Juan 9
9
Ja Jesusi, ya tojb'uk jun ma' mix ilwani
1Yajni el ja b'a snajtsil tsomjel ja Jesusi, b'a b'eji ti sta'a jun kerem mix yila k'inal, yujni jach' manxi'a. 2Ti sjob'owe ja sneb'uman jumasa ja Jesusi:
—Kajwal, ¿Ma' smul ja jach' manxi mix yila k'inal ja kerem it b'a? ¿Ye'n mas mul, ma ja smul ja snan stati? —xchiye ja sneb'uman jumasa.
3Ti alji yabye yuj ja Jesusi:
—Mini jun ma' smul yujile'a, mini ja ye'n sok mini ja snan stati. Yuj ja jach' manxi mix yila k'inali, ja b'a oj yil'e' spetsanil ja kristyano jumasa jastal jel ja yip ja Dyos oj ya tojb'uki. 4Ja janek' ti' ayon amokexi, laj k'u'luktik ja a'tel it yala kab' ja Dyos ja jtat oj k'u'luktiki; yuj ja oj jakuk ja k'ak'u mi ma oj b'ob' a'tijuki. 5Ja janek' teyon ja ke'n b'a lu'umi, ke'n oj ijlab'anukon, —xchi ja Jesusi.
6Jach' wa'n yaljel jastal it ja Jesusi, ti stsujb'an ja lu'umi, sk'u'lan t'usan lokok sok ja stsujub'i, ti ya pak'an yi b'a sat ja keremi. 7Ti yal yab'a: —Ka'ax b'a tanke b'a Siloe,#9:7 Ja Siloe: Ja k'umal arameo, ja wa sk'ana yale, jekub'al. ti'xa sak'a tiw wa sati.—
Jaxa ma' mix yila k'inali, ti waj sak' ja sati, yajni kumxi wanxax yila k'inal. 8Jaxa ma'tik mojan yi'oj sb'aj soki sok spetsanil ja ma'tik wa sna'awe yuj ja schol sk'anjel ek' limosna ajyi, jel cham sk'ujole ja yajni yilawe'i, ti wa sjob'o sb'aje'a: —¿Mi' ma ja'uk ja kerem it ja kechan wax waj ek' kulan sk'anjel slimosna b'a? 9Ay ma' wax yala: —Ye'na ye'nani'a—. Jaxa tuki, wax yalawe: —Miyuk, mi ye'nuk, lajan sok ye'nani'ela. Jaxa kerem jawi, ye'n yala: —Ja smeranili, ke'nani'a, —xchi. 10Ja'yuj ti sjob'owe yi ja kerem jawi:
—¿Jastal lek wanxax b'ob' a wila k'inal b'a? —xyutaje.
11Ti alji yabye yuj ja kerem jawi:
—Jun Winik sb'i'il Jesús sk'u'lan t'usan lokok ti ya pak'an ja b'a jsati, ti yala oj waj sak' b'a tanke b'a Siloe. Jaxa ke'n wajyoni'a, yajni ch'ak jsak' ja sati, ti'xa kila k'inala, —xchi ja keremi.
12—¿B'a'y ja Jesús b'a? —xchiye ja ye'nle'i.
—Mix na'a, —xchi ja kerem jawi.
Ja fariseo, sok ja ma' yila k'inali
13-14Ja k'ak'u sk'u'lan ja lokok ja Jesús ya tojb'uk ja ma' mix yila k'inali, jun sk'ak'u'il jijlel. Ja'yuj ay ma' yi'aj och b'a sti' sat ja fariseo jumasa ja kerem ma' a'ji tojb'uki. 15Jaxa fariseo jumasa, ti sjob'owe'a:
—¿Jastal lek wanxax b'ob' a wil k'inal b'a? —x'utji.
Ti yala ja keremi:
—Ja Jesusi, ya ochki lokok ja b'a jsati, jaxa ya'n wanxax kila k'inal, —xchi.
16Jaxa fariseo jumasa ti yalawe'a: —Ja winik jawi, mi ja'uk jekub'aluk yuj meran ja Dyosi, wa'n sk'okjel ja mandar it wax yala mi ma oj a'tijuk ja sk'ak'u'il jijleli. Jaxa tuki, ti wax yalawe'a: —¿Jastal oj b'ob' sk'u'l milagro jun mulanum jastal ja ye'n? Jachuk mix b'ob' slaj sb'aje. 17Ti cho sjob'owe yi ja ma' wanxax yila k'inali:
—Sok ja winik jaw ma ya'a wil k'inali, ¿Jas la chi ja we'n b'a? —x'utji.
—Ja ke'n wax kala yuj jun aluman Dyos, —xchi ja keremi.
18Jaxa ma'tik niwak ya'tel yuj ja judio jumasa, mi sk'u'ane ta yuj mix yila k'inal ajyi ja kerem jawi, jaxa ya'n wanxax b'ob' yile. Ja'yuj ti spayawe ja snan stat ja keremi 19Ti sjob'owe yi'a:
—¿Ja' wa yal kerem iti? ¿Meran ja mix ilwani manxi? ¿Jastal lek wanxax b'ob' ilwanuk b'a? —x'utji ye.
20Jaxa nanal tatali, ti yalawe'a:
—Ja'i, yal jkerem ke'ntikon, cho yujni mix yila k'inal manxi'a. 21Kechan mix na'atikon jastal lek wanxax b'ob' yil k'inal, cho mix na'atikon ma' ya tojb'uk. Job'owik yi ye'na, niwanxa ojxa b'ob' yal ye'n ma' a'ji tojb'uk yuj, —xchiye ja nanal tatali.
22-23Jach' yalawe ja nanal tatal yuj ja wax xiwye yuj ja ma'tik niwak ya'tel yuj ja judio jumasa, yujni lajan yujile oj snutse' ja b'a snajtsil tsomjel ja ma oj sk'u'uk sok oj yal ke ye'n ja Jesús.
24Jaxa ma'tik ay ya'tel yuj ja judio jumasa, ti cho spayawe pilan majke ja ma' mix yila k'inal ajyi, ti yalawe yab'a:
—B'a sti' sat ja Dyosi, ala kab'tikon ja smeranili. Ja winik ma' ya tojb'ani, ja ke'ntikoni wax na'atikon, jun tan mulanum, —xchiye.
25Ti yala ja keremi:
—Ja ke'n mix na'a ta jun mulanum. —Ja b'aya wax na'a, mix kila k'inal ajyi, ja ya'n wanxax kila, xchi ja keremi.
26Ti cho sjob'owe yi otro bwelta'a:
—¿Jasunk'a sk'u'lan b'a? ¿Jastal b'ob' ya tojb'an? —x'utji ja keremi.
27Ti yala ja keremi:
—Kalata wabyex ja jas sk'u'lanki'ta, kechan yuj ja mixa kisawex ja jas wax kala. ¿Jasto sb'ej ja oj cho kala wabyex pilan majke b'a? ¿Ma yuj wax cho a k'ana oj ochanik sneb'umanil ja we'nlexi? —x'utjiye yuj ja keremi.
28Jaxa ma'tik ay ya'tel yuj ja judio jumasa, ti' yutaje'a, ti yalawe yab'a:
—Ja ma' wa snocho ja winik jawi, we'na. Ja ke'ntikoni, ja wax nochotikon ja Moisesi. 29Wax cho jna'atikon ye'n k'umaji ja Moises yuj ja Dyosi; sok ja Jesús jawi mi jas wax na'atikon, —xchiye.
30Ti alji yabye yuj ja kerem jawi:
—Jel tuk ja jastal jaw yuj ja mixa na'a ja we'nlex b'a jakeli, jasa, ja ke'n ya tojb'ukon. 31Wax na'atik ja Dyosi mi smakla ja mulanum jumasa, ja b'a wa smakla ja ma wa stoyo sok wa sk'u'ani. 32Mini t'un wax na'a ta ay ma' ya'ta yil k'inal ja ma' mix ilwani manxi. 33Ja winik iti, ja' lek yuj mi ja'uk jekub'al yuj ja Dyosi, mini jas oj b'ob' sk'u'luka, —xchi ja ma' mix yila k'inal ajyi.
34Jaxa ma'tik ay ya'teli, ti yalawe yab' ja keremi:
—Ja we'n, mulanum manxiya, jachuk wenxa waxa k'ana oj ja je'ki'tikon. —Ja ya'n mixax k'anawatikon, ja b'a snajtsil jtsomjeltikoni, x'utji ja kerem jawi.
35Spetsanil ja iti, k'ot schikin ja Jesusi, yajni sta'a sb'a sok ja kerem jawi, ti sjob'o yi'a:
—¿Wa'n maxa k'u'an ja yunin ja winiki? —x'utji yuj ja Jesusi.
36Ti yala ja keremi:
—Kajwal, ala kab' we'n machunkiluka, b'a jach' oj b'ob' jk'u'uk ja ye'n, —xchi ja keremi.
37Ti alji yab' yuj ja Jesusi:
—Ti waxa wila aj, Cho ke'nani, ja ma' wa'n lo'il a moki, —xchi ja Jesusi.
38Ja'yuj ja kerem jawi. Ti ko mek'an b'a sti' sat ja Jesusi, ti yal yab'a:
—Kajwal Jesús, wax k'u'ana ja we'n, —xchi.
39Ti'xta'a yala ja Jesusi: —Ja ke'n jakelon b'a lu'um iti, b'a oj k'el spetsanil ja mulal jumasa. B'a oj ka yil k'inal ja ma' mix yila k'inali, b'a mi oj yil ja ma' wax yala jel lek wa'n yiljel k'inali—.
40Ti aye chab' oxe fariseo ja tiwi, ti yabye ja jas yala ja Jesusi, ti sjob'owe yi'a:
—¿Yuj waxa k'ana oj ja wal yuj mix cho kilatikon k'inal ja ke'ntikoni? —xchiye.
41Ti alji yabye yuj ja Jesusi:
—Ja lek yuj wanuk jak a k'ujolex mi ja' mas oj ja na'ex ja jas waxa k'u'lanexi, ja Dyosi mi oj yal yuj aya mulex. Yuj ja waxa walawex jel wala ilwaniyexi, ja Dyosi, ojni sta'a mulexa, —xchi ja Jesusi.
S'ha seleccionat:
Juan 9: YABD
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021
Juan 9
9
Ja Jesusi, ya tojb'uk jun ma' mix ilwani
1Yajni el ja b'a snajtsil tsomjel ja Jesusi, b'a b'eji ti sta'a jun kerem mix yila k'inal, yujni jach' manxi'a. 2Ti sjob'owe ja sneb'uman jumasa ja Jesusi:
—Kajwal, ¿Ma' smul ja jach' manxi mix yila k'inal ja kerem it b'a? ¿Ye'n mas mul, ma ja smul ja snan stati? —xchiye ja sneb'uman jumasa.
3Ti alji yabye yuj ja Jesusi:
—Mini jun ma' smul yujile'a, mini ja ye'n sok mini ja snan stati. Yuj ja jach' manxi mix yila k'inali, ja b'a oj yil'e' spetsanil ja kristyano jumasa jastal jel ja yip ja Dyos oj ya tojb'uki. 4Ja janek' ti' ayon amokexi, laj k'u'luktik ja a'tel it yala kab' ja Dyos ja jtat oj k'u'luktiki; yuj ja oj jakuk ja k'ak'u mi ma oj b'ob' a'tijuki. 5Ja janek' teyon ja ke'n b'a lu'umi, ke'n oj ijlab'anukon, —xchi ja Jesusi.
6Jach' wa'n yaljel jastal it ja Jesusi, ti stsujb'an ja lu'umi, sk'u'lan t'usan lokok sok ja stsujub'i, ti ya pak'an yi b'a sat ja keremi. 7Ti yal yab'a: —Ka'ax b'a tanke b'a Siloe,#9:7 Ja Siloe: Ja k'umal arameo, ja wa sk'ana yale, jekub'al. ti'xa sak'a tiw wa sati.—
Jaxa ma' mix yila k'inali, ti waj sak' ja sati, yajni kumxi wanxax yila k'inal. 8Jaxa ma'tik mojan yi'oj sb'aj soki sok spetsanil ja ma'tik wa sna'awe yuj ja schol sk'anjel ek' limosna ajyi, jel cham sk'ujole ja yajni yilawe'i, ti wa sjob'o sb'aje'a: —¿Mi' ma ja'uk ja kerem it ja kechan wax waj ek' kulan sk'anjel slimosna b'a? 9Ay ma' wax yala: —Ye'na ye'nani'a—. Jaxa tuki, wax yalawe: —Miyuk, mi ye'nuk, lajan sok ye'nani'ela. Jaxa kerem jawi, ye'n yala: —Ja smeranili, ke'nani'a, —xchi. 10Ja'yuj ti sjob'owe yi ja kerem jawi:
—¿Jastal lek wanxax b'ob' a wila k'inal b'a? —xyutaje.
11Ti alji yabye yuj ja kerem jawi:
—Jun Winik sb'i'il Jesús sk'u'lan t'usan lokok ti ya pak'an ja b'a jsati, ti yala oj waj sak' b'a tanke b'a Siloe. Jaxa ke'n wajyoni'a, yajni ch'ak jsak' ja sati, ti'xa kila k'inala, —xchi ja keremi.
12—¿B'a'y ja Jesús b'a? —xchiye ja ye'nle'i.
—Mix na'a, —xchi ja kerem jawi.
Ja fariseo, sok ja ma' yila k'inali
13-14Ja k'ak'u sk'u'lan ja lokok ja Jesús ya tojb'uk ja ma' mix yila k'inali, jun sk'ak'u'il jijlel. Ja'yuj ay ma' yi'aj och b'a sti' sat ja fariseo jumasa ja kerem ma' a'ji tojb'uki. 15Jaxa fariseo jumasa, ti sjob'owe'a:
—¿Jastal lek wanxax b'ob' a wil k'inal b'a? —x'utji.
Ti yala ja keremi:
—Ja Jesusi, ya ochki lokok ja b'a jsati, jaxa ya'n wanxax kila k'inal, —xchi.
16Jaxa fariseo jumasa ti yalawe'a: —Ja winik jawi, mi ja'uk jekub'aluk yuj meran ja Dyosi, wa'n sk'okjel ja mandar it wax yala mi ma oj a'tijuk ja sk'ak'u'il jijleli. Jaxa tuki, ti wax yalawe'a: —¿Jastal oj b'ob' sk'u'l milagro jun mulanum jastal ja ye'n? Jachuk mix b'ob' slaj sb'aje. 17Ti cho sjob'owe yi ja ma' wanxax yila k'inali:
—Sok ja winik jaw ma ya'a wil k'inali, ¿Jas la chi ja we'n b'a? —x'utji.
—Ja ke'n wax kala yuj jun aluman Dyos, —xchi ja keremi.
18Jaxa ma'tik niwak ya'tel yuj ja judio jumasa, mi sk'u'ane ta yuj mix yila k'inal ajyi ja kerem jawi, jaxa ya'n wanxax b'ob' yile. Ja'yuj ti spayawe ja snan stat ja keremi 19Ti sjob'owe yi'a:
—¿Ja' wa yal kerem iti? ¿Meran ja mix ilwani manxi? ¿Jastal lek wanxax b'ob' ilwanuk b'a? —x'utji ye.
20Jaxa nanal tatali, ti yalawe'a:
—Ja'i, yal jkerem ke'ntikon, cho yujni mix yila k'inal manxi'a. 21Kechan mix na'atikon jastal lek wanxax b'ob' yil k'inal, cho mix na'atikon ma' ya tojb'uk. Job'owik yi ye'na, niwanxa ojxa b'ob' yal ye'n ma' a'ji tojb'uk yuj, —xchiye ja nanal tatali.
22-23Jach' yalawe ja nanal tatal yuj ja wax xiwye yuj ja ma'tik niwak ya'tel yuj ja judio jumasa, yujni lajan yujile oj snutse' ja b'a snajtsil tsomjel ja ma oj sk'u'uk sok oj yal ke ye'n ja Jesús.
24Jaxa ma'tik ay ya'tel yuj ja judio jumasa, ti cho spayawe pilan majke ja ma' mix yila k'inal ajyi, ti yalawe yab'a:
—B'a sti' sat ja Dyosi, ala kab'tikon ja smeranili. Ja winik ma' ya tojb'ani, ja ke'ntikoni wax na'atikon, jun tan mulanum, —xchiye.
25Ti yala ja keremi:
—Ja ke'n mix na'a ta jun mulanum. —Ja b'aya wax na'a, mix kila k'inal ajyi, ja ya'n wanxax kila, xchi ja keremi.
26Ti cho sjob'owe yi otro bwelta'a:
—¿Jasunk'a sk'u'lan b'a? ¿Jastal b'ob' ya tojb'an? —x'utji ja keremi.
27Ti yala ja keremi:
—Kalata wabyex ja jas sk'u'lanki'ta, kechan yuj ja mixa kisawex ja jas wax kala. ¿Jasto sb'ej ja oj cho kala wabyex pilan majke b'a? ¿Ma yuj wax cho a k'ana oj ochanik sneb'umanil ja we'nlexi? —x'utjiye yuj ja keremi.
28Jaxa ma'tik ay ya'tel yuj ja judio jumasa, ti' yutaje'a, ti yalawe yab'a:
—Ja ma' wa snocho ja winik jawi, we'na. Ja ke'ntikoni, ja wax nochotikon ja Moisesi. 29Wax cho jna'atikon ye'n k'umaji ja Moises yuj ja Dyosi; sok ja Jesús jawi mi jas wax na'atikon, —xchiye.
30Ti alji yabye yuj ja kerem jawi:
—Jel tuk ja jastal jaw yuj ja mixa na'a ja we'nlex b'a jakeli, jasa, ja ke'n ya tojb'ukon. 31Wax na'atik ja Dyosi mi smakla ja mulanum jumasa, ja b'a wa smakla ja ma wa stoyo sok wa sk'u'ani. 32Mini t'un wax na'a ta ay ma' ya'ta yil k'inal ja ma' mix ilwani manxi. 33Ja winik iti, ja' lek yuj mi ja'uk jekub'al yuj ja Dyosi, mini jas oj b'ob' sk'u'luka, —xchi ja ma' mix yila k'inal ajyi.
34Jaxa ma'tik ay ya'teli, ti yalawe yab' ja keremi:
—Ja we'n, mulanum manxiya, jachuk wenxa waxa k'ana oj ja je'ki'tikon. —Ja ya'n mixax k'anawatikon, ja b'a snajtsil jtsomjeltikoni, x'utji ja kerem jawi.
35Spetsanil ja iti, k'ot schikin ja Jesusi, yajni sta'a sb'a sok ja kerem jawi, ti sjob'o yi'a:
—¿Wa'n maxa k'u'an ja yunin ja winiki? —x'utji yuj ja Jesusi.
36Ti yala ja keremi:
—Kajwal, ala kab' we'n machunkiluka, b'a jach' oj b'ob' jk'u'uk ja ye'n, —xchi ja keremi.
37Ti alji yab' yuj ja Jesusi:
—Ti waxa wila aj, Cho ke'nani, ja ma' wa'n lo'il a moki, —xchi ja Jesusi.
38Ja'yuj ja kerem jawi. Ti ko mek'an b'a sti' sat ja Jesusi, ti yal yab'a:
—Kajwal Jesús, wax k'u'ana ja we'n, —xchi.
39Ti'xta'a yala ja Jesusi: —Ja ke'n jakelon b'a lu'um iti, b'a oj k'el spetsanil ja mulal jumasa. B'a oj ka yil k'inal ja ma' mix yila k'inali, b'a mi oj yil ja ma' wax yala jel lek wa'n yiljel k'inali—.
40Ti aye chab' oxe fariseo ja tiwi, ti yabye ja jas yala ja Jesusi, ti sjob'owe yi'a:
—¿Yuj waxa k'ana oj ja wal yuj mix cho kilatikon k'inal ja ke'ntikoni? —xchiye.
41Ti alji yabye yuj ja Jesusi:
—Ja lek yuj wanuk jak a k'ujolex mi ja' mas oj ja na'ex ja jas waxa k'u'lanexi, ja Dyosi mi oj yal yuj aya mulex. Yuj ja waxa walawex jel wala ilwaniyexi, ja Dyosi, ojni sta'a mulexa, —xchi ja Jesusi.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021