SNS 11
11
Siére màn paa boo
1 #
Eze 40.3; Zak 2.1-2 Ǹ nə́ tɔ́n kàwɔ buu kɔ ma la màn zɔɔ̃ ǹ màn lɛa, ǹ nə́ pɛ ma nɛ: «Yoo n Lawa a Kion kɛ laanka *wúlu bɔ ǹ bǎã kɛ zɔɔ̃, n Lawa-nyankɔlen tumaa nimi. 2#Luk 21.24 Sɛnɛ, Lawa a Kion lɛ a kanaa sumu gole ke, n nyan bɛ zɔɔ̃ wa, a giala, maǹ nə́ bɛ kɔ tɔrɔ kɔsɔn la, ǹsɛn mɛnɛn bɛ́ re Zeruzalɛmu kiwi sonbore kɛ tɔtɔrɛ yǎa mui pusiwenpaa. 3Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»
4 #
Zak 4.3,11-14 Bɛa Siére màn paa lɛ n kɔnboe ka *olivie da màn paa laanka bolon màn paa mɛn bɛ́ ǹ nə́ ǹ boo da, mà ǹ tá re golee tán a Dɛnaa yɔrɔ-a. 5Bɛ̀ min mɛn tá giɛ li mà a sii baraa zɛnaa ǹ nɛ, tɛ n soe ǹ lɛ-n bɛ̀ a ǹ zɔ́ɔn kũkũ. Bɛ lɛ nɛ, bɛ̀ min mɛn ga ǹ lɛ li, bɛa dɛnaa n die giɛ̃ bɛa yɔrɔ kɛ lɛ la. 6#BBN 7.17-19; Sam1 4.8; Kiin1 17.1 Pàã tá ǹ lon ǹ nə́ boe la ǹ lon lɛ tã, la ná a doɛ tán ǹ Lawa a dí-pɛ ǹ biikoo kɛ li wa. Pàã tá ǹ lon ǹ nə́ boe la ǹ mu tumaa bɔyaa ǹ baa mà lɛa. Bɛ̀ ǹ nə́ golee li, ǹ tá boe la ǹ koe tɔrɔ tumaa bɔ tán ganaa.
7 #
Dan 7.7,21; SNS 13.5-7; 17.8 Sɛnɛ, bɛ̀ ǹ nə́ ǹ siérebaa ǹ dí pɛ ǹ nə́ nya, Tɔɔ mɛn soo nɔmaa ǹ nyankɔrɔ zuzulu ni, bɛ á re zia biɛ ǹ ganaa, á re boe ǹ la a ǹ dɛ ǹ gã. 8#Iza 1.9,10 Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti". 9Zaman tumaa a minin ni, gánan tumaa nɛ, bɔlɔ tumaa pɛlen ne, tɔrɔ din tumaa nɛ, ǹ tá re die giɛ ǹ geren ganaa yǎa lɛawaa sɔɔ ka talɛɛ, ǹ ba re lɛ koe mà ǹ nə ǹ bĩ wa. 10Tán min tumaa foo á re kɔɔ̃n koe ka min paa kɛ a gɛ̀ nɛ. Ǹ tá re ǹ nyɛnyɛɛ parsiini, ǹ kɔn gɔ ka màn nɛ kooro, a giala mà Lawa a boo gii-dali màn paa kɛ bɔ tán minin yii-n parsiini.
11 #
Eze 37.10
Sɛnɛ, lɛawaa sɔɔ ka talɛɛ lɛ kio, yiikoonaabaa kɔ ǹ piɛ̃ bɔ Lawa li, á daa kaa ǹ nɛ, ǹ nə́ yoo ǹ nə́ golee lon. Min mɛn tumaa nə́ ǹ yɛ, nyɛ́ɛ gole nə́ ǹ kũ. 12#Kiin2 2.11 Siéren lɛn paanan nə́ tɔ́n lɛn gole goon ma lon, a n pii ǹ ni: «Ka dii ka da kànaa!» Ǹ nə́ kaa labara goon ne ǹ nə́ dii lon, ǹ zɔ́ɔn lɛn yii ni.
13 #
SNS 6.12; 16.18 A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.
14Koe lɛ a paabaa ǹ wɔ kiɛ̃, sɛnɛ, ka n yiri kɔ a sɔɔbaa ǹ wɔ dɔ á re die sisia.
Bɛn sɔbaabaa ǹ wɔ
15 #
BBN 15.18; Dan 2.44; 7.14,27 Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.» 16*Min gole fuəwensii mɛn bɛ́ ǹ kii dankanan nɛ Lawa yɔrɔ-a, ǹ nə́ kaa tánaa ǹ lɛ la, ǹ nə́ Lawa guguru koe, 17bɛ̀ ǹ nə́ pii:
«Dɛnaa Lawa Pàãyiidɛnaa,
nsɛ mɛn bɛ́ n tan, n goã n tan,
wɔ a barka diɛ n nɛ.
A giala n dí nya ka n pàãyiidɛnaabaa nɛ,
n nə́ n kiibaa koa.
18 #
Loe 2.5; 110.5; 115.13 Tɔrɔn foo yoo,
sɛnɛ, n din a foo-yoo na á daa.
Sisia, n geren kiri-wɔ biikoo na á dɔ,
n dí-nyalin saraa biikoo dɔ na á dɔ,
ǹ mɛnɛn bɛ́ n boo gii-dalin lɛa
ka ǹ mɛnɛn tumaa bɛ́ n din wɔn lɛa,
ǹ nə́ nyɛ́ɛ biɛ n nɛ,
ta a boɛɛn nɛ, ta a gole ne.
Min mɛnɛn dɔn bɛ́ ǹ nə́ goã tán-ziziɛ̃lin lɛa,
ǹ dɔn ziziɛ̃ biikoo na á dɔ!»
19 #
SNS 8.5; 16.18,21 Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.
S'ha seleccionat:
SNS 11: SBPE2011
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
San Bible Protestant Edition © Bible Society of Burkina Faso, 2011.