikwēwin; mina kita sākaskinēskāk kā kanātisiyit ahcāhkwa, okāwiya ē kikiskākot ohci. 16mihcēt māka ot awāsimisiyiwa isrēil kita kwēskinēw kā tipēyihcikēyit o manitomiyiwa isi. 17#mālakay 4:5,6ēkosi māka kita nikānotawēw, ot acākoyihk mina o maskawisiwiniyihk ilaicawa kita isi kwēskitēēnat, otawimawa ot awāsimisiyiwa mina kā sasipitamiyit kita pimohtēyit ot iyinisiwiniyihk kā kwayaskwātisiyit; kita kwayācitamawāt kā tipēyihcikēyit ayisiyiniwa ē kwayāciyit. 18sākarāyas māka okisikowa ki itēw, tānisi oma kē isi kiskēyitamān? wiya ē kisēyiniwiyān mina ni wikimākan mitoni ē kisēyātisit. 19#tāniēl 8:16; 9:21okisiko māka ē naskwēwasimat ki itēw, niya kēprial, kā nipawiyān otitastamiwinihk kisēmanito; mina māka ni ki isitisahokawin kita ayamiitan, mina kita wāpahtahitān ohi kā miywēyitākwaki ācimowina. 20cist māka, namawiya ki ka okitowinin, mina namawiya ki ka kaskitān kita pikiskwēyan iyikohk anima kisikāw kē tipipayiki ohi kēkwaya, cikēmā ēkā ē ki tāpwētaman nit ayamiwina, anihi kē tipipayiki ispi otihcipayiki.
21ayisiyiniwak māka ki pēēwak sākarāyasa, mina ki māmaskātamwak kinwēs ē ki ayāyit kihci ayamihēwikamikohk. 22ispi māka kā pē wayawit, namawiya ki kaskitāw kita kitotāt; mina ki nisitawinamwak ē ki mamaskātāpisiniyit kihci ayamihēwikamikohk ki ayitinikēstawēw māka, ēkā ē ki pikiskwēt.
23ki otihcipayiw māka, mayaw kā kisitat anihi o pamihiwēwikisikāma, wikihk ē ki isi kiwēt.
24kā ponipayiki māka ēwakwani kisikāwa, wiwa ilisēpit ki kikiskawawasoyiwa ki kāso māka niyānan pisim, ē itwēt, 25ēkosi oma kā tipēyihcikēt kā totawit anima ē kisikāyik ita kā ki kanawāpamit, kita otinahk ni nēpēwimikowin ayisiyinināhk ohci.
26ispi māka ē nikotwāsopisimowahk okisiko kēprial kisēmanitowa ki isitisahok otēnāhk kālalihk, nāsarit ē isiyihkātēk, 27#mātyo 1:18kita nātat oskinikiskwēwa kā ki asotamawāt kita wicēwāt, nāpēwa cosip ē isiyihkāsoyit, tēpita ē otaskanēsiyit; oskinikiskwēw māka mēri ki isiyihkāso. 28ēkosi ki pitokawēw, mina ki itēw, kit atamiskātin, kiya mistahi kā nikānēyitākosiyan, ki miyo kanawapamikowisin iskwēnahk, kā tipēyihcikēt ki wicēwik. 29māka ki mikoskātēyitamiik ot itwēwiniyiw, mina ki māmitonēyitam kēko atamiskākēwin ē itēyitahk. 30ēkosi okisikowa ki itik, ēkāwiya sēkisi, mēri: cikēmā ki ki miskamwān o miyokwēstakēwin kisēmanito. 31#mātyo 1:21mina cist, ki ka kikiskawāwason, ēkosi ki ka nihtāwikiaw kē okosisiyan, cisas māka ki ka isiyihkātaw. 32#2 sāmyoil 7:12,13,16; aysāya 9:7kita kihci itēyitākosiw māka, okosisa mamawēyas kā kihcayiwit kita isiyihkātāw: mina kā tipēyihcikēt kisēmanito kita miyik o kihci okimāwapiwiniyiw tēpita otāwiya: 33kita kihci okimakatam māka o wāskāhikaniyiw cēkapa kākikē; mina o kihci okimawiwin namawiya wikac kita ponipayiyiw. 34ēkosi mēri ki itēw okisikowa, tānisi oma kē ki isi ispayik, wiya ēkā ē kiskēyimak nāpēw? 35ēkosi okisikowa ki naskwēwasimik ē itikot, kā kanātisit acāhk ki ka otihtik, mina o maskawisiwin māwaci kā kihcāyiwit ki ka akawastēskākon; ēkosi māka anima kā kanātahk kē nihtāwikitāyan kisēmanito okosisa kita isiyihkātāw. 36ēkosi cist, ilisēpit ki wakomakan, wista kikiskawāwaso ē kayatēyātisit; ēkwa oma nikotwāsopisim ana namawiya nitāosēw kā ki itit. 37#cēnisis 18:14cikēmā namawiya nāntaw kēkway kisēmanito kā itwēt ēkā kita kaskiēwaniyik. 38ēkosi mēri ki itwēw, cist ot atoskēyākaniskwēma kā tipēyihcikēt kiyām ni ka ispayiikon anima kā itwēyan. ēkosi okisikowa ki nakatik.
39ēkosi mēri ki pasiko ēkospi mina ē ki itohtēt ita ē ayapatinayik ē kakwēyāot otēnāhk cotaihk. 40mina ē ki pihtokēt sākarāyas wikiyihk ēkosi ilisēpita ē ki atamiskawāt. 41ēkosi ki ihkin ispi ilisēpit ē ki pēhtahk ot atamiskakēwiniyiw mēriwa awasisa ki waskawiyiwa wiyawihk mina ilisēpit ki sakaskinēskak kanaci ahcāhkwa 42soki māka ē ki pikiskwēt mina ē ki itwēt, ki sawēyitākosin ita ē ayācik iskwēwak mina sawēyitakwan anima kē nihtāwikitāyan. 43mina tānēki oma wēci otihtikoyān okāwiya ni tipēyihcikēm kā otisit. 44wiya sēmāk ispi ē pētakwak kit atamiskākēwin nitawikāhk awasis ki waskawipayiho niyawihk miyawatamowin ohci. 45mina māka sawēyitākosiw ana kā ki tāpwētahk, cikēmā kita tipipayiwa anihi kēkwaya kā ki tasitamāht kā tipēyihcikēt ohci. 46ēkosi mēri ki itwēw,
nit acāhk mamicimēw kā tipēyihcikēyit,
47mina nit acāhk ki miyawātēw kisēmanitowa nopimaciiwēma.
48 #
1 sāmyoil 1:11
wiya ē ki kanawāpahtamwāt o tapahtēyitākosiwiniyiw ot atoskēyākaniskwēma: wiya mātika, anohc ohci, kahkiyaw kē aniskē pimātisicik miyoitakimikowisiw ni ka itikwak.
49cikēmā ana kā kihcāyiwit kihci kēkwaya ni ki totamāk mina owiyowin kanātaniyiw.
50mina o kisēwatisiwin ayāyiwa anihi kā kosikwēyimikot kē ati ayāniskē pimātisiyit.
51ki wāpahtahiwēw maskawisiwin ospiton ohci, ki siswētisawēw kā kistēyimoyit ē isi nākatawēyitamiyit o tēiyihk.
52 #
cop 5:11; 12:19 ot apiwiniyihk ohci ki nitinēw kihci okimāwa mina ki kistēyitākoēw kā tapahtēyitākosiyit.
53miyo kēkwaya ohci ki kispoēw kā notēkatēyit; māka kā wēyotisiyit pisisik ki sipwētisawēw.
54ki wiciēw isrēila ot atoskēyākana, ē kiskisitotahk anima o kisēwatisiwin.
55 #
cēnisis 17:7
#
1 sāmyoil 2:1-10
kā ki isi kitotat kotawinawa ēprēama asici ot awāsimisiyiwa kakikē.
56ēkosi mēri ki wici ayamēw nāntaw nisto pisim, mina wikihk ki isi kiwēw.
57ēkwa ilisēpit o kisikam ki otihcipayiyiw kita wāpamāwasot ēkosi ki nihtāwikihēw okosisa. 58ēkosi ototēma mina o wakomakana ki pētamiyiwa, tānisi kā tipēyihcikēt ē ki isi wāpahtaāt kihci kisēwatisiwin; ki wici miyowatamomēwak māka. 59#lipitikas 12:3ki ayikihk māka ispi ē ayinanēokisikak, ki pē itohtēwak kita kiskinawacisawatacik awāsisa; ēkosi sakārāyas ki wi isiyihkātēwak kā isiyihkāsoyit otāwiya. 60ēkosi māka okāwiya ki naskwēwasiikwak ē itwēyit, namawiya; māka cān kita isiyihkāso. 61ēkosi ki itēwak, namawiya awiyak ki wakomakanak ēkosi isiyihkāso. 62ki ayitinamawēwak māka otawiyiwa, tānisi kē natawēyimakwē kita isiyihkāsoyit. 63ēkosi ki natotam masinahikēwinātit mina ki masinahikēw ē itwēt cān isiyihkāsow. ēkosi kākiyaw ki mamaskātamwak. 64ēkosi oton sēmāk ki paskitēnikātēyiw, mina otēyani ki āpaikātēyiw, ēkosi māka ki pikiskwēw, mina ē ki mamicimāt kisēmanitowa. 65sēkisiwin māka ki otihtikwak kahkiyaw wasakam ēkota kā ki ayācik: mina kahkiyaw ohi pikiskwēwina ki pētakwanwa misiwē anita ayapatināwi askihk cotaihk. 66kahkiyaw māka kā ki pēhtahkik ki naastāwak otēiwahk, ē itwēcik, tānisi oma kē towikaniwit awa awāsis? ocihciyiw māka kā tipēyihcikēyit ki wicēwik.
67ēkosi otawiya sakārāyasa ki sakaskinēskākoyiwa kanaci ahcāhkwa ēkosi māka ē ki kiskiwēhikēt, ē itwēt,
68kita miyo kiswataw kā tipēyihcikēt, o kisēmanitoma isrēil, cikēmā ki kiokawēw mina ki tipahikēstamawēw ot ayisiyinima,
69mina ki ki pasikonomākonaw pimaciikowisiwin o waskaikāniyihk ot atoskēyākana tēpita.
70kā ki isi pikiskwēt o kanaci kiskiwēhikēma otoniyihk ohci kā ki pē ayikiniyik aspin kā pē askiwahk,
71ki notinakāninawak ohci kita pimaciikawiyahk, mina ocihciwāhk aniki kahkiyaw kā pakwatikoyakok;
72kita tipipayitamawāt kitimākinākēwin kotāwinawa mina kita kiskisitotahk o kānaci kiskitowin;
73anima kihci itwēwin kā ki kihci itāt ēprēāma kotawinawa,
74kita isi pakitinamākoyahk ē ki pimāciikoyahk ki notinākaninawak ohci kita atoskawayak ēkā kita astāsiyahk,
75kanātisiwinihk mina kwayaskwātisiwinihk ētastamit kahkiyaw ki kisikaminahk.
76 #
mālakay 3:1
ēha kiya māka, awāsis. ki ka isiyihkātikawin okiskiwēhikēma māwaci kā kihcāyiwit: cikēmā ki ka nikānotawāw kā tipēyihcikēt, kita kwayācitamawat o mēskanāma:
77ot ayisiyinima pimātisiwin kita kiskēyitamoāt ēponēyitamāmit o maciitiwiniyiwa.
78cikēmā ē isi kitimakēyimiwēmakaniyik, o kisēwātisiwin ki kisēmanitominaw, kē otihtikoyahk, ē kisikānākwahk ispimihk ohci,
79 #
aysāya 9:2
kita miyāt wāstēw anihi kā apiyit kaskitipiskahk mina ita kā akawastēskākēmakahk nipowin; kita kiskinotatāt kisitinawa pēyatakēyimowinihk isi.
80ēkosi ana awāsis ki opikiw mina ki ati maskawisiw ot acāhkohk, mina ki ayāw pikwataskihk pātimā anima kisikāw ē nokohisostawāt isrēila.
S'ha seleccionat:
sēnt lok 1: KKMR
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This Bible text is a transliteration of a corrected edition of the 1908 Western Cree Bible; it is in the public domain.