JUAN 2
2
Ti boda idiay Cana, immuna a milagro, ti danum a nagbalin nga arac.
1Ket #Luc. 1:20, 35, 43.iti maicatlo nga aldaw naaramid ti maysa a panagpaboda idiay #Juan 4:46; 21:2.Cana ti Galilea; ket adda idiay idi ti ina ni Jesus.
2Ket naawis met ni Jesus ken #Juan 1:40, 42, 43, 45.dagiti adalanna idi pagbodaan.
3Ket idi agcurang ti arac, ti ina ni Jesus kinunana kencuana: Awan ti aracda.
4Ket cuna ni #Luc. 19:26.Jesus kencuana: Ania ti pacaibiangac kenca, babai? ti horasco #Juan 7:6.di pay dimteng.
5Ni inana cunana cadagiti tumultulong: Aniaman nga ibagana cadacayo, aramidenyo.
6Ket naicabil idiay idi, #Mar. 7:3, 4.cas iti ugali a panaggugor dagiti Judio, ti innem a burnay nga aglaon ti dua wenno tal-lo a caramba ti danum ti tunggal maysa.
7Cuna cadacuada ni Jesus: Punnoenyo dagiti burnay iti danum. Ket pinunnoda ida nga agingga iti ngarab.
8Ket cunana cadacuada: Tacoenyon ket ipanyo iti panguloen ti rambac. Ket impanda.
9Ket idi rinamanan ti panguloen ti rambac daydi danum a nagbalinen nga arac, dina ammo no adino ti naggapuanna (ngem ammo dagiti tumultulong a nangala idi danum), ti pangulo ti rambac ayabanna ti novio,
10Ket cunana kencuana: Tunggal tao unaenna ti nasayaat nga arac, ket inton macainumda ti adun sa isango ti dacdakes: sica indulinmo ti nasayaat nga arac agingga ita.
11Daytoy a pangrugian dagiti datdatlag a inaramid ni Jesus idiay Cana ti Galilea, #Juan 1:14.ket impakitana ti dayagna; ket dagiti adalanna namatida kencuana.
12Calpasan daytoy, simmalog idiay Capernaum, isu ken ni inana #Mat. 12:46.ken dagiti cacabsatna ken adalanna ket naggianda idiay iti saan nga adu nga aldaw.
Ni Jesus gugoranna ti Templo.
13Ket asidegen idi ti pascua #Ex. 12:14. Juan 6:4; 11:55.dagiti Judio; ket #Luc. 2:4.simmang-at ni Jesus idiay Jerusalem.
14Ket nasaracanna ti Templo #Mat. 21:12, 13. Mar. 11:15-17.dagiti aglaclaco ti vacvaca ken carcarnero, ken calcalapati, ken dagiti agsucsucat ti pirac nga agtutugaw:
15Ket nangaramid ti pagbaot a taltali, ket pinaruarna ida amin iti Templo, ken dagiti carcarnero ken vacvaca; ket impuruacna dagiti pirac dagiti agsucsucat ti pirac, ket tinuangna dagiti lamlamisaanda;
16Ket cadagiti agtagtagilaco ti calcalapati, kinunana: Iccatenyo ditoy dagitoy, dicay aramiden ti balay ni #Luc. 2:49.Amac a balay a pagtagtagilacoan.
17 Idin nalagip dagiti adalanna nga adda a naisurat: Ti #Sal. 69:9.ganetget ti balaymo alun-unennacto.
18Dagiti Judio ngarud simmungbatda ket kinunada kencuana; #Mat. 12:38.Ania ti pagilasinan nga ipakitam cadacami, idinto nga aramiden dagitoy?
19Simmungbat ni Jesus ket kinunana cadacuada: #Mat. 26:61; 27:40. Mar. 14:58.Rebbaenyo daytoy Templo, ket iti uneg ti tal-lo nga aldaw, #Juan 10:18.bangonecto.
20Kinuna ngarud dagiti Judio: Uppat a pulo ket innem a taoen ti pannacabangon daytoy a Templo, ket sica bangonemto iti tal-lo nga aldaw?
21Ngem isu nagsao idi #1 Cor. 6:19.iti maipapan ti Templo ti bagina.
22Idi ngarud nagungar cadagiti natay, #Luc. 24:8.dagiti adalanna nalagipda a sinaona daytoy: ket namatida cadagiti #Sal. 16:10. Luc. 24:27, 44. Juan 20:9.Sursurat ken ti sao nga insao ni Jesus.
23Ket bayat ti caaddana idiay Jerusalem iti rambac ti pascua adu dagiti namati iti naganna, idi kitkitaenda #Juan 3:2; 4:45.dagiti pagilasinan nga araramidenna.
24Ngem ni met laeng Jesus saan a nagtalec cadacuada, ta amammona amin a tattao.
25Ken gapu ta awan ti pacasapulanna nga adda mangpanecnec kencuana iti maipapan iti tao; ta #Juan 6:61, 64; 13:11; 21:17.isu met laeng ammona ti adda idi iti tao.
S'ha seleccionat:
JUAN 2: TB1973
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ti Biblia © 1973 Philippine Bible Society