Luka 14
14
Fakamauli o se tagata ofogaki
1I se aso sapato, na ulu loa Sesu o kai i le fale o se tasi o le kau pule o le kau faliseo. Ti na lama a ia e le kau faliseo. 2Ti ko leinei, na tuu i ona mua se tagata leia na ofogaki lona tino. 3Na masau loa Sesu, o vesili ki le kau toketa o le lao mo le kau faliseo : Pe taga ke fakamauli se tasi i le aso o le sapato, pe leai ? 4Na lotou fakalologo fuli loa. Ti na fafa loa Sesu ki le tagata lena o fakamauli a ia, ti na kakau loa e ia a ia ke ano ki lona kaiga. 5Ti na pati loa a ia kia latou : Ko ai leia ia koutou, ka vilo lona vosa pe ko lana pipi ki se sosoni i le aso o le sapato, e leaise ano loa o toso fakatavili ake a ia ki aluga ? 6Ti na leaise mafai ke lotou tali kiate ia.
Le tagata fakaafe mata soka
7Ti na fai loa e ia se folafola fakatata ki le kau fakaafe i lana tio ki lalatou filifili a uluaki nofoaga, o pati kia latou : 8Ka fakaafe loa a koe e se tasi ki se kaitasi o se faiavaga, aua na ke ano ki le uluaki nofoaga, na kua tuku a ia ki se tasi i le kau fakaafe leia e mauiga ake iate koe, 9ti na au leia na fakaafe ia koulua, o pati atu kiate koe : Tuku ake le nofoaga lena ki leia. E ke luma loa i le ano o nofo i le nofoaga fakamuli oki. 10Kae, ka fakaafe loa a koe, ano o nofo i le nofoaga fakamuli, o tupu ka au loa leia na fakaafe ia a koe, ti e pati atu loa a ia kiate koe : Ei loku kaukau nea, pale mai ki mua. E fakamauiga loa a koe i mua o latou fuli ala e eke loa mo koe i le laupapa kai.
11Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.
12Na toe pati foki a ia ki leia na fakaafe ia a ia : Ka ke fai se kai lalatea pe ko se kai afiafi, aua na ke fakaafe ou kaukau nea, pe ko ou fetaina, pe ko ou famili, pe ko ou vasaa fale mou koloa, o tupu ke aua na lotou toe fakaafe a koe ti mo toe totogi atu kiate koe le nea leia na ke fai kia latou. 13Kae, ka ke fai se kaitasi, fakaafe le kau mativa, mo le kau maimoa, mo le kau kito, mo le kau kivi. 14Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.
Folafola o le kaitasi
15Ko se tasi o latou ala na eke i le laupapa kai, i lana logo ki folafola ana, na pati loa kia Sesu : Manuia leia e kai loa i le puleaga o le Atua ! 16Ti na tali loa Sesu kiate ia : Na fai loa e se tagata se kai afiafi lasi, ti na fakaafe loa e ia ni kakai toka api ai. 17I le ola o le kai afiafi, na kakau loa e ia lana tagata fakasausau ke ano o pati ki le kau fakaafe : Kotou au la, talie kua tokamalie a nea fuli. 18Kae na lotou fakasoasoa fuli o fakafiti. Na pati loa le uluaki kiate ia : Kua kau totogi se faisaga, ti e tonu ke kau ano o tio ki ai ; e kau kole atu kiate koe, fakamalie mai kiate au. 19Ti na pati loa se tasi : Kua kau totogi ni soa pipi e lima, ti ka kau ano o asiasii latou ; e kau kole atu kiate koe, fakamalie mai kiate au. 20Ti na pati loa se tasi : Nao kau avaga fua mo se fafine, koia e leaise mafai ai ke kau natu. 21Na toe liliu loa le tagata fakasausau ki lona pule, o fakamatala kiate ia a nea fuli ana. Ti na itaita loa le pule o le fale, o pati ki lana tagata fakasausau : Ano fakatavili ki lapalasi ti mo ala o le kolo, o taki mai ki leinei le kau mativa, mo le kau maimoa, mo le kau kivi, ti mo le kau kito. 22Na pati loa le tagata fakasausau : Pule, ko le nea leia na ke fakatotonu mai ki ai kua oki i le fai, ti koi toe ni nofoaga. 23Ti na pati loa le pule ki le tagata fakasausau : Ano ki ala matua ti mo ala vaoa, o fakamakeke latou fuli ala e ke maua loa ke ulu ki loto, o tupu ke apele loku fale. 24Talie, e kau fakasa kia koutou, e leaise tasi fua i tagata ana na fakaafe e kai loa i laku kai afiafi.
Le tisipulo maoki
25Na ano ni kakai toka api mo Sesu i le ala. Ti na mafuli loa a ia ki muli, o pati kia latou :
26Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo. 27Ti ko leia e leaise amo ia lona koluse o muli mai iate au, e leaise mafai ke liliu a ia ko laku tisipulo.
Folafola o le fa tule
28Talie, ko ai ia koutou, mo kapau e loto a ia ke fau se tule, e leaise tonatona mua a ia ki lalo, o fakafuafua le puli, ti mo tio pe maua e ia se nea ke fakaoki ai a ia, 29Talie na oki le teki e ia o le fakatafito, ti e leaise mafai loa ke fakaoki e ia a ia, ti e gologolo loa kiate ia latou fuli ala e tio loa ki ai, 30o pati : Kua kamata laga e le tagata lena, kae na leaise mafai e ia lona fakaoki !
Folafola o le sau e teuteu ki le tau
31Pe ko le sau fea, mo ka ano o tau ki se tasi ake a sau, e leaise tonatona mua o fakakaukau pe mafai e ia, mo ni tagata e tino agafulu afe, ke ano o tau ki leia e au kiate ia mo ni tagata e tino lua afe. 32Kapau e leaise mafai e ia, ti e kakau e ia se fakafofoga ke ano ki leia ake a sau, ka koi mamao a ia, o kole le tokamalie.
33Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.
Folafola o le patai
34Ko le patai ko se nea malie ; kae kapau e puli lona konakona, ti e toe fakakonakona loa a ia kilea ? 35E leaise toe malie a ia ki le kele, pe ki le fakagako o le kele ; e ti a ia ki fafo. Ko leia e maua ia ni taliga ke fakalogo, ke logo.
S'ha seleccionat:
Luka 14: FB2000
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Société Biblique de Genève, 2000-2020
Luka 14
14
Fakamauli o se tagata ofogaki
1I se aso sapato, na ulu loa Sesu o kai i le fale o se tasi o le kau pule o le kau faliseo. Ti na lama a ia e le kau faliseo. 2Ti ko leinei, na tuu i ona mua se tagata leia na ofogaki lona tino. 3Na masau loa Sesu, o vesili ki le kau toketa o le lao mo le kau faliseo : Pe taga ke fakamauli se tasi i le aso o le sapato, pe leai ? 4Na lotou fakalologo fuli loa. Ti na fafa loa Sesu ki le tagata lena o fakamauli a ia, ti na kakau loa e ia a ia ke ano ki lona kaiga. 5Ti na pati loa a ia kia latou : Ko ai leia ia koutou, ka vilo lona vosa pe ko lana pipi ki se sosoni i le aso o le sapato, e leaise ano loa o toso fakatavili ake a ia ki aluga ? 6Ti na leaise mafai ke lotou tali kiate ia.
Le tagata fakaafe mata soka
7Ti na fai loa e ia se folafola fakatata ki le kau fakaafe i lana tio ki lalatou filifili a uluaki nofoaga, o pati kia latou : 8Ka fakaafe loa a koe e se tasi ki se kaitasi o se faiavaga, aua na ke ano ki le uluaki nofoaga, na kua tuku a ia ki se tasi i le kau fakaafe leia e mauiga ake iate koe, 9ti na au leia na fakaafe ia koulua, o pati atu kiate koe : Tuku ake le nofoaga lena ki leia. E ke luma loa i le ano o nofo i le nofoaga fakamuli oki. 10Kae, ka fakaafe loa a koe, ano o nofo i le nofoaga fakamuli, o tupu ka au loa leia na fakaafe ia a koe, ti e pati atu loa a ia kiate koe : Ei loku kaukau nea, pale mai ki mua. E fakamauiga loa a koe i mua o latou fuli ala e eke loa mo koe i le laupapa kai.
11Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.
12Na toe pati foki a ia ki leia na fakaafe ia a ia : Ka ke fai se kai lalatea pe ko se kai afiafi, aua na ke fakaafe ou kaukau nea, pe ko ou fetaina, pe ko ou famili, pe ko ou vasaa fale mou koloa, o tupu ke aua na lotou toe fakaafe a koe ti mo toe totogi atu kiate koe le nea leia na ke fai kia latou. 13Kae, ka ke fai se kaitasi, fakaafe le kau mativa, mo le kau maimoa, mo le kau kito, mo le kau kivi. 14Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.
Folafola o le kaitasi
15Ko se tasi o latou ala na eke i le laupapa kai, i lana logo ki folafola ana, na pati loa kia Sesu : Manuia leia e kai loa i le puleaga o le Atua ! 16Ti na tali loa Sesu kiate ia : Na fai loa e se tagata se kai afiafi lasi, ti na fakaafe loa e ia ni kakai toka api ai. 17I le ola o le kai afiafi, na kakau loa e ia lana tagata fakasausau ke ano o pati ki le kau fakaafe : Kotou au la, talie kua tokamalie a nea fuli. 18Kae na lotou fakasoasoa fuli o fakafiti. Na pati loa le uluaki kiate ia : Kua kau totogi se faisaga, ti e tonu ke kau ano o tio ki ai ; e kau kole atu kiate koe, fakamalie mai kiate au. 19Ti na pati loa se tasi : Kua kau totogi ni soa pipi e lima, ti ka kau ano o asiasii latou ; e kau kole atu kiate koe, fakamalie mai kiate au. 20Ti na pati loa se tasi : Nao kau avaga fua mo se fafine, koia e leaise mafai ai ke kau natu. 21Na toe liliu loa le tagata fakasausau ki lona pule, o fakamatala kiate ia a nea fuli ana. Ti na itaita loa le pule o le fale, o pati ki lana tagata fakasausau : Ano fakatavili ki lapalasi ti mo ala o le kolo, o taki mai ki leinei le kau mativa, mo le kau maimoa, mo le kau kivi, ti mo le kau kito. 22Na pati loa le tagata fakasausau : Pule, ko le nea leia na ke fakatotonu mai ki ai kua oki i le fai, ti koi toe ni nofoaga. 23Ti na pati loa le pule ki le tagata fakasausau : Ano ki ala matua ti mo ala vaoa, o fakamakeke latou fuli ala e ke maua loa ke ulu ki loto, o tupu ke apele loku fale. 24Talie, e kau fakasa kia koutou, e leaise tasi fua i tagata ana na fakaafe e kai loa i laku kai afiafi.
Le tisipulo maoki
25Na ano ni kakai toka api mo Sesu i le ala. Ti na mafuli loa a ia ki muli, o pati kia latou :
26Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo. 27Ti ko leia e leaise amo ia lona koluse o muli mai iate au, e leaise mafai ke liliu a ia ko laku tisipulo.
Folafola o le fa tule
28Talie, ko ai ia koutou, mo kapau e loto a ia ke fau se tule, e leaise tonatona mua a ia ki lalo, o fakafuafua le puli, ti mo tio pe maua e ia se nea ke fakaoki ai a ia, 29Talie na oki le teki e ia o le fakatafito, ti e leaise mafai loa ke fakaoki e ia a ia, ti e gologolo loa kiate ia latou fuli ala e tio loa ki ai, 30o pati : Kua kamata laga e le tagata lena, kae na leaise mafai e ia lona fakaoki !
Folafola o le sau e teuteu ki le tau
31Pe ko le sau fea, mo ka ano o tau ki se tasi ake a sau, e leaise tonatona mua o fakakaukau pe mafai e ia, mo ni tagata e tino agafulu afe, ke ano o tau ki leia e au kiate ia mo ni tagata e tino lua afe. 32Kapau e leaise mafai e ia, ti e kakau e ia se fakafofoga ke ano ki leia ake a sau, ka koi mamao a ia, o kole le tokamalie.
33Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.
Folafola o le patai
34Ko le patai ko se nea malie ; kae kapau e puli lona konakona, ti e toe fakakonakona loa a ia kilea ? 35E leaise toe malie a ia ki le kele, pe ki le fakagako o le kele ; e ti a ia ki fafo. Ko leia e maua ia ni taliga ke fakalogo, ke logo.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Société Biblique de Genève, 2000-2020