Эклц 5
5
Адамас Ноах күртл
1Адамин хөөт үйнрин уңг-тохм. Бурхн кү үүдәхләрн, терүг Бурхна бәәдлтәһәр үүдәв. 2Тедниг залу кү болн күүкд кү кеһәд үүдәв, теднд әдс өгв. Бурхн тедниг «күн» гиҗ нерәдв. 3Адам 130 нас күрхләнь, терүнәс бийиннь бәәдлтә, бийиннь дүртә көвүн һарна. Көвүндән тер Шет гидг нер өгв.
4Шетиг һарсна хөөн Адам 800 җилдән бәәв. Тер бас чигн көвүдтә болн күүкдтә болв. 5Ут турштан Адам 930 җилдән бәәһәд өңгрв.
6Шетиг 105 нас күрхләнь, терүнәс Энош һарв. 7Эношиг һарсна хөөн Шет 807 җилдән бәәв. Терүнәс бас талдан көвүд, күүкд һарв. 8Шет ут турштан 912 җилдән бәәһәд өңгрв.
9Эношин 90 наснд Кенан төрв. 10Кенаниг төрснә хөөн Энош 815 җилдән әмд бәәв. Терүнәс бас талдан көвүд, күүкд төрв. 11Энош ут турштан 905 җилдән бәәһәд өңгрв.
12Кенаниг 70 нас күрхләнь, Махалалел төрв. 13Махалалелин хөөн Кенан 840 җилдән бәәв, тер бас чигн көвүд, күүкдтә билә. 14Кенан ут турштан 910 җилдән бәәһәд өңгрв.
15Махалалелиг 65 настаднь терүнә көвүн Яред төрв. 16Яредиг төрснә хөөн Махалалел 830 җилдән бәәв. Тер бас чигн көвүд, күүкдтә билә. 17Махалалел 895 нас наслад өңгрв.
18Яредиг 162 настад Ханок көвүн төрв. 19Ханокиг төрснә хөөн Яред 800 җилдән бәәв. Тер бас чигн көвүд, күүкдтә болв. 20Ут турштан Яред 962 җилдән бәәһәд өңгрв.
21Ханокиг 65 настад Метушелах төрв. 22Метушелахиг төрснә хөөн Ханок Бурхнла 300 җилдән өөрхн холвата бәәв. Тер бас чигн көвүд, күүкдтә билә. 23Ут турштан Ханок 365 җилдән бәәв. 24Ханок Бурхнла өөрхн холвата бәәв, дәкәд тер уга болв. Яһад гихлә, Бурхн терүг авчкв.
25Метушелах 187 җилдән бәәһәд, терүнәс Ламек көвүн төрв. 26Ламекиг төрснә хөөн Метушелах 782 җилдән бәәв. Тер бас көвүд, күүкдтә болв. 27Ут турштан Метушелах 969 җилдән бәәһәд өңгрв.
28Ламек 182 наста болхлань, терүнәс көвүн төрв. 29Көвүндән тер Ноах#5:29 Ноах – эн нерн әәһәрн «төвкнүллһн» гидг еврей келнә үгин бәәдлтә. гидг нер өгәд, иигҗ келв:
– Деед Эзнә харасн һазр деер мана кех көдлмшәр болн мана һарин күнд көдлмшәр энтн мадниг төвкнүлх.
30Ноахиг төрснә хөөн Ламек 595 җилдән бәәв. Тер бас көвүд, күүкдтә билә. 31Ламек ут турштан 777 җилдән бәәһәд өңгрв.
32Ноахд 500 наста болхин өмн терүнәс Шем, Хам болн Япет көвүд төрв.
S'ha seleccionat:
Эклц 5: ХКО_ӘБ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2002-2023