Mat A GANE KYƐYUOBU
A GANE KYƐYUOBU
A Yeezu Kirista Yelnoore A Matio Naŋ Sɛge, wuli ka Yeezu la a Faara na Naaŋmen naŋ da eŋ noɔre ko O noba a Nɔkoraa Gane poɔ, ka O na tere la. A Yeezu zie la ka a noɔre ŋa tu a tuubu. Aneazaa ka ba da dɔge la Yeezu a Gyuumine poɔ, ka O baa ba poɔ, kyɛ a Ŋmen-yelnoore ŋa ba e a Gyuumine yoŋ soobo. A e la a andonɛɛ zaa soobo.
Ba sɛge la a Matio Gane ŋa poɔ yɛlɛ ka a tutaa velaa. O piili ne la a Yeezu dɔgebo yɛlɛ, a manne O suobu deebo ane O enyaabo yɛlɛ. A la de ne O Naaŋmen yelbiri moɔloo, wuluu, ane baalba sammo a Galili teŋɛ poɔ. A ŋaa puoriŋ, a yelnoore gane ŋa wuli la a sori Yeezu naŋ da tu a yi Galili teŋɛ a gaa Gyɛruzɛlɛm, ane O bebi-baare yɛlɛ, a te baare ne ba naŋ kpa O a dagaraa zu ane O kũũ poɔ leɛ-iruu yɛlɛ.
A Yelnoore ŋa wullee la ka Yeezu waa la Wulwulgandaa naŋ taa kpeɛ̃õ a wullo a Naaŋmen begɛ tɛgɛ, kyɛ kanna kyaara ne a Naaŋmen Naaloŋ. A Matio Gane poŋ la a Yeezu wuluu eŋ kanne zuri ziiri anuu.
(1) A Yeezu naŋ kanne noba a taŋzu a kyaare ne nensaalba waaloŋ, feroo toma, nensaalba meŋɛ soobo yɛlɛ ane a tenvelaa naaloŋ biiri baaroo zie yɛlɛ (Ganzuri 5—7); (2) Yɛlɛ O naŋ ko a potuuribo pie ne bayi ka ba e a ba toma poɔ (Ganzuri 10); (3) Sekpɔgɔ naŋ kyaare a tenvelaa Naaloŋ (Ganzuri 13); (4) Wuluu naŋ kyaare a Yeezu puori tuubu tɛgɛ (Ganzuri 18) ane (5) Wuluu naŋ kyaare a tendaa baaroo ane a tenvelaa Naaloŋ waabo yɛlɛ (Ganzuri 24—25).
A Gane Poɔ Yɛlɛ Poŋ Tutaa
1. Yeezu Kirista Sããkommine Ane O Dɔgebo Yɛlɛ 1:1—2:23
2. Gyɔɔn Bati Toma Yɛlɛ 3:1-12
3. Yeezu Suobu Deebo Ane O Enyaabo Yɛlɛ 3:13—4:11
4. Yeezu Toma A Galili Teŋɛ Poɔ 4:12—18:35
5. A Yeezu Toma A Yi Galili Te Tɔ Gyɛruzɛlɛm 19:1—20:34
6. A Yeezu Bebi-baare Toma A Gyɛruzɛlɛm Teŋɛ Poɔ Ane O Koŋkobo 21:1—27:66
7. A Daana Yeezu Kũũ Poɔ Leɛ-iruu Ane O Naŋ De O Meŋɛ Wuli O Potuuribo 28:1-20
S'ha seleccionat:
Mat A GANE KYƐYUOBU: DNTTP
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
First New Testament in Dagaare Language © The Bible Society of Ghana, 2013.