OO MEYO ACHIMOOWIN ST JOHN 4
4
PISKE̔TUSSINA̔HIKUN IV.
1Ispe maka ka Tipāye̔chekāt kāskāye̔tu̔k Phariseewa ā pā̔tumeyit Jesusa ā osehayit mena seekaha̔towayit owusimā me̔chāt kiskino̔humowakuna ispee̔ch John, 2(Ata Jesus āka weya kā̔chewak ā seekaha̔takāt, maka oo kiskino̔humowakuna,) 3Ke̔ nukutum Judea, mena sipwā̔tāo Galileei̔k isse. 4Mena maka kitta utte kupisku̔k Samaria. 5Ākose tākoosee̔k ke̔che waskahikuni̔k Samaria, Sychar ka isseni̔katāk, kissewak unima uske Jacob ka ke̔ meeyat oo’ koosisa Josepha. 6Ākose Jacob oo moona̔hipan ākota ayayew. Jesus maka, ā uyāskoosit ā pimoo̔tāt, uppew tu̔koo̔ch moona̔hipani̔k; maskooch ā ape̔ta kesikayik. 7Pa itoo̔tāo iskwāo Samariai̔k ā o̔cheet kitta otinu̔k nippe: Jesus omisse itāo, Minahin. 8(Weya oo kiskino̔humowakuna ke̔che waskahikuni̔k ā itoo̔tāyit kitta utawāyit mechim.) 9Ākose iskwāo Samariai̔k ka o̔cheet omisse itāo, Tantā ā e̔kee̔k āwuko, keya ā Jeweyun, minahin ka isseyun, neya ā Samaritan iskwāweyan? weya Jewuk āka ā oototāmiskowatchik Samaritana. 10Jesus peekiskwāo mena omisse itāo, Keespin kiskāye̔tumwut oo mākewin Muneto, mena owāna una ka itisk, Minahin; ke ga ke̔ nutootumowa̔ty, ākose ke ga ke̔ meeyikoo̔ty pimatissewe nippe. 11Iskwāo omisse itāo, Ookemaw, numma kākwi ket ayan kitta o̔che otinekakāyun, mena moona̔hipan timmew: tantā maka o̔che āyayun unima pimatissewe nippe? 12Owusimā na ke kistāye̔takoosin ispee̔ch n’ o̔tawenan Jacob, ka ke̔ meeyikooya̔k moona̔hipan, mena weesta ka ke̔ mini̔kwāt ākota o̔che, mena oot owasimisa, ussitche oo pisiskeema? 13Jesus peekiskwāo mena omisse itāo, Piko una mini̔kwātche oma nippe kitta nootāyapakwāo mena: 14Maka piko una mini̔kwātche unima nippe kā meeyuk numoweya we̔kach kitta noo̔tāyapakwāo; maka unima nippe kā meeyuk kitta kunooskak moona̔hipan nippe ā moo̔kechewuneyik kakekā pimatissewini̔k isse. 15Iskwāo omisse itāo, Ookemaw, meeyin oma nippe, kitta āka noo̔tāyapakwāyan, mena kitta āka pā itoo̔tāyan ota kitta otinuman nippe. 16Jesus omisse itāo, Neyá, nutowe nutoom ke napām, mena pā itoo̔tā ota. 17Iskwāo peekiskwāo mena omisse itāo, Numoweya n’oonapāmin. Jesus omisse itāo, Kwiusk ket itwan ka itwāyun, Numoweya n’oonapāmin: 18Weya ā ke̔ ayawutchik neänun napāwuk; mena una unoo̔ch ka ayawut nummayāo ke napām: ākota teäpwāyun ka itwāyun. 19Iskwāo omisse itāo, Ookemaw, ne wapu̔tān ā kiskewāhikāweyun. 20N’ o̔tawenanuk ke̔ ote̔tuppewuk ota wutchee̔k; mena ket itwan, Jerusalemi̔k ākota eyinewuk oo ga putuppe̔tawaw. 21Jesus omisse itāo, Iskwāo, tapwā̔towin, tipa̔hikun kitta ooche̔chepuyew, ispe āka ota wutchee̔k, a̔po Jerusalemi̔k, kā putuppeestowāk Otawemaw. 22Ket ote̔tuppeestānawaw unima āka ā kiskāye̔tumāk: net ote̔tuppeestānan unima ā kiskāye̔tuma̔k: weya pimachehoowin Jewuk kitta o̔chemuku̔k. 23Maka tipa̔hikun kitta ooche̔chepuyew, mena ākwa ayaw, ispe tapwā ootayumchawuk kā putuppeestowatchik O̔tawemawa oot ā̔cha̔koowa̔k mena tapwāwini̔k: weya O̔tawemaw nutowāye̔tum ākose kitta isse putuppeesta̔t. 24Muneto A̔cha̔koowew: mena unckee ka putuppeestowatchik kitta putuppeestowāwuk oot a̔cha̔koowa̔k mena tapwāwini̔k. 25Iskwāo omisse itāo, Ne kiskāye̔tān Messias kitta tukoosee̔k, Christ ka isseni̔kasoot: ispe tukoosee̔ke, ka̔keyow kākwi ne ga we̔tumakoonan. 26Jesus omisse itāo, Neya ka weche peekiskwāmitan, Neya āwuko
27Ākose mākwach oo kiskino̔humowakuna tukoosineyewa, mena mamuskatumeyewa ā weche peekiskwāmayit iskwāwa: maka numma oweya omisse itik, Kākwan nātoonumun? a̔po, Tanā̔kā wā̔che weche peekiskwāmut? 28Iskwāo maka nukutum oo kwapekakun, mena sipwā̔tāo ke̔che waskahikuni̔k isse, mena omisse itāo eyinewa. 29Pā wapumee̔k pāuk napāo, ka ke̔ we̔tumowit ka̔keyow kākwi ka ke̔ pā i̔totuman: numma che āwuko owa Christ? 30Ākose sipwā̔tāwuk ke̔che waskahikuni̔k o̔che, mena pā otee̔tāwuk.
31Mākwach ākota oo kiskino̔humowakuna see̔kimik, omisse, Ookemaw, mechesoo. 32Maka omisse itāo, Net ayan mechim kitta mecheyan āka ā kiskāye̔tumāk. 33Āwuko o̔che ookiskino̔humowakuna kukwāche̔tooyewa, Oweya na ke̔ pātwak kā mechit? 34Jesus omisse itāo, Ne mechim kitta totuman oot itāye̔tumoowin una ka ke̔ isitissa̔hoot, mena kitta keese̔tawuk oot utooskāwin. 35Numma che ket itwanawaw, Kāyapitch nāoo pesimwa, ākose kā ooche̔chepuyik munisikāwe kesikaw? matika, k’ ititinawaw, O̔opinumook ke’ skesikoowawa, mena kunowapu̔tumook kistekana; assi wapiskawa kitta munisikā̔k. 36Mena una ka munisikāt o̔tinum tipa̔humakoowin, mena mawutche̔taw kistekan kakekā pimatissewini̔k isse: una ka pukitinikāt mena una ka munisikāt oo ga muma̔takoose̔tawaw tapiskooch. 37Mena ota o̔che unima itwāwin ā tapwāmuku̔k, Pāuk pukitinikāo, mena kotuk oweyuk munisikāo. 38Ke ke̔ isitissa̔hootinawaw kitta munisikāyāk itta āka ka ke̔ utooskatumāk: kotukuk ayiseyinewuk ke̔ utooskāwuk, maka keyawaw ket ayanawaw oot utooskāwinewawa.
39Mena me̔chāt Samaritanuk ākota ke̔che waskahikuni̔k tapwā̔towāwuk weya iskwāo oot itwāwin o̔che, ka ke̔ itwāt, Ne we̔tumak ka̔keyow kākwi ka ke̔ pā totumwuk. 40Ākose ispe Samaritana ka̔ natikoot, see̔kimāwuk kitta weetuppimikootchik: ākose nesoo kesikawa ākota ke̔ ayaw. 41Mena owusimā me̔chāt tapwa̔tumwuk weya kā̔chewak oot ayumewin o̔che; 42Mena itāwuk iskwāwa, Ākwa ne tapwā̔tānan, numoweya ket itwāwin o̔che: maka neyanan kā̔chewak ā ke̔ pā̔towukee̔t, mena ne kiskāye̔tānan owa tapwā una Christ, ka Pimache̔tat uske.
43Ākose ispe nesoo kesikawa ka̔ muyawepuyikee ke̔ sipwā̔tāo ākota o̔che, mena ke̔ itoo̔tāo Galileei̔k. 44Weya Jesus kā̔chewak ke̔ itwāo, ookiskewāhikāo oot uskee̔k kistāyimikoowin numma ayaw. 45Ispe maka tākoosee̔k Galileei̔k, Galileana meyo otinik, ā ke̔ wapu̔tu̔kik ka̔keyow kākwia ka ke̔ totu̔k we̔ko̔toowini̔k Jerusalemi̔k: chikāma weyawaw mena ā ke̔ itoo̔tātchik we̔ko̔toowini̔k. 46Ākose Jesus itoo̔tāo mena Cana Galileei̔k, itta nippe soominapoo̔k ka ke̔ isse̔tat. Ākose ke̔ e̔taw pāuk ke̔che ookemaw, oo’ koosisa ā a̔kooseyit Capernaumi̔k. 47Ispe ka̔ pā̔tu̔k Jesusa ā ke̔ pā itoo̔tāyit Galileei̔k Judea o̔che, natāo, mena pukoosāyimāo kitta pā ma̔hiskumeyit, mena kitta kekāhayit oo’ koosisa: weya kākach ā nippeyit. 48Ākose Jesus omisse itāo, Patima ke̔ wapu̔tumune kiskahikuna mena mamuskache kākwia, numoweya ke ga tapwā̔tān. 49Ke̔che Ookemaw omisse itāo, Ookemaw pā ma̔hiska ā moyā nippit net owasimis. 50Jesus omisse itāo, Kewā; ke’ koosis pimatissew. Ākose una napāo tapwā̔tumwāo oot ayumewineyew Jesusa ka ke̔ itikoot, mena kewāo. 51Ākose ā utte ma̔hisku̔k, oot utooskāyakuna nukiskak, mena we̔tumak, omisse, Ke’ koosis pimatissew. 52Ākose kukwāchimāo unima tipa̔hikun ispe ā mache meyo ayayit. Ākose omisse itāwuk, Otakoosee̔k mākwach tāpukoo̔p tipa̔hikun kissesoowe a̔koosewin nukutik. 53Ākose O̔taweya kiskāye̔tumeyewa mākwach āwuko tipa̔hikun, ispe Jesusa ka ke̔ itikoot, Ke’ koosis pimatissew: ākose kā̔chewak weya tapwā̔tum, mena ka̔keyow ā i̔tusseyit oo waskahikuni̔k. 54Āwuko oma mena neeswaw Jesus ā mamuskache isse̔chekāt, ispe ā ke̔ pā itoo̔tāt Galilee̔k Judea o̔che.
S'ha seleccionat:
OO MEYO ACHIMOOWIN ST JOHN 4: CSW
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
First published by the British and Foreign Bible Society 1876-1877.