SAN LUCAS 19
19
Jesuswan Zaqueowan
1Jesús pasasharqa Jericó llajtanejta. 2Chaypi tiyakorqa uj qhapaj runa, Zaqueo sutiyoj. Payqa, impuestota cobrajkunaj kamachejnin karqa. 3Rikuytataj munarqa Jesusta pichus kasqanta rejsinampaj. Juch'uy runa kaspataj, mana rikuyta aterqachu, runas k'iski kasqanrayku. 4Usqhayta ñauparispataj wicharerqa uj sach'aman, chaymanta rikunampaj, imaraykuchus Jesusqa chayninta pasanan karqa. 5Chaynejta pasashaspataj, Jesusqa patanejta qhawarispa Zaqueota rikorqa, nerqataj: Zaqueo, usqhayta uraykamuy. Kunanqa wasiykipi qhepakusaj.
6Usqhayta uraykamuytawantaj, Zaqueoqa ancha kusiywan Jesusta wasinman pusaykorqa. 7Chayta rikuspataj tukuy thutoj churakorqanku, uj juchasapawan wajyachikun nispa. 8Chantá Zaqueoqa, sayaykukuspa Señorman nerqa: Señor, tukuy kapuwasqanta qosaj khuskanninta wajchasman. Pimantachus ch'aukiyaspa imatapis suwarqani chayqa, tawa jinatawan kutichipusaj.
9Jesustaj payman kuticherqa: Kay wasiman kunan p'unchay salvación chayamun, Zaqueo Abrahampa wawan kasqanrayku. 10Runaj Churenqa, chinkasqa kajta mask'aj, salvajtaj jamorqa.
Chunka qolqemanta rijch'anachina
(Mt 25.14-30)
11Kay imasta runas uyarishajtinkutaj, Jesusqa churarqa uj rijch'anachinata. Jerusalén llajta qayllapiña karqa. Paykunataj yuyasharqanku Diospa reinon chayamunan qayllaña kasqanta.
12Chaynejta nerqa: Uj qhapaj runa karqa, payqa riporqa karu llajtaman reinota jap'ej, chantataj kutimunampaj. 13Manaraj rishaspataj wajyarqa chunka kamachisninta, sapa ujmantaj qorqa qolqeta: Kay qolqeta mirachiychej kutimunaykama, nispa. 14Llajta masisnintaj chejnej kanku, chaynejta, kachasta qhepanta kachamorqanku, ninankupaj: Mana payta munaykuchu reyniykupaj, nispa.
15Chantá rey kasqanmantaña kutimuspa, wajyacherqa chay kamachisninta, tapunampaj mashkhatachus sapa uj mirachisqanta chay qolqe qosqanta. 16Ñaupaj kaj jamorqa nispa: Wiraqochi, qolqe qowasqaykitaqa chunka jinastawan mirachini. 17Reytaj kuticherqa: Walejpacha sumaj kamachi; chay pisillawan allinta ruwaj kasqaykirayku, kunanmantapacha chunka llajtasta kamachinki. 18Qhepan kajñataj jamuspa nerqa: Wiraqochi, qolqeykitaqa phishqa jinastawan mirachini. 19Reytaj kuticherqa: Qampis phishqa llajtasta kamachinki.
20-21Chantá kinsa kajñataj jamuspa nerqa: Señor, jap'ikapullay, qolqeykitaqa jallch'aykorqani uj inkhuñapi; phiña runa kasqaykirayku manchachikorqayki; qanqa jap'ikapunki mana qampata kajta; oqharinkitaj mana tarpusqaykimanta. 22-23Chay kajmantaj reyqa nerqa: Qanqa mana allin kamachichu kanki. Parlasqaykipi rejsiyki. Phiña kasqayta yacharqanki, mana noqajta kajllata jap'ikapusqayta, mana tarpusqayta oqharisqayta ima chayqa; imaraykutaj mana bancoman churaykapuwarqankichu chay qosusqay qolqeyta? Kutimuspataj miraynintawan orqhokapuyman karqa. 24Chaypi kajkunamantaj nerqa: Qhechuychej chay qolqeta paymanta. Qoychejtaj chunkatawan mirachejman. 25Paykunataj kuticherqanku: Wiraqochi, chunkataña payqa jap'ishan, nispa. 26Reytaj kuticherqa: Kunanqa niykichej, kapuyniyojmanqa astawan qosqa kanqa; mana imayojmantataj, pisi kapusqampis qhechusqa kanqa. 27Jinallatataj, jaqay contrariosniy mana rey kanayta munajkunata, kayman pusamuychej, noqaj ñaupaqeypitaj wañurachiychej.
Jesús yaykun Jerusalenman
(Mt 21.1-11; Mr 11.1-11; Jn 12.12-19)
28Chayta nispataj Jesusqa, ñauparispa Jerusalenman risharqa. 29-30Olivos orqoj chimpampi, Betfagé llajtaman, Betaniaman ima qayllashaspataj, iskay yachachisqasninta kacharqa, nispa: Riychej jaqay chimpa ranchoman; chaypi tarinkichej uña burrota watasqata, chaymanqa ni pi kunankama tiyaykunrajchu, phaskaraspataj aysamuychej. 31Pipis tapusojtiykichejtaj, imaraykutaj phaskarashankichej?, nispa chayqa, Señor necesitan, niychej.
32Yachachisqasnintaj rispa, Señorpa nisqanman jina burrota tarerqanku. 33Burrota phaskashajtinkutaj, dueñosnin paykunata taporqanku: Imapajtaj phaskashankichej chay uña burrota?, nispa.
34Paykunataj kuticherqanku: Señor necesitashan, nispa.
35Chantá burrota Jesusman aysamorqanku; burroj wasanman p'achasninkuta caronaykuspataj, Jesusta tiyaykucherqanku. 36Ñan rinanmampis p'achasninkuta mast'ararqanku. 37-38Olivos orqo urayman qayllaykushajtinkutaj, tukuy yachachisqasnin, kusisqas qhaparispa Diosta yupaychayta qallarerqanku, tukuy milagrosta rikusqankumanta, nispa: Kusiy kachun Señorpa sutimpi jamoj reypaj; sonqo tiyasqa kay janaj pachapi kachun; Diosmantaj yupaychay!
39Chantá wakin fariseosqa runa chaupipi kajkuna nerqanku: Maestro, k'amiy yachachisqasniykita.
40Jesustaj kuticherqa: Paykuna ch'in kankuman chayqa, rumisñataj qhaparenqanku, nispa.
41-42Jerusalén llajta qayllaman chayaspataj, Jesusqa rikuytawan Jerusalenmanta waqarqa, nispa: Allin kanman qampis kay p'unchayniykipi unanchanayki, imachus kausayniykipaj allin kasqanta! Jinapis, kunanqa pakasqa kashan ñawisniykimanta. 43-44P'unchaykuna qampaj chayamonqanku. Chay p'unchaykunapeqa, enemigosniyki perqawan muyuykuchispa, muyuykamusonqanku, tukuynejmantataj k'iskiykamusonqanku, pampachasonqanku, jinallataj qampi kaj wawasniykitapis. Manataj qampi saqenqankuchu rumi patapi rumita; imaraykuchus mana unanchakorqankichu, Diosniyki qanman watukoj jamushasojtin.
Jesús qharqon templomanta vendejkunata
(Mt 21.12-17; Mr 11.15-19; Jn 2.13-22)
45Chaymantataj Jesusqa temploman yaykuspa, qharqoyta qallarerqa tukuy chaypi qhatojkunata, rantejkunata ima. 46Nerqataj: Escribisqa kashan: Waseyqa, Diosmanta mañakuna wasi; qankunataj suwa cuevaman tukuchisqankichej.
47Sapa p'unchaytaj Jesusqa templopi yachachej. Jatun sacerdotes, leymanta yachachejkuna, llajtamanta kurajkuna imatajri, imaynallamantapis payta wañuchiyta munasharqanku. 48Chaywampis mana imanayta aterqankuchu, imaraykuchus tukuy runa t'ukuspa Jesusta uyarisharqa.
S'ha seleccionat:
SAN LUCAS 19: QCHSB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Qheshwa Biblia DC © Sociedades Bíblicas Unidas, 1986.
SAN LUCAS 19
19
Jesuswan Zaqueowan
1Jesús pasasharqa Jericó llajtanejta. 2Chaypi tiyakorqa uj qhapaj runa, Zaqueo sutiyoj. Payqa, impuestota cobrajkunaj kamachejnin karqa. 3Rikuytataj munarqa Jesusta pichus kasqanta rejsinampaj. Juch'uy runa kaspataj, mana rikuyta aterqachu, runas k'iski kasqanrayku. 4Usqhayta ñauparispataj wicharerqa uj sach'aman, chaymanta rikunampaj, imaraykuchus Jesusqa chayninta pasanan karqa. 5Chaynejta pasashaspataj, Jesusqa patanejta qhawarispa Zaqueota rikorqa, nerqataj: Zaqueo, usqhayta uraykamuy. Kunanqa wasiykipi qhepakusaj.
6Usqhayta uraykamuytawantaj, Zaqueoqa ancha kusiywan Jesusta wasinman pusaykorqa. 7Chayta rikuspataj tukuy thutoj churakorqanku, uj juchasapawan wajyachikun nispa. 8Chantá Zaqueoqa, sayaykukuspa Señorman nerqa: Señor, tukuy kapuwasqanta qosaj khuskanninta wajchasman. Pimantachus ch'aukiyaspa imatapis suwarqani chayqa, tawa jinatawan kutichipusaj.
9Jesustaj payman kuticherqa: Kay wasiman kunan p'unchay salvación chayamun, Zaqueo Abrahampa wawan kasqanrayku. 10Runaj Churenqa, chinkasqa kajta mask'aj, salvajtaj jamorqa.
Chunka qolqemanta rijch'anachina
(Mt 25.14-30)
11Kay imasta runas uyarishajtinkutaj, Jesusqa churarqa uj rijch'anachinata. Jerusalén llajta qayllapiña karqa. Paykunataj yuyasharqanku Diospa reinon chayamunan qayllaña kasqanta.
12Chaynejta nerqa: Uj qhapaj runa karqa, payqa riporqa karu llajtaman reinota jap'ej, chantataj kutimunampaj. 13Manaraj rishaspataj wajyarqa chunka kamachisninta, sapa ujmantaj qorqa qolqeta: Kay qolqeta mirachiychej kutimunaykama, nispa. 14Llajta masisnintaj chejnej kanku, chaynejta, kachasta qhepanta kachamorqanku, ninankupaj: Mana payta munaykuchu reyniykupaj, nispa.
15Chantá rey kasqanmantaña kutimuspa, wajyacherqa chay kamachisninta, tapunampaj mashkhatachus sapa uj mirachisqanta chay qolqe qosqanta. 16Ñaupaj kaj jamorqa nispa: Wiraqochi, qolqe qowasqaykitaqa chunka jinastawan mirachini. 17Reytaj kuticherqa: Walejpacha sumaj kamachi; chay pisillawan allinta ruwaj kasqaykirayku, kunanmantapacha chunka llajtasta kamachinki. 18Qhepan kajñataj jamuspa nerqa: Wiraqochi, qolqeykitaqa phishqa jinastawan mirachini. 19Reytaj kuticherqa: Qampis phishqa llajtasta kamachinki.
20-21Chantá kinsa kajñataj jamuspa nerqa: Señor, jap'ikapullay, qolqeykitaqa jallch'aykorqani uj inkhuñapi; phiña runa kasqaykirayku manchachikorqayki; qanqa jap'ikapunki mana qampata kajta; oqharinkitaj mana tarpusqaykimanta. 22-23Chay kajmantaj reyqa nerqa: Qanqa mana allin kamachichu kanki. Parlasqaykipi rejsiyki. Phiña kasqayta yacharqanki, mana noqajta kajllata jap'ikapusqayta, mana tarpusqayta oqharisqayta ima chayqa; imaraykutaj mana bancoman churaykapuwarqankichu chay qosusqay qolqeyta? Kutimuspataj miraynintawan orqhokapuyman karqa. 24Chaypi kajkunamantaj nerqa: Qhechuychej chay qolqeta paymanta. Qoychejtaj chunkatawan mirachejman. 25Paykunataj kuticherqanku: Wiraqochi, chunkataña payqa jap'ishan, nispa. 26Reytaj kuticherqa: Kunanqa niykichej, kapuyniyojmanqa astawan qosqa kanqa; mana imayojmantataj, pisi kapusqampis qhechusqa kanqa. 27Jinallatataj, jaqay contrariosniy mana rey kanayta munajkunata, kayman pusamuychej, noqaj ñaupaqeypitaj wañurachiychej.
Jesús yaykun Jerusalenman
(Mt 21.1-11; Mr 11.1-11; Jn 12.12-19)
28Chayta nispataj Jesusqa, ñauparispa Jerusalenman risharqa. 29-30Olivos orqoj chimpampi, Betfagé llajtaman, Betaniaman ima qayllashaspataj, iskay yachachisqasninta kacharqa, nispa: Riychej jaqay chimpa ranchoman; chaypi tarinkichej uña burrota watasqata, chaymanqa ni pi kunankama tiyaykunrajchu, phaskaraspataj aysamuychej. 31Pipis tapusojtiykichejtaj, imaraykutaj phaskarashankichej?, nispa chayqa, Señor necesitan, niychej.
32Yachachisqasnintaj rispa, Señorpa nisqanman jina burrota tarerqanku. 33Burrota phaskashajtinkutaj, dueñosnin paykunata taporqanku: Imapajtaj phaskashankichej chay uña burrota?, nispa.
34Paykunataj kuticherqanku: Señor necesitashan, nispa.
35Chantá burrota Jesusman aysamorqanku; burroj wasanman p'achasninkuta caronaykuspataj, Jesusta tiyaykucherqanku. 36Ñan rinanmampis p'achasninkuta mast'ararqanku. 37-38Olivos orqo urayman qayllaykushajtinkutaj, tukuy yachachisqasnin, kusisqas qhaparispa Diosta yupaychayta qallarerqanku, tukuy milagrosta rikusqankumanta, nispa: Kusiy kachun Señorpa sutimpi jamoj reypaj; sonqo tiyasqa kay janaj pachapi kachun; Diosmantaj yupaychay!
39Chantá wakin fariseosqa runa chaupipi kajkuna nerqanku: Maestro, k'amiy yachachisqasniykita.
40Jesustaj kuticherqa: Paykuna ch'in kankuman chayqa, rumisñataj qhaparenqanku, nispa.
41-42Jerusalén llajta qayllaman chayaspataj, Jesusqa rikuytawan Jerusalenmanta waqarqa, nispa: Allin kanman qampis kay p'unchayniykipi unanchanayki, imachus kausayniykipaj allin kasqanta! Jinapis, kunanqa pakasqa kashan ñawisniykimanta. 43-44P'unchaykuna qampaj chayamonqanku. Chay p'unchaykunapeqa, enemigosniyki perqawan muyuykuchispa, muyuykamusonqanku, tukuynejmantataj k'iskiykamusonqanku, pampachasonqanku, jinallataj qampi kaj wawasniykitapis. Manataj qampi saqenqankuchu rumi patapi rumita; imaraykuchus mana unanchakorqankichu, Diosniyki qanman watukoj jamushasojtin.
Jesús qharqon templomanta vendejkunata
(Mt 21.12-17; Mr 11.15-19; Jn 2.13-22)
45Chaymantataj Jesusqa temploman yaykuspa, qharqoyta qallarerqa tukuy chaypi qhatojkunata, rantejkunata ima. 46Nerqataj: Escribisqa kashan: Waseyqa, Diosmanta mañakuna wasi; qankunataj suwa cuevaman tukuchisqankichej.
47Sapa p'unchaytaj Jesusqa templopi yachachej. Jatun sacerdotes, leymanta yachachejkuna, llajtamanta kurajkuna imatajri, imaynallamantapis payta wañuchiyta munasharqanku. 48Chaywampis mana imanayta aterqankuchu, imaraykuchus tukuy runa t'ukuspa Jesusta uyarisharqa.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Qheshwa Biblia DC © Sociedades Bíblicas Unidas, 1986.