Yoane 17
17
Mapepo yi Yesu
1Amaswi ya Yesu wafwansile, alingamila umwiyulu, afwanga ukuti: “Tata, ilifika ilya kutensha umwanako, ukuti umwanako nawe akutensye. 2Ndi fino wampile amaka uku yantu yoshi, ukuti yoshi yano wampa, ayape upuma wa manda ti. 3Nupuma wa manda yoshi uli u, yakumanye we Leesa wenga uwa chumi na Yesu Klisto wino watumile. 4Nati nkutensha kuno ukunsi, kuno natimala unnimo uno wanpile mbuombe. 5Nga kasalaka Tata, unkushe nene ponga newe, uku ukulu uu kwene uno nali nao ponga newe intangulo ya kulengwa kwansi.
6“Izina lyako nayamanyisha antu yaya yano wampile ukunzi. Yali ayako, wampa nene, niswi lyako yalilema. 7Nga yamanya fino vyonsi fino wampile, fyafumile kuli wewe. 8Kuno amaswi yano wampile, nayapa, nayo yayapokelela, yamanya ningo fino nafumile kuli wewe, yasumile fino wewe wantumile.
9“Nene nduyapepela; ntalupepela ayanaunsi, leelo yao yano wampile, kuno yao ayako. 10Na yoshi ayane ayako, na yako ayane; nene natensiwa muli yeneyo. 11Nemwi nta-chili-mo kaili un-nsi, leelo ya yalimo un-nsi, nene nisa kunuli. Tata Nswefu, uyasunge ya ukwisina lyako lino wampile, ukuti yawe ali yonga ndi yino tuli, 12Pano nali ponga nayo, nayasungaa ukwisina lyako, lino wampile, nayachingila, kusi nanti wenga pali yeneyo wino walowa, siku mwana wa kulowa, kuti Lyandiko lifikilile. 13Leelo kasalaka nisa kunuli, na maswi ya nduyafwanga un-nsi, ukuti ukuchimba kwane kushule um-myenzo yao. 14Nene nayapa iswi lyako, nukunsi kwayatuwa, kuno yao asi ya kunsi, ndi fino nene asi ne wa kunsi. 15Ntalupepa ukuti uyaatishe ukunsi, leelo uyasunge uku njipe. 16Yao asi ya kunsi, ndi fino nene asi ne wa kunsi. 17Uyaswefye un-chumi; iswi lyako ali chumi. 18Ndi fino wantumile nene ukunsi, ifino nene kwene nayatumile ukunsi. 19Nu ku milandu yao nauswefya, ukuti nayo yaswepe un-chumi.
20“Ntalupepela yao sile, leelo na yaya yano yacha yansumila uku nnandu wiswi lyao. 21Yoshi yawe ichili chonga ndi fino newe Tata uli muli nene, nene muli wewe, nayo yawe muli sweswe; ukuti amunsi yazumile fino wewe wantumile. 22Nene ukulu uo uno wampile nayapa, ukuti yawe ichili chonga ndi fino neswe tuli ichili chonga. 23Nene muli yeneyo, newe muli nene, ukuti yawe ningo paliponga, ukuti amunsi yamanye fino wewe wantumile, wayakunda ndi fino wankunda nene.
24“Tata, yao yano wampile, ndusita yawe ponga nene ponsi panondi, ukuti yalole ukulu wane uno wampa, kuno wankunda fuma inkolelo ya kulengwa kwansi. 25Tata wa chumi, amunsi yatakumanyile, leelo nemwi nakumanyile, na yao yamanile fino wewe wantumile. 26Nene nayamanyisha isina lyako, na kaili nanjamanyisha, ukuti ulukundo lulu luno wankasama nene luwe muli yeneyo, nene mbwe muli yeneyo.”
S'ha seleccionat:
Yoane 17: FNT1988
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Fipa © United Bible Societies, 1988. Bible Society of Tanzania.
Yoane 17
17
Mapepo yi Yesu
1Amaswi ya Yesu wafwansile, alingamila umwiyulu, afwanga ukuti: “Tata, ilifika ilya kutensha umwanako, ukuti umwanako nawe akutensye. 2Ndi fino wampile amaka uku yantu yoshi, ukuti yoshi yano wampa, ayape upuma wa manda ti. 3Nupuma wa manda yoshi uli u, yakumanye we Leesa wenga uwa chumi na Yesu Klisto wino watumile. 4Nati nkutensha kuno ukunsi, kuno natimala unnimo uno wanpile mbuombe. 5Nga kasalaka Tata, unkushe nene ponga newe, uku ukulu uu kwene uno nali nao ponga newe intangulo ya kulengwa kwansi.
6“Izina lyako nayamanyisha antu yaya yano wampile ukunzi. Yali ayako, wampa nene, niswi lyako yalilema. 7Nga yamanya fino vyonsi fino wampile, fyafumile kuli wewe. 8Kuno amaswi yano wampile, nayapa, nayo yayapokelela, yamanya ningo fino nafumile kuli wewe, yasumile fino wewe wantumile.
9“Nene nduyapepela; ntalupepela ayanaunsi, leelo yao yano wampile, kuno yao ayako. 10Na yoshi ayane ayako, na yako ayane; nene natensiwa muli yeneyo. 11Nemwi nta-chili-mo kaili un-nsi, leelo ya yalimo un-nsi, nene nisa kunuli. Tata Nswefu, uyasunge ya ukwisina lyako lino wampile, ukuti yawe ali yonga ndi yino tuli, 12Pano nali ponga nayo, nayasungaa ukwisina lyako, lino wampile, nayachingila, kusi nanti wenga pali yeneyo wino walowa, siku mwana wa kulowa, kuti Lyandiko lifikilile. 13Leelo kasalaka nisa kunuli, na maswi ya nduyafwanga un-nsi, ukuti ukuchimba kwane kushule um-myenzo yao. 14Nene nayapa iswi lyako, nukunsi kwayatuwa, kuno yao asi ya kunsi, ndi fino nene asi ne wa kunsi. 15Ntalupepa ukuti uyaatishe ukunsi, leelo uyasunge uku njipe. 16Yao asi ya kunsi, ndi fino nene asi ne wa kunsi. 17Uyaswefye un-chumi; iswi lyako ali chumi. 18Ndi fino wantumile nene ukunsi, ifino nene kwene nayatumile ukunsi. 19Nu ku milandu yao nauswefya, ukuti nayo yaswepe un-chumi.
20“Ntalupepela yao sile, leelo na yaya yano yacha yansumila uku nnandu wiswi lyao. 21Yoshi yawe ichili chonga ndi fino newe Tata uli muli nene, nene muli wewe, nayo yawe muli sweswe; ukuti amunsi yazumile fino wewe wantumile. 22Nene ukulu uo uno wampile nayapa, ukuti yawe ichili chonga ndi fino neswe tuli ichili chonga. 23Nene muli yeneyo, newe muli nene, ukuti yawe ningo paliponga, ukuti amunsi yamanye fino wewe wantumile, wayakunda ndi fino wankunda nene.
24“Tata, yao yano wampile, ndusita yawe ponga nene ponsi panondi, ukuti yalole ukulu wane uno wampa, kuno wankunda fuma inkolelo ya kulengwa kwansi. 25Tata wa chumi, amunsi yatakumanyile, leelo nemwi nakumanyile, na yao yamanile fino wewe wantumile. 26Nene nayamanyisha isina lyako, na kaili nanjamanyisha, ukuti ulukundo lulu luno wankasama nene luwe muli yeneyo, nene mbwe muli yeneyo.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Fipa © United Bible Societies, 1988. Bible Society of Tanzania.