Ebr 5
5
1Sonbore, maǹ wúlu-bɔlen kiã tumaa boe minbuiin nɛn bii, ǹ koa mà a dí nya Lawa nɛ minbuiin nɛn bǐɛ̃ a lɛa. A dí n ka kɛ nɛ, a gɔ ǹ mànan laanka wúlu mànan kɔ Lawa la, sii baraan taman yii. 2Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa. 3#LWS 9.7 Bɛa pàã wɛɛnaabaa kɛ lɛ taman yii, a doamaa nɛ a sii baraa toa ǹ wúlu mànan bɔ, a ǹ kɔ Lawa la a din a lɛa, zaman lɛ dɔ a lɛa. 4#BBN 28.1 Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.
5 #
Loe 2.7
A din goon ne, *Krita lɛ dɔ bie á wúlu-bɔlen kiãbaa ǹ gugurubaa kɛ lɛ wɔ a din ganaa wa. Lawa na á kɔ la, Lawa mɛn pɛ nɛ:
«Ma n masɛ a Nɛgiĩ lɛa,
a kũ pelo ganaa,
masɛ nə n Díi lɛa.»
6 #
Loe 110.4
Á pɛ-n doo sɛ́wɔ bǎã kɔsɔ nɛ:
«Ma n wúlu-bɔle lɛa yǎa duduu
ka Mɛlkizedɛki wɔ bɛ́ lɔn.»
7 #
Mat 26.36-46; Mar 14.32-42; Luk 22.39-46 Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa. 8A laanɛ á goã Lawa a Nɛ lɛa, a na á n daraa Lawa bɔlɔ sii ganaa a nɔmaa ǹ siin gɔ́ɔ̃ nɛ. 9A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ. 10Lawa na á pɛ, mà a n wúlu-bɔlen kiã lɛa, ka Mɛlkizedɛki wɔ bɛ́ lɔn.
Wo nyɛɛn golee Lawa li gɔ́ɔ̃-n boo
11Yezu a wúlu-bɔlen kiãbaa kɛ lɛ wɔ gɔn la, boo gigiã tá wɔ lon wɔ pɛ ka nɛ, sɛnɛ, ǹ giala pɛ n die kaka koe, a giala, ka á nyantoto sii giala ma li. 12#Kor1 3.2 Bɛ̀ ka doamaa-n kanna ka minin-daraalin baa, sɛnɛ, ka laadoo n tɔ́n na a ganaa, ǹ Lawa a boo lɛ a daraa giala kɔ ǹ bǎã siin nyaa ka nɛ. A dɔ bǎã mɛn nɛ, ka doamaa-n ka màn-bii ni, sɛnɛ ka laadoo-n tɔn nyɔ ganaa. 13Min mɛn laadoo bɛ́ tɔn nyɔ ganaa, bɛa dɛnaa n ka nɛnyaan boɛɛn bɛ́ lɔn, a boe la, a sii pepere laanka a baraa bɔkɔnlɛ dɔ̃ wa. 14Sɛnɛ, min golen sɛn, màn-bii kaka nə ǹsɛn wɔ lɛa. Baraabaraa a sii-zɛnaa nə́ ǹsɛn daraa, sii bǐɛ̃ laanka a baraa dɔ̃ a bɔkɔnlɛ ganaa.
S'ha seleccionat:
Ebr 5: SBPE2011
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
San Bible Protestant Edition © Bible Society of Burkina Faso, 2011.