Gɔ̃mèjèje be Xoma 7
7
Nɔà ɖo àɖakàhũa mè
1Tɔhonɔ̀ gblɔ̃ na Nɔà be: “Ɖo àɖakàhũa mè, èwò ku àxuedo wòa kpata, ɖo mù kpɔ be wò ɖèka kpò ye nyi àmè jɔ̀jɔɛ lè jìjimè kèa dòmè. 2Wò la sɔ èlã kɔ̀kɔ ɖekpekpe àsu ku ènɔ, èvè-èvè tèpe adrɛ̃, eye èlã mà-kɔ̀ mà-kɔ̀ a, àsu ku ènɔ tèpe ɖèka, 3nèneake e la nyi na àyamè xèviwo àsu ku ènɔ èvè-èvè tèpe adrɛ̃ ne woabe jìjimè mu gbà bu lè ànyigbã ji ò. 4Ɖo lè ŋùkèkè adrɛ̃ yomè a, mù la na èji la jà kɔ̀ ɖo ànyigbã ji ŋùkèkè èkà, eye mù la tutu ènu àgbèagbe kèwo mù wɔ̀a, lè ànyigbã ji.” 5Eye Nɔà wɔ̀ ɖo àlekè Tɔhonɔ̀ gblɔ̃ na ɛ̀a ji.
6Nɔà xɔ̀ èpè èkà woeàtɔ̃ (600) wàlɛbɛ kè ye èsìɖɔɖɔ èdùgbàjà ɖè ànyigbã kpataa.
Ènu jɔ̀ɖoàmèjiwo
7Ɖo èsìɖɔɖɔa ŋutia, Nɔà ɖo àɖakàhũa mè, e ye ku èviawo, èsrɔ̃a ku èviawo be èsrɔ̃wo. 8Èlã kɔ̀kɔwo ku èlã mà-kɔ̀ mà-kɔ̀wo, àyamè xèviwo kudo ènu ɖekpekpe kè le hùã lè ànyigbã jia, 9èvè-èvè, àsu ku ènɔ, wo ɖo àɖakàhũa mè lè Nɔà gbɔ sìgbè àlekè Mawu gblɔ̃ ɛ̀ na Nɔà nène. 10Ŋùkèkè adrɛ̃ a va yì, ye èsìɖɔɖɔ èdùgbàjà xɔ̀ ànyigbã kpata ji.
11Ekè Nɔà xɔ̀ èpè èkà woeàtɔ̃a (600), lè wètri èvègɔ̃a mè, lè ŋùkèkè woeadrɛ̃gɔ̃a gbèa, lè gbè ŋua gbè tutua, ànyigbã ŋɔ eye jiŋùkusi hũ (èsì kè lè èjia ku kè lè ànyigbã be gɔ̃mèawo ŋɔ ènu kè sò woa dòmèa). 12Èji jà kɔ̀ ɖo ànyigbã ji ŋùkèkè èkà, èzã èkà. 13Lè gbè ŋua gbè, ye Nɔà ɖo àɖakàhũa mè ku èviawo, Sɛm, Cam kudo Jafɛ̀t, e ye gbàkudo wo, èsrɔ̃a kudo ɖèviawo be èsrɔ̃ ètɔ̃awo. 14Eye èlãwo lè woabe dɛnu, ègbemèlã ku àxomèlãwo lè woabe dɛnu, ènu ɖekpekpe kè le hùã lè ànyigbã jia lè yebe dɛnu, xèviwo lè woabe dɛnu, èlã zòzrowo ku èlã ɖo àwàdawo lè woabe dɛnu. 15Èlãwo kpata yì àɖakàhũa mè lè Nɔà gbɔ, èvè-èvè, ènuɖoɖo kè mè àgbè gbɔ̃gbɔ̃ gbe lè kpòa. 16Wo zɔ̃ àsu ku ènɔ yì àɖakàhũa mè; wo ɖo e mè sìgbè àlekè Mawu gblɔ̃ɛ na Nɔà nène. Eye Tɔhonɔ̀ tu hɔ̃tru a do è.
17Èsìɖɔɖɔa xɔ̀ ànyigbã ji kpata ŋùkèkè èkà. Èsìa sùgbɔ kaka, kɔkɔ àɖakàhũa yì ji lè ànyigbã be ŋùmè. 18Èsìawo bɔ̀ ɖodu, trɔ èsì gbɛ̀lu ɖe lè ànyigbã a ji, eye àɖakàhũa le kplà lè ŋùkumè na ɛ̀. 19Èsìɖɔɖɔa be gbɔsùsua le yì e ji lè ànyigbã ji, lè lilikpoawo gɔ̃mè kaka be le èto gã yì ji hũiwo, eye e bu èta na wo, 20ɖo èsìa kɔkɔ yì ji àbɔ woeàtɔ̃. Kè èsìa ɖɔ kaka bu ètowoa, 21ènu àgbèagbe ɖekpekpe kè lè ànyigbã jia ku, xèviwo, èlã klìviwo ègbemèlãwo, àxomèlãwo, èlã kèwo gbe hùãnà lè ànyigbã jia ku àgbètɔwo. 22Ènu kèwo ɖo ŋɔ̀ti sɔ gbɔ̃nà àgbè-yawo, ènu kèwo keŋu lè àgbè lè ànyigbã pupuia jiawo ku. 23Nène a ye Tɔhonɔ̀ tutu ènu àgbèagbeawo kpata jo lè ànyigbã ji, àgbètɔ, àxomèlãwo, ègbemèlãwo, èlã klìviwo, kudo àyamèxèviwo ŋutɔ cã. Woa kpata wo tutu wo jo, eŋuã Nɔà ɖèka ku ènu kèwo ɖo àɖakàhũa mè kudo èa kpò wo ye kpɔ̀tɔ̀.
24Èsìa nɔ̀ ànyigbã ji gbɛ̀lu xɔ̀ ŋùkèkè èkà ètɔ̃ takpo ci èwò (130).
S'ha seleccionat:
Gɔ̃mèjèje be Xoma 7: GEN
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Mina Bible © Bible Society of Togo, 2014.