Luka 19
19
E’yo Yesu pini Zakayo beri
1Eri fi Yerikoa, nga aga trei aleniasi. 2Mi ndre, agu alu indi, runi Zakayo’i; eri ambo ’ba musoro okupi ’diyini, eri ’ba afa e’ini. 3Eri ndru Yesuni ndrezu eri a’di’i ya, te eri econi ’ba ongulumuru dri ku, erini ovule alinarurisi. 4Eri nga nzu drilenia, nga tu elio pati sia uru eri ndrezu, te eri ’ye aga geri ’dasi. 5Yesu ka eca pari ’daria, eri nga lu uru, nga ’yo eri tia, Zakayo, mi si va mbele; te andru ma nga ovu mi vile joa. 6Eri si va mbele, eri a’izu ayikosi. 7#Luk 15:2’Ba dria ka ndre ra, yi ’ba ono kini, Eri fi la ’ba onzi vile joa. 8#Efu 22:1; Kal 5:6, 7Zakayo nga pa so, ’yo Opi ma tia kini, Mi ndre, Opi, ma afa mani ovuzu yi be ’diyi ma alini fe ’ba alioru dri; ma ka ’ba azini ma afa nze lokirisi ’bo, te di ma mileni omvi eri dri pale su. 9#Luk 13:16; ’Yeta 3:25; 16:31Yesu nga ’yo eri tia, Andru pata eca jo ’diria ra, erini ovule alu Iburahimu ma mvaru indirisi. 10#Mat 18:11; Eze 34:16; Yoh 3:17; Luk 5:32; 1 Tim 1:15Te Mvi ’bani emu ’ba avizaru ndruzu pazu indi.
E’yo o’bele dahabu o’biza mudrisiri
11 #
Mat 25:14-30
#
Luk 24:21; ’Yeta 1:6 Yini e’yo ’diyi eriria, eri ere e’yo drinia, nga e’yo o’beza ’yo ’dini, erini ecale Yerusalemua ogogorisi, azini yini egale kini suru Munguni ’ye i e’da cotirisi. 12#Mar 13:34Eri nga di ’yo ani ’dini, ’Ba opiru azini mu angu ziria, opi nyaza a’izu i ma ngulupini, ngazu emvizu ndo. 13Eri omve ati’ba ini mudri, nga dahabu fe yi dri o’biza mudri, eri ’yo yi tia, Emi ozi afa ’diyi kapani ezuzu de nga ma ecani ku. 14#Yoh 1:11Te ’ba suru erinia ’diyi ngu eri onzi, yi pe ojiou ti vutinisi, kini, Ama leni agu ’dirini ovuzu opiru ama drilia ku. 15Eri nga eca ’dini, eri ka emvi dika erini opi nyaza a’izu ’boria, eri ’yo ma omve i vu ati’ba ndra erini dahabu o’biza fezu yi dri ’diyi, eri ma ni a’di isu orodri ini ngopi yari beni. 16’Ba okori emu ’yo kini, Opi, afa o’biza mini ndrakari isu drinia afa o’biza mudri ’di. 17#Luk 16:10Eri ’yo tinia indi, Mi ’ye ’yeke, mi ati’bo onyiruni! Mini i ovuria asi adaru be afa were turisiI risi, te ma fe mi dri okpo ovuzu aku mudri ma drilia. 18’Ba iriri emu, kini, Opi, afa o’biza mini isu drinia afa o’biza towi ’di. 19Eri ’yo vini tinia kini, Mi’i indi, mi ma ovu aku towi ma drilia. 20Ati’bo aziniri nga emu, ’yo ra, Opi, mi ndre, afa o’biza mini, mani tani mbale kitambala ma aliari, eri ’di; 21te ma ru mi, a’disiku mi ’ba okporuni; mi adri afa mini ’bale va kuri ’du ra, mi adri afa mini rile kuri ra. 22Eri ’yo eri tia, Mi ati’bo onzini, ma nga di e’yo mini li e’yo efupi mi tiliarisi! Mi ni ra ma ovu,’ba okporuni, ma adri afa mani ’bale va kuri ’du ra, ma adri afa mani rile kuri lo indi; 23ka’dini mi feni afa o’biza mani jo silingi ta mbazuria ku a’disi ya, mani emviria ma nga ani eri e’du silingi o’bale Idrinia ereniru ’diyi be? 24Eri ’yo ’ba pa sopi ageinia ’diyi ma tia, Emi ’du afa o’biza erini, fe ’ba i ovupi afa o’biza mudri beri dri. 25Yi ’yo eri tia, Opi, te afa o’biza ’erini mudri ciari. 26#Mat 13:12; Mar 4:25; Luk 8:18Ma ’yo emi tia, ’Ba dria kinakina ovupi afa beri dri yi nga afa azini fe drinia; te ’ba! afa kokoruri dri yi nga afa erini ovuzu eri beri pa ra. 27Te ari’ba mani lepi ma ma nya opi yi drilia ku ’diyi, emi eji yi ’doa, emi ofu yi va ma milia ’dia.
Yesuni jizu Yerusalemua inzita beri
28Eri ka e’yo ’diyi ’yo ’bo, eri mu drile, tuzu muzu Yerusalemua. 29#Mat 21:1-9; Mar 11:1-10; Yoh 12:12-16Eri nga eca ’dini, erini ecaria Betefage pi vu ogogo Betani be, oni Yini omvele Mizeituni,ri ma tia eri pe ’ba erini imbale ’diyi ma ti iri, 30kini, Emi mu fi aku emi drilia ’aa’dasiria; emini firia ’bo emi nga akanyamva ’ba aluni nga tuzu rizu drinia kuri isu izaru; emi tru eri ejizu ma vu. 31’Ba azini ka zi emi tia, Emi eri tru a’disi ya? emi nga ’yo ’dini kini, Opi le erini. 32’Ba erini tini pele ’diyi mu ra, isu e’yo ovu kile erini ’yole yi tiarile. 33Yini akanyamva truria, ’ba e’ipiru ’diyi ’yo yi tia, Emi akanyamva tru a’disi ya? 34Yi ’yo, Opi le erini. 35Yi ji eri Yesu vu; yi o’be bongo yini akanyamva ma ngukua, nga Yesuni ’ba eri dria. 36#2 Opi 9:13Yini muria, yi nga bongo yini aja geri alia. 37Eri ka eca pari gerini sizu oni Mizeituni ma driarisiri ma tia ogogo, ’ba ongulumuru erini imbale ’diyi dria ’ba ovu ayikosi Mungu inzizu O’dukoi urusi, tali okporu dria yini ndrele ’diyisi, 38#Zab 118:26; Luk 2:14kini, Meleki emupi Opi ma rusiri ma ovu inzizaru! Asi anzuru ma ovu ’bua, diza ma ovu angu uruleru turia! 39’Ba Farisaini ma azi ’ba ongulumuru ma eselia ’diyi ’yo eri tia, ’Ba ’ba Imbapiri, mi ega ’ba mini imbale ’diyi ma dria. 40Eri nga e’yo omvi, ’yo kini, Ma ’yo emi tia kini; ’ba ’diyi ka adri ciri, oniefi yi nga di otreni.
41 #
2 Opi 8:11; Yoh 11:35 Eri ka eca ogogo, ka aku ambori ndre ra, eri nga wu erisi, 42#Azi 32:29; Mat 13:14; Yoh 12:38’yozu kini, Mi ka te e’yo asi anzuru fepi ’diyi ni mi’i o’du andru ’disi, ’yeke! Te curu’do yi ovu ozizaru mi milia. 43Te o’dui azini nga eca mi dria, ari’ba minini ngazu cenze osuzu mi ageia, mi acezu kuru, geri ogazu mi dri kalaasi dria, 44#Luk 21:6; Zab 137:9yi nga mi gu va nyakua, anzi mini ovupi mi alia ’diyi be, azini yi ngani mi alia oni alu ku adrozaru i agyi dria ku mini ewu yini mi andrizuri nile kurisi.
Eyo Yesuni hekalu’bazu alaruri
45 #
Mat 21:12-16; Mar 11:15-18; Yoh 2:13-16 Eri fi hekalua, eri ’ba ’ba afa olepi alenia ’diyi odro amve, 46#Isa 56:7; Yer 7:11nga ’yo yi tia, E’yo si yi ’dini, jo maniri nga ovu jo Mungu zizaniri’i; te emi ’ba eri oni gule oguouni i zizu aleniariru.
47 #
Luk 21:37; 22:53; Yoh 18:20 Etuzu etuzu eri adri ’ba imba hekalua. Te ’ba ’wara kuhaniru ’diyi pi, ’ba azita sipi ’diyi pie, ’ba ’wara ’diyi pie ndru geri eri dri jazu; 48te yi isuni e’yo yini ecole ’yeleri ku, ’ba dria yini yi ebile eri ruaa e’yo erini erizurisi.
S'ha seleccionat:
Luka 19: LB66
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.