Mataji 8
8
1-4: Mal. 1, 40-44; Luk. 5, 12-14.
1Neke umwene Jesu, avye isulunuka pakidunda, neke vamuninilage avanu ikipuga.
2Neke vavonage huju umuńa-lińa-muvili ifugama pasi, ikwigongolela itigila: mutw’ave, ngana ukēlye, usilemwa pakuneledza.
3Neke baho Jesu agolosage iliyoko, amwabasage neke atigilage: ndikêlye, utelelage. Neke baho atelelage ifińa-muvili fyakwe.
4Neke Jesu atigilage: lino vonage uveve, utane ukulonga kwe jungi, uhelelage hela ukivonesage kuvatekedzi, ukańamulage nuvusembe, vwe alagye Mose, vuvedzage vwa kukagulila avene. 9, 30; Mal. 7, 36; Luk. 17, 14.
5-13: Luk. 7, 1-10.
5Neke Jesu avye ikwingila mu-Kapelenahumu, neke vonage ahegelelage ukwakwe umuńa-kipuga neke igongolelage ukwakwe atigilage:
6mutw’ave, umuvanda vangu ali pavulili kukâja, muńa-kitamwa kya litēla, kikumupumusa hîlo.
7Neke umwene Jesu atigilage: ndikwadza kuko, ndikumuhōsa.
8Neke umuńa-kipuga apilusage atigilage: ve mutw’ave, sindivagye unene ukuta uveve vwingilage mwitînga lyangu. Ulongage hela ilidzwi limwinga, apo ihōka umuvanda vangu.
9Ndivwene unene ndi munu hela ndikalye muvulefye vwa vavina, ndi navo avasilikali, avalevile ukwangu. Neke ngana ndilonga kwa jungi nigilage: uhelelage kuvutunga, ihelela, kwa jungi nigilage: vwadze kuno, ikwadza, kwa muvanda vangu nigilage: ulimage ifitunga, ilima ndeni.
10Neke Jesu, pe apulike idzi, adzumage neke avalongelage, ve fyagendasaga atigilage: ulufuvondavuli ulu ndisina ndiluvona kwe jungi muva-kina-Jisilahele muno. 15, 28.
11Neke lino ndikuvavūla nditigila: valahuma avolofu na kunena na kusika avalikalasa kuvutwa vwa kukyâńa nava-Abalahama nava-Jisikaka nava-Jakovo. Luk. 13, 28. 29.
12Neke avene avańa-vutwa vwanavo, ve valapemesehedzwa kukîsi ikya kulubali, kwe jilavedza niṅūto nulugeledzulo lwa mîno. 22, 13; 24, 51; 26, 30.
13Neke Jesu amulongelage umuńa-kipuga atigilage: uhelelage, lukugendelage pa lwe ufuvilwe; neke baho umuvanda vakwe ahôkage pasala jilo. 3, 20; 15, 28.
14-17: Mal. 1, 29-34; Luk. 4, 38-41.
14Neke Jesu ingilage muńumba ja Petele neke avonage umukwive va Petele umukidala muńa-mungo ja lihilidza. 1. Kol. 9, 5.
15Neke baho amwabasage ilivoko neke baho apumunukage ikitamwa kyakwe neke baho avalimilage vavo, uvaleke avafwe vasilane vafwe navafwe.
16Neke pe vuhwe pamihe, neke vavaletage ve gyavingye imibepo imiyîfu; neke umwene li lidzwi lyene, lye alosehe-dzaga imibepo igi, neke umwene avahōsage vonda, avakutaga ifitamwa.
17Kwali kwe kuta luvi-latukage, lwe avilile umuvidzi Jisaja, uvitigila: „umwene ndakyene ańamwe uvutenda vwesu, itwikile ifitamwa fyesu.“
18Neke baho Jesu avye avwene ifipuga fya vanu fimusitilye, neke atigilage: musuńe ikyômbo, tulovo-kelage imwambu ijingi. Mal. 4, 35; Luk. 8, 22.
19-22: Luk. 9, 57-60.
19Neke baho ahegēlelage jumwinga umukagu-lihâte kwa Jesu neke atigilage: ve mwiganidzi, ndikukuninīlaga mumigendele gyako gyonda, mwe vwigenda.
20Neke Jesu apilusage atigilage: umwikalo guli pi? Kiba niṅeve dzili nimilindi, nindege dzili nuvwaso, neke umwâna va munu pasupali na pavuviko umutwe. 2. Kol. 8, 9.
21Umuńigendwa ujungi atigilage: ve mutw’ave, uleke tândi ngamusile udâda.
22Neke Jesu atigilage: uveveuninilage ukwangu, uvaleke avafwe vasilane vafwe navafwe.
23-27: Mat. 4, 36-41; Luk. 8, 23-25.
23Neke Jesu ingilage mukyômbo neke avańigendwa vakwe vamuninilage.
24Neke baho vavonage ińandza jigaluka namavingo gagelukage nikyômbo kigane kidwibale. Neke umwene dzamutolile itulo.
25Neke vahegēlelage neke vamusisimusage vatigilage: utange, ve mutw’ave, twifwa.
26Neke Jesu atigilage: muhwehwe muki? ńe vańa-lufuvo ulukefw’ańe! Neke image neke afikabusage na gu muvelo na ji ńandza; neke baho pajigalage ji. 14, 31; 16, 8.
27Neke avanu vadzu-mangage vatigilage: je munu muki, je fikumwidika nimivelo nińandza.
28-34: Mal. 5, 1-17; Luk. 8, 26-37.
28Neke baho, pe alovokye imwambu jila kumi-gola gya va Gadalene, neke baho atańanilage na ve gyavingye imibepo imikali vavili. Neke vahumilaga kumilungu, pakuva vali vasali. Neke avanu ilikasi ili vasagendelaga nambi ponu.
29Neke vakutage vatigilage: twe tuli vuki nafwe naveve, ve muswamuve va Nguluvy’ ave! je ukutwandanidza pakutunodzanodza, pele pave? Luk. 4, 41; 2. Pet. 2, 4.
30Pāli poluli baho ulupinga lwa magubi paluvânde, neke imibepo imivîfu gidedevage ukwakwe gitigilage: ngana ukutulosa muno, apo utwidikage twingilage mulupinga lwa magubi lula.
31Neke Jesu atigilage: muloke! Neke igyene gihumage neke gingilage mungubi. Neke ingubi ulupinga londa neke lwilulumikage paligēma neke lwitagage muńandza neke dzifwilage mululenga.
32Neke avadīmi, avadzi-dīmaga, neke vakimbilage kukâja neke vakapulisage inôngwa iji nija vanu avańa-mibepo imikali.
33Neke baho ikâja jonda jihumage mukumutaṅanidza Jesu, neke pe vamuvwene, neke vadedevage vatigilage: udzumba-nidzage pamigola gyesu apa.
S'ha seleccionat:
Mataji 8: II
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Bena © Bible Society of Tanzania, 1958.