UMOZHIGO TƐKAPƐSHƐNGA TI IYI NƐ ZWENI NU UTAKADA GA UMOZHIGO
TƐKAPƐSHƐNGA TI IYI NƐ ZWENI NU UTAKADA GA UMOZHIGO
Egini izeci Umozhigo i shɛ iyi ihiiŋ. Utakada ga wa duma gana na aa karɛ unyizo, ta bụtụ bi hiiŋ, to tukwuno ti iwɛwɛ, tu gana na Agwatana a nda na butugwumwa. Tudwotwogonu tu Utakada Umozhigo tu namɛ ekpeleshi eyebi kpororo.
1. Ohiuhiu 1—11 a duma gana na aa njɛ unyizo keeni rụrụkwụkwụ ra bụtụ bi hiiŋ na aa karɛ. Iyi nɛ ohiuhiu ga a imanjɛ iwɛ aba na, ga Adam ne Ivi, ge Ken ne Ebɛl, ga Noa na tɛzhagajɛ te meni keeni ashɛkpa Babulon.
2. Ohiuhiu 12—50 a duma rụrụkwụkwụ ro ogwunukwoshi atwa Isrɛl. Bụtụ bi hiiŋ ubwa shɛ ga Abraham na mbiseni rishe ru bwa tɛtɛtana keeni unu ubwa tuhwụga na Agwatana. Unabarɛ wa atwa na 'wa bụ ụ shɛ ga Azik yɛu ibwɛ ye eyi, na bụjalụ bwa ge Jekob (bu gata ɛɛ hiɛŋ ge Isrɛl), keeni miaụŋ mi Jekob umpwa-na-muba-mi-yebi, a na shɛ ukoshilo wa alamụ Isrɛl umpwa-na-ba-eyebi. Go Josɛf shɛ bụtụ bu tukpororo, na atwa peni abashɛ ubwa na amɛ miaụŋ mu bwa me eyi keeni iyi nɛ tenenji upo ge Jekob zhe Ijipti ta miaụŋ mu bwa mu vwɛ hwɛɛ, ta atwa amwamwa ubwa.
Utakada ga wa duma iwɛ iyi nɛ Agwatana njɛ hiiŋ, nazhɛ waa duma unabarɛ wa atwa. I kwuni na ajɛshɛgwa tụpana gana na Agwatana njɛ unyizo, waa kwunanjɛ nu unu-tishilo maa Agwatana zhɛ a ta tuhwulo na tụdụma gana na iwɛ atwa ubwa tɛtajɛ bụ. Masha mu na mu namɛ nu utakada ga hwɛ hwɛɛ mɛ shɛ gana na Agwatana a duma ụshɛrɛya wa atwa na a nda iyi iwɛ keeni ulwapɛ na baa pana aŋ, keeni gana na baa 'yagaga atwa ubwa, boo mbiyono aŋ du keeni shɛrụkwụkwụ sha aba shɛ na bee tilegeni. E 'nyeci utakada ga cala cala iwɛ rishe-tɛtɛtana ru na atwa 'yajɛ la, woo mbiyono kaa du rishe ra ata tɛtɛtana maa ru nama tutu taa hwayɛ.
Tudwotwogonu ti iyi nɛ utakada ga wa duma na:
Tɛkarɛ tu unyizo keeni butugwumwa 1:1—2:25
Tukwuno ti iwɛwɛ keeni ụbaụta na 'wa iŋ 3:1-24
Te kwuni na aka Adam uuwa i ci aka Noa 4:1—5:32
Tɛzhagajɛ te meni na aka Noa 6:1—10:32
Tuma ta ashɛkpa Babɛl 11:1-9
Te kwune na aka Shɛm i ci aka Abraham 11:10-32
Ti'inta ta Abraham, na Azik keeni Jekob na aka ti'inga ta aba 12:1—35:29
Ajalalo Isụ 36:1-43
Go Josɛf na miaụŋ-mo-bino bwa 37:1—45:28
Tunama ta atwa Isrɛl ni Ijipti 46:1—50:26
S'ha seleccionat:
UMOZHIGO TƐKAPƐSHƐNGA TI IYI NƐ ZWENI NU UTAKADA GA UMOZHIGO: RBT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Rubassa Bible © Bible Society of Nigeria, 2008