Iruo rẹ Iyinkọn na 5
5
Ananayas vẹ Safira
1Ẹkẹvuọvo ọshare ọvo re se odẹ rọye Ananayas vẹ aye rọye Safira da shẹ otọ ovọ, 2ọ vẹ aye rọye jẹ iroro kugbe ayen de si ubro rẹ igho rẹ emu rẹ ayen shere na nu, ayen da reyọ ubro ọvo rhe rhi phihọ awọ rẹ iyinkọn na.
3Ẹkẹvuọvo Pita da ta Ananayas die nẹrhẹ idẹbono vọn udu wẹn wọ vwọ vwọron ofian kẹ Erhi Ọfuanfon rọ nẹrhẹ owẹ si ubro rẹ igho rẹ otọ na nu? 4Ọke ra je shẹ otọ na-a, ọ dianẹ wẹ ri vworo? Ọke ra rha vwọ shẹ nu na, ọ je dia obọ wẹn ọ epha? Die jabọ wo vwo roro emu nana vwẹ udu wẹn? Ẹkẹvuọvo Ọghẹnẹ wọ vwọron ofian kẹ na ọ dia ihwo rẹ akpọ-ọ. 5Ọke rẹ Ananayas vwo nyo eta nana nu, o de she teye otọ o de ghwu. Oshọ rode na de mu ihwo na ejobi ri nyoro. 6Imighene na da rhe pharọ ayen de muo ro otafe re shi.
7Kerẹ uvwre rẹ unọke erha aye rọye da rhe, yẹ ọ je riẹn emu rọ phiare na-a. 8Pita da ta kẹ aye na nẹ, Ta kẹ vwẹ sẹ ovwan shẹ otọ na vrẹn unu nana-a. Aye na da ta nẹ, E, ọtiọye a shẹrẹ. 9Ẹkẹvuọvo ọ da ta kẹ aye na nẹ. Die nẹrhẹ ovwan ro ẹguare kugbe vwọ davwe Erhi rẹ Ọrovwohwo ni? Kerhọn rẹ ichiyi rẹ ihwo ri shi ọshare wẹn vwẹ anurhoro na, ayen je cha ghwa wẹ yanran. 10Siẹvuọvo aye na de she teye otọ vwẹ asan awọ rọye o de ghwu. Ọke rẹ imighene na rhe vwọ mrẹ nẹ aye na ghwuru, etiyin ayen de muo re shi kẹrẹ ọshare rọye. 11Oshọ rode na de mu ishọshi na ejobi kugbe ihwo ri nyo emu nana ejobi.
Eka vẹ Igbunu Buebu re ruru
12Ọke nana otu rẹ iyinkọn na de ru emu rẹ eka vẹ igbunu buebu kẹ ihwo na mrẹ. Ayen ejobi de koko vwẹ Ọguan ri Solomọn. 13Ihwo ri chekọ na yivwi kuoma gbe ayeen, ẹkẹvuọvo ihwo na de mu ọghọ rode kẹ ayen. 14Ihwo buebu efa nọ i ri jovwo ri segbuyota na da rhe vwẹ oma ba Ọrovwohwo, urogho rẹ eshare te eya, 15ọtiọye na ayen ke tobọ mu ihwo rẹ oma da na phihọ ọsuada, e de mu ayen phihọ ehwa kugbe eruẹ rere ọke rẹ Pita da wan vrẹn uhoho rọye vwo she teyọ evo oma. 16Ihwo na de mu otu rẹ oma da na vẹ otu rẹ irhi rẹ idẹbono lagha nẹ orho re riariẹ Jerusalẹm rhe, etiyin e de sivwi ayen ejobi.
Ekpokpo Ota rẹ Iyinkọn na
17Ẹkẹvuọvo orherẹn rode na vẹ otu rọye, rẹ ukoko rẹ Sadiusi, de vrẹn, ayen vọnre vẹ ophu vẹ omaẹriọ. 18Ayen de mu otu rẹ iyinkọn na phihọ vwodi ghevweghe. 19Ẹkẹvuọvo ọke rẹ ason amakashe rẹ Ọrovwohwo de rhie ẹchẹ rẹ uwodi na phihọ ọ da reyọ ayen rhe otafe ọ da ta nẹ, 20Ovwan yanran re mudia phihọ evun rẹ uwevwi rẹ ẹga na rere ovwan re ghwoghwo ota rẹ Arhọ na kẹ ihwo ejobi. 21Ayen vwo nyo ọnana nu, ayen da ro evun rẹ uwevwi rẹ ẹga na vwẹ urhiọke ride re yono.
Ọke nana orherẹn rode na vẹ otu rọye de se ediaguare kugbe Ediọn rẹ Izrẹl ejobi koko, ayen de ji ikọn kpo obo uwodi na ra reyọ ayan rhe. 22Ẹkẹvuọvo ọke rẹ inotu na vwo te etiyin, ayen gbe mrẹ ayen vwẹ uwodi na-a, ayen de rhivwi rhe rhe nẹ iyẹnrẹ. 23Avwanre mrẹ uwodi na ra nabọ kanre yẹ otu rẹ ohẹrhẹ na nabọ mudia anurhoro, ẹkẹvuọvo avwanre vwo rhiẹ echẹ na avwanre rha mrẹ ohwo ọvuọvo vwẹ evun rọye-e. 24Ọke rẹ onotu rẹ uwevwi rẹ ẹga na kugbe irherẹn ride na vwo nyo eta nana nu, iroro rẹ ayen da rhe tagha vwẹ oma rẹ ayen, vẹ igbevwunu rẹ obo re cha phia. 25Ohwo ọvo da rhe ta ke ayen nẹ, Ihwo rẹ ovwan mu phihọ uwodi na i mudia vwẹ evun rẹ uwevwi rẹ ẹga na ri yono ihwo. 26Etiyin onotu na vẹ iruiruo na da ra reyọ ayen rhe dẹndẹn, vẹ oshọ rẹ ihwo na de rhe phi ayen hwe.
27Ọke rẹ a vwọ reyọ ayen rhe nu, a da vwẹ ayen mudia obaro rẹ ẹguare na. Orherẹn rode na da nọ ayen orhiẹ, 28tanẹ, Avwanre ji urhi kẹ ovwan gangan nẹ ovwan vwẹ odẹ nana yono ihwo-o, dede na yẹ ovwan rhoma hrabọ ro Jerusalẹm yono ihwo rere avwanre vwọ re abe rẹ ọbara rẹ ohwo nana. 29Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ. 30Ọghẹnẹ rẹ esẹ rẹ avwanre kpare Jesu vrẹn ohwo rẹ ovwan kanre mu urhe hwe. 31Ọghẹnẹ da kparo kpenu phihọ obọrhe rọye rere ọ dia Osun kugbe Osivwi, vwọ kẹ Izrẹl fiki rẹ ekuorhẹriẹ kugbe evwoghovwo rẹ imwemwu. 32Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.
33Ọke rẹ ayen vwo nyo ọnana ophu de mu ayen gangan ayen da guọnọ ayen hwe. 34Ẹkẹvuọvo Farisi ọvo vwẹ evun rẹ ẹguare na re se odẹ rọye Gamaliẹl, o yono rẹ urhi na, rẹ ihwo na ejobi mu ọghọ kẹ, ro vwo mudia ọ da ta nẹ a vwẹ ihwo na phihọ otafe tavwe. 35Ọ da ta kẹ ayen nẹ, Ihwo rẹ Izrẹl, wa jomaotọ kpahe emu rẹ ovwan guọnọ ihwo nana ruẹ na. 36Kidie rhi te ọke rọ wanre na, Tiudas de mu, ro se oma rọye ohwo ọvo, ihwo buebu, ri te ujori ẹne, de kuoma gbe; ẹkẹvuọvo a da teyọ hwe ihwo ri nenire ejobi da hrabọ ukoko na de rhi hirhe phihọ odiodi. 37Rẹ ona vwọ no nu Judas ohwo ri Galili de mu vwẹ ọke re vwo kere ihwo o de se ihwo buebu ba oma; o ji ghwu rhe, ihwo ro se ba oma na ejobi da hrabọ. 38Ọtiọye vwẹ ọnana rọ hẹ otọ na me ta kẹ ovwan nẹ, ovwan yan jẹ ayen vwo; kidie iroro nana eyẹ iruo nana da dia ọ rẹ ihwo rẹ akpọ, o che she. 39Ẹkẹvuọvo ọ da dianẹ obọ rẹ Ọghẹnẹ o nurhe, ovwan che se gere ayen she-e. Ọghẹnẹ kọye ekpuyovwi rẹ ovwan che muẹ kpaha na.
40Ayen da reyọ uchebro rọye, rẹ ayen vwo se otu rẹ iyinkọn na rhe uwevwi nu, ayen da fa ayen e de ji urhi kẹ ayen nẹ ayen gbi se odẹ ri Jesu-u, e de siobọ nẹ ayen kpo. 41Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na. 42Kẹdẹ kẹdẹ unu rayen gbe ka-a rẹ ayen vwo yono ihwo vwẹ evun rẹ uwevwi rẹ ega na kugbe nẹ uwevwi kpo uwevwi vwo ghwoghwo nẹ Jesu ọye hẹ Kristi na.
S'ha seleccionat:
Iruo rẹ Iyinkọn na 5: UBV77
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.
Iruo rẹ Iyinkọn na 5
5
Ananayas vẹ Safira
1Ẹkẹvuọvo ọshare ọvo re se odẹ rọye Ananayas vẹ aye rọye Safira da shẹ otọ ovọ, 2ọ vẹ aye rọye jẹ iroro kugbe ayen de si ubro rẹ igho rẹ emu rẹ ayen shere na nu, ayen da reyọ ubro ọvo rhe rhi phihọ awọ rẹ iyinkọn na.
3Ẹkẹvuọvo Pita da ta Ananayas die nẹrhẹ idẹbono vọn udu wẹn wọ vwọ vwọron ofian kẹ Erhi Ọfuanfon rọ nẹrhẹ owẹ si ubro rẹ igho rẹ otọ na nu? 4Ọke ra je shẹ otọ na-a, ọ dianẹ wẹ ri vworo? Ọke ra rha vwọ shẹ nu na, ọ je dia obọ wẹn ọ epha? Die jabọ wo vwo roro emu nana vwẹ udu wẹn? Ẹkẹvuọvo Ọghẹnẹ wọ vwọron ofian kẹ na ọ dia ihwo rẹ akpọ-ọ. 5Ọke rẹ Ananayas vwo nyo eta nana nu, o de she teye otọ o de ghwu. Oshọ rode na de mu ihwo na ejobi ri nyoro. 6Imighene na da rhe pharọ ayen de muo ro otafe re shi.
7Kerẹ uvwre rẹ unọke erha aye rọye da rhe, yẹ ọ je riẹn emu rọ phiare na-a. 8Pita da ta kẹ aye na nẹ, Ta kẹ vwẹ sẹ ovwan shẹ otọ na vrẹn unu nana-a. Aye na da ta nẹ, E, ọtiọye a shẹrẹ. 9Ẹkẹvuọvo ọ da ta kẹ aye na nẹ. Die nẹrhẹ ovwan ro ẹguare kugbe vwọ davwe Erhi rẹ Ọrovwohwo ni? Kerhọn rẹ ichiyi rẹ ihwo ri shi ọshare wẹn vwẹ anurhoro na, ayen je cha ghwa wẹ yanran. 10Siẹvuọvo aye na de she teye otọ vwẹ asan awọ rọye o de ghwu. Ọke rẹ imighene na rhe vwọ mrẹ nẹ aye na ghwuru, etiyin ayen de muo re shi kẹrẹ ọshare rọye. 11Oshọ rode na de mu ishọshi na ejobi kugbe ihwo ri nyo emu nana ejobi.
Eka vẹ Igbunu Buebu re ruru
12Ọke nana otu rẹ iyinkọn na de ru emu rẹ eka vẹ igbunu buebu kẹ ihwo na mrẹ. Ayen ejobi de koko vwẹ Ọguan ri Solomọn. 13Ihwo ri chekọ na yivwi kuoma gbe ayeen, ẹkẹvuọvo ihwo na de mu ọghọ rode kẹ ayen. 14Ihwo buebu efa nọ i ri jovwo ri segbuyota na da rhe vwẹ oma ba Ọrovwohwo, urogho rẹ eshare te eya, 15ọtiọye na ayen ke tobọ mu ihwo rẹ oma da na phihọ ọsuada, e de mu ayen phihọ ehwa kugbe eruẹ rere ọke rẹ Pita da wan vrẹn uhoho rọye vwo she teyọ evo oma. 16Ihwo na de mu otu rẹ oma da na vẹ otu rẹ irhi rẹ idẹbono lagha nẹ orho re riariẹ Jerusalẹm rhe, etiyin e de sivwi ayen ejobi.
Ekpokpo Ota rẹ Iyinkọn na
17Ẹkẹvuọvo orherẹn rode na vẹ otu rọye, rẹ ukoko rẹ Sadiusi, de vrẹn, ayen vọnre vẹ ophu vẹ omaẹriọ. 18Ayen de mu otu rẹ iyinkọn na phihọ vwodi ghevweghe. 19Ẹkẹvuọvo ọke rẹ ason amakashe rẹ Ọrovwohwo de rhie ẹchẹ rẹ uwodi na phihọ ọ da reyọ ayen rhe otafe ọ da ta nẹ, 20Ovwan yanran re mudia phihọ evun rẹ uwevwi rẹ ẹga na rere ovwan re ghwoghwo ota rẹ Arhọ na kẹ ihwo ejobi. 21Ayen vwo nyo ọnana nu, ayen da ro evun rẹ uwevwi rẹ ẹga na vwẹ urhiọke ride re yono.
Ọke nana orherẹn rode na vẹ otu rọye de se ediaguare kugbe Ediọn rẹ Izrẹl ejobi koko, ayen de ji ikọn kpo obo uwodi na ra reyọ ayan rhe. 22Ẹkẹvuọvo ọke rẹ inotu na vwo te etiyin, ayen gbe mrẹ ayen vwẹ uwodi na-a, ayen de rhivwi rhe rhe nẹ iyẹnrẹ. 23Avwanre mrẹ uwodi na ra nabọ kanre yẹ otu rẹ ohẹrhẹ na nabọ mudia anurhoro, ẹkẹvuọvo avwanre vwo rhiẹ echẹ na avwanre rha mrẹ ohwo ọvuọvo vwẹ evun rọye-e. 24Ọke rẹ onotu rẹ uwevwi rẹ ẹga na kugbe irherẹn ride na vwo nyo eta nana nu, iroro rẹ ayen da rhe tagha vwẹ oma rẹ ayen, vẹ igbevwunu rẹ obo re cha phia. 25Ohwo ọvo da rhe ta ke ayen nẹ, Ihwo rẹ ovwan mu phihọ uwodi na i mudia vwẹ evun rẹ uwevwi rẹ ẹga na ri yono ihwo. 26Etiyin onotu na vẹ iruiruo na da ra reyọ ayen rhe dẹndẹn, vẹ oshọ rẹ ihwo na de rhe phi ayen hwe.
27Ọke rẹ a vwọ reyọ ayen rhe nu, a da vwẹ ayen mudia obaro rẹ ẹguare na. Orherẹn rode na da nọ ayen orhiẹ, 28tanẹ, Avwanre ji urhi kẹ ovwan gangan nẹ ovwan vwẹ odẹ nana yono ihwo-o, dede na yẹ ovwan rhoma hrabọ ro Jerusalẹm yono ihwo rere avwanre vwọ re abe rẹ ọbara rẹ ohwo nana. 29Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ. 30Ọghẹnẹ rẹ esẹ rẹ avwanre kpare Jesu vrẹn ohwo rẹ ovwan kanre mu urhe hwe. 31Ọghẹnẹ da kparo kpenu phihọ obọrhe rọye rere ọ dia Osun kugbe Osivwi, vwọ kẹ Izrẹl fiki rẹ ekuorhẹriẹ kugbe evwoghovwo rẹ imwemwu. 32Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.
33Ọke rẹ ayen vwo nyo ọnana ophu de mu ayen gangan ayen da guọnọ ayen hwe. 34Ẹkẹvuọvo Farisi ọvo vwẹ evun rẹ ẹguare na re se odẹ rọye Gamaliẹl, o yono rẹ urhi na, rẹ ihwo na ejobi mu ọghọ kẹ, ro vwo mudia ọ da ta nẹ a vwẹ ihwo na phihọ otafe tavwe. 35Ọ da ta kẹ ayen nẹ, Ihwo rẹ Izrẹl, wa jomaotọ kpahe emu rẹ ovwan guọnọ ihwo nana ruẹ na. 36Kidie rhi te ọke rọ wanre na, Tiudas de mu, ro se oma rọye ohwo ọvo, ihwo buebu, ri te ujori ẹne, de kuoma gbe; ẹkẹvuọvo a da teyọ hwe ihwo ri nenire ejobi da hrabọ ukoko na de rhi hirhe phihọ odiodi. 37Rẹ ona vwọ no nu Judas ohwo ri Galili de mu vwẹ ọke re vwo kere ihwo o de se ihwo buebu ba oma; o ji ghwu rhe, ihwo ro se ba oma na ejobi da hrabọ. 38Ọtiọye vwẹ ọnana rọ hẹ otọ na me ta kẹ ovwan nẹ, ovwan yan jẹ ayen vwo; kidie iroro nana eyẹ iruo nana da dia ọ rẹ ihwo rẹ akpọ, o che she. 39Ẹkẹvuọvo ọ da dianẹ obọ rẹ Ọghẹnẹ o nurhe, ovwan che se gere ayen she-e. Ọghẹnẹ kọye ekpuyovwi rẹ ovwan che muẹ kpaha na.
40Ayen da reyọ uchebro rọye, rẹ ayen vwo se otu rẹ iyinkọn na rhe uwevwi nu, ayen da fa ayen e de ji urhi kẹ ayen nẹ ayen gbi se odẹ ri Jesu-u, e de siobọ nẹ ayen kpo. 41Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na. 42Kẹdẹ kẹdẹ unu rayen gbe ka-a rẹ ayen vwo yono ihwo vwẹ evun rẹ uwevwi rẹ ega na kugbe nẹ uwevwi kpo uwevwi vwo ghwoghwo nẹ Jesu ọye hẹ Kristi na.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.