लूका 12
12
फरिसीन्हक खमिर
मत्ती १०:२६-३१
1उहब्याला हजारौँ हजार मनै जम्मा हुइल। हुँक्र डाबिकडाबा करटलह। तब येशू पैल्ह आपन चेलन कल, “फरिसीन्हक खमिरसे होसियार रहो, अर्थात् हुँकन्हक कपटीपन टुँन्हकम जिन फैलदेओ।#मत्ती १६:६; मर्क ८:१५ 2मनैन्हक मनक छोपगैल सब बात उघारजाई। गोप्यम रहल सब बात प्रकट कैजाई।#मर्क ४:२२; लूक ८:१७ 3ओसहेँक अन्धारम टुन्हक कहल बात, दिनक अजरारम सुन्जाई। क्वाठम खुसखुसाइल बात, घरक छतमसे प्रचार कैजाई।#१२:३ उ ब्याला मनैन्हक घर छतवाला रलहन। हुँक्र आपन-आपन घरक छतम रना, बिसैना, बात बट्वैना करँट्। घर लग्घलग्घ रलकओर्से, हुँक्र गाउँभरीक मनैन जानकारी देह पर्लसे छतहमसे हाँक पारँट् ओ और घरक मनैनसे बात बट्वाइ सेक्डारँट्। चुक्लीचुक्लक बात फे छतहमसे ओहीसे-ओहीसे खुसखुसाइट्-खुसखुसाइट् सक्कुओर फैलजाए।
4“सङ्घारीहुँक्र, टुँहन मुवाइ खोजुइयनसे जिन डराओ। हुँक्र शरीरह केल मुवाइसेक्ठ, तर उ बाहेक कुछु कराइ नैसेक्ट 5केहीसे डराइपर्ठा कैक मै टुँहन कहटुँ, टुँहन मुवाक नरकम फाँक सेक्ना अधिकार रहल परमेश्वरसे डराओ। हो, उहाँसे डराओ। 6का दुइ पैँसम पाँचठो गिउँरा नैबिक्ट? तर परमेश्वर एकठो गिउँरक फे वास्ता कर्ठ। 7टुन्हक त झन् वास्ता कैक टुन्हक एक-एक भुत्ला समेत गनगैलबा। उहओर्से टुह्र जिन डराओ। बहुत गिउँरनसे फे टुह्र धेर मूल्यवान बाटो।
येशूह स्वीकार
मत्ती १०:३२-३३; १२:३२; १०:१९-२०
8“म्वारम विश्वास कैक मनैन्हक सामुन्नेम स्वीकार करुइयह मै मनैयक छावा, फे परमेश्वरह सेवा कर्ना स्वर्गदूतन्हक सामुन्नेम स्वीकार करम। 9तर महीह स्वीकार नैकरुइयह, मै फे परमेश्वरह सेवा कर्ना स्वर्गदूतन्हक सामुन्नेम स्वीकार नैकरम। 10#मत्ती १२:३२; मर्क ३:२९मै मनैयक छावक विरोधम बोलुइयह क्षमा देजाई। तर पवित्र आत्मक विरोधम बदनाम करुइयह कबु फे क्षमा नैदेजाई।#१२:१० परमेश्वरक आत्मक विरोधम बदनाम कर्ना कलक मनै खुशीक खबर ओ येशू ख्रीष्टद्वारा अइना मुक्तिह इन्कार कर्ना हो। याकर एकठो उदाहरण लूका ११:१५ हो, जहाँ फरिसीहुँक्र येशू शैतानक शक्तिले भूतन निकर्ठ कल, जब कि उहाँ वास्तवम परमेश्वरक आत्मक शक्तिले भूतन निक्राइँट्। ओ पवित्र आत्मा जो मनैन आपन-आपन पापी मन घुमाइक लाग ओ हुँकन्हक आँख ख्वालक लाग सहायता कर्ठ ताकि हुँक्र खुशीक खबरक सत्य बात द्याखसेक्ठ। यदि हम्र उहाँक कामक विरोध कर्ठी कलसे, हम्र उहाँह इन्कार कर्ठी, ओ उहाँक करल काम स्वीकार कर नैसेक्जैना हिसाबले हम्र चल्ठी।
11“मनै टुँहन पकर्क दोष लगाइक लाग सभाघरम ओ शासक ओ अधिकारीन्हकठे लैजैहीँ त का बोल्ना हो कैक चिन्ता जिन करो।#मत्ती १०:१९-२०; मर्क १३:११; लूक २१:१४-१५ 12काकरकि उह ब्यालम का बोल्ना हो कैक पवित्र आत्मा टुँहन जनैहीँ।”
मूर्ख धनी मनैयक बारेम आहान
13भीडमसे एकठो मनैया येशूह कलन, “गुरुजी, महीह अंशबन्दा देहक लाग म्वार दादुह कैदी।”
14येशू कल, “का मै टुन्हक अंशबन्दा कैदेहुइया न्यायाधीश हुइटुँ?” 15तब उहाँ हुँकन कल, “होस करो, ल्वाभलालचसे बचो, काकरकि धनसम्पत्ति सस्ता रटिम, जीवन खुशी होजैठा कना बात नैहो।”
16तब उहाँ एकठो आहान कल, “एकठो धनी मनैयक जग्गम प्रशस्त उब्जनी हुइलन। 17तब ऊ सोँच्ल, ‘यी अनाज मै कहाँ ढरु? ठाउँ नैहो। आब मै का करुँ? 18आब मै असिक करम, छिटिछिटि सब बखारी बिग्राक बराबरा बनैम, ओइहेँम सब अनाजपानी ढरम। 19तबदोस्र मै मनमन कहम “म्वारठे धेर वर्षसम खाइ पुग्ना सस्ता सम्पत्ति बा। आबठेसे मै सुखचैनम बैठम, खैम, पियम ओ मोजमजा करम।”’
20“तर परमेश्वर ओहीह कल, ‘टैँ मूर्ख, आझु रात ट्वार प्राण जाई। तब ट्वार जम्मा करल सम्पत्ति के खाई?’
21“आपन लाग केल धनसम्पत्ति कुह्रेइना मनैन्हक गति अस्तै हुइठन। असिन मनैन परमेश्वर धनी नैमन्ट।”
चिन्ता सम्बन्धी
मत्ती ६:२५-३४
22तबदोस्र येशू चेलन कल, “उहओर्से मै टुँहन कहटुँ, आपन प्राणक लाग का खैम, का पियम कैक ओ आपन शरीरक लाग का लगैम कैक चिन्ता जिन करो। 23जीवन खैना चिजसे ओ शरीर लगैना लुगासे बरा नैहो का? 24कौवन हेरो! हुँक्र ना बुइट, ना कट्नी कर्ट। हुँकन्हक डेह्री ना बखारी कुछु नैरटन। तर फे हुँकन परमेश्वर खवैठन। टुह्र त चिरैँचुरुङ्गनसे फे धेर मूल्यवान बाटो। 25चिन्ता कैक टुह्रमध्ये के आपन आयु एक घण्टा हुइलसे फे बह्राइसेक्ठा जे? 26टुन्हक चिन्तले उह काम फे नैहुइट् कलसे, और कौन काम हुई?
27“फूलक बारेम विचार करो ना! हुँक्र ना त परिश्रम कर्ट, ना लुगा बिन्ट, तर मै टुँहन कहटुँ, सोलोमन राजा ओत्रा धनी रटि-रटि फे ऊ एकठो फूला बराबर फे सँप्रल नैरलह।#१ राज १०:४-७; २ इति ९:३-६ 28आज रना ओ काल आगीम फाँकजैना घाँसह त, परमेश्वर असिक सँप्रैठ कलसे, उहाँ टुँहन झन् मजासे नैसँप्रैहीँ का? खै टुन्हक विश्वास? 29का खैबी, का पिबी कैक खोजी जिन करो, ओ वाकर बारेम चिन्ता फे जिन करो। 30संसारभरिक अविश्वासीहुँक्र असिन चिजिक चिन्ता कर्ठ। यी सब चिज टुँहन चहठा कैक परमेश्वर बाबा जन्ठ। 31तर परमेश्वरक राज्यक खोजी करो, यी सब चिज टुँहन देजाई।
स्वर्गम जम्मा कर्ना धन
मत्ती ६:१९-२१
32“टुह्र भेँरीन्हक छोटी बगालअस रलसे फे, टुह्र जिन डराओ, काकरकि परमेश्वर बाबा टुँहन आपन राज्य देहक लाग खुशी बाट। 33टुह्र आपन सम्पत्ति बेँच्क गरीबन देओ। ओसिक कर्बो त, स्वर्गम रहल थैलीम टुन्हक धन जम्मा हुई। उ थैलीम फ्वाङ नैपरट् ओ उहाँ ढैगिल् धन नाश नैहुइट्। चोरोन उ धन च्वार नैसेक्ट, ओ उ धनम कीरा फे नैलग्ट। 34जहाँ टुन्हक धन रही, उहँ टुन्हक मन फे रही।
जागा रहपर्ना बारेम
35 #
मत्ती २५:१-१३
“काम करक लाग जब फे तयार रहहो ओ दिया बुट जिन देहहो।#१२:३५ ग्रीक भाषक स्रोतमसे यी पदक शाब्दिक अनुवाद: टुह्र आपन-आपन फाँर कस्लरहो ओ टुन्हक दिया बर्लराखो। 36टुह्र भ्वाज खाक अइना मालिकक् बट्या हेरुउइया नोकरअस होओ। उहाँ आक ड्वार ढकढकैटीकि टुह्र ड्वार उभकदेहहो। 37मालिक आक नोकरन जग्ल बैठल देखहीँ त, मजा हुई। जाट्टीसे मै टुँहन कहटुँ, उ मालिक तयार हुइहीँ, ओ हुँकन् खाए बैठाक हुँकन्हक सेवा करहीँ। 38मालिक आधा रात या मुर्घी बस्ना जुन अइलसे फे, हुँकन जग्ल रहल देखहीँ त, झन् मजा हुई। 39तर यी बात जन्लरहो, चोरोक अइना समय थाहाँ पैट त, घरमुली चोरोह घरम पैँठ नैदेनेरलह। 40टुह्र फे जागा रहो। टुन्हक नैचिताइल समयम मै मनैयक छावा, अइबुँ।”
इमान्दार ओ बदमास नोकर
मत्ती २४:४५-५१
41तब पत्रुस येशूह कल, “प्रभु, यी आहान हमन केल कली कि और सबजहन फे कली?”
42प्रभु और आहानम कल, “बुद्धिमान ओ विश्वासयोग्य कामदार के हो? घरमुली ओहीह आपन घरक नोकरन्हक अगुवा बनैठ त, ऊ और सबजन्हक लाग खानपानक व्यवस्था कर्ठ। 43मालिक घुम्क अइलसे, हुँकहीन बुद्धिमान ओ विश्वासयोग्य हिसाबले काम करँट् देखहीँ त, हुँकहार लाग मजा हुहीन। 44मै जाट्टीसे टुँहन कहटुँ, मालिक हुँकहीन आपन सक्कु धनसम्पत्तिक जिम्मा देहहीन्। 45तर ‘मालिक हाली नैअइहीँ’ कैक उ नोकर खैनापिना ओ मत्वार हुइहीँ ओ और नोकरन जथाभावी पिट्ना काम करहीँ कलसे, 46हुँकहार नैचिताइल दिन ओ समयम मालिक अइहीँ ओ हुँकहीन कर्रा दण्ड देहहीँ। हुँकहार दशा परमेश्वरम विश्वास नैकरुइयन्हकअस हुहीन्।
47“मालिकक् इच्छा जान्क फे तयार नैहुइना ओ करपर्ना काम नैकर्ना नोकरह मालिक कर्रा सजाय देह्हीँ। 48तर मालिकक् इच्छा थाहाँ बिनपैल सजाय पैना नोकर कम सजाय पाई। जेहीह धेर देगैल बा, ओहीसे धेर माङ्जैठा। जेहीह धेर जिम्मा देगैल् बा, ओहीसे धेर आशा कैजैठा।”
मेलमिलाप नाहीँ तर फूट
मत्ती १०:३४-३६
49येशू आहानम कल, “मै पृथ्वीम आगी#१२:४९ आगी: बाइबलक धेर विद्वानहुँक्र विचार कर्ठ कि “आगी” पाप ओ अविश्वासम पर्ना परमेश्वरक दण्डह जनैठा, जौन दण्ड मनैन्हक सटाहा येशू क्रूसम टङ्गावापाइलम सह्लह। बप्तिस्मा देहुइया यूहन्ना फे “आगीह” परमेश्वरक दण्डक अर्थम प्रयोग कैरख्ल (लूका ३:९, १६-१७; ९:५४; १७:२९)। लगाए आरनु। यी आगी आघहेँ लागरहट् त, झन् मजा हुइनेरह। 50महीह एकठो भारी दुःखक बप्तिस्मा लेहपर्ना बा,#१२:५० ग्रीक भाषमसे यी पदक शाब्दिक अनुवाद: “महीह एकठो बप्तिस्मा लिहपर्ना बा।” ओ उ बप्तिस्मा नैलेक महीह सुख नैहो।#मर्क १०:३८ 51का मै पृथ्वीम मेलमिलाप कराए आरनु जसिन टुँहन लग्ठा? नाही, मै त बेमेल कराए आरनु। 52आबठेसे पाँचीठो सदस्य रहल एकठो घरम फे फूट हुहीन्। दुइ जन एकओँहर लगहीँ, तीन जन एकओँहर लगहीँ। 53छावक ओ बाबक, छाईक ओ डाईक, सासूक ओ पटोइहेक बीचम फूट हुहीन्।”#मीका ७:६
समयह ठीकसे बुझपर्ठा
मत्ती १६:२-३; ५:२५-२६
54तबदोस्र येशू मनैन कल, “पच्छिउँओर बद्री उठट् देख्टीकि, टुह्र ‘पानी आई’ कठो ओ पानी अइठा। 55दक्षिणओरसे बयाल बहठा त, टुह्र ‘गरम हुई’ कठो, ओ गरम हुइठा। 56टुह्र कपटी, पृथ्वी ओ आकाशक संकेत हेर्क ठीक अर्थ लगैठो, तर आजकाल्हिक संकेत हेर्क काजे ठीक अर्थ नैलगैटो?
57“ठीक बात का हो कैक टुह्र काजे अपन्हे निर्णय नैकर्टो? 58उदाहरणक लाग, आपन विरोधीनसे न्यायाधीशकठे जाइलग्बो त, डगरिएम मेलमिलाप कर्ना कोसिस कैडारो, नकि त, ऊ टुँहीन न्यायाधीशकठे लैजैहीँ। न्यायाधीश सिपाहीक जिम्मा लगैहीँ ओ सिपाही टुँहीन झ्यालखानम डारदेहीँ। 59मै टुँहीन कहटुँ जरिमानक एक-एक पैँसा नैतिरटसम, टुँ छुट्कारा नैपैनेहुइटो।”
S'ha seleccionat:
लूका 12: thl
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2020, Wycliffe Bible Translators, Inc. All rights reserved.
लूका 12
12
फरिसीन्हक खमिर
मत्ती १०:२६-३१
1उहब्याला हजारौँ हजार मनै जम्मा हुइल। हुँक्र डाबिकडाबा करटलह। तब येशू पैल्ह आपन चेलन कल, “फरिसीन्हक खमिरसे होसियार रहो, अर्थात् हुँकन्हक कपटीपन टुँन्हकम जिन फैलदेओ।#मत्ती १६:६; मर्क ८:१५ 2मनैन्हक मनक छोपगैल सब बात उघारजाई। गोप्यम रहल सब बात प्रकट कैजाई।#मर्क ४:२२; लूक ८:१७ 3ओसहेँक अन्धारम टुन्हक कहल बात, दिनक अजरारम सुन्जाई। क्वाठम खुसखुसाइल बात, घरक छतमसे प्रचार कैजाई।#१२:३ उ ब्याला मनैन्हक घर छतवाला रलहन। हुँक्र आपन-आपन घरक छतम रना, बिसैना, बात बट्वैना करँट्। घर लग्घलग्घ रलकओर्से, हुँक्र गाउँभरीक मनैन जानकारी देह पर्लसे छतहमसे हाँक पारँट् ओ और घरक मनैनसे बात बट्वाइ सेक्डारँट्। चुक्लीचुक्लक बात फे छतहमसे ओहीसे-ओहीसे खुसखुसाइट्-खुसखुसाइट् सक्कुओर फैलजाए।
4“सङ्घारीहुँक्र, टुँहन मुवाइ खोजुइयनसे जिन डराओ। हुँक्र शरीरह केल मुवाइसेक्ठ, तर उ बाहेक कुछु कराइ नैसेक्ट 5केहीसे डराइपर्ठा कैक मै टुँहन कहटुँ, टुँहन मुवाक नरकम फाँक सेक्ना अधिकार रहल परमेश्वरसे डराओ। हो, उहाँसे डराओ। 6का दुइ पैँसम पाँचठो गिउँरा नैबिक्ट? तर परमेश्वर एकठो गिउँरक फे वास्ता कर्ठ। 7टुन्हक त झन् वास्ता कैक टुन्हक एक-एक भुत्ला समेत गनगैलबा। उहओर्से टुह्र जिन डराओ। बहुत गिउँरनसे फे टुह्र धेर मूल्यवान बाटो।
येशूह स्वीकार
मत्ती १०:३२-३३; १२:३२; १०:१९-२०
8“म्वारम विश्वास कैक मनैन्हक सामुन्नेम स्वीकार करुइयह मै मनैयक छावा, फे परमेश्वरह सेवा कर्ना स्वर्गदूतन्हक सामुन्नेम स्वीकार करम। 9तर महीह स्वीकार नैकरुइयह, मै फे परमेश्वरह सेवा कर्ना स्वर्गदूतन्हक सामुन्नेम स्वीकार नैकरम। 10#मत्ती १२:३२; मर्क ३:२९मै मनैयक छावक विरोधम बोलुइयह क्षमा देजाई। तर पवित्र आत्मक विरोधम बदनाम करुइयह कबु फे क्षमा नैदेजाई।#१२:१० परमेश्वरक आत्मक विरोधम बदनाम कर्ना कलक मनै खुशीक खबर ओ येशू ख्रीष्टद्वारा अइना मुक्तिह इन्कार कर्ना हो। याकर एकठो उदाहरण लूका ११:१५ हो, जहाँ फरिसीहुँक्र येशू शैतानक शक्तिले भूतन निकर्ठ कल, जब कि उहाँ वास्तवम परमेश्वरक आत्मक शक्तिले भूतन निक्राइँट्। ओ पवित्र आत्मा जो मनैन आपन-आपन पापी मन घुमाइक लाग ओ हुँकन्हक आँख ख्वालक लाग सहायता कर्ठ ताकि हुँक्र खुशीक खबरक सत्य बात द्याखसेक्ठ। यदि हम्र उहाँक कामक विरोध कर्ठी कलसे, हम्र उहाँह इन्कार कर्ठी, ओ उहाँक करल काम स्वीकार कर नैसेक्जैना हिसाबले हम्र चल्ठी।
11“मनै टुँहन पकर्क दोष लगाइक लाग सभाघरम ओ शासक ओ अधिकारीन्हकठे लैजैहीँ त का बोल्ना हो कैक चिन्ता जिन करो।#मत्ती १०:१९-२०; मर्क १३:११; लूक २१:१४-१५ 12काकरकि उह ब्यालम का बोल्ना हो कैक पवित्र आत्मा टुँहन जनैहीँ।”
मूर्ख धनी मनैयक बारेम आहान
13भीडमसे एकठो मनैया येशूह कलन, “गुरुजी, महीह अंशबन्दा देहक लाग म्वार दादुह कैदी।”
14येशू कल, “का मै टुन्हक अंशबन्दा कैदेहुइया न्यायाधीश हुइटुँ?” 15तब उहाँ हुँकन कल, “होस करो, ल्वाभलालचसे बचो, काकरकि धनसम्पत्ति सस्ता रटिम, जीवन खुशी होजैठा कना बात नैहो।”
16तब उहाँ एकठो आहान कल, “एकठो धनी मनैयक जग्गम प्रशस्त उब्जनी हुइलन। 17तब ऊ सोँच्ल, ‘यी अनाज मै कहाँ ढरु? ठाउँ नैहो। आब मै का करुँ? 18आब मै असिक करम, छिटिछिटि सब बखारी बिग्राक बराबरा बनैम, ओइहेँम सब अनाजपानी ढरम। 19तबदोस्र मै मनमन कहम “म्वारठे धेर वर्षसम खाइ पुग्ना सस्ता सम्पत्ति बा। आबठेसे मै सुखचैनम बैठम, खैम, पियम ओ मोजमजा करम।”’
20“तर परमेश्वर ओहीह कल, ‘टैँ मूर्ख, आझु रात ट्वार प्राण जाई। तब ट्वार जम्मा करल सम्पत्ति के खाई?’
21“आपन लाग केल धनसम्पत्ति कुह्रेइना मनैन्हक गति अस्तै हुइठन। असिन मनैन परमेश्वर धनी नैमन्ट।”
चिन्ता सम्बन्धी
मत्ती ६:२५-३४
22तबदोस्र येशू चेलन कल, “उहओर्से मै टुँहन कहटुँ, आपन प्राणक लाग का खैम, का पियम कैक ओ आपन शरीरक लाग का लगैम कैक चिन्ता जिन करो। 23जीवन खैना चिजसे ओ शरीर लगैना लुगासे बरा नैहो का? 24कौवन हेरो! हुँक्र ना बुइट, ना कट्नी कर्ट। हुँकन्हक डेह्री ना बखारी कुछु नैरटन। तर फे हुँकन परमेश्वर खवैठन। टुह्र त चिरैँचुरुङ्गनसे फे धेर मूल्यवान बाटो। 25चिन्ता कैक टुह्रमध्ये के आपन आयु एक घण्टा हुइलसे फे बह्राइसेक्ठा जे? 26टुन्हक चिन्तले उह काम फे नैहुइट् कलसे, और कौन काम हुई?
27“फूलक बारेम विचार करो ना! हुँक्र ना त परिश्रम कर्ट, ना लुगा बिन्ट, तर मै टुँहन कहटुँ, सोलोमन राजा ओत्रा धनी रटि-रटि फे ऊ एकठो फूला बराबर फे सँप्रल नैरलह।#१ राज १०:४-७; २ इति ९:३-६ 28आज रना ओ काल आगीम फाँकजैना घाँसह त, परमेश्वर असिक सँप्रैठ कलसे, उहाँ टुँहन झन् मजासे नैसँप्रैहीँ का? खै टुन्हक विश्वास? 29का खैबी, का पिबी कैक खोजी जिन करो, ओ वाकर बारेम चिन्ता फे जिन करो। 30संसारभरिक अविश्वासीहुँक्र असिन चिजिक चिन्ता कर्ठ। यी सब चिज टुँहन चहठा कैक परमेश्वर बाबा जन्ठ। 31तर परमेश्वरक राज्यक खोजी करो, यी सब चिज टुँहन देजाई।
स्वर्गम जम्मा कर्ना धन
मत्ती ६:१९-२१
32“टुह्र भेँरीन्हक छोटी बगालअस रलसे फे, टुह्र जिन डराओ, काकरकि परमेश्वर बाबा टुँहन आपन राज्य देहक लाग खुशी बाट। 33टुह्र आपन सम्पत्ति बेँच्क गरीबन देओ। ओसिक कर्बो त, स्वर्गम रहल थैलीम टुन्हक धन जम्मा हुई। उ थैलीम फ्वाङ नैपरट् ओ उहाँ ढैगिल् धन नाश नैहुइट्। चोरोन उ धन च्वार नैसेक्ट, ओ उ धनम कीरा फे नैलग्ट। 34जहाँ टुन्हक धन रही, उहँ टुन्हक मन फे रही।
जागा रहपर्ना बारेम
35 #
मत्ती २५:१-१३
“काम करक लाग जब फे तयार रहहो ओ दिया बुट जिन देहहो।#१२:३५ ग्रीक भाषक स्रोतमसे यी पदक शाब्दिक अनुवाद: टुह्र आपन-आपन फाँर कस्लरहो ओ टुन्हक दिया बर्लराखो। 36टुह्र भ्वाज खाक अइना मालिकक् बट्या हेरुउइया नोकरअस होओ। उहाँ आक ड्वार ढकढकैटीकि टुह्र ड्वार उभकदेहहो। 37मालिक आक नोकरन जग्ल बैठल देखहीँ त, मजा हुई। जाट्टीसे मै टुँहन कहटुँ, उ मालिक तयार हुइहीँ, ओ हुँकन् खाए बैठाक हुँकन्हक सेवा करहीँ। 38मालिक आधा रात या मुर्घी बस्ना जुन अइलसे फे, हुँकन जग्ल रहल देखहीँ त, झन् मजा हुई। 39तर यी बात जन्लरहो, चोरोक अइना समय थाहाँ पैट त, घरमुली चोरोह घरम पैँठ नैदेनेरलह। 40टुह्र फे जागा रहो। टुन्हक नैचिताइल समयम मै मनैयक छावा, अइबुँ।”
इमान्दार ओ बदमास नोकर
मत्ती २४:४५-५१
41तब पत्रुस येशूह कल, “प्रभु, यी आहान हमन केल कली कि और सबजहन फे कली?”
42प्रभु और आहानम कल, “बुद्धिमान ओ विश्वासयोग्य कामदार के हो? घरमुली ओहीह आपन घरक नोकरन्हक अगुवा बनैठ त, ऊ और सबजन्हक लाग खानपानक व्यवस्था कर्ठ। 43मालिक घुम्क अइलसे, हुँकहीन बुद्धिमान ओ विश्वासयोग्य हिसाबले काम करँट् देखहीँ त, हुँकहार लाग मजा हुहीन। 44मै जाट्टीसे टुँहन कहटुँ, मालिक हुँकहीन आपन सक्कु धनसम्पत्तिक जिम्मा देहहीन्। 45तर ‘मालिक हाली नैअइहीँ’ कैक उ नोकर खैनापिना ओ मत्वार हुइहीँ ओ और नोकरन जथाभावी पिट्ना काम करहीँ कलसे, 46हुँकहार नैचिताइल दिन ओ समयम मालिक अइहीँ ओ हुँकहीन कर्रा दण्ड देहहीँ। हुँकहार दशा परमेश्वरम विश्वास नैकरुइयन्हकअस हुहीन्।
47“मालिकक् इच्छा जान्क फे तयार नैहुइना ओ करपर्ना काम नैकर्ना नोकरह मालिक कर्रा सजाय देह्हीँ। 48तर मालिकक् इच्छा थाहाँ बिनपैल सजाय पैना नोकर कम सजाय पाई। जेहीह धेर देगैल बा, ओहीसे धेर माङ्जैठा। जेहीह धेर जिम्मा देगैल् बा, ओहीसे धेर आशा कैजैठा।”
मेलमिलाप नाहीँ तर फूट
मत्ती १०:३४-३६
49येशू आहानम कल, “मै पृथ्वीम आगी#१२:४९ आगी: बाइबलक धेर विद्वानहुँक्र विचार कर्ठ कि “आगी” पाप ओ अविश्वासम पर्ना परमेश्वरक दण्डह जनैठा, जौन दण्ड मनैन्हक सटाहा येशू क्रूसम टङ्गावापाइलम सह्लह। बप्तिस्मा देहुइया यूहन्ना फे “आगीह” परमेश्वरक दण्डक अर्थम प्रयोग कैरख्ल (लूका ३:९, १६-१७; ९:५४; १७:२९)। लगाए आरनु। यी आगी आघहेँ लागरहट् त, झन् मजा हुइनेरह। 50महीह एकठो भारी दुःखक बप्तिस्मा लेहपर्ना बा,#१२:५० ग्रीक भाषमसे यी पदक शाब्दिक अनुवाद: “महीह एकठो बप्तिस्मा लिहपर्ना बा।” ओ उ बप्तिस्मा नैलेक महीह सुख नैहो।#मर्क १०:३८ 51का मै पृथ्वीम मेलमिलाप कराए आरनु जसिन टुँहन लग्ठा? नाही, मै त बेमेल कराए आरनु। 52आबठेसे पाँचीठो सदस्य रहल एकठो घरम फे फूट हुहीन्। दुइ जन एकओँहर लगहीँ, तीन जन एकओँहर लगहीँ। 53छावक ओ बाबक, छाईक ओ डाईक, सासूक ओ पटोइहेक बीचम फूट हुहीन्।”#मीका ७:६
समयह ठीकसे बुझपर्ठा
मत्ती १६:२-३; ५:२५-२६
54तबदोस्र येशू मनैन कल, “पच्छिउँओर बद्री उठट् देख्टीकि, टुह्र ‘पानी आई’ कठो ओ पानी अइठा। 55दक्षिणओरसे बयाल बहठा त, टुह्र ‘गरम हुई’ कठो, ओ गरम हुइठा। 56टुह्र कपटी, पृथ्वी ओ आकाशक संकेत हेर्क ठीक अर्थ लगैठो, तर आजकाल्हिक संकेत हेर्क काजे ठीक अर्थ नैलगैटो?
57“ठीक बात का हो कैक टुह्र काजे अपन्हे निर्णय नैकर्टो? 58उदाहरणक लाग, आपन विरोधीनसे न्यायाधीशकठे जाइलग्बो त, डगरिएम मेलमिलाप कर्ना कोसिस कैडारो, नकि त, ऊ टुँहीन न्यायाधीशकठे लैजैहीँ। न्यायाधीश सिपाहीक जिम्मा लगैहीँ ओ सिपाही टुँहीन झ्यालखानम डारदेहीँ। 59मै टुँहीन कहटुँ जरिमानक एक-एक पैँसा नैतिरटसम, टुँ छुट्कारा नैपैनेहुइटो।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2020, Wycliffe Bible Translators, Inc. All rights reserved.