Luka 16
16
A nekwa leyi yi nga tsumbekangiko.
1I lo engeta a wula ka vapizani; aku: A munhu a fumileko i wa hi ni nekwa, yi nga kecariwa ka yena, lezaku ya hangalasa xuma xakwe.
2Yena i lo yi vitana, aku ka yona: Zini lezi nzi zi zwako ha wena ke? Hlawutela a mahungu ya wunekwa ga wena, hakuva a zi koteki a kuva u hi nekwa kambe.
3A nekwa yi lo alakanya mbilwini ya yona, yiku: Nzi ta maha yini, lezi a hosi ya mina yi nzi susako wunekweni ga mina ke? A nzi na ntamu ku rima, ni ku kombela nzi na ni tingana.
4Nza zi tiva lezi nzi ta nga zi maha, lezaku kasi va fela ku nzi amukela tindlwini tabye laha na nzi susilwe wunekweni ga mina.
5Yi lo vitana ha munwe-munwe lava va nga hi ni milanzu ka hosi ya yona; yiku ka wa kuranga: I nanzu muni u nga nawo ka hosi ya mina ke?
6Yena i lo hlamula, aku: I zana ga mabarero ya mafura. Yiku ngalo kakwe: Hatlisa u teka papilo ga wena ga nanzu, tshama u tsala 50.
7Yiku ngalo ka munwani: I nanzu muni u nga nawo wena ke? Aku ngalo: I zana ga tisakwa ta mavele. Yiku ngalo kakwe: Teka papilo ga wena ga nanzu, u tsala 80.
8Ni hosi ya yona yi lo dzunza a nekwa yo biha, hilezi yi mahile hi wutlhari. Hakuva a vana va misava leyi va tlharihile ka xizukulwana xabye a ku hunza a vana va kuwonekela. Joh. 12:36; Efe. 5:8; 1 Tes. 5:5
9Nziku ka nwina: Ti maheleni a maxaka hi cuma lexi xi nga lulamangiko; kasi loku xi mbhelile, va fela ku mu amukela mixaxeni ya pinzukelwa. Dan. 4:27; Mat. 6:19; 19:21
10Loyi a tsumbekako ka lezi zi tsongwani, i tsumbekile ni ka lezi za hombe; ni loyi a nga lulamangiko ka lezi zi tsongwani, a nga lulamangi ni ka lezi za hombe. Mat. 25:21; Xip. 19:17
11Hikwalaho loku mu nga tsumbekangi ka cuma xi nga lulamangiko, zonake himani a ta nga mu nyika ku lonzowota a tshomba yi nene ke?
12Loku mu ngha mu nga tsumbekangi hi lezo zi lumbako munwani, himani a ta nga mu nyika lezi zi nga za nwina venyi ke?
13A ku na nanza gi zi kotako ku tirela tihosi timbiri; hakuva gi ta venga yinwe, gi ranza yinwani; kutani gi ta namarela ka yinwe, gi kanyisa yinwani. Nwina a mu zi koti ku tirela Nungungulu ni Mamona. Mat. 6:24
14A vaFarisi lava va nga hi ziranzi za mali, va lozwa tontlhe leti timhaka; va mu tseketsela. Mat. 23:14
15Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29
16A nayo ni vaprofeti zi lo simamisa a kala a chikela Johani; ku sukela lexo xikhati ya kanetwa a ivangeli ya mufumo wa Nungungulu, munwe ni munwani a maha hi ntamu ku enghena ka wona. Mat. 4:17; 11:12, 13; Xip. 7:29
17Kanilezi za hehuka lezaku a tilo ni misava zi nyamalala, ku hunza lezaku wuwa a nzatana munwe wa nayo. Tis. 102:26, 27; Isa. 40:8; 51:6
18Kani hi wihi a hlongolako a sati wakwe, a teka munwani, wa bhaya; ni loyi a tekako sati a hlongolweko hi nuna, wa bhaya. Mat. 5:32; 19:9; Mar. 10:11
Mufananiso wa Munhu wo fuma na Lazaru.
19Ku wa hi ni munhu a fumileko, loyi a nga ambala ziwunguwungu ni tinguwo to basa, aga lezi zo nanziha a masiku wontihe.
20Kambe ku wa hi ni mukombeli, a nga hi Lazaru a vito gakwe, loyi a nga wa tshama nyangweni ya loyi wo fuma, na a tele hi zilonza.
21I lo navela ku xura hi matlhatlha laya ma ngawa hi laha mezeni ya munhu wo fuma. Ni timbyana ti lo ta lazela a zilonza zakwe.
22A mukombeli i lofa, a yiswa hi tingelosi xifuveni xa Abrahama; na yena munhu wo fuma i lofa a lahliwa.
23Na hi le Hayidesi le kuxanisekeni, i lo tlakusa mahlo yakwe, a wona Abrahama na hi le kule, na Lazaru a hi xifuveni xakwe.
24I lo vitana aku ngalo: Dadani Abrahama, nzi mahele wuxinji, u ruma Lazaru, a kuva a peta wutlha ga litiho lakwe matini, a ta titimeta a lirimi la mina, hakuva nza xaniseka nguvu phingweni legi. Isa. 66:24; Zak. 14:12; Mar. 9:44
25Kanilezi Abrahama aku ngalo: Nwananga, alakanya lezaku u amukele a makatekwa ya wena kuhanyeni ka wena, kanilezi Lazaru i amukele makhombo; makunu yena wa tangaliswa laha, kasi wena wa xaniseka. Joba 21:13; Xip. 6:24
26Tlhatakumbiri, ku na ni geva ga hombe xikari ka hina na nwina; lezaku lava va ranzako a ku suka seno vata ka nwina a va zi koti; hambu ni lava va nga seyo, a va zi koti ku tlhatuka vata ka hina.
27Yena aku ngalo: Dada, nza ku khongotela lezaku ngha u mu rumela le ndlwini ya dadani;
28hakuva nzi na ni ntlhanu wa vanakulori; kasi a fela ku va khongotela, lezaku va ngati na vonawu ka wutshamu legi ga kuxaniseka.
29Kanilezi Abrahama aku ngalo: Va na na Mosi ni vaprofeti; ngha va ingisa vona. Isa. 8:20; Joh. 5:45; Miti. 15:21
30Yena aku ngalo: Kokwihi, dadani Abrahama; kanilezi loku munwe a humako hi ka vafileko aya ka vona, va ta hunzuluka.
31Abrahama a engeta, aku: Loku va nga ingisi Mosi ni vaprofeti, va nga ta kholwa, hambu loku a vuka munwe hi ka vafileko. Joh. 12:10, 11
S'ha seleccionat:
Luka 16: TSC72
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Tshwa Bible © Bible Society in Mozambique, 1972, 2007.