Genesis 9
9
Ja Dyosi, yala ay jas oj sk'u'luk
1Mi kechanuka, ja Dyosi, jel lek yila ja Noe sok ja yuntikil jumasa, ti yal yab'a:
—Wax k'ana oj ajyuk jitsan lek wa wuntikilexi, jaxa wa wintilex jumasa, a sb'ut' e ja lu'umi. 2Spetsanil ja chante jumasa b'a lu'umi, we'n oj ja wa'teltayex, ja yal chan wax jujpi, ja b'its'il chan jumasa, sok spetsanil ja chay jumasa b'a niwak paman ja'i, b'a sti' a sat we'nlex spetsanil ja ye'nle'i, oj k'itk'unuke yuj ja xiweli. 3Ke'n oj ka' b'a wa k'ab'ex spetsanil ja chante jumasa b'a ay sak'anili, sok ja tek'ul jumasa b'a oj ja wabyexi. 4Kechan mok a wabyex b'ak'et b'a ay schik'el, yujni ja sak'anil ja chante ja jawa.
5-6—Ke'n jk'u'lan ja winik sok ja ixuk ja jastalon ja ke'n. Ja'yuj ta yuj k'a ay jun chante oj smil'ex, ja chan jawi, oj ni chamuka; jach'ni ja we'nlexi, yuj k'a ay ma' oj milwanuk jach'ni ja ye'n ojni miljuka.
7—Ja wax k'ana ja ke'n yuj oj ajyuk jitsan a wuntikilex, jaxa wa wintilex jmasa a sb'ut' e ja lu'umi.
8Ja Dyosi, cho yal yab' ja Noeji:
9—Ja ya'n ay jas wax k'ana oj k'u'luk awi'ex ja we'nlex sok wa wintilex jumasa. 10Ja b'a jas oj k'u'luki, ti ay spetsanil ja yal chan wax jujpi, spetsanil ja alak'il chante'i, ja chante jumasa b'a k'ul it ti ajyi a mokex b'a barco. 11Ja it, ja jas wax k'ana oj k'u'luk awi'exi: Ja ya'n mixa ojto jch'ak sok b'ut' ja' ja kristyano jumasa b'a lu'umi.
12-13Ti cho yala ja Dyosi:
—Wantox ch'ak kal ja jas wax k'ana oj k'u'luk a wi'ex ja we'nlex sok spetsanil ja jas ay sak'anil b'a lu'um iti, cho ti'xani wax na'xi ja ma' mitox manxi. B'a ti oj ja na'ex ja jas wax kala oj ka' timan ja jk'intumi, —xchi ja Dyosi. 14Yajnix ka musnajuk ja lu'umi, ti oj sje' sb'aj tiw ja k'intumi, 15-17Ti oj jak jk'ujol ja jas kalunej ja. Cho mi oj ch'ak sok ja' pilan majke ja swinkil ja lu'umi. Ja k'intumi, ja oj sje' yuj ja jas kaluneji.
Ja yuntikil jumasa ja Noeji
18Ja oxwane yuntikil ja Noe ma' el sok lajan b'a barco sb'i'ile, Sem, Cam, Jafet. Ja Cami ajyi jun yunin sb'i'il Canaan. 19Sok ja yintil jumasa yuj ja yuntikil ja Noeji, cho b'ob' sb'ut' e spetsanil ja lu'umi.
20Ja Noeji, jun a'tijum b'a alaj, ye'n b'ajtan k'e sts'un ja ts'usub'i. 21Jun k'ak'u yu'aj ja ya'lel ts'usub'i yakb'i, b'asan ay ja b'a yoj snaj tojb'el sok k'u'utsi. 22Yajni yila ja Cam ja jastal b'asan ay ja stati, ajnel waj yal yab' ja chab' smoj alijel jumasa. Ja Cami, ja ma' ek' paxta yuj ja kananita jumasa. 23Jaxa Sem sok ja Jafeti yi'aje jun k'u'uts b'a smusuwe sok ja state'i. B'a mi jach' b'asan oj yil'e, kax kan patik yi'aje och ja k'u'utsi, yajni k'otye ja b'a'yi ti slib'awe ja k'u'utsi.
24Yajni ek' ja syakb'elal ja Noeji, yab' ja jas sk'u'lan ja yunin Cami, 25Ti yala'a:
—Jel wokol oj ek'uk a wujilex cananeo jumasa
wa wintilex jumasa—
—Ja oj ochuke a'tel sok ja
yintile jumasa ja Sem sok ja Jafeti—.
26Ti cho yala'a:
—Jel lek ja ma' Dyos yuj ja Semi—
—Ja' oj ja wa' b'a yib' a k'ab' b'a oj wa' a'tijuk ja yintil jumasa ja Canaani—
27—Ja Dyos ja oj ya niwanb'uk
lek ja slujmal ja Jafeti—
—Ja Jafeti, ti' oj ajyuk b'a snaj ja Sem b'a it k'u'lub'al sok k'u'utsi—
—Ja oj ya' a'tijuk ja yintil jumasa ja Canaani—.
28Tsa'an yuj ja niwan b'ut' ja' ek'i, ja Noeji, ajyito sak'anil oxe syen chab' tajb'e sok lajune jab'il (350). 29Ja k'ak'u chami, ay yi'oj, b'alune syen chab' tajb'e sok lajune jab'il (950).
S'ha seleccionat:
Genesis 9: YABD
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021