Luka 13
13
Mauiga o le fakasemala
1I le temi lena, na au loa ni iki, o fakamatala kiate ia le nea leia na soko ki ni kau Kalilea ala na tamate e Pilato i le temi leia na lotou momoli ai alatou sakilifisio. 2Na tali loa a ia kia latou : Pe kotou manatu na agasala lasi ake a tagata Kalilea ana i la ake kau Kalilea fuli, talie kua lotou mamae lasi ai ? 3E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa. 4Ti ko le tino agafulu tupu valu leia na solo ki ai le tule o Siloe, pe kotou manatu na lotou agasala lasi ake i la ake kakai fuli o Selusalemi ? 5E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.
Folafola o le fiki
6Na toe fakasa foki e ia le folafola fakatata leinei : Na to e se tagata se fiki i lana vite. Na au loa a ia o afa i ai ni fua, ti na leaise maua fua e ia se nea. 7Ti na pati loa a ia ki le tagata faivite : Ko le fetuu tolu loa leinei o laku tau au o afa fiki ake i le fiki nei, kae e leaise kau maua fua se nea. Sele a ia : kolea e maumaui noa ai e ia le kele. 8Na tali loa le tagata faivite kiate ia : Aliki, toe tuku mua a ia ke tuu i le fetuu leinei ; e kau kenu takai loa i ona tafatafa, ti e kau laku loa ki ai se nea fakagako kele. 9E lagi fua loa a ia i le fetuu ka au ; ti kapau e leai aifai, ti ke sele loa a ia.
Fakamauli o se fafine tua piko i le sapato
10I se sapato, na akonaki loa Sesu i se sinakoka. 11Ti ko leinei, na i ai se fafine leia na ulu tino ai se laumalie veli leia na fakamasaki ia a ia talu mei fetuu e kau agafulu tupu valu ; na tua piko a ia, ti na leaise mafai ke toe tuu fakasako a ia. 12I le tio a Sesu ki le fafine, na kalagai loa e ia a ia, o pati kiate ia : Fafine kua fakamauli a koe i lou maimoa. 13Ti na teki loa e ia ona lima ki le fafine. I le temi fai lena na tuu fakasako loa le fafine, o fakafetai ki le Atua. 14Kae na itaita loa le pule o le sinakoka i le fakamauli o le masaki e Sesu i le aso o le sapato, ti na pati loa a ia ki le kakai : E i ai a aso e ono ala ke gaoi ai ; kotou au i aso ana ke fakamauli koutou, kae aua na kotou au i le aso o le sapato. 15Na tali loa le Aliki kiate ia : Kau malualoi ! Pe leaise kotou ano i le aso o le sapato o tasi tatala lana pipi pe ko lana asino, o ave ke fakainu ? 16Ti ko le fafine leinei, leia ko se taine o Apalaamo, leia na sai e Satana talu mei fetuu e kau agafulu tupu valu, pe leaise tonu ke saofaki a ia mei le tini lena i le aso o le sapato ? 17I lana masau felaaki, na apele ona fili fuli i le luma, kae na fiafia le kakai ki nea fulumalilie fuli ala na fai e ia.
Folafola o le fatui sinapi mo le fakatupu
18Na toe pati loa Sesu : E tatau mo lea le puleaga o le Atua, ti kolea ke kau fakatatau a ia ki ai ? 19E tatau le puleaga o le Atua mo se fa fatui sinapi leia e too e se tagata o ti ki lona oloto ; e somo a ia, o liliu ko se laakau lasi, ti e nonofo loa a manu lele o le lagi i ona laa.
20Na toe pati loa a ia : Pe kau toe fakatatau loa kilea le puleaga o le Atua ? 21E fakatatau a ia ki se ga fakatupu leia e too e se fafine o tuku ki ni kilo falina e kau lua tupu lima, ke tupu ai le falina katoa.
Akonaki i le ala ki Selusalemi : le matapa lau ikiiki
22Na fakalaka loa Sesu i kolo lalasi mo kolo liliki o akonaki, ti mo ano ki Selusalemi. 23Na pati loa se tasi kiate ia : Aliki, pe ko se ga toka teiki fua leia e saofaki loa ? Na tali loa a ia kia latou : 24Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa. 25Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea ! 26Ti e kotou kamata pati loa : Na motou kai mo inu i ou mua, ti na ke akonaki i omatou ala. 27Ti e tali loa a ia : E kau pati atu kia koutou, e leaise kau iloa pe ko koutou meifea ; kotou fakamamao atu iate au, koutou fuli ala e fai ia le agaveli. 28Ko lena le ganea leia ka maua ai loa a tagi mo fetati o nifo, mo ka kotou tio loa kia Apalaamo, mo Isaake, mo Sakopo, ti mo le kau polofeta katoa i le puleaga o le Atua, kae e ti loa koutou ki fafo. 29E au loa mei le sopoaga o le laa mo le galoaga o le laa, mei le potu tokelau mo le potu toga ; ti e lotou kai loa i le puleaga o le Atua. 30Ti ko leinei, e i ai loa ni mulimuli e liliu loa ko ni muamua, ti mo ni muamua e liliu loa ko ni mulimuli.
Tagi a Sesu ki Selusalemi
31I le aso lena, na au loa ni iki o le kau faliseo o pati kiate ia : Mavae i leinei, o ano kese, talie e loto Elote ke tamate a koe. 32Na pati loa a ia kia latou : Kotou ano o fakasa ki le lenato lena : Ko leinei e kau kapu a temonio mo fakamauli ni iki i le aso nei mo apogipogi, ti e oki loa laku gaoi i le tolu o aso. 33Kae e tonu ke kau saele i le aso nei, mo apogipogi, ti mo leia atu a aso ; talie e leaise malie ke mate se polofeta i se ganea kese i Selusalemi.
34Selusalemi, Selusalemi, leia e tamate ia le kau polofeta mo tuki fatui ia latou ala na kakau mai kiate koe, kua tua fia loku loto ke tanaki au fanau, ofaipe se tanaki e se ufa lona toloaki i lalo o ona kapakau, kae na leaise kotou loto ki ai ! 35Koia, e tiaki ai loa lokoutou fale ke lavaki ; kae, e kau pati atu kia koutou, e leaise kotou tio loa kiate au o kaku ki lakotou pati : Manuia leia e au i le suafa o le Aliki !
S'ha seleccionat:
Luka 13: FB2000
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Société Biblique de Genève, 2000-2020
Luka 13
13
Mauiga o le fakasemala
1I le temi lena, na au loa ni iki, o fakamatala kiate ia le nea leia na soko ki ni kau Kalilea ala na tamate e Pilato i le temi leia na lotou momoli ai alatou sakilifisio. 2Na tali loa a ia kia latou : Pe kotou manatu na agasala lasi ake a tagata Kalilea ana i la ake kau Kalilea fuli, talie kua lotou mamae lasi ai ? 3E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa. 4Ti ko le tino agafulu tupu valu leia na solo ki ai le tule o Siloe, pe kotou manatu na lotou agasala lasi ake i la ake kakai fuli o Selusalemi ? 5E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.
Folafola o le fiki
6Na toe fakasa foki e ia le folafola fakatata leinei : Na to e se tagata se fiki i lana vite. Na au loa a ia o afa i ai ni fua, ti na leaise maua fua e ia se nea. 7Ti na pati loa a ia ki le tagata faivite : Ko le fetuu tolu loa leinei o laku tau au o afa fiki ake i le fiki nei, kae e leaise kau maua fua se nea. Sele a ia : kolea e maumaui noa ai e ia le kele. 8Na tali loa le tagata faivite kiate ia : Aliki, toe tuku mua a ia ke tuu i le fetuu leinei ; e kau kenu takai loa i ona tafatafa, ti e kau laku loa ki ai se nea fakagako kele. 9E lagi fua loa a ia i le fetuu ka au ; ti kapau e leai aifai, ti ke sele loa a ia.
Fakamauli o se fafine tua piko i le sapato
10I se sapato, na akonaki loa Sesu i se sinakoka. 11Ti ko leinei, na i ai se fafine leia na ulu tino ai se laumalie veli leia na fakamasaki ia a ia talu mei fetuu e kau agafulu tupu valu ; na tua piko a ia, ti na leaise mafai ke toe tuu fakasako a ia. 12I le tio a Sesu ki le fafine, na kalagai loa e ia a ia, o pati kiate ia : Fafine kua fakamauli a koe i lou maimoa. 13Ti na teki loa e ia ona lima ki le fafine. I le temi fai lena na tuu fakasako loa le fafine, o fakafetai ki le Atua. 14Kae na itaita loa le pule o le sinakoka i le fakamauli o le masaki e Sesu i le aso o le sapato, ti na pati loa a ia ki le kakai : E i ai a aso e ono ala ke gaoi ai ; kotou au i aso ana ke fakamauli koutou, kae aua na kotou au i le aso o le sapato. 15Na tali loa le Aliki kiate ia : Kau malualoi ! Pe leaise kotou ano i le aso o le sapato o tasi tatala lana pipi pe ko lana asino, o ave ke fakainu ? 16Ti ko le fafine leinei, leia ko se taine o Apalaamo, leia na sai e Satana talu mei fetuu e kau agafulu tupu valu, pe leaise tonu ke saofaki a ia mei le tini lena i le aso o le sapato ? 17I lana masau felaaki, na apele ona fili fuli i le luma, kae na fiafia le kakai ki nea fulumalilie fuli ala na fai e ia.
Folafola o le fatui sinapi mo le fakatupu
18Na toe pati loa Sesu : E tatau mo lea le puleaga o le Atua, ti kolea ke kau fakatatau a ia ki ai ? 19E tatau le puleaga o le Atua mo se fa fatui sinapi leia e too e se tagata o ti ki lona oloto ; e somo a ia, o liliu ko se laakau lasi, ti e nonofo loa a manu lele o le lagi i ona laa.
20Na toe pati loa a ia : Pe kau toe fakatatau loa kilea le puleaga o le Atua ? 21E fakatatau a ia ki se ga fakatupu leia e too e se fafine o tuku ki ni kilo falina e kau lua tupu lima, ke tupu ai le falina katoa.
Akonaki i le ala ki Selusalemi : le matapa lau ikiiki
22Na fakalaka loa Sesu i kolo lalasi mo kolo liliki o akonaki, ti mo ano ki Selusalemi. 23Na pati loa se tasi kiate ia : Aliki, pe ko se ga toka teiki fua leia e saofaki loa ? Na tali loa a ia kia latou : 24Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa. 25Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea ! 26Ti e kotou kamata pati loa : Na motou kai mo inu i ou mua, ti na ke akonaki i omatou ala. 27Ti e tali loa a ia : E kau pati atu kia koutou, e leaise kau iloa pe ko koutou meifea ; kotou fakamamao atu iate au, koutou fuli ala e fai ia le agaveli. 28Ko lena le ganea leia ka maua ai loa a tagi mo fetati o nifo, mo ka kotou tio loa kia Apalaamo, mo Isaake, mo Sakopo, ti mo le kau polofeta katoa i le puleaga o le Atua, kae e ti loa koutou ki fafo. 29E au loa mei le sopoaga o le laa mo le galoaga o le laa, mei le potu tokelau mo le potu toga ; ti e lotou kai loa i le puleaga o le Atua. 30Ti ko leinei, e i ai loa ni mulimuli e liliu loa ko ni muamua, ti mo ni muamua e liliu loa ko ni mulimuli.
Tagi a Sesu ki Selusalemi
31I le aso lena, na au loa ni iki o le kau faliseo o pati kiate ia : Mavae i leinei, o ano kese, talie e loto Elote ke tamate a koe. 32Na pati loa a ia kia latou : Kotou ano o fakasa ki le lenato lena : Ko leinei e kau kapu a temonio mo fakamauli ni iki i le aso nei mo apogipogi, ti e oki loa laku gaoi i le tolu o aso. 33Kae e tonu ke kau saele i le aso nei, mo apogipogi, ti mo leia atu a aso ; talie e leaise malie ke mate se polofeta i se ganea kese i Selusalemi.
34Selusalemi, Selusalemi, leia e tamate ia le kau polofeta mo tuki fatui ia latou ala na kakau mai kiate koe, kua tua fia loku loto ke tanaki au fanau, ofaipe se tanaki e se ufa lona toloaki i lalo o ona kapakau, kae na leaise kotou loto ki ai ! 35Koia, e tiaki ai loa lokoutou fale ke lavaki ; kae, e kau pati atu kia koutou, e leaise kotou tio loa kiate au o kaku ki lakotou pati : Manuia leia e au i le suafa o le Aliki !
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Société Biblique de Genève, 2000-2020