LUCAS 19
19
Ni Zaqueo nga agsingsingir ti buis.
1Ket idinto a #Mat. 20:29. Luc. 18:35.simrec limmabas sadi Jerico,
2Ket adtoy ti maysa a lalaki a managan Zaqueo, ket daytoy isu idi ti turayen dagiti agsingsingir ti buis, ket nabacnang.
3Ket inagawaanna a kinita ni Jesus no asino, ngem saanna a nabalin gapu cadagiti adu a tao, ta pandec, saan a natayag.
4Ket timmaray iti masangoananna, ket immuli iti maysa a cayo a sicomoro, tapno isu kitaenna; ta lumabas sadiay.
5Ket idi dimteng ni Jesus idiay a disso, tinangadna ket kinunana kencuana: Zaqueo, umulogca daras ta ita masapul nga agdagusac idiay balaymo.
6Ket immulog a nagdardaras ket isu inawatna a siraragsac.
7Ket idi nakitada daytoy, #Luc. 15:2.nagtanabutobda amin a cuncunada: Napan nakidagus iti maysa a tao a managbasol.
8Ket ni Zaqueo nagtacder, ket kinunana iti Apo: Adtoy, ti guddua dagiti cucuac Apo, itedco cadagiti napanglaw; #Luc. 3:14.ket no adda nangulbudac iti asinoman a tao, #Ex. 22:1. 2 Sam. 12:6.isublic ti maminpat pay nga caadu.
9Ket ni Jesus kinunana kencuana: Ita nga aldaw immay ti pannacaisalacan iti daytoy a balay, ta #Rom. 4:11, 12, 16. Gal. 3:7.isu #Luc. 13:16.anac met ni Abraham.
10Ta toy Anac #Mat. 18:11.ti tao immay nga agsapul ken mangisalacan iti napucaw.
Pangngarig cadagiti sangapulo a mina.#Pirac a capada ti tal-lo pulo ket dua a pisos.
11Ket iti panangdengdengngegda cadagitoy innayonna a sinao ti maysa a pangngarig, agsipud ta isu adda iti asideg ti Jerusalem; ket #Luc. 17:20. D. Ara. 1:6.impapanda nga iti apagdaricmat agparang ti pagarian ti Dios.
12Kinunana ngarud: #Mat. 25:14-30.Maysa a tao a natan-oc napan iti maysa a daga nga adayu, tapno awatenna ti panagarina, ket sa agsublinto.
13Ket idi nga inayabanna dagiti sangapulo nga adipenna, iniccana ida ti sangapulo a mina, ket kinunana cadacuada: Pagsapulyo agingga iti agsubliac.
14Ngem dagidi cailianna kinagurada ket nangibaonda iti sumurot kencuana a manangipacaammo a cuncunana: Dicam cayat nga agari daytoy cadacami.
15Ket naaramid, nga idi simmubli, iti calpasan ti panangawatna iti pagarian, pinaayabanna dagidi nga adipen, isuda a nangtedanna idi #bil. 23.ti pirac, tapno maammoanna ti nasapulanda.
16Ket immay ti immuna, a cunana: Apo, ti minam nacagun-od ti sangapulo a #Pirac a capada ti tal-lo pulo ket dua a pisos.mina.
17Ket isu kinunana kencuana: Naimbag, nalaing nga adipen; agsipud ta #Mat. 25:21.iti bassit unay napagtalcanca, adda turaymo iti sangapulo nga Ili.
18Ket immay ti maicadua a nagcuna; Apo, ti minam nacasapul ti lima a mina.
19Ket iti daytoy kinunana met: Sica agturayca met iti lima nga Ili.
20Ket immay ti maysa a kinunana: Apo, adtoy ti minam, nga indulinco iti maysa a pano:
21Ta nagbutengac kenca, ta taoca a nainget; alaem ti dica incabil, ket aniem ti dica immula.
22Ket kinunana kencuana: Dakes nga adipen, iti ngiwatmo ti pangocomac kenca. Ammom a taoac a nainget, nga alaec ti diac incabil, ket aniec ti diac immula:
23Apayapay ngarud a dica inted ti piracco iti agsucsucat ti #Banco: pagidulinan ti pirac nga adda gonguna.pirac, tapno inton dumtengac singirecto agraman gongonanna?
24Ket kinunana cadagiti adda a sisasango: Iccatenyo kencuana ti mina, ket itedyo iti addaan cadagiti sangapulo a mina.
25Ket isuda kinunada kencuana: Apo, addaanen ti sangapulo a mina.
26Siac cunac cadacayo #Mat. 13:12.nga uray siasino nga addaan, maiccanto; ngem iti awanan, uray pay ti adda kencuana, maiccatto.
27Ngem dagidiay cabusorco a dida cayat coma nga agariac cadacuada, iyegyo ditoy, ket putulanyo ida iti sangoanac.
28Ket idi nasaona dagitoy #Mat. 10:32. Luc. 13:22.intuloyna ti nagna a simmang-at sadi Jerusalem.
Iseserrec a sibabal-ligi ni Jesus idiay Jerusalem.
29Ket naaramid, #Mat. 21:1-11. Mar. 11:1-10.nga idi nacaasideg iti Betfage ken iti Betania, iti bantay a managan ti Caolivaan, imbaonna ti dua cadagiti adalanna,
30A cunana: Incay iti puroc a masangoanan; ket inton sumreccayo, masaracanyonto ti maysa nga urbon nga asno a naibaod, isu a di pay sinacayan ti uray siasino a tao, warwaranyo ket iyegyo.
31Ket no adda mangintuud cadacayo: apayapay bucraanyo? sungbatanyonto ti castoy: Ta ti Apo masapulna.
32Ket napan dagiti naibaon ket nasaracanda cas kinunana cadacuada.
33Ket idi a warwaranda ti urbon nga asno, dagiti agtagicua kinunada cadacuada: Apayapay bucraanyo ti urbon nga asno?
34Ket kinunada: Ta ti Apo masapulna.
35Ket impanda ken Jesus, #Juan 12:12-15.ket inyap-apda dagiti pagananayda iti urbon nga asno, ket impasacayda ni Jesus.
36Ket idi magmagna, inyaplagda dagiti cagayda iti dalan.
37Ket idi umasidegen iti sasalugan ti Bantay dagiti Olivo, amin dagiti adu unay nga adalanna, rinugianda ti nagragsac ken nagdaydayaw iti Dios iti dackel a timec gapu cadagiti isu-amin a datdatlag a nakitada,
38A cuncunada: Naingasatan ti Ari, nga umay iti nagan ti Apo. Talna idiay langit, #Luc. 2:14.ket dayaw iti cangatoan.
39 #
Mat. 21:15, 16. Ket dadduma a Fariseo a nailaoc cadagidi adu a tao, kinunada kencuana: Mannursuro, atipaem dagiti adalam.
40Ket isu simmungbat ket kinunana cadacuada: Cunac cadacayo a no dagitoy agulimecda coma dagiti bato agickisdanto.
41Ket idi nacaasideg nakitana ti ciudad ket sinangitanna,
42A kinunana: Ay no naawatam coma laeng, sica met uray iti daytoy laeng nga aldaw, dagiti maipapan iti talnam! ngem ita nailingedda cadagiti matam.
43Ta umayto dagiti aldaw a dagiti cabusormo #Isa. 29:3, 4; 37:33.licmutendacanto cadagiti sarikedked ket lawlawendacanto ket pairutandacanto iti amin a disso.
44Ket rebbaendacanto agingga iti daga, sica ken dagiti annacmo nga adda iti unegmo, #Mat. 24:2. Mar. 13:2. Luc. 21:6.ket awanto ti matda a bato iti rabaw ti bato kenca agsipud ta dica binigbig ti aldaw ti #1 Ped. 2:12.pannacasucnalmo.
Pannacagugur ti Templo.
45Ket #Mat. 21:12, 13, 16. Mar. 11:15, 17, 18. Juan 2:13-17.simrec iti Templo ket rinugiana a pinaruar dagiti naglaclaco,
46A kinunana cadacuada: Adda a naisurat: #Isa. 56:7.Ti balayco, isu ti balay ti cararag; ngem dacayo #Jer. 7:11.pinagbalinyo a rukib dagiti mannanacaw.
47Ket nanursuro nga inaldaw idiay Templo; ngem dagiti panguloen dagiti papadi ken dagiti escriba ken dagiti nangnangrona cadagiti umili inagawaanda a papatayen:
48Ngem dida nacasarac ti pamcuatanda; ta dagiti amin nga umili pagayayatanda unay a dengdenggen.
S'ha seleccionat:
LUCAS 19: TB1973
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ti Biblia © 1973 Philippine Bible Society