Jon 3
3
SOPENA 3.
1Na tajua na Varisi na hisena Nikotimus, na varese hira Ju
2Monumai me Iesu me na pohi, moaso, Varese topinisi oi-tijer hi Atua suria saite tajua mopinisa vei ra sanu uloulo oivera va Atua mosatoho valuia.
3Iesu moaso liliu, moaso mea, Motaharahu, va na tajua mosatamalua majiha mosapinisi nareni na vanuai Atua.
4Nikotimus moaso mea, Paleve na tajua momalua majiha me na rani movarie? mopinisa ruhusahe me na lolona tinana vaharua, tau momalua?
5Motaharahu avaraiho, Va te tajua mosamalua majiha hina pei, hina Talume mosapinisa ruhusahe me na vanuai Atua.
6Na sanu momalua majiha hina visiho inie na, visiho; na sanu momalua majiha hina Talume inie na talume.
7Oitena uloulo suria avaraiho, Oisitamalua majiha.
8Na lahi molahi veae momejeia, otoroho na rorona, otosapinisi momaraha veae, otosapinisi molaho veae: paletuha hire vunuvunu temalua majiha hina Talume.
9Nikotimus moaso liliu, moaso mea, Motoma na sanu naa?
10Iesu moaso liliu, moaso mea, Iniho na varese hi Israel maa oisapinisi ra sanu naa?
11Motaharahu avaraiho, Tolalaa ra sanu topinisira, tovetiveti ra sanu torenira, maa otosaroho ra seja vetiveti.
12Va avarai amiu ra sanu hina ulu maa otosarohoroho mera paleve otorohoroho va avarai amiu ra sanu hina tailahi?
13Saite tajua moruhusahe me na tailahi mine, maa inie isei mosumai me na tailahi, na Matuna tajua isei monie me na tailahi.
14Pala Moses moauraha na mata me na Tano-Oru, tesiauraha na Matuna tajua.
15Sura va te tajua morohoroho mea mo-sa-pele maa molavi na mauri rusi tuitui.
16Atua momeje ra tajua hina ulu, suria morahu na Matuna motea hasa, sura va te tajua morohoroho mea mosamate maa molavi na mauri rusi tuitui.
17Atua mosasula na Matuna sura ilailahi ra tajua hina ulu maa sura ra tajua hina ulu tejolo suria.
18Isei morohoroho mea, mosailailahi nie: maa isei mosarohoroho mea moilailahi nie mine suria mosarohoroho me na hisena Matuna motea hasa hi Atua.
19Na ilailahi momalua suria na Rani momalua me na ulu maa ra tajua temeje na pohitupu jivi na Rani suria teveioso.
20Suria hire vunuvunu teveioso tevotoa na Rani, tesamalua me na Rani va moilailahi mera suri ra pilara veioso.
21Maa inie momauri tataholo momalua me na Rani sura ra sanu movera tevavaha, movera suri Atua.
22Tau ra sanu naa, Iesu me ra uluo hina temalua me na ureure Jutia: motohotohosivo valuira, tomopaptais.
23Jon mono tomopaptais me na pei Aenon taroroi me Salim, suria na pei motavereae: ra tajua temalua, tepaptais.
24Suria tesajuri Jon reji me na pea hina hajihajirira.
25Valura uluo hi Jon me ra valura Ju teasoaso suri na vue na veivoevoe.
26Temalua me Jon, teaso, Varese, inie isei movaluiho vala pei Jortan, oivetiveti suria, tomopaptais mono me ra tajua vunuvunu temalua mea.
27Jon moaso liliu, moaso, Na tajua molavi sanu tipa va mosalavia me na tailahi.
28Amiu otopinisi aaso, Inau sa Kristo maa inau na varisula me na pahona.
29Na tajua tahatalahia mo lavi na hajai tahatalahia: maa na tuana tajua tahatalahia isei moturitoho mea, morohoe, moejieji suria moroho na rorona tajua tahatalahia. Naano na ejieji tahajia me na lolou.
30Inie mosijiha tahajia, inau asijiha taiti.
31Inie isei mosumai me esahe mosale jivira vunuvunu: na tajua hina ulu mo-tahaulu, moninima ra sanu hina ulu; maa inie isei momalua me na tailahi mosale jivira vunuvunu.
32Movetiveti ra sanu morenira, morohora: saite tajua morohoroho na sena vetiveti.
33Isei morohoroho mea tomoninima Atua motaharahu.
34Na tajua Atua mosulae moaso ra leo hi Atua: suria Atua mosavei vaivai na rahuvuso hi na Talume.
35Na Tata momeje na Matuna, morahu ra sanu vunuvunu mea.
36Isei morohoroho me Matuna molavi na mauri rusi tuitui: isei mosarohoroho me Matuna mosareni pa na mauri; maa na puripuri hi Atua tomotoho mea.
S'ha seleccionat:
Jon 3: TLM9109
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This is a historic text maintained by the British and Foreign Bible Society.