LUKAS 10
10
Yesus, owe 72 ambirimemome atakam
1Emes aemes arawa, Tuhan, wan owe 72 aereremartaaen. Are era owe, wan ipit amnuk wan asan birimosoma, wan ipit amnuk wan asan birimosoma, emes aemen. Armat Ipit, era aesosto kota takesam, asan takesam bonak baesos, atakam era owe asakamtamen. 2Armat Ipitam atakam era owe akoromen. “Era pak taso eek pii, ere daytinak. Me bakokomtaa owe ere, tanane apok. Tararawa atakam ara pak taso Armat Ipit ajanimay. Are owe, apak taso eek bakokomtaa, atakam basakamtamto. 3Tare ere, baesosay! Tare domba jii emes tamen are. Dere, tare wasen juuri asan emes tamen ambirimemommin. 4Tanom uang esee apaye, pak esee apaye, sendal apaye, bataer bas. Era wautam, owe atakam bajamkoram bas. 5Tare tame ajiitakam, tare emes atakam bonak akoreay: ‘Allah ara tame owe, asan akot batetamtan.’ Emes atakam aesimay. 6Era asan, asan akot baemap jak baseseromem owe aemaptas apaye, ere Allah asan akot era owe atetamtem. Ere, era atakam ajanimtakam pak jipu are. Me, Allah era asan, asan akot baemap jak baseseromem owe apok aporto apaye, Are asan akot, era owe batetam apok aemtem. Era oweam tare era pak atakam Allah bajanim apok tamen aemaptemas. 7Tanom era tame taka emes aemapay. Era atetamtan pakam, bwiam, emes andaay. Emesare, owe era karai baetam owe, pak batetamtas. Wan tame esospora bajie bas. 8Tare kota ambaremtakam, wanam era owe tare tame atoomjiitan, ere era atetamtan banda pak banday. 9Tare era kota damo pota owe ajaoromtaaay. Atakamam era owe akoretamay. ‘Me taasan Allah owe aobaomep bare, ere setepkope asisimara.’ Emes atakam aesimay. 10Tare ere, kota amberemtakam, wanam era owe tame tara batoomjii apok aemtan, ere era daytu bokot ajisemay, wanam atakam aesimay. 11‘Tare tatame dara batoomjii apok aemmakam. Emesare asan pota aemapmakam. Tare ere, bimak binip bajanimem bas. Me taasan Allah owe aobaomep bare, ere setep asisimara.’ Emes atakam aesimay. 12Baporay! Allah, owe bajurusum bare aemamesto, era kota Sodom owe ajirisemtas pak, ere kope. Me tame tara batoomjii apok kota owe ajirisemtas pak, ere daytu.”
Yesus bamesem apok kota owe atakam
(Mat. 11:20-24)
13“Tare kota Korasim owee! Ajirisapmakam. Tare kota Betsaida oweam, ajirisapmakam. Dere jinim bae pak daytinak taasan aemo. Me, owe emes jinim bae pak daytinak, kota Tirus anama kota Sidon aemes apaye, era owe adosa ainamnak ambakemes. Are kuusnak etejakuapes. Are se etejaramapes. 14Allah, owe, bajurusum bare aemamesto, ere Tirus anama Sidon owe kope ajirisemtemas. Tare ere, daytinak ajirisemtemakam. 15Tare Kapernaum owee! Allah tara atemtemtemani? Apoknak! Are tare neraka akoromdaemteman.” Yesus emes atakam aesimen. Yesus arawa, atakam abajamkai owe akoromen. 16“Taatakam jane ajimas owe, deatakamam jane ajimas. Me taatakam aoomas owe, deatakamam aoomas. Are era ambirimemomen Ipit aatakamam aoomas.” Emes atakam aesimen.
Era owe 72 aofasies atakam
17Emesare. Era owe 72, jak akot aptam aofasiesen. Are atakam akoresen. “Tuhan! Dare ere wojuas ajietaermarom, biiam, daatakam ji aemmas!” Emes atakam aesimesen. 18Yesus arawa, atakam era owe, akoromen. “Bii Kapar Ipit wonamo oup aejondae— bwer asaramemar tamen are. Dere emes aporo. 19Baporay! Dere amber anama ande bai bajipirem fiak pak tare etetetamo. Denom era Jii Ipit bakumimosom fiak pak tere etetetamo. Emesare, pak tara baemejurusum asan apok. 20Biiam taatakam ji aemmas. Tare ere, jak akot era pak baemap bas. Tajuas ere, era Surga oup buku bomon aapeta. Emesare, tare jak akot era pak aemapay.” Emes atakam aesimen.
Yesus jak akot aememe atakam
(Mat. 11:25-27, 13:16-17)
21Era bare taka, Allah Jip, jak akot Yesus atetamen. Yesus arawa, atakam Allah akoromen. “Dot! Wore Surga oupam, ara tapirmiam, woemommarem. Wore ere, era pak bimak binip baso oweam, era amsam oweam, atukumomem. Wanam era pak, jii koser aporomtamem. Wonom emes pak baem akot ajiem. Emesare, Dere terima kasih atakam Wora akorommin.” Yesus emes atakam aesimen.
22Armat Ipit arawa, atakam akoren. “Deritipit ere, aapak takes deban ten atetamen. Allah Andep amsam owe, ere apoknak. Aritipit taka, ere Andep amsam. Aritipit amsam oweam, ere apok. Andep taka Aritipit amsam. Me Andep Aritipit wan owe baporomtam akot ajim. Era oweam Aritipit amsam” Emes atakam aesimen. 23Yesus arawa, bimin abajamkai owe awaiome, wanam atakam era owe apa akoromen. “Wan owe, era apormakam pak, apormas. Era owe, ere asan akot. 24Baporay! Allah atakam bakoretam owe tanane anama raja owe tanane era apormakam pak, bapor jak aseseromes. Are ere, era pak bapor apok are. Are era jane ajimakam pak, jane bajie jak aseseromes. Are ere, era pak jane bajie apok are.” Emes atakam aesimen.
Samaria ipit akot atakam
25Emesare. Musa Basakamtam Atakam baememtam ipit taka, Yesus era atakam takes amsam ape bapor awasiten. Are atakam akoromen. “Guru! Dere jiinenak baememaar akot. Erarawa dere wama pak emtey?” Emes atakam aesimen. 26Armat Ipit arawa, “Musa Basakamtam Atakam buku wama atakamum? Wore era baca aemmarem, wama atakamum?” Emes atakam aesimen. 27Era ipit arawa, “Musa Basakamtam Atakam ere, ‘WoTuhan Allah daytinak afaimkoromey. Wore wojak aptamam, wofiak pak takes aptamam, wobimak binip aptamam, woTuhan Allah afaimkoromey. Wonom wojoo owe afaimjiimey— wore dowamo afaimememarem emes tamen awara.’ ” Emes atakam aesimen. 28Yesus arawa, atakam era ipit aokoromen. “Era akoremarem atakam, ere atakamnak. Wore era pak aemey. Worarawa, jiinenak aememaartemarem.” Emes atakam aesimen. 29Era ipit ere, bimak binip atetaramen. “Yesus, dere turu ipit, emes baporto.” Emes bimak binip atetaramen. Emesare, Yesus ajateporen. “Me dejoo owe ere, wama oweem?” Emes atakam aesimen
30Yesus arawa, atep ajiten. “Jipit taka Yerusalem aite, wanam Yeriko aesosen. Era waut ere, pak tasa baetaa owe, ban era ipit ajisikemomesen. Me aapak takes ban atirikokomtaaesen. Are era ipit wusup atesen. Are era ipit dambirken beken ajiosesen. 31Era baream, Allah Tame pak baem ipit, era bokot ajaren. Are era ipit apore, wanam era bokot poman aofemen. 32Lewi saman ipitam emes tamen aemen. Are era asan aendaen. Are era ipit aporen. Aporerawa, era bokot poman aofemen. 33Me, Samaria saman ipitam era asan ajaren. Are era ipit setep emes ataejien. Are era ipit aporen. Aporerawa, era ipit seekot aoorporen. 34Are era ipitpu aememen. Are minyak bwiam, anggur bwiam, era dasopu takes akukumen. Are kain, era daso apwirimapomen. Ararawa, era ipit, akeledai beak ten atemetetaapomen. Are era ipit owe batoomjiitame atomasen. Are era ipit pak aemteteren. 35Ajoferawa, are uang perak jamnuk asumtaeren. Asumtaererawa, uang, owe batoomjii tame armat ipit atetamen. Are atakam akoromen. ‘Wore era ipit pak bafaafetamey. Wore era ipit pak daytu bajitittam apaye, dere afasitey, wan uang wora aotetamtemin.’ Emes atakam aesimen.
36Me wobimak binip ere, era owe bamintep, era pak tasa aees ipit ajoo ipit tanam?” Yesus emes atakam aesimen. 37Me Musa Basakamtam Atakam baememtam ipit arawa, “Era seekot ajie ipit ajoo ipit erare.” Emes atakam aesimen. Yesus arawa, atakam aokoromen, “Emesare. Wonom baesosey. Wonom emes tamen aememey.” Emes atakam aesimen.
Maria anama Marta atakam
38Emesare. Yesus anama abajamkai owe ajares ere, Armat Ipit wan samane taka atamsan ambaremen. Taot juas Martarawa, Armat Ipit atame atoomjiien. 39Era taot armasi juas Mariaen. Me Maria Tuhan baipu aemapen. Are era aememtame atakam jane ajien. 40Me, Marta ere, era owe amos bajaatam, karai daytinak aporen. Are Yesus setep ambarome, wanam atakam akoromen. “Me amos bajaatam ere, dermasi pi bajat apok. Wore seekot dera bajom ape? Are, pi dera bajat atakam asakamtamey.” Emes atakam aesimen. 41Tuhan ere, atakam akoromen. “Marta! Marta! Wore pak tanane bimak binip jirao atetarammarem. Wonom era pak jak pota aememmarem. 42Me, anakot pak ere takakope. Maria ere, era akot pak aeremtaere. Owe Maria era aeremtaere pak baemeotaer asan apok.” Emes atakam aesimen.
S'ha seleccionat:
LUKAS 10: LAIASC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
LUKAS 10
10
Yesus, owe 72 ambirimemome atakam
1Emes aemes arawa, Tuhan, wan owe 72 aereremartaaen. Are era owe, wan ipit amnuk wan asan birimosoma, wan ipit amnuk wan asan birimosoma, emes aemen. Armat Ipit, era aesosto kota takesam, asan takesam bonak baesos, atakam era owe asakamtamen. 2Armat Ipitam atakam era owe akoromen. “Era pak taso eek pii, ere daytinak. Me bakokomtaa owe ere, tanane apok. Tararawa atakam ara pak taso Armat Ipit ajanimay. Are owe, apak taso eek bakokomtaa, atakam basakamtamto. 3Tare ere, baesosay! Tare domba jii emes tamen are. Dere, tare wasen juuri asan emes tamen ambirimemommin. 4Tanom uang esee apaye, pak esee apaye, sendal apaye, bataer bas. Era wautam, owe atakam bajamkoram bas. 5Tare tame ajiitakam, tare emes atakam bonak akoreay: ‘Allah ara tame owe, asan akot batetamtan.’ Emes atakam aesimay. 6Era asan, asan akot baemap jak baseseromem owe aemaptas apaye, ere Allah asan akot era owe atetamtem. Ere, era atakam ajanimtakam pak jipu are. Me, Allah era asan, asan akot baemap jak baseseromem owe apok aporto apaye, Are asan akot, era owe batetam apok aemtem. Era oweam tare era pak atakam Allah bajanim apok tamen aemaptemas. 7Tanom era tame taka emes aemapay. Era atetamtan pakam, bwiam, emes andaay. Emesare, owe era karai baetam owe, pak batetamtas. Wan tame esospora bajie bas. 8Tare kota ambaremtakam, wanam era owe tare tame atoomjiitan, ere era atetamtan banda pak banday. 9Tare era kota damo pota owe ajaoromtaaay. Atakamam era owe akoretamay. ‘Me taasan Allah owe aobaomep bare, ere setepkope asisimara.’ Emes atakam aesimay. 10Tare ere, kota amberemtakam, wanam era owe tame tara batoomjii apok aemtan, ere era daytu bokot ajisemay, wanam atakam aesimay. 11‘Tare tatame dara batoomjii apok aemmakam. Emesare asan pota aemapmakam. Tare ere, bimak binip bajanimem bas. Me taasan Allah owe aobaomep bare, ere setep asisimara.’ Emes atakam aesimay. 12Baporay! Allah, owe bajurusum bare aemamesto, era kota Sodom owe ajirisemtas pak, ere kope. Me tame tara batoomjii apok kota owe ajirisemtas pak, ere daytu.”
Yesus bamesem apok kota owe atakam
(Mat. 11:20-24)
13“Tare kota Korasim owee! Ajirisapmakam. Tare kota Betsaida oweam, ajirisapmakam. Dere jinim bae pak daytinak taasan aemo. Me, owe emes jinim bae pak daytinak, kota Tirus anama kota Sidon aemes apaye, era owe adosa ainamnak ambakemes. Are kuusnak etejakuapes. Are se etejaramapes. 14Allah, owe, bajurusum bare aemamesto, ere Tirus anama Sidon owe kope ajirisemtemas. Tare ere, daytinak ajirisemtemakam. 15Tare Kapernaum owee! Allah tara atemtemtemani? Apoknak! Are tare neraka akoromdaemteman.” Yesus emes atakam aesimen. Yesus arawa, atakam abajamkai owe akoromen. 16“Taatakam jane ajimas owe, deatakamam jane ajimas. Me taatakam aoomas owe, deatakamam aoomas. Are era ambirimemomen Ipit aatakamam aoomas.” Emes atakam aesimen.
Era owe 72 aofasies atakam
17Emesare. Era owe 72, jak akot aptam aofasiesen. Are atakam akoresen. “Tuhan! Dare ere wojuas ajietaermarom, biiam, daatakam ji aemmas!” Emes atakam aesimesen. 18Yesus arawa, atakam era owe, akoromen. “Bii Kapar Ipit wonamo oup aejondae— bwer asaramemar tamen are. Dere emes aporo. 19Baporay! Dere amber anama ande bai bajipirem fiak pak tare etetetamo. Denom era Jii Ipit bakumimosom fiak pak tere etetetamo. Emesare, pak tara baemejurusum asan apok. 20Biiam taatakam ji aemmas. Tare ere, jak akot era pak baemap bas. Tajuas ere, era Surga oup buku bomon aapeta. Emesare, tare jak akot era pak aemapay.” Emes atakam aesimen.
Yesus jak akot aememe atakam
(Mat. 11:25-27, 13:16-17)
21Era bare taka, Allah Jip, jak akot Yesus atetamen. Yesus arawa, atakam Allah akoromen. “Dot! Wore Surga oupam, ara tapirmiam, woemommarem. Wore ere, era pak bimak binip baso oweam, era amsam oweam, atukumomem. Wanam era pak, jii koser aporomtamem. Wonom emes pak baem akot ajiem. Emesare, Dere terima kasih atakam Wora akorommin.” Yesus emes atakam aesimen.
22Armat Ipit arawa, atakam akoren. “Deritipit ere, aapak takes deban ten atetamen. Allah Andep amsam owe, ere apoknak. Aritipit taka, ere Andep amsam. Aritipit amsam oweam, ere apok. Andep taka Aritipit amsam. Me Andep Aritipit wan owe baporomtam akot ajim. Era oweam Aritipit amsam” Emes atakam aesimen. 23Yesus arawa, bimin abajamkai owe awaiome, wanam atakam era owe apa akoromen. “Wan owe, era apormakam pak, apormas. Era owe, ere asan akot. 24Baporay! Allah atakam bakoretam owe tanane anama raja owe tanane era apormakam pak, bapor jak aseseromes. Are ere, era pak bapor apok are. Are era jane ajimakam pak, jane bajie jak aseseromes. Are ere, era pak jane bajie apok are.” Emes atakam aesimen.
Samaria ipit akot atakam
25Emesare. Musa Basakamtam Atakam baememtam ipit taka, Yesus era atakam takes amsam ape bapor awasiten. Are atakam akoromen. “Guru! Dere jiinenak baememaar akot. Erarawa dere wama pak emtey?” Emes atakam aesimen. 26Armat Ipit arawa, “Musa Basakamtam Atakam buku wama atakamum? Wore era baca aemmarem, wama atakamum?” Emes atakam aesimen. 27Era ipit arawa, “Musa Basakamtam Atakam ere, ‘WoTuhan Allah daytinak afaimkoromey. Wore wojak aptamam, wofiak pak takes aptamam, wobimak binip aptamam, woTuhan Allah afaimkoromey. Wonom wojoo owe afaimjiimey— wore dowamo afaimememarem emes tamen awara.’ ” Emes atakam aesimen. 28Yesus arawa, atakam era ipit aokoromen. “Era akoremarem atakam, ere atakamnak. Wore era pak aemey. Worarawa, jiinenak aememaartemarem.” Emes atakam aesimen. 29Era ipit ere, bimak binip atetaramen. “Yesus, dere turu ipit, emes baporto.” Emes bimak binip atetaramen. Emesare, Yesus ajateporen. “Me dejoo owe ere, wama oweem?” Emes atakam aesimen
30Yesus arawa, atep ajiten. “Jipit taka Yerusalem aite, wanam Yeriko aesosen. Era waut ere, pak tasa baetaa owe, ban era ipit ajisikemomesen. Me aapak takes ban atirikokomtaaesen. Are era ipit wusup atesen. Are era ipit dambirken beken ajiosesen. 31Era baream, Allah Tame pak baem ipit, era bokot ajaren. Are era ipit apore, wanam era bokot poman aofemen. 32Lewi saman ipitam emes tamen aemen. Are era asan aendaen. Are era ipit aporen. Aporerawa, era bokot poman aofemen. 33Me, Samaria saman ipitam era asan ajaren. Are era ipit setep emes ataejien. Are era ipit aporen. Aporerawa, era ipit seekot aoorporen. 34Are era ipitpu aememen. Are minyak bwiam, anggur bwiam, era dasopu takes akukumen. Are kain, era daso apwirimapomen. Ararawa, era ipit, akeledai beak ten atemetetaapomen. Are era ipit owe batoomjiitame atomasen. Are era ipit pak aemteteren. 35Ajoferawa, are uang perak jamnuk asumtaeren. Asumtaererawa, uang, owe batoomjii tame armat ipit atetamen. Are atakam akoromen. ‘Wore era ipit pak bafaafetamey. Wore era ipit pak daytu bajitittam apaye, dere afasitey, wan uang wora aotetamtemin.’ Emes atakam aesimen.
36Me wobimak binip ere, era owe bamintep, era pak tasa aees ipit ajoo ipit tanam?” Yesus emes atakam aesimen. 37Me Musa Basakamtam Atakam baememtam ipit arawa, “Era seekot ajie ipit ajoo ipit erare.” Emes atakam aesimen. Yesus arawa, atakam aokoromen, “Emesare. Wonom baesosey. Wonom emes tamen aememey.” Emes atakam aesimen.
Maria anama Marta atakam
38Emesare. Yesus anama abajamkai owe ajares ere, Armat Ipit wan samane taka atamsan ambaremen. Taot juas Martarawa, Armat Ipit atame atoomjiien. 39Era taot armasi juas Mariaen. Me Maria Tuhan baipu aemapen. Are era aememtame atakam jane ajien. 40Me, Marta ere, era owe amos bajaatam, karai daytinak aporen. Are Yesus setep ambarome, wanam atakam akoromen. “Me amos bajaatam ere, dermasi pi bajat apok. Wore seekot dera bajom ape? Are, pi dera bajat atakam asakamtamey.” Emes atakam aesimen. 41Tuhan ere, atakam akoromen. “Marta! Marta! Wore pak tanane bimak binip jirao atetarammarem. Wonom era pak jak pota aememmarem. 42Me, anakot pak ere takakope. Maria ere, era akot pak aeremtaere. Owe Maria era aeremtaere pak baemeotaer asan apok.” Emes atakam aesimen.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió