Luke 6
6
27“Uqautigiffi tuhaaguffinga. Akirahi nakuuhigigit. Inuillu nakuugijuitpahi ikajurlugit. 28Huunngijaqpahilu nakuuhigigit. Nagititpahiluunniin qin'ngautilugit. 29Inuk tiglukpan uluangnik tamna pipkarlugu igluanun. Inuk tuhuluni pinahualiqpagu atigin tunilugu ilupaarnik. 30Kinaliqaak tukhiaqan ilingnun tunihivigilugu. Inugli piqutingnik pikpan akhuktailugu tapkuninga hingnaguhuktailutin. 31Ilvillu qanuriliurutikharnik pijumaguvin inungnin atjikkutaanik pivaglutin tapkununga. 32Inuit nakuugijihi kihimi nakuugigiffigit nakuugijitik taimailiuqhutik. 33Nakuujumik piguffi tapkununga nakuujumik pivangmata iliffingnun, qanuq akiliuhiaqhungujuhi? Huinniqijulluunniin taimailiinaqpangmata. 34Atukkiqtitkuffigit tapkua tapkunanga ilaani iliffi atukkiqtitaujumagaffi qanuq nakuujumik pivihi? 35Akirahilu nakuuhigigit nakuujumik piluhi. Atukkiqpagluhilu nakuujumik niriukhimaittumik tapkunanga. Taimaa akiliuhiahi anginiaqtuq. Aahiin Kingitqijaujum irniriniaqtaahi. Tamna nagliktakpiarami uivitujunun tuhuvallaaqtunullu. 36Nagliktaqpagluhi Angutikhittauq nagliktaqpiarman. 37Ukturiaqtuqtailuhi uuktuqtauqunahi. Ihuigittailugit aallat iliffilu ihuigijauqunahi. Ihumagijungnairuffigit aallat iliffittauq ihumagijaujungnaiqhungujuhi ihuittumik. 38Tunihigitti aallanun tunihiviuniaqtuhi naammaktumik amigaittumik avatqumajumiglu piqarniaqtuhi.” 39Talva Jesus hivunniurnirmik unipkaaqtuq, “Inuk takpiittuq tahiurniaqqaa takpiittumik aallamiik? 40Maliruttuaq ilihautjiminin ataniutqijaunngitpiaqtuq. Tamarmigli ilihautjauhimagumik ilihautjimitun ilinniaqtugaluit. 41Ilvit qatangutivit ijingani iggitjut huuq takuviuk malingitkaluaqtillugu qijuk ijingniihimajuk? 42Qanuqtuttauq qatangutingnun uqarniaqqa imaatun, ‘Uvanga itjiut pijarlugu ijingnin.’ Ilvit tautulimairaluaqtillutin qijuk ijingniittuq. Ilummiqhiqtutin! Hivullirmik ijingnin qijuk piijaruk taututtiaquplutin itjiut piijaquplugu qatangutivit ijinganin.”
S'ha seleccionat:
Luke 6: AQ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió