sēnt lok 18
18
1ēkosi mina ki āwēcikēw oma ohci ayisiyiniwak mosak kita ayamihācik, ēkā māka kita notē ihkēyitahkik; 2ē itwēt, ki ihtāw otēnāhk oyasowēwiyiniw, ēkā ē kosikwēyimāt kisēmanitowa, mina ēkā ē nākatawēyimāt ayisiyiniwa; 3ki ihtāw māka sikāwiskwēw ēkota otēnāhk; ēkosi mihcētwāw ki pē otihtik, ē itwēyit nātamawin ana ohci kā māyitotawit. 4māka kinwēsis namawiya ki wi natotawēw, māka mwēstas ki itēyitam, āta ēkā ē kosikwēyimak kisēmanito, mina ēkā ē nākatawēyimak ayisiyiniw; 5ēyiwēhk cikēmā awa sikawiskwēw ē mikoskācimit, ni ka nātamawāw, osam māskoc ni ka sikatēyitamiik tahki pē itohtēci. 6ēkosi kā tipēyihcikēt ki itwēw, natotamok tānisi ētwēt ēkā kwayask kā itātisit oyasowēwiyiniw. 7nama ci māka kisēmanito kita nātamawēw o nawasonākana, kā mawimostākot ē kisikāyik mina ē tipiskāyik, atā ē sasipēyitamawāt? 8kit itināwāw, wipac naspic kita nātamawēw. ēyiwēhk māka ispi pē itohtēci iyiniwikosisān, kita miskam ci tāpwēwakēyitamowin askihk?
9ēkosi mina ki tasitamawēw oma āwēcikan anihi kā kwayaskwātisiwakēyimisoyit, kotaka māka ē ātawēyimāyit: 10niso ayisiyiniwak kihci ayamihēwikamikohk ki itohtēwak kita ayamihācik; pēyak parasi ēkosi kotak paplikan 11ana parasi ki nipawiw mina omisi ē ki isi ayamihāt, kisēmanito, ki nanāskomitin, ēkā ē isi ayāyān kotakak ayisiyiniwak kā isi ayācik, omaskatwēskak, nayētawatisak, pisikwatisak. ahpo tāpisko awa paplikan. 12niswāw ni iyiwanisiison tahtwāw ē ispayik; pēyak mitātat ohci ni mēkin kahkiyaw anima kā isi tipēyitamān. 13māka wiya ana paplikan wayaw ē nipawit, namawiya ahpo kisikohk ki wi isi tastasāpiw, māka pakamāskikanēoso, ē itwēt, kisēmanito, kitimākinawin niya kā macāyiwiyān. 14#mātyo 23:12; lok 14:11ki wihtamātināwāw, awa nāpēw wikihk ki isi kiwēw nawac ē kwayaskitātisiwakimiht ispic ana kotak; cikēmā kahkiyaw awiyak kā kistēyimisot kita tapatināw; māka ana kā tapatēyimisot kita ispēyitākoāw.
15ki pētamawēwak māka ot awāsimisiwāwa, kita sāmināt, māka ispi o kiskinohamawākana wiyāpahtamiyit, ki kitahamawēwak. 16cisas māka ki natomēw ē itwēt, iyinamākok apistawāsisak kita pē nāsicik, mina ēkāwiya kitaamākok; cikēmā ēkotowi kā ayācik kisēmanito ot otēnawiwinihk. 17tāpwē kit itināwāw, awiyak ēkā kē otinamokwē ot otēnawiwiniyiw kisēmanitowa tāpiskoc apistawāsis, namawiya nāntaw isi kita pihtokēw ēkota.
18pēyak okimāwa māka ki kakwēcimik, ē itikot, kā miywātisiyan, okiskinohamākēw, tānisi kē totamān kita ayāyān kakikē pimātisiwin? 19ēkosi cisas ki itēw, tānēki miywātis kā isiyan? namawiya awiyak miywātisiw, piko pēyak ēwako kisēmanito. 20#ēksatas 20:14; tiyotaranami 5:18; ēksatas 20:13; tiyotaranami 5:17; ēksatas 20:15; tiyotaranami 5:19; ēksatas 20:16; tiyotaranami 5:20; ēksatas 20:12; tiyotaranami 5:16ki kiskēyitēn oyasowēwina, ēkāwiya pisikwātisi, ēkāwiya nipatākē, ēkāwiya kimoti, ēkāwiya kiyaskiwācimo, kistēyim kotāwi mina kikāwi. 21ēkosi ki itwēw, kahkiyaw ohi ni ki pē kanawēyitēn aspin kā oskinikisiyān. 22ispi māka cisas kā pēhtahk oma, ki itwēw, pēyak kēkway kēyāpic kit isi notēpayin atāwākē kahkiyaw kēkway kā ayāyan, ēkosi matinamawik okitimākisiwak, ki ka ayān māka wēyotisiwin kihci kisikohk: ēkwa, māka pē pimitisahon 23māka ispi oma piyēhtahk, nāspic ki kisinātēyitam; cikēmā nāspic ē ki wēyotisit, 24cisas māka ē wāpamāt ki itwēw, taniyikohk iāyimaniyik aniki kā ayācik wēyotisiwin kita pihtokēcik kisēmanito ot otēnawiwinihk: 25cikēmā nawac wētan piskwāwikanēwi pisiskiw kita sapoyakit ē pakonēyāpiskāyik sāponikan ispic ē wēyotisit ayisiyiniw kita pihtokēt ot otēnawiwinihk kisēmanito. 26ēkosi aniki kā pēhtahkik ki itwēwak, awēna māka kē ki pimaciot? 27ki itēw māka, anihi kā pwatawitācik ayisiyiniwak, kisēmanito kaskitaw.
28ēkosi pitar ki itwēw, mātika, ni ki nakatēnān, anima kā isi tipiyawēwisiyahk ē pimitisaotāhk māka. 29ki itēw māka, tāpwē kit itināwāw, namawiya itāw nāpēw ē ki nakatahk wāskāhikan, ahpo wiwa, ahpo ociwāma, ahpo onikiikwa, ahpo ot awāsimisa, kisēmanito ot otēnawiwiniyiw ohci, 30ēkā kē miyiht micētwāw awasimē anohc mēkwāc, mina anima aski kē otihcipayik kākikē pimātisiwin.
31ēkosi ki otinēw anihi mitātat nisosāp, ē ki itāt māka, cist, kit itotānaw cērosalamihk, kahkiyaw māka anihi okiskiwēhikēwak kā ki itasinaikēcik iyiniwikosisān ohci kita tipipayiwa. 32cikēmā kita pakitinamawāwak cēntailak, ēkosi kita mētawākātāw, mina nēpēwākac kita totawāw, mina kita sikwātāw: 33ēkosi kita pasastiwēwak mina kita nipaēwak: ki nisto kisikayiki māka kita waniskāw mina. 34māka namawiya kēkway oma ki nisitohtamwak; mina oma itwēwin ki kātamawāwak, namawiya māka ki kiskēyitamwak anihi kā ki itwēwiht.
35ki ayikin māka, ē ati otitahk cēriko, pēyak nāpēw ēkā ē wāpit ciki mēskanahk ki apiw ē pakositwat: 36ē pētawāt māka mihcēt ayisiyiniwa ē pimohtēyit, ki kakwēcikēmo tānisi ē itakamikaniyik. 37ēkosi ki wihtamawāw cisasa nasaritihk kā ociyit, ē pimohtēyit, 38ki tēpwēw māka, ē itwēt, cisas, tēpit okosisa, kitimākinawin. 39aniki māka kā nikanotēcik, ki kitahamawēwak, kita kiyamapiyit: māka mistahi awasimē ki tēpwēw: kiya kā okosisimisk tēpit, kitimākinawin. 40cisas māka ki nipawiw, ēkosi ē ki sikikēmot kita pē itotaimiht ita ē ayāt: ispi māka kisiwak ē pē ayayit, ki kakwēcimēw, 41kēkway nētawēyitaman kita totātān? ēkosi ki itwēyiwa, tēpēyihcikēyan, kita ayāyān ni wāpiwin. 42cisas māka ki itēw, aya ki wapiwin: ki tāpwēwakēyitamowin ki ki pimāciikon. 43ēkosi sēmāk ki wapiw mina ki pimitisawēw, ē mamicimāt kisēmanitowa: kahkiyaw māka ayisiyiniwak, ispi wiyāpahtakik, ki mamicimēwak kisēmanitowa.
S'ha seleccionat:
sēnt lok 18: KKMR
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This Bible text is a transliteration of a corrected edition of the 1908 Western Cree Bible; it is in the public domain.