Ioane 2
2
1Wia hiwio neewa oboiri, hiwio ata na’u o’bora dubura idabuaimamaumo, Kana oopowa, Galilea mabuwa, wia Iesu mamu nouowa emidio. 2Wia neiio Iesu nou himia kitomudio meremu kidabuai horiomooito naibaha iama’uotiumo. 3Ina nei wine naibaha oropoiioumo, Iesu mamu nouido naiba iaowa: Nei wine ia biahai. 4Wia Iesu nouido naiba iaowa: O’bo e, ro momu touna rododiai? Mo himia hiwio doihabuo nou o’u biahai. 5Nou mamuro, kimaati oubido naiba iaowa: Nana auwoha nouro rioido iaowa, rioo taiidodiaiwamo. 6Wia 6 akabu uro obo kiaiwa na’i nouowa riaa, nei Iudaia oubi kiduuti kidia nanari; nei modobo na’u na’uri, 5 kerosini tini aibo. 7Iesu neido naiba iaowa: Nouri uro obo miapeutimo; wia neiio naibaha iratutiwaumo naiba iapeuti. 8Ina nou neido naiba iaowa: Doihabuo taiiahauodutimo wia horiomoo pai dubuido taiwoumo. Wia neiio naibaha iwoumo. 9Ina horiomoo pai duburo naibaha emahebai, nou umo biahai tobatiudo riwoumo, na’u nouri obo kiratuti kimaati oubii nei himia umori, wia horiomoo pai‐duburo, orio kidabuai dubu naibaha otua, nouido o’ui. 10Nouido naiba iaowa: Auwoha dubu amidao meamea wine opuito idiamomo ina nou tauwa oubio tau ridiowadumo godogodo wine kekebuo meahari neiio nei idiomomoi, ata rovia doihabuo meamea wine ridiamo. 11Nouri nou himia opuito tiaha kidodiai na’i Iesuro naibaha ododiai Kana oopowa, Galilea mabuwa. Nou himia moari nouro naibaha owaevia wia nou kitomudio oubio nouido araromodiowaumo.
12Doo hiwio ata, nou mamu wia niamamio wia nou kitomudio oubi nei Kapenaumaito naibaha oroworuomo wia hiwio godo biahai nei nouowa emidiowaumo.
13Wia Iudea oubi kiohodio horiomoo hiwio’i nou tariwai ina Iesu Ierusalemaito naibaha iorowa. 14Wia bulamakaura mamoera badura korowame oubi wia moni kiwa’ewuti oubi Tana‐motowa kemidiowa nouro naibaha ivia. 15Ina nou tipotipo hohomeito naibaha ododiai, mamoera bulamakaura auwoha nouro Tana motoudo naibaha imaho’iuti wia moni kiwaewuti oubii moni nouro naibaha imahauodutiwa wia nei dodoo naibaha imeheewa. 16Wia badu korowame oubido nouro naiba iaowa: Nouri nana noudo taitateaimo wia mo Abea moto korowame moto aibo ododiaimo aue. 17Wia nou kitomudio oubi naibaha araromomo, nouri wade nou titi tau iati: Mo imini auwo pupuo naibaha emahebidio, ro himia motonu nouido. 18Wia Iudea oubio naibaha omowameaumo nouido naiba iaowaumo: Taiba modobo wauro iwaeviai roro imoido nouri nana roro nou ridodiai? 19Iesuro naibaha imowameai neido naiba iaowa: Rio Tana‐moto nouri taihebutimo, ina hiwio neewa na’uito moro ainaviai. 20Nouri Iudea oubi naiba iaowaumo: Nouri Tana‐moto kididi konobo, nou 46 konobori, ina roro hiwio neewa na’uito awaviai? 21Wia nouro nou himia goho Tana‐moto naibaha owaduo. 22Ina nou ta’uwa nou koihiaiudo daroitorai, nouri wade nou neido tau aro nou himia kitomudio oubi naibaha araromowaumo wia titi kiati wade wia Iesu kiao wade neiio naibaha iraromodiowaumo.
23Ina nou Ierusalemawa naibaha emidiowa kiohodio horiomoo hiwio’i nouowa. Oubi godogodoo nou painawa naibaha araromodiowaumo, nou ta’uwa nou himia tiaha kidodiai nana’i neiio naibaha iauriwaumo. 24Wia Iesuro neido irovidio biahai mabu nouri oubi auwoha nou umori. 25Nou niro biahai dubu ataro oubi kidia nouido iwaduuti, mabu nouri oubi kidia auwoha nou himia umori.
S'ha seleccionat:
Ioane 2: KXW1941
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1941.