ทิน เต่ย โต้ว 24
24
เถง อีสัก ล์อ เอ๊า
1อับลาฮัม เญย หฮญัง-เจ๊ย ฮลัง, โก๋ ไห่ อ๊ะ. เยียม นิ่น โหฒว เญย หญู่งๆ เฒี้ยว หย่า เหธย ฟุ ปุน นิ่น. 2อับลาฮัม บั๋ว นิ่น หฮญัง-เจ๊ย เก้า โก๋ เจี๋ย#24:2 ไฟ โหฒว เปย๊ย. วั้ว เต้า โปว, ต้ง เถง นิ่น โก๋ว เหฑ่ง จา-ตี้ง วั้ว เต้า, “ต้อ เม่ย เญย ปั์ว ต้าย อัน เจี๊ยน เยีย เญย ธั่ม ฒุ่ย กะเดี๊ย แหมง.#24:2 ธั่ม ฒุ่ย กะเดี๊ย ไฟ ธั่ม ฒุ่ย บุด๋ง-ฉัง. น้าย หญู่ง เล์ย ปิ๋ว เม่ง เหลียบ เหยียด ลิ์ว ไม้ ไฮ่ ก๊อย เหยี่ยน เญย แหง่ง หว่า. 3เยีย อ๋อย เม่ย เฒี้ยง เจี๊ยน เฒี้ยว, ต้ง ลู่ง เหธา เดา เญย ทิน-ฮู่ง, แล์ง หว่า เม่ย ไม้ ล์อ อี้ หฒั่น เยีย เยียม เจี๊ยน เญย คานาอัน เมี่ยน บุด๋ง เญย เซียะ โหฒว เยีย เญย ตอน เญย เอ๊า. 4อ๋อย หฒุ หฑวน เยีย เญย โล์-เต่ย-ปูง, เยีย เญย เธียน-เธะ วั้ว, เถง เยีย เญย ตอน, อีสัก, ก๊อง เอ๊า.”
5โปว หน่าย ก๋า, “สี ก๊อง เซียะ ไม้ คั้ง กัน เยีย ต้าย น้าย นอม เต่ย-ปูง นี? เยีย อ๋อย หฒุ ฝูง เม่ย เญย ตอน หฑวน เม่ย ธ้วด ต้าย วั้ว นอม เต่ย-ปูง ซ่าะ?”
6อับลาฮัม ก๊อง, “ธิน-หม่าน ไม้ ตู๋ง ฝูง เยีย เญย ตอน หฑวน วั้ว นอม เต่ย-ปูง. 7ลู่ง หฒั่ง เญย ทิน-ฮู่ง วั้ว เต้า เฒี้ยว, ต้อ เยีย เล่ย ฆอย เยีย เญย เตีย เญย เปย๊า, กวั่ง เจี๊ยน เยีย ธ้วด เสย เญย เต่ย-ปูง. นิ่น หย่า เหธา เยีย แล์ง แหง่ง หว่า. นิ่น ก๊อง, ‘เยีย อ๋อย เฒาะ น้าย นอม เต่ย-ปูง ปุน เม่ย เญย เฒ้ย-ฟุน.’ เฒี้ยว อ๋อย พ้าย นิ่น เญย ฟิน-เมี่ยน มี่ง ด่าง, เม่ย ฯฒฯ ไฮ่ ตุ๊ เต้า วั้ว นอม เต่ย-ปูง เญย เซียะ โหฒว เยีย เญย บวั์ง. 8สี ก๊อง วั้ว เต้า เซียะ ไม้ แล์ง เหธา เม่ย ต้าย น้าย, เยีย ปุน เม่ย แล์ง ลิ์ว เญย แหง่ง หว่า เจี๋ย หมี่ อ๊ะ. มป่า เม่ย ธิน-หม่าน ไม้ ตู๋ง ต้อ เยีย เญย ตอน หฑวน วั้ว นอม เต่ย-ปูง โอ่.” 9วั้ว เต้า โปว ฯฒฯ ต้อ นิ่น เญย ปั์ว อัน เจี๊ยน นิ่น เญย เฒี้ยว, อับลาฮัม, เญย ธั่ม ฒุ่ย กะเดี๊ย แหมง โฮ้ว เจี๊ยน แล์ง เอย น้าย เต๋ย หว่า โหฒว.
10วั้ว เต้า โปว ฯฒฯ ต้อ เจี๊ยน เหฒียบ เต้า นิ่น เญย เฒี้ยว เญย ล่อ ท่อ เหธา เหฒีย หญู่ง ม่าย จ๋า-ฒิ่น เญย กะน้าย ธ้วด เจ๊า มี่ง เมโสโปเตเมีย เต่ย, นาโฮ เญย ฒี่ง. 11เถา ฒี่ง กะเหญี่ย แหมง, นิ่น ปุน ล่อ ท่อ เกว่ย เหฌี่ย ววม-ค้วด เฮลน. วั้ว หฒั่น ลู่ง ม์าน-หฮมวัง อ๊ะ, ต๋อย หฒุ มเซียะ ตอน ธ้วด ต้าย ฒ่าง ววม เญย เฒี่ยง โห่.
12วั้ว เต้า โปว เต๋า เก๋า ก๊อง, “โอ เฒี้ยว, เยีย เญย เฒี้ยว, อับลาฮัม, เญย ทิน-ฮู่ง อ้า! โท้ เถง เยีย อี้ ฮนอย โหฒว ตุ๊ เหฒียง เยีย แล์ง เญย หว่า. โท้ เม่ย หย่า โหฒว หลง ปุน เยีย เญย เฒี้ยว, อับลาฮัม. 13เยีย โซ้ว เจี๊ยน น้าย ววม-ฒี้ง เฮลน. เยียม น้าย นอม ฒี่ง เญย เซียะ อี้ หฒั่น ธ้วด ต้าย ฒ่าง ววม. 14เยีย อ๋อย เหธา เต้า เซียะ ก๊อง, ‘โท้ เม่ย ปู๋ง เม่ย หน่าย เนีย-หะโล่ว เหฌี่ย ปุน เต๋ย ววม เยีย ฮบ โอ่.’ สี ก๊อง วั้ว เต้า เซียะ ก๊อง, ‘ต้ม ก๋อ อ่า, กุ๊น ฮบ ม่าะ! เยีย หธ่อ แอ๋ง อ๋อย ปุน ววม เม่ย เญย ล่อ ท่อ ฮบ’ นอ, เยีย ฯฒฯ ฮิ้ว ตุ๊ เม่ย กิ๊น วั้ว เต้า ต้าย โหฒว เม่ย เญย โปว, อีสัก, เญย เอ๊า อ๊ะ. สี ก๊อง ฮนั้ง น้าย นอ, เยีย ฮิ้ว ตุ๊ เม่ย หฒะเก้ง โหฒว หลง ปุน เยีย เญย เฒี้ยว.”
15เต๋า เก๋า ฒู้ง ไม้ แก้ง เซ้ด, ม่าย เต้า เซียะ, บั๋ว เห่ว เลเบคา, ดาม เจี๊ยน เนีย-หะโล่ว ธ้วด ต้าย. เลเบคา เซ เบทูเอน เญย เซียะ. เลเบคา เญย กู๋ เห่ว มินคา. มินคา โหฒว นาโฮ เญย เอ๊า. นาโฮ โหฒว อับลาฮัม เญย โย์ว. 16น้าย เต้า เซียะ เฒี่ยง ตุ๊ เหฑว่ย ไห่ หย่า ไม้ แก้ง หฑย่าว เจี๋ย ตอน. นิ่น เหฌี่ย เถา ววม-ฒี้ง ฒ่าง ววม ปวั๊ง หะโล่ว แอ๋ง ฝาว ต้าย.
17อับลาฮัม เญย โปว ฯฒฯ ถิว เจี๊ยน มี่ง เถา เซียะ เญย กะเฮลน ก๊อง, “โท้ ปุน เต๋ย เม่ย หน่าย เนีย-หะโล่ว เญย ววม เยีย ฮบ โอ่.”
18วั้ว เต้า เซียะ ก๊อง, “ต้ม ก๋อ อ่า, กุ๊น ฮบ ม่าะ!” เซียะ ฯฒฯ ปู๋ง เนีย-หะโล่ว เหฌี่ย บะเต้า, โป้ว เจี๊ยน ปุน นิ่น ฮบ.
19นิ่น ฮบ ลิ์ว ววม, เซียะ แอ๋ง ก๊อง, “เยีย หธ่อ อ๋อย มี่ง ฒ่าง ววม ปุน เม่ย เญย ล่อ ท่อ ฮบ เป๊ว.” 20นิ่น ฯฒฯ ก๊าน เจี๊ยน โต๋ เนีย-หะโล่ว เญย ววม อัน วั้ว โฒ่ ปุน ล่อ ท่อ ฮบ. แอ๋ง ถิว มี่ง ววม-ค้วด วั้ว ฒ่าง ววม ปุน นิ่น เญย เต้าๆ ล่อ ท่อ ฮบ. 21วั้ว เต้า โปว โซ้ว เจี๊ยน วั้ว ไม้ โค โล, สัม หมั่ง ก๋า, เฒี้ยว เถง นิ่น โหฒว เหฒียง หฒิว นิ่น ธ้วด ต้าย โหฒว เญย กง ไฟ นี?
22ล่อ ท่อ ฮบ ลิ์ว ววม, วั้ว เต้า โปว เฒาะ นอม เจียม-บะฒอง-ฮยุน, เฮนี้ย-ต้าว เหยียด ฒิ่น ฟาม-ปวน,#24:22 เหยียด ฒิ่น ฟาม-ปวน ฮิบลู หว่า ก๊อง เหยียด เบคา. เซ เล่ย ไม้ โก 5.5 กัม. แอ๋ง เฒาะ ต๋อย เจียม เญย เจี้ยม, เฮนี้ย-ต้าว ฟาม-ลู์ง,#24:22 ฟาม-ลู์ง ฮิบลู หว่า ก๊อง 10 เซเขน. เซ เล่ย ไม้ โก 110 กัม. ปุน วั้ว เต้า เซียะ. 23วั้ว เต้า โปว หน่าย, “โท้ บั๋ว เยีย, เม่ย หาย เต้า เญย เซียะ? เม่ย เญย เตีย เญย เปย๊า ม่าย ต๋อง ปุน เยีย บัว เปว๋ย ม์วน ไฟ?”
24เซียะ เตา, “เยีย เบทูเอน เญย เซียะ. เยีย เญย อง เห่ว นาโฮ. กู๋ เห่ว มินคา.” 25นิ่น แอ๋ง ก๊อง, “เยีย บัว เญย เปย๊า ม่าย เมี้ย ม่าย เบย้า ฆ้าว ธั้ม เญย หวุย แซง-คู้. หย่า ม่าย ต๋อง ปุน เม่ย เปว๋ย.”
26วั้ว เต้า โปว ฯฒฯ เกว่ย เหฌี่ย เดา ป๋าย เฒี้ยว. 27นิ่น ก๊อง, “เธง เฒี้ยว, เยีย เญย เฒี้ยว, อับลาฮัม, เญย ทิน-ฮู่ง. เฒี้ยว ไม้ กวั่ง แล์ง เจี๋ย เญย แหง่ง หว่า, ฒู้ง เหฒียบ ฒัวะ เญย โหฒว หลง ปุน เยีย เญย เฒี้ยว. เยีย กั้น แอ๊ะ, เฒี้ยว ต้อ เจ๊า เถา เยีย เญย เฒี้ยว, อับลาฮัม, เญย เธียน-เธะ เญย เปย๊า.”
28เซียะ ถิว เจี๊ยน หฑวน มี่ง, เฒาะ น้าย เต๋ย เจ๊า-โหล่ว บั๋ว นิ่น เญย มา เหธา เปย๊า ฒง เมี่ยน. 29เลเบคา ม่าย เต้า ก๋อ, บั๋ว เห่ว ลาบาน. ลาบาน ก๊าน เจี๊ยน มี่ง วั้ว ววม-ฒี้ง ล์อ วั้ว เต้า เมี่ยน. 30ลาบาน ปวัด ลิ์ว นิ่น เญย หมั่ว ตั้ง เจี๊ยน เญย บะฒอง-ฮยุน เหธา ปั์ว-เจี้ยม, หย่า ไฮ์ นิ่น ก๊อง เหฑ่ง วั้ว เต้า เมี่ยน ก๊อง เญย หว่า, นิ่น ฯฒฯ ธ้วด มี่ง ล์อ วั้ว เต้า เมี่ยน. ปวัด นิ่น โซ้ว เจี๊ยน ล่อ ท่อ กะเฮลน นิด ววม-ฒี้ง. 31ลาบาน ก๊อง, “ต้าย โอ่. เม่ย เซ เฒี้ยว เหธย ฟุ เญย เมี่ยน. เม่ย ฝู่ง โซ้ว เจี๊ยน กะเหญี่ย ฮนั้ง? เยีย ฒู้ง หลิ่ว เล์ย เปย๊า หย่า หลิ่ว เล์ย เหฒียง ล่อ ท่อ เยียม เญย ต๋อง.”
32วั้ว เต้า โปว ฯฒฯ เปียะ เปย๊า หมี่ อ๊ะ. ลาบาน โป้ว ล่อ ท่อ เญย ต๋อ เหฌี่ย, แอ๋ง เฒาะ เบย้า ฆ้าว เฒาะ เมี้ย ปุน ล่อ ท่อ หญั่น. นิ่น ล์อ ววม ปุน อับลาฮัม เญย โปว เหธา กัน อับลาฮัม เญย โปว ต้าย เญย เมี่ยน หฑาว เหฒา. 33เบ่น เหฒียง หฮนาง, เห่ว อับลาฮัม เญย โปว หญั่น มป่า นิ่น ก๊อง, “เยีย ไม้ แก้ง หญั่น โอ่. ฒั้ว เยีย ก๊อง เหฑ่ง เยีย ต้าย เญย เจ๊า-โหล่ว หธีง หญั่น.”
ลาบาน ก๊อง, “ม่าย หาย หญู่ง, กุ๊น ก๊อง ม่าะ!”
34วั้ว เต้า โปว ก๊อง, “เยีย เซ อับลาฮัม เญย โปว. 35เฒี้ยว หฒะเก้ง เหธย ฟุ เยีย เญย เฒี้ยว, อับลาฮัม, ธั้ม ไห่, ปุน นิ่น ปุ๊ด ฒ่อย ไห่, ม่าย ง่ง, ม่าย ปะกี ยู่ง, ม่าย ยู่ง ธั้ม, หย่า ม่าย เจียม ม่าย ญ่าน, ม่าย โน่ว เก๊า โน่ว เป์ย, ม่าย ล่อ ท่อ เหธา ล่อ. 36เยีย เญย เฒี้ยว เญย เอ๊า, ซาลา, หฮญัง-เจ๊ย โก๋ เญย เฒี่ยง โห่, ยู์ง ตุ๊ เต้า ตอน ปุน เยีย เญย เฒี้ยว. เยีย เญย เฒี้ยว ม่าย เญย หญู่งๆ นิ่น จิว ปุน วั้ว เต้า ตอน หมี่ อ๊ะ. 37เยีย เญย เฒี้ยว เห่ว เยีย เหธา นิ่น แล์ง เจี๋ย แหง่ง หว่า ก๊อง, ‘ไม้ ตู๋ง ล์อ ต้ง อี้ หฒั่น เยียม เจี๊ยน น้าย นอม คานาอัน เต่ย-ปูง เญย เซียะ ปุน เยีย เญย ตอน หล่ง โหฒว เอ๊า. 38อ๋อย หฒุ หฑวน เยีย เญย เตีย เญย โฒ้ว หฒั่ง เมี่ยน เหธา เยีย เญย เธียน-เธะ เถง เยีย เญย ตอน ล์อ เต้า เซียะ โหฒว เอ๊า.’”
39“เยีย แอ๋ง หน่าย ก๋า เยีย เญย เฒี้ยว, ‘สี ก๊อง วั้ว เต้า เซียะ ไม้ คั้ง กัน เยีย ต้าย นี?’”
40“เยีย เญย เฒี้ยว เตา, ‘ต้ง เยีย ปัวะ หฒั่ง เญย เฒี้ยว อ๋อย พ้าย นิ่น เญย ฟิน-เมี่ยน เหธา เม่ย มี่ง เถง เม่ย โหฒว ตุ๊ เหฒียง หฒิว เม่ย ธ้วด เจ๊า โหฒว เญย กง. เม่ย อ๋อย หฒุ ล์อ เต้า เยีย เญย เธียน-เธะ เญย เซียะ, เยีย เญย เตีย เญย โฒ้ว หฒั่ง เมี่ยน, ปุน เยีย เญย ตอน หล่ง โหฒว เอ๊า. 41เม่ย มี่ง เถา เยีย เญย เธียน-เธะ วั้ว, เม่ย เหธา เยีย แล์ง เญย แหง่ง หว่า ฯฒฯ เจี๋ย หมี่ อ๊ะ. ไม้ กุ๊น นิ่น บัว ไม้ ปุน เซียะ เม่ย, เม่ย เหธา เยีย แล์ง เญย แหง่ง หว่า เจี๋ย หมี่ อ๊ะ.’”
42“อี้ ฮนอย เยีย เถา วั้ว ววม-ค้วด เฮลน, เยีย เต๋า เก๋า ก๊อง, ‘เฒี้ยว, เยีย เญย เฒี้ยว, อับลาฮัม, เญย ทิน-ฮู่ง อ้า! โท้ เถง เยีย โหฒว เหฒียง เยีย ธ้วด เจ๊า ต้าย โหฒว เญย กง. 43อี้ หฒั่น เยีย โซ้ว เจี๊ยน น้าย ววม-ฒี้ง เฮลน. ม่าย เต้า เซียะ ธ้วด ต้าย ฒ่าง ววม เยีย อ๋อย ก๊อง, “โท้ เต๋ย เม่ย เญย เนีย-หะโล่ว เญย ววม ฮบ โอ่.” 44สี ก๊อง นิ่น ก๊อง, “กุ๊น ฮบ ม่าะ! เยีย หย่า อ๋อย ฒ่าง ววม ปุน เม่ย เญย ล่อ ท่อ ฮบ” นอ, เยีย ฯฒฯ ฮิ้ว ตุ๊ ต้ง วั้ว เต้า เซียะ เฒี้ยว ตี่ง ต้าย โหฒว เยีย เญย เฒี้ยว เญย ตอน เญย เอ๊า.’
45“เยีย เยียม เฮญี้ยว เต๋า เก๋า ฒู้ง ไม้ แก้ง เซ้ด, เลเบคา ฯฒฯ ดาม เจี๊ยน เนีย-หะโล่ว ธ้วด ต้าย. นิ่น เหฌี่ย เถา ววม-ฒี้ง ฒ่าง ววม, เยีย ฯฒฯ บั๋ว นิ่น, ‘โท้ เต๋ย ววม ฮบ โอ่.’
46“นิ่น ฯฒฯ เซี้ยบๆ เญย ปู๋ง เนีย-หะโล่ว เหฌี่ย บะเต้า หย่า ก๊อง, ‘กุ๊น ฮบ ม่าะ! เยีย แอ๋ง ฒ่าง ววม ปุน เม่ย เญย ล่อ ท่อ ฮบ.’ เยีย ฯฒฯ ฮบ. นิ่น แอ๋ง ฒ่าง ววม ปุน ล่อ ท่อ ฮบ.
47“เยีย แอ๋ง หน่าย นิ่น, ‘เม่ย หาย เต้า เญย เซียะ?’
“นิ่น เตา, ‘เยีย เบทูเอน เญย เซียะ. เยีย เญย อง เห่ว นาโฮ. กู๋ เห่ว มินคา.’
“เยีย ฯฒฯ เฒาะ บะฒอง-ฮยุน ตั้ง เจี๊ยน นิ่น เญย บะฒอง, แอ๋ง เฒาะ เจี้ยม ตั้ง เจี๊ยน นิ่น เญย ปั์ว. 48เยีย หย่า เกว่ย เหฌี่ย ป๋าย เฒี้ยว. เยีย เธง เฒี้ยว, เยีย เญย เฒี้ยว, อับลาฮัม, เญย ทิน-ฮู่ง. นิ่น ต้อ เยีย มี่ง ตุ๊ หฒุ เจ๊า, ปุน เยีย ล์อ ตุ๊ เยีย เญย เฒี้ยว เญย โย์ว เญย เซียะ-ฟุน โหฒว เยีย เญย เฒี้ยว เญย บวั์ง. 49อี้ หฒั่น สี ก๊อง เม่ย อะเฮน้ย เหฒียบ ฒัวะ เญย โหฒว ต๋อย เยีย เญย เฒี้ยว เญย หว่า, โท้ บั๋ว เยีย. เม่ย ไม้ อ๋อย โหฒว นอ, โท้ บั๋ว เยีย, เยีย หธีง ฮิ้ว ตุ๊ อ๋อย หฒุ ฮนั้ง หาย นอ โหฒว.”#24:49 ฮิบลู หว่า ก๊อง “ฮวิน หฒาย ไฟ ฮวิน บย่าว”.
50ลาบาน เหธา เบทูเอน เตา, “น้าย เต๋ย เจ๊า เซ เยียม เฒี้ยว ต้าย. เยีย บัว ไม้ ไฮ่ เหธา เม่ย ก๊อง หลง ไฟ เธี้ยว. 51เลเบคา มต้าย เยียม น้าย เญย. กุ๊น ต้อ นิ่น มี่ง โหฒว เม่ย เญย เฒี้ยว เญย บวั์ง อ๊ะ, ฮนั้ง เฒี้ยว ทิน-ฮู่ง ก๊อง นอ.”
52อับลาฮัม เญย โปว ไฮ์ นิ่น บัว เญย หว่า ฯฒฯ พัวะ เหฌี่ย เดา ป๋าย เฒี้ยว. 53นิ่น หย่า เฒาะ หล่ง เจียม หล่ง ญ่าน ต๊า ต้าย เญย เซียว-เซ้ด เหธา ลุย-โหว ปุน เลเบคา. นิ่น แอ๋ง เฒาะ จ๋าย เญย ฒี่ง เหญ่ย ปุน เซียะ เญย ก๋อ เหธา มา. 54อับลาฮัม เญย โปว ปุน ลิ์ว, นิ่น เหธา กัน นิ่น ต้าย เญย เมี่ยน ฯฒฯ หญั่น หฮนาง อ๊ะ. หญั่น ลิ์ว ฮบ ลิ์ว, นิ่น บัว เปว๋ย ม์วน วั้ว.
ตะเหญ่ย ดอม เจี์ย ซิน ต้าย, วั้ว เต้า โปว ก๊อง, “โท้ ปุน เยีย หฑวน เยีย เญย เฒี้ยว วั้ว โอ่.”
55เซียะ เญย ก๋อ เหธา นิ่น เญย มา ก๊อง, “โท้ ปุน เซียะ เหธา เยีย บัว เยียม เหฒียบ ป๊า ฮนอย ลิ์ว, ฆะฮ้า มี่ง ตุ๊ เญย.”
56วั้ว เต้า โปว ก๊อง, “โท้ เม่ย บัว ไม้ ตู๋ง ฒ้อ เยีย เหว่ย หฒุ เฒี้ยว เถง เยีย โหฒว ซูง เยีย เญย เจ๊า หมี่ อ๊ะ. โท้ ปุน เยีย หฑวน เยีย เญย เฒี้ยว วั้ว อ๊ะ.”
57นิ่น บัว เตา, “วั้ว หญู่ง, เห่ว เซียะ ต้าย หน่าย ก๋า นิ่น ฮนั้ง หาย นอ ก๊อง.” 58นิ่น บัว ฯฒฯ เห่ว เลเบคา ต้าย หน่าย, “เม่ย หฒะเก้ง อ๋อย กัน น้าย เต้า มจั่ง ตอน มี่ง เญย ไฟ?”
เซียะ เตา, “มี่ง เญย.”
59นิ่น บัว ฯฒฯ ปุน เลเบคา เหธา ต้อ เลเบคา โฮล ต้าย วั้ว เต้า โปว กัน อับลาฮัม เญย โปว บัว มี่ง. 60นิ่น บัว ปวัง หว่า เลเบคา, ก๊อง บั๋ว นิ่น,
“เยีย บัว เญย หมั่ว อ่า, โท้ ปุน เม่ย โหฒว
เหฒีย ธิน เหฒีย หว่าน เมี่ยน เญย มา.
โท้ ปุน เม่ย เญย เฒ้ย-ฟุน ไฮ่ ตุ๊ หฑิบ
นิ่น บัว เญย วิน-วั้ง เญย ฒี่ง.”#24:60 ฮิบลู หว่า ก๊อง ฒี่ง หลาด แก้ง. เป๊ย หมั่ง ทิน เต่ย โต้ว 22:17.
61เลเบคา เหธา นิ่น เญย มเซียะ โปว บัว เบ่น ฑ่อย กะน้าย, เก้ เจี๊ยน ล่อ ท่อ กัน เจี๊ยน อับลาฮัม เญย โปว หฑวน. วั้ว เต้า โปว ฯฒฯ ธ้วด เจ๊า ต้อ เจี๊ยน เลเบคา มี่ง อ๊ะ.
62อีสัก เยียม เบเอลาไฮลอย#24:62 เป๊ย หมั่ง ทิน เต่ย โต้ว 16:14. เต่ย-ปูง-ฮวาง หฑวน เหว่ย หฒุ วั้ว หฒั่น นิ่น เยียม เนเกบ.
63ม่าย ฮนอย ลู่ง ม์าน-หฮมวัง, อีสัก ธ้วด มี่ง ซาว วั้ว เด่ย. นิ่น เธา เฮมียน ปวัด กวั้น ล่อ ท่อ หูง เจี๊ยน ต้าย. 64เลเบคา หย่า เธา เฮมียน ปวัด อีสัก ฯฒฯ เหฌี่ย ล่อ ท่อ ต้าย 65หน่าย ก๋า อับลาฮัม เญย โปว, “เยียม วั้ว เด่ย หูง เจี๊ยน บัว ต้าย วั้ว เต้า เมี่ยน เซ หาย เต้า?”
วั้ว เต้า โปว ก๊อง, “นิ่น โหฒว เยีย เญย เฒี้ยว.” เลเบคา ฯฒฯ เฒาะ คว้าย เดีย ปวัง เจี๊ยน กั้น เญย เฮมียน.
66วั้ว เต้า โปว ฯฒฯ ก๊อง เหฑ่ง นิ่น เญย เจ๊า-โหล่ว ปุน อีสัก หมวัง. 67อีสัก ฯฒฯ ต้อ เจี๊ยน เลเบคา เปียะ อีสัก เญย มา, ซาลา, เญย ด๊บ-ลิ่ว. เลเบคา ฯฒฯ เป๋น อีสัก เญย เอ๊า หมี่ อ๊ะ. อีสัก หย่า ฮนั้ม ไห่ นิ่น. อีสัก ฯฒฯ ตุ๊ เอ๊า ต้าย เถง ไจ๊ นิ่น เญย มา ไต่ มี่ง เญย โยว-เฑ่า.
S'ha seleccionat:
ทิน เต่ย โต้ว 24: IuMiTH
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Mien Bible (Thai Script) © Thailand Bible Society, 2007