ทิน เต่ย โต้ว 25
25
อับลาฮัม เญย เฒ้ย-ฟุน
(เป๊ย หมั่ง 1 ฒุ่น ต่อย โต้ว 1:32-33)
1อับลาฮัม แอ๋ง หล่ง เต้า เอ๊า, บั๋ว เห่ว เคทูลา. 2เคทูลา ยู์ง ตุ๊ ธั้ม-เต้า ตอน ปุน นิ่น. ม่าย สิมลาน, โย้กซาน, เมดาน, มีเดียน, อิดบาก เหธา ชูวา. 3โย้กซาน เญย ตอน เญย บั๋ว เห่ว เชบา เหธา เดดาน. เดดาน เญย ตอน ปุน เหฌี่ย เป๋น อัดซูลิม, เลทูซิม เหธา เลอุมมิม เมี่ยน. 4มีเดียน เญย ตอน เห่ว เอฟา, เอเฟ, ฮาโน้ก, อาบีดา เหธา เอนดาอา. น้าย เต๋ย เหยียด ฒู้ง โหฒว เคทูลา เญย เฒ้ย-ฟุน.
5อับลาฮัม จิว นิ่น เญย จา-ตี้ง เหยียด ฒู้ง กะน้าย ปุน นิ่น เญย ตอน, อีสัก, หฑิบ เหฑ่ง. 6มป่า อับลาฮัม ไม้ แก้ง เกวย เสย วั้ว หฒั่น นิ่น ปุน ฒี่ง เหญ่ย นิ่น เญย เอ๊า-ตอน เญย ตอน บัว. ฆะฮ้า ฯฒฯ เห่ว นิ่น บัว เล่ย ฆอย อีสัก มี่ง เยียม ตง ปูง แหมง เญย เต่ย-ปูง,
อับลาฮัม เกวย เสย
7อับลาฮัม เญย หฮญัง-เจ๊ย เฒี่ยง ตุ๊ เหยียด แป๊ะ เธี้ยด เหฒียบ ฮม์ หฮญัง. 8นิ่น เฒี่ยง ตุ๊ เสี่ยว ญ่วน ด๊าว, เป๋น เมี่ยน โก๋ เมี่ยน ฯฒฯ ตั๋ง เฉีย, เกวย เสย หมี่ อ๊ะ.#25:8 ฟาน หฒะ ฮิบลู หว่า ก๊อง “เกวย เสย, มี่ง เหธา นิ่น เญย เมี่ยน เยียม.” เอ๋ย เล์ย เซ ไต่ หมี่ อ๊ะ. 9นิ่น เญย ตอน, อีสัก เหธา อิสะมาเอน, ต้อ นิ่น มี่ง หฒัง นิด มัมเล วั้ว นอม มักเปลา แบ๋ง-ค้วด. น้าย นอม แบ๋ง-ค้วด เยียม ฮิดไท เมี่ยน, โสหา เญย ตอน, เอโฟโลน, เญย เด่ย. 10เซ อับลาฮัม เถง ฮิดไท เมี่ยน ม์าย เญย เด่ย.#ทิน เต่ย โต้ว 23:3-16 อับลาฮัม เหธา นิ่น เญย เอ๊า, ซาลา, ฯฒฯ หฒัง เจี๊ยน วั้ว อ๊ะ. 11อับลาฮัม เกวย เสย ลิ์ว, ทิน-ฮู่ง เหธย ฟุ ปุน นิ่น เญย ตอน, อีสัก. อีสัก เยียม นิด เบเอลาไฮลอย.#25:11 เป๊ย หมั่ง ทิน เต่ย โต้ว 16:14.
อิสะมาเอน เญย เฒ้ย-ฟุน
(เป๊ย หมั่ง 1 ฒุ่น ต่อย โต้ว 1:28-31)
12อี้ หฒั่น ก๊อง อับลาฮัม เญย ตอน, อิสะมาเอน, เญย เฒ้ย-ฟุน, ต้ง ซาลา เญย โน่ว เป์ย, อียิบ เมี่ยน, ฮากา, ยู์ง ปุน อับลาฮัม วั้ว เต้า ตอน เญย เฒ้ย-ฟุน.
13เยียม น้าย มี่ง ก๊อง อิสะมาเอน เญย ตอน เญย บั๋ว เฒว่ย โฮล เถา ไฝ. ตอน-โฮล เห่ว เนบาโย้ด. แอ๋ง ม่าย เคดา, อัดเบเอน, มิบสัม,#1 ฒุ่น ต่อย โต้ว 1:29-31 14มิดมา, ดูมา, มัดซา, 15ฮาดัด, เทมา, เยทู, นาฟิด, เหธา เคเดมา. 16น้าย เซ อิสะมาเอน เญย ตอน เญย บั๋ว. นิ่น ปุน เหฌี่ย โหฒว เหฒียบ เหญ่ย ฝีง เญย เปย๊ย เฒ้ย. นิ่น บัว เหลียบ เญย ล์าง เหธา ธอง ด๊บ-ลิ่ว เญย ต๋อง กัน นิ่น บัว กั้น เญย บั๋ว เห่ว. 17อิสะมาเอน เญย หฮญัง-เจ๊ย เฒี่ยง ตุ๊ เหยียด แป๊ะ ฟ่า เหฒียบ เธี้ยด หฮญัง, นิ่น ตั๋ง เฉีย, เกวย เสย หมี่ อ๊ะ.#25:17 เป๊ย หมั่ง ทิน เต่ย โต้ว 25:8. 18อิสะมาเอน เญย เฒ้ย-ฟุน บัว เยียม ฮาวิลา เหธา ซูวา บุด๋ง, หย่า เยียม นิด อียิบ เต่ย-ปูง เญย กั๊บ-จ๋าย,#25:18 ม่าย เต๋ย โซว ก๊อง “เยียม อียิบ เต่ย-ปูง เญย ต๋อย-หง่าน.” ม่าย เต๋ย ก๊อง “เยียม อียิบ เต่ย-ปูง เญย ตง ปูง แหมง”. มี่ง อัดซีเลีย เต่ย-ปูง#25:18 ม่าย เต๋ย โซว ก๊อง อัดซู. วั้ว ติ้ว เจ๊า. นิ่น บัว เญย เฒ้ย-ฟุน ไม้ เหธา อับลาฮัม เญย กั้น เต๋ย เฒ้ย-ฟุน เยียม.#25:18 ไฟ “หฒั่นๆ เหธา อับลาฮัม เญย วั้ว เต๋ย เฒ้ย-ฟุน ไม้ หอบ”.
เอซาว เหธา ยาโค้บ ธ้วด เสย
19เยียม น้าย มี่ง ก๊อง อับลาฮัม เญย ตอน, อีสัก, เญย เจ๊า-โหล่ว.#25:19 ฮิบลู หว่า ก๊อง เฒ้ย-ฟุน.
อับลาฮัม โหฒว อีสัก เญย เตีย. 20อีสัก หล่ง เลเบคา โหฒว เอ๊า วั้ว หฒั่น นิ่น ตุ๊ เฝย เหฒียบ หฮญัง. เลเบคา โหฒว เบทูเอน เญย เซียะ. เบทูเอน เซ อาลัม เมี่ยน, เยียม ปัดดานอาลัม.#25:20 ปัดดานอาลัม เซ เมโสโปเตเมีย เต่ย-ปูง เญย ป๊ะ ปูง เหธา ไฟ ปูง บุด๋ง. เลเบคา หย่า โหฒว อาลัม เมี่ยน, ลาบาน เญย หมั่ว.
21เลเบคา ไม้ ม่าย ฝุเจว๊ย, อีสัก ฯฒฯ เหว่ย นิ่น เญย เอ๊า เต๋า เก๋า โท้ เฒี้ยว ปุน นิ่น เญย เอ๊า ม่าย ฝุเจว๊ย. เฒี้ยว เอย อีสัก โท้ เญย หว่า โหฒว, เลเบคา ฯฒฯ ม่าย กู้งว์า อ๊ะ. 22ม่าย ซูง-กู้งว์า. กู้งว์า เยียม มา เญย กะเซีย ป์อง จ๋า. เลเบคา ก๊อง, “เยีย เหว่ย หาย ติ่ว ด่ง น้าย โค้ว?”#25:22 ฮิบลู หว่า เซ ไม้ หนั่ง เม่ง. ม่าย เต๋ย โซว ฟาน ต้าย ก๊อง “สี ก๊อง ฮนั้ง น้าย เยีย เหว่ย หาย ติ่ว เฒี่ยง เจี๊ยน?” นิ่น ฯฒฯ มี่ง หน่าย เฒี้ยว.
23 เฒี้ยว ก๊อง บั๋ว นิ่น,
“ม่าย อี ฝีง เมี่ยน เยียม เม่ย เญย กะเซีย กะญั์ว.
เม่ย ยู์ง ธ้วด น้าย เต๋ย อี ฝีง,
เหยียด ฝีง เหธา เหยียด ฝีง อ๋อย ปุน ฆอย.
น้าย ฝีง อ๋อย เก้า เฮ้น วั้ว ฝีง.
ก๋อ หย่า อ๋อย หฒุ ฟู-สู โย์ว.”#โลมา 9:12
24เถา ยู์ง เญย เฒี่ยง โห่ นิ่น ฯฒฯ ยู์ง ตุ๊ ซูง-กู้งว์า-ตอน. 25ยู์ง ธ้วด ด่าง วั้ว เต้า, ซิน ซิ เญย, เฒี่ยง ซิน ธ้วด เปยย ซุๆ วั้ว, ฮนั้ง ม่าย เปยย เญย ด๊บ-ลุย นอ. นิ่น บัว ฯฒฯ ธ้วด บั๋ว เห่ว เอซาว.#25:25 เอซาว เญย เอ๋ย เล์ย เซ เปยย ซุ. นิ่น แอ๋ง ม่าย กั้น นอม บั๋ว เห่ว เอโดม. เอ๋ย เล์ย เซ ซิ. 26ฆะฮ้า ยู์ง วั้ว เต้า นั้น เจี๊ยน นิ่น เญย ก๋อ, เอซาว, เญย เหฒา-โฆ ธ้วด.#โฮเซยา 12:3 นิ่น บัว ฯฒฯ ธ้วด บั๋ว เห่ว ยาโค้บ.#25:26 ยาโค้บ เญย เอ๋ย เล์ย เซ นั้น เหฒา-โฆ ไฟ นิ่น ดั๊ว. เลเบคา ยู์ง น้าย เต๋ย อี เต้า ตอน วั้ว หฒั่น, อีสัก ตุ๊ หลัวะ เหฒียบ หฮญัง.
เอซาว หม่าย นิ่น โหฒว ก๋อ ตุ๊ ซูง-โก๊ว เญย เล์ย
27น้าย เต๋ย อี เต้า ตอน โฮล ต้าย. เอซาว โหฒว เต้า ป๊วน อ๊อ เฮ้น ไห่ เญย เมี่ยน. หาย หฒั่น หย่า อ๋อย มี่ง เก้ม ป๊วน อ๊อ. ยาโค้บ แอ๊ะ, หว่า โหฒะ, เฮญี้ยว โด เญย เมี่ยน. นิ่น อ๋อย เยียม เปย๊า เก้า ธั้ม. 28อีสัก เก้า ฮนั้ม เอซาว, เหว่ย หฒุ นิ่น ตุ๊ หญั่น เอซาว ป๊วน ต้าย เญย อ๊อ. มป่า เลเบคา เก้า ฮนั้ม ยาโค้บ.
29ม่าย ฮนอย นอ, ยาโค้บ ว่วน เจี๊ยน ตบ ซิ, เอซาว มี่ง เก้ม หฑวน ต้าย, เฮญี้ยว หฒะเก้ง! เซีย ไห่. 30นิ่น ก๊อง บั๋ว ยาโค้บ, “เยีย เฮญี้ยว เซีย, อ๋อย ไต่ ไห่ อ๊ะ. ปุน เต๋ย วั้ว หญู่ง กะน้าย-ซิ เยีย นะ ก๋า.” (เหว่ย น้าย เมี่ยน ธ้วด บั๋ว เห่ว นิ่น โหฒว เอโดม.)#25:30 เอโดม เญย เอ๋ย เล์ย เซ ซิ.
31ยาโค้บ ก๊อง, “หม่าย เม่ย โหฒว ตอน-โฮล ตุ๊ ซูง-โก๊ว เญย เล์ย ปุน เยีย ด่าง ม่าะ!”
32เอซาว เตา, “หมั่ง ม่าะ! เยีย อ๋อย ไต่ ไห่ อ๊ะ. โหฒว ก๋อ ตุ๊ ซูง-โก๊ว เญย เล์ย เหว่ย เยีย ม่าย หาย หญู่ง ม่าย ลั่ม หล่ง?”
33ยาโค้บ ก๊อง, “มป่า เม่ย อ๋อย หฒุ โฮ้ว หม่าย ปุน เยีย ด่าง.”#ฮิบลู 12:16
เอซาว โฮ้ว ลิ์ว ฯฒฯ หม่าย นิ่น โหฒว ตอน-โฮล ตุ๊ ซูง-โก๊ว เญย เล์ย ปุน ยาโค้บ หมี่ อ๊ะ. 34ยาโค้บ ฯฒฯ เฒาะ เต๋ย ฌั้ว เหธา ตบ ปุน เอซาว หญั่น. หญั่น ลิ์ว ฮบ ลิ์ว, เอซาว ฯฒฯ เจี์ย ซิน มี่ง หมี่ อ๊ะ. ไม้ ค้อ-ฟิ#25:34 ไฟ หมั่ง เผีย. นิ่น โหฒว ตอน-โฮล ตุ๊ ซูง-โก๊ว เญย เล์ย.
S'ha seleccionat:
ทิน เต่ย โต้ว 25: IuMiTH
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Mien Bible (Thai Script) © Thailand Bible Society, 2007