Cakirok 15
15
Were timo cikirok gi Abram
1Rumacen ma gigipiny me, wac pa Rwoth obino ri Abram i menyirok ni, “Ikir'ilwor Abram, abedo kwot perin, kemba perin bino bedo madwoŋ.”
2To Abram odwoko ni, “Awi Rwoth Were, aŋo m'inomiyan m'angoye gi nyathi, aka Elieza ma Damasiko ama lalunjo peco paran? 3Neni, ikimiyan nyithindho, aka ŋeca m'onywol i ot paran ama lalunjan.”
4Aka neni, wac pa Rwoth obino rigo ni, “Ŋeca me Elieza ama kilalunjin; wodin won ama lalunjin.” 5#Rom 4:18; Ebu 11:12Rwoth otero go woko aka owaco ni, “Ŋiy pondeponde, aka kwan micalin, k'inyalo kwano jo; ameno apaka nyikwayin jolabedo.”
6 #
Rom 4:3; Gal 3:6; Yak 2:23 Abram oyeyo gima Rwoth owaco, aka ro gime Rwoth oyeyo go paka ŋat'otire.
7Kenyo Rwoth owaco rigo ni, “An abedo Rwoth m'otelin wok Ur i Babilon, bino miyin lowo me paka aperin.”
8To Abram openjo ni, “Awi Rwoth Were, anoŋey nedi ni bino bedo aparan?”
9Rwoth odwoko ni, “Keli ran rwath dhiaŋ ma jaoro adek, diel, gi rombo, joje ma jo oro adek, kodi akuru gi njiwa.” 10Aka Abram okelo ogwaŋe mere to ŋado i diere, aka oketho kisi adec to ŋiyo nyawote; to winyin mere go k'oŋado. 11Acut jobino kwoŋ delkwoŋ jo, to Abram oriemo woko jo.
12 #
Yob 4:13,14 Munyo waŋceŋ opodho, Abram olimo nindo mapek, aka neni, obedo gi lworo kodi bwok kwoŋe. 13#Wok 1:1-14; Tim 7:6Kenyo Rwoth owaco rigo ni, “Ŋey adieri nike nyikwayin jobino bedo i lowo pa jopath i lowo ma k'obedo apajo, aka jobino bedo ŋecin t'itero jo gi gwayo ma oro 400. 14#Wok 12:40,41; Tim 7:7T'abino thumo banja ri piny ma jolatic rigo, aka rumacen jobino wok gi lim madwoŋ. 15To ri in mere, ibino tho i oro m'otegino, i siem t'iyikin. 16Aka jobino dwoko ka i luse mar'aŋwen; rupiri Joamor fodi jok'otimo kidakana ma joripo limo gir'acula.”
17Munyo waŋceŋ otieko podho, aka piny oyido col, neni, dak manitie mac ma yiro wok'iye kodi cuk mac oluwo i dier mumin mar'ogwaŋe. 18#Tim 7:5I ndelo no Rwoth otimo cikirok gi Abram ka waco ama: Ri nyikwayin abino miyo lowo me, wok i malawa ma Misir tundo i malawa madwoŋ, Yufrete, 19lowo pa Jokena, Jokeniz, Jokadimon, 20Johiti, Joperiz, Jorefayim, 21Joamor, Jokanan, Jogirigas, kodi Joyebus.
S'ha seleccionat:
Cakirok 15: DHOCDC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.