OO MEYO ACHIMOOWIN ST MARK 15
15
PISKE̔TUSSINA̔HIKUN XV.
1Ākose sāmak ā kākesāpayayik ke̔che ayumehāwekemawuk mamowe ooyussoowāwuk ussitche kāsāyinee̔ku̔tumeyit mena oomussina̔hikāwa ussitche missewā ooyussoowāwin, mena tu̔koopitāwuk Jesusa, mena sipwā̔tahāwuk, ākose pukitinumowāwuk Pilatea. 2Ākose Pilate kukwāchimāo, Keya che oo Ke̔che Ookemamewawa Jewuk? Ākose nuskwāwusehāo mena omisse itāo, Ket itwan mana maka. 3Ākose ke̔che ayumehāwekemawuk misimāwuk me̔chāt kākwia o̔che: maka numma wawach nantow isse nuskwāwuse̔twaw. 4Ākose Pilate mena kukwāchimāo, omisse ā itwāt, Numma wawach che nantow ket isse nuskwāwuse̔twan? cheest tantu̔to kākwia wa̔ o̔che misimiskik. 5Maka Jesus kāyapitch numma wawach nantow isse nuskwāwuse̔twaw; ākose Pilate mamuskatum.
6Unima maka we̔koo̔toowini̔k oo we̔ke pukitinumowa̔ty pāuk kipa̔wakuna, piko unehee ā nutowāyimayit. 7Mena oot e̔ta̔ty pāuk Barabbas ā isseni̔kasoot, ā weche tu̔koopissoomat unehee ka ke̔ wechāwikoot ā keese̔tatchik mikooskacheayawin, ā ke̔ nippa̔takāyit mikooskacheayawini̔k. 8Ākose ookistukāwe ayiseyinewuk soo̔ke ā tāpwātchik mache nutowāyimāwuk kitta totakootchik ā ke̔ isse mosuk totakootchik. 9Maka Pilate nuskwāwusehāo, omisse ā itwāt, Ket itāye̔tānawaw che kitta pukitinumatukook oo Ke̔che Ookemamewawa Jewuk? 10Chikāma ā kiskāye̔tu̔k ke̔che ayumehāwekemawa ā ke̔ pukitinayit o̔tāye̔toowin o̔che. 11Maka ke̔che ayumehāwekemawuk see̔kiskowāwuk ayiseyinewa, nowutch kitta pukitinumakootchik Barabbasa. 12Ākose mena Pilate nuskwāwusehāo mena omisse itāo, Tanse ātāye̔tumāk kitta totowuk una oo Ke̔che Ookemamewawa Jewuk ka itāk? 13Ākose mena omisse isse tāpwāwuk, Cheestahaskwas. 14Ākose Pilate omisse itāo, Tanā̔kā, kāko muche kākwi ka totu̔k? Ākose owusimā nowutch soo̔ke tāpwāwuk Cheestahaskwas. 15Ākose maka Pilate, ā itāye̔tu̔k kitta na̔heyowāhat ayiseyinewa, pukitinumowāo Barabbasa, mena pukitināo Jesusa, ispe ka̔ pusustā̔wat, kitta cheestahaskwatimee̔t.
16Ākose semakunisuk itoo̔tahāwuk ooyussoowāwekumikoo̔k, Pretorium ā itumoo̔t; ākose mamowe nutoomāwuk ka̔keyow ā̔tusseyit semakunisa. 17Ākose weya̔tahāwuk mi̔kwākin o̔che, mena upe̔katumwuk ke̔che ookemawe ustotin missekaweminukuseä o̔che, ākose ustawāwuk oo’ stikwaneyee̔k, 18Mena mache utumiskowāwuk, omisse, Wacheyā, ka Ke̔che Tipāyimutchik Jewuk! 19Mena ootama̔wāwuk oo’ stikwaneyee̔k ustakunuskoose o̔che, mena ke̔ see̔kwatāwuk, ākose ā namekāyitchik ā putuppeestowatchik. 20Ākose ka̔ mātowakatatchik, otinumwāwuk mi̔kwākin, ākose poostiskumoteyāwuk oot ayoowiniseyewa, mena wuyowe̔tahāwuk kitta cheestahaskwatatchik. 21Ākose sakoochimāwuk pāuk Simona ā Cyrenianeweyit, ā pimoo̔tāyit ākota, uskee̔k ā o̔to̔tāyit, oo̔’ tawewawa Alexander mena Rufus, kitta oonikatumeyit oo pimitaskwa̔hikuneyew. 22Ākose pāsewāwuk Golgothai̔k isse, āwukwane, ā itwā̔k, Itta oostikwanekunekākun ā ayak. 23Ākose meeyāwuk kitta mini̔kwāyit soominapöe ā keyikowinekatāyik myrrh: maka numoweya ke̔ otinum.
24Ākose ispe ka̔ cheestahaskwatatchik, matinumatoowuk oot ayoowiniseyewa, ā kootāye̔tu̔kik, kākwan tu̔to napāo kā otinu̔k. 25Mena nantow nistoo tipa̔hikun ispee̔che kesikapun, ispe ā cheestahaskwatatchik. 26Ākose mussina̔hikāwin itta ka ke̔ o̔che misimee̔t ke̔ mussina̔hikatāyew tu̔koo̔ch, Oo Ke̔che Ookemamewawa Jewuk. 27Mena ussitche cheestahaskwatāwuk nesoo ookimootiska; pāuk oo ke̔cheniski̔k, mena kotuk oo’ numu̔tini̔k. 28Ākose ke̔che mussina̔hikāwin ke̔ tipepuyew, ka itwāmuku̔k, Mena ke̔ ussitukimaw keyekow oomuchatissewa.
29Ākose unekee ka pimoo̔tātchik ākota nunatoo̔koomāwuk, ā nunamiskwāyitchik, mena omisse ā itwātchik, Ah, keya ka nissewunache̔tayun ke̔che ayumehāwekumik, mena ka ose̔tayun ā nistoo kesikak, 30Pimachehissoo, mena pā nee̔tukoosee pimitaskwahikuni̔k o̔che. 31Neestawaw ussitche ke̔che ayumehāwekemawuk ā nunatoo̔koomatchik omisse ā ititootchik ussitche oomussina̔hikāwuk, Ke̔ pimachebāo kotuka; weya kā̔chewak numoweya ke̔ pimachehissoo. 32Ma̔te Christ oo Ke̔che Ookemamewawa Israel ākwa kittā nee̔tukooseew pimitaskwahikuni̔k o̔che, kitta ke̔ wapu̔tumu̔k mena tapwā̔tumu̔k. Mena unehee ka ke̔ weche cheestahaskwatee̔t ke̔kamik.
33Ākose ispe nikootwasik tipa̔hikun wāche̔chepuyik, ke̔ kusketipiskaw missewā uskee̔k peyis kāka metatu̔t tipa̔hikun isko. 34Ākose kāka metatu̔t tipa̔hikun Jesus tāpwāo ā kisseewāt, omisse ā itwāt, Eloi, Eloi, lama sabachthani? āwukwane, ā itwā̔k, Ne Munetoom, ne Munetoom, tanā̔kā wā̔che ke̔ nukuseyun? 35Ākose atee̔t unekee ka nepowitchik ākota, ispe peyā̔tu̔kik, omisse itwāwuk, Cheest, tāpwatāo Eliasa. 36Ākose pāuk ispu̔taw mena sakuskinahāo yi̔ka̔hipana seewe̔kapoë o̔che, mena ustaw ustakunuskoosee̔k, mena meeyāo kitta mini̔kwāyit, omisse ā itwāt, Āka totumook; ma̔te wapu̔tu̔tan keespin Eliasa kā pā nee̔tinikookwā. 37Ākose Jesus tāpwāo ā kisseewāt, mena sipwācha̔kwāo.
38Ākose unima ka kipa̔hikakanewu̔k ke̔che ayumehāwekumikoo̔k nesoo̔tāpuyew isp imi̔k o̔che nee̔che isse.
39Ākose ispe una semakunisewekemaw, ka nepowit tipiskooch weya, weäpu̔tu̔k ākose ā isse tāpwāyit, mena ā sipwācha̔kwāyit, omisse itwāo, Tapwā owa napāo ke̔ MunetooweKoosisanewew. 40Oot aya̔tawaw ussitche iskwāwuk ā kunowapitchik wa̔yow o̔che: ākota neesta oot aya̔ty Mary Magdalene, mena Mary oo’ kaweya James noo̔tow ka ispee̔tisseet ussitche Joses, mena Salome; 41(Weyawaw ussitche, ispe Galileei̔k ā ayayit, ka ke̔ pimitissa̔watchik, mena ka ke̔ pumeestowatchik); mena me̔chāt kotukuk iskwāwuk ā ke̔ pā wechāwatchik Jerusalemi̔k isse.
42Ākose ākwa ispe wātakoosik, chikāma mākwach muneeschekāwe kesikapun, āwukwane, unima kesikaw ā moyā ayumehāwe kesikak, 43Joseph Arimatheai̔k ā o̔cheet ā kistāye̔takoosit ooyussoowāo, neesta ā pā̔tat Muneto oot otānowepin, pā itoo̔tāo, mena soo̔ketā̔hāwe pee̔tokowāo Pilatea, mena nutotum we’yoweyew Jesusa. 44Ākose Pilate mamuskatum keespin assi ka̔ nippeyikwā: ākose nutoomāo semakunisewekemawa, kukwāchimāo keespin nowutch kinwās uspin ka ke̔ nippeyit. 45Ākose ispe kāskāye̔tu̔k semakunisewekemawa ā we̔tumakoot, meeyāo meyoweyew Josepha. 46Ākose utawāo ā meywasineyik wapiske pupukewuyanākin, mena nee̔tināo, mena wāwākināo ākota wapiske pupukewuyanākinoo̔k, mena a̔yāo pee̔che chepuyekumikoo̔k ā ke̔ wayapiskutahumoo̔t kistapiska̔k o̔che, mena te̔tipināo ussineä ā isse iskwa̔tāmewuneyik chepuyekumikooyew. 47Ākose Mary Magdalene mena Mary oo’ kaweya Joses wapu̔tumwuk itta ā ke̔ a̔yimee̔t.
S'ha seleccionat:
OO MEYO ACHIMOOWIN ST MARK 15: CSW
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
First published by the British and Foreign Bible Society 1876-1877.