Iruo rẹ Iyinkọn na 4
4
Pita vẹ Jọn vwẹ Obaro rẹ Ẹguare
1Rẹ ayen vwọ ta eta na kẹ ihwo na, etiyin irherẹn na kugbe inotu rẹ uwevwi rẹ ẹga na kugbe Sadiusi na de bro ayen rhe, 2ophu de mu ayen fikiridie ihwo na ghwoghwo Jesu ro vrẹn nẹ ughwu na. 3Etiyin ayen de mu ayen phihọ uwodi bẹsiẹ rẹ ọke vwo rhie, kidie ọke na kpo ovwọnvwọn re. 4Ẹkẹvuọvo ihwo buebu ri nyo ota na de segbuyota; unu rẹ ihwo uriorin iyorin.
5Vwẹ irhiọke isun rayen kugbe ekpako na kugbe isiẹbe na de rhi koko vwi Jerusalẹm, 6vẹ Annas orherẹn rode na kugbe Kafas kugbe Jọn kugbe Alẹzanda kugbe ekru rẹ orherẹn rode na ejobi. 7Ọke rẹ ayen vwo mu ayen phihọ uherevie, ayen da nọ ayen, Ogangan rẹ ono eyẹ odẹ rẹ ono ovwan vwo ru ọnana? 8Etiyin Pita rẹ Erhi Ọfuanfon vọn oma na, da ta kẹ ayen, Isun rẹ ihwo na kugbe ekpako, 9ọ da dianẹ fiki rẹ emu esiri re ruru kẹ okpono nana nonẹ na, kọye ovwan vwọ nọ avwanre orhiẹn rẹ obo re nẹrhẹ oma rẹ oshare nana gan, 10ovwan gba riẹn ọnana ihwo rẹ Izrẹl ejobi, nẹ odẹ ri Jesu Kristi ri Nazarẹt, rẹ ovwan kanre mu agbagba, rẹ Ọghẹnẹ rhọvwọ nẹ ughwu na, ọye nẹrhẹ e sivwi ọshare nana ro mudia vwẹ obaro rẹ ovwan na. 11Ọnana olalọ rẹ ovwan ebọuwevwi na senre kọye rhoma rhe dia ọrovwuyovwi vwẹ ubienyẹ.
12Esivwo rha hẹ oma rẹ ohwo ofa-a, kidie odẹ ọfa rha hẹ otọ rẹ odjuvwu re mu kẹ ihwo ro se sivwi avwanre-e.
13Asakiephana rẹ ayen vwọ mrẹ udu ri Pita kugbe Jọn, rẹ ayen ke rha mrẹ vughe nẹ e yono aye-en, nẹ ayen ihwo ghevweghe, o de gbe ayen unu; ayen da mrẹ vughe nẹ ayen vi Jesu gba dia jovwo. 14Ẹkẹvuọvo rẹ ayen rha mrẹ emuọvọ ta-a fiki rẹ ohwo re sivwiri na ro mudia kẹrẹ ayen na, 15isun na djẹ ayen nẹ ẹguare na ro otafe, ayen da ra jẹ iroro kugbe, 16ta ne, Kidie avwanre che ru ihwo nana? Kidie nẹ okpoka rode wan oma rẹ ihwo nana phia kẹ ihwo ri Jerusalẹm ejobi mrẹ, ọ dia obo ra phro-o. 17Ẹkẹvuọvo rere o vwo jẹ hrabọ ro ohri rẹ ihwo na, e jẹn avwanre kpokpa phihọ ayen obọ nẹ ayen gbe ta ota na ọfa kẹ ohwo ọvuọvo vwẹ odẹ nana-a. 18Etiyin ayen de se ayen ayen de ji urhi kẹ ayen nẹ ayen rha vwẹ odẹ ri Jesu ta ota eyẹ yono kakaka vwẹ odẹ ri Jesu-u. 19Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana. 20Kidie obo rẹ avwanre mrẹre kugbe ọ rẹ nyori na o vwo ọke re vwọ jẹ ayen ẹta-a. 21Rẹ ayen vwọ rhoma guegue ayen nu, ayen de siobọ nẹ ayen kpo, ayen mrẹ idjerhe rẹ vwo hwe aye-en, fiki rẹ ihwo na; kidie ihwo na ejobi jiri Ọghẹnẹ fiki rẹ obo re phiare na. 22Kidie ohwo na re sivwiri na ọkpako vrẹ ohwo rẹ ukpe ujuvẹ re.
Ihwo ri Segbuyota na nẹ Ẹrhovwo fiki rẹ Aruẹyivwo
23Ọke re vwo siobọ nẹ ayen nu ayen da yanran bru igbeyan rẹ ayen re gbe ikun rẹ obo rẹ irherẹn ride na kugbe ekpako na ta kẹ ayen. 24Rẹ ayen vwo nyo nure, ayen de ku urhuru gbe ọvo kperi se Ọghẹnẹ nẹ, Ọrovwohwo Ovie, ọ rọ ma odjuvwu na kugbe akpọ na kugbe abadi na kugbe emu kemu ejobi re hẹ evun rẹ ayen, 25ọ rọ unu ri Devid ọsẹ rẹ avwanre, odibo wẹn, rọ wan oma rẹ Erhi Ọfuanfon vwọ ta ota nẹ,
Die nẹrhẹ Egedjọ na do,
ihwo na de roro iroro fefe?
26Iviẹ rẹ akpọ na ghwẹ oma rẹ ayen koko vwọ suọ,
isun rẹ akpọ na si koko,
vwọ so Ọrovwohwo kugbe ọ rọ vwẹ evwri ghworo na.
27Ghinẹ nyota vwẹ orere nana ayen de sioma koko vwọ so odibo wẹn ọfuanfon na Jesu, ru wọ vwẹ evwri ghworo na, ri Herọd kugbe Pọntiọs Pailet, vẹ Keferi na kugbe ihwo rẹ Izrẹl, 28de ru kemu kemu rẹ obọ wẹn kugbe iroro wẹn jẹ phihọ otọ rhahae rhe. 29Asakiephana Ọrovwohwo, gbe ni eguegue rayen, rere wọ kẹ idibo wẹn aroeyivwo vwo ghwoghwo ota na, 30rere wọ riẹn obọ wẹn vwo sivwi, rere eka vẹ igbunu vwọ wan odẹ rẹ odibo ọfuanfon wẹn Jesu phia. 31Ọke rẹ ayen vwọ nẹ ẹrhovwo nu, asan rẹ ayen de koko na de mu kpogho; Erhi Ọfuanfon na da ro ayen ejobi oma ayen de ghwoghwo ota rẹ Ọghẹnẹ na vẹ aroeyivwo.
E ku Emu Ejobi kugbe
32Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.
33Otu rẹ iyinkọn na de se oseri rẹ evrẹnnshi rẹ Ọrovwohwo Jesu na vẹ ogangan rode, a da vwẹ ẹserọphẹ rode na vwọ kẹ ayen ejobi. 34Ọ rhe vwo ohwo rẹ emu ọvuọvo kanre vwẹ ohri rẹ ayen na-a, kidie otu rẹ ayen buebu ri vwo otọ eyẹ iwevwi da shẹ ayen, ayen da ghwẹ obo rẹ ayen shẹre na ejobi rhe. 35Ayen da ghwẹ ayen phihọ awọ rẹ iyinkọn na; a da gharọ kẹ ohwo ọvuọvo rẹ emu kanre. 36Kẹ enẹ Josẹf je shẹ otọ rọye ohwo rẹ iyinkọn na mu odẹ kẹ nẹ Banabas (otọ rọye, Ọmọ rẹ obruche) ohwo ri Livae, ohwo ri Saiprọs, 37ọ da ghwẹ igho rẹ otọ na rhe awọ rẹ iyinkọn na.
S'ha seleccionat:
Iruo rẹ Iyinkọn na 4: UBV77
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.
Iruo rẹ Iyinkọn na 4
4
Pita vẹ Jọn vwẹ Obaro rẹ Ẹguare
1Rẹ ayen vwọ ta eta na kẹ ihwo na, etiyin irherẹn na kugbe inotu rẹ uwevwi rẹ ẹga na kugbe Sadiusi na de bro ayen rhe, 2ophu de mu ayen fikiridie ihwo na ghwoghwo Jesu ro vrẹn nẹ ughwu na. 3Etiyin ayen de mu ayen phihọ uwodi bẹsiẹ rẹ ọke vwo rhie, kidie ọke na kpo ovwọnvwọn re. 4Ẹkẹvuọvo ihwo buebu ri nyo ota na de segbuyota; unu rẹ ihwo uriorin iyorin.
5Vwẹ irhiọke isun rayen kugbe ekpako na kugbe isiẹbe na de rhi koko vwi Jerusalẹm, 6vẹ Annas orherẹn rode na kugbe Kafas kugbe Jọn kugbe Alẹzanda kugbe ekru rẹ orherẹn rode na ejobi. 7Ọke rẹ ayen vwo mu ayen phihọ uherevie, ayen da nọ ayen, Ogangan rẹ ono eyẹ odẹ rẹ ono ovwan vwo ru ọnana? 8Etiyin Pita rẹ Erhi Ọfuanfon vọn oma na, da ta kẹ ayen, Isun rẹ ihwo na kugbe ekpako, 9ọ da dianẹ fiki rẹ emu esiri re ruru kẹ okpono nana nonẹ na, kọye ovwan vwọ nọ avwanre orhiẹn rẹ obo re nẹrhẹ oma rẹ oshare nana gan, 10ovwan gba riẹn ọnana ihwo rẹ Izrẹl ejobi, nẹ odẹ ri Jesu Kristi ri Nazarẹt, rẹ ovwan kanre mu agbagba, rẹ Ọghẹnẹ rhọvwọ nẹ ughwu na, ọye nẹrhẹ e sivwi ọshare nana ro mudia vwẹ obaro rẹ ovwan na. 11Ọnana olalọ rẹ ovwan ebọuwevwi na senre kọye rhoma rhe dia ọrovwuyovwi vwẹ ubienyẹ.
12Esivwo rha hẹ oma rẹ ohwo ofa-a, kidie odẹ ọfa rha hẹ otọ rẹ odjuvwu re mu kẹ ihwo ro se sivwi avwanre-e.
13Asakiephana rẹ ayen vwọ mrẹ udu ri Pita kugbe Jọn, rẹ ayen ke rha mrẹ vughe nẹ e yono aye-en, nẹ ayen ihwo ghevweghe, o de gbe ayen unu; ayen da mrẹ vughe nẹ ayen vi Jesu gba dia jovwo. 14Ẹkẹvuọvo rẹ ayen rha mrẹ emuọvọ ta-a fiki rẹ ohwo re sivwiri na ro mudia kẹrẹ ayen na, 15isun na djẹ ayen nẹ ẹguare na ro otafe, ayen da ra jẹ iroro kugbe, 16ta ne, Kidie avwanre che ru ihwo nana? Kidie nẹ okpoka rode wan oma rẹ ihwo nana phia kẹ ihwo ri Jerusalẹm ejobi mrẹ, ọ dia obo ra phro-o. 17Ẹkẹvuọvo rere o vwo jẹ hrabọ ro ohri rẹ ihwo na, e jẹn avwanre kpokpa phihọ ayen obọ nẹ ayen gbe ta ota na ọfa kẹ ohwo ọvuọvo vwẹ odẹ nana-a. 18Etiyin ayen de se ayen ayen de ji urhi kẹ ayen nẹ ayen rha vwẹ odẹ ri Jesu ta ota eyẹ yono kakaka vwẹ odẹ ri Jesu-u. 19Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana. 20Kidie obo rẹ avwanre mrẹre kugbe ọ rẹ nyori na o vwo ọke re vwọ jẹ ayen ẹta-a. 21Rẹ ayen vwọ rhoma guegue ayen nu, ayen de siobọ nẹ ayen kpo, ayen mrẹ idjerhe rẹ vwo hwe aye-en, fiki rẹ ihwo na; kidie ihwo na ejobi jiri Ọghẹnẹ fiki rẹ obo re phiare na. 22Kidie ohwo na re sivwiri na ọkpako vrẹ ohwo rẹ ukpe ujuvẹ re.
Ihwo ri Segbuyota na nẹ Ẹrhovwo fiki rẹ Aruẹyivwo
23Ọke re vwo siobọ nẹ ayen nu ayen da yanran bru igbeyan rẹ ayen re gbe ikun rẹ obo rẹ irherẹn ride na kugbe ekpako na ta kẹ ayen. 24Rẹ ayen vwo nyo nure, ayen de ku urhuru gbe ọvo kperi se Ọghẹnẹ nẹ, Ọrovwohwo Ovie, ọ rọ ma odjuvwu na kugbe akpọ na kugbe abadi na kugbe emu kemu ejobi re hẹ evun rẹ ayen, 25ọ rọ unu ri Devid ọsẹ rẹ avwanre, odibo wẹn, rọ wan oma rẹ Erhi Ọfuanfon vwọ ta ota nẹ,
Die nẹrhẹ Egedjọ na do,
ihwo na de roro iroro fefe?
26Iviẹ rẹ akpọ na ghwẹ oma rẹ ayen koko vwọ suọ,
isun rẹ akpọ na si koko,
vwọ so Ọrovwohwo kugbe ọ rọ vwẹ evwri ghworo na.
27Ghinẹ nyota vwẹ orere nana ayen de sioma koko vwọ so odibo wẹn ọfuanfon na Jesu, ru wọ vwẹ evwri ghworo na, ri Herọd kugbe Pọntiọs Pailet, vẹ Keferi na kugbe ihwo rẹ Izrẹl, 28de ru kemu kemu rẹ obọ wẹn kugbe iroro wẹn jẹ phihọ otọ rhahae rhe. 29Asakiephana Ọrovwohwo, gbe ni eguegue rayen, rere wọ kẹ idibo wẹn aroeyivwo vwo ghwoghwo ota na, 30rere wọ riẹn obọ wẹn vwo sivwi, rere eka vẹ igbunu vwọ wan odẹ rẹ odibo ọfuanfon wẹn Jesu phia. 31Ọke rẹ ayen vwọ nẹ ẹrhovwo nu, asan rẹ ayen de koko na de mu kpogho; Erhi Ọfuanfon na da ro ayen ejobi oma ayen de ghwoghwo ota rẹ Ọghẹnẹ na vẹ aroeyivwo.
E ku Emu Ejobi kugbe
32Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.
33Otu rẹ iyinkọn na de se oseri rẹ evrẹnnshi rẹ Ọrovwohwo Jesu na vẹ ogangan rode, a da vwẹ ẹserọphẹ rode na vwọ kẹ ayen ejobi. 34Ọ rhe vwo ohwo rẹ emu ọvuọvo kanre vwẹ ohri rẹ ayen na-a, kidie otu rẹ ayen buebu ri vwo otọ eyẹ iwevwi da shẹ ayen, ayen da ghwẹ obo rẹ ayen shẹre na ejobi rhe. 35Ayen da ghwẹ ayen phihọ awọ rẹ iyinkọn na; a da gharọ kẹ ohwo ọvuọvo rẹ emu kanre. 36Kẹ enẹ Josẹf je shẹ otọ rọye ohwo rẹ iyinkọn na mu odẹ kẹ nẹ Banabas (otọ rọye, Ọmọ rẹ obruche) ohwo ri Livae, ohwo ri Saiprọs, 37ọ da ghwẹ igho rẹ otọ na rhe awọ rẹ iyinkọn na.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.