लूका 15
15
हाँईचैयौंदी भेड़ो का उदारण
(मत्ती 18:12-14)
1सौबै मामला लोणो वाल़ै औरौ पापी लोग यीशु की बातौ शुणणौ कारिए तैसकै धोरे ओऊवे। 2पौरौ फरीसी औरौ यहूदी शास्त्री लोग खिजैयौ बौलदै लागै, “ऐजा तौ पापी लोगौआरी रौंव औरौ तिनकै साथै खाया-पैया बै कौरौ।” 3तोबै यीशुए तिनु ऐक उदारण दैयौ बौल़ौ: 4“जै तुऔं मुंजी कोसीयागे सौ भेड़ो हौंव, औरौ तिनुमुंजी दै ऐक हाँईची जांव, तौ तुऐं पाका नीनाणुवें भेड़ो कै शुनशान जौगैह दी छोड़े दैलै, औरौ तांव तौड़ी तियौं ऐक हाँईचैयौंदी भेड़ कै जौया कौरदै, जांव तौड़ी सै भैटी नी जांव। 5औरौ जोबै सैजै भेड़ भैटी जांव, तोबै सै बौड़ै खुश हौयौ तियौं कांधे पांदी टिपै दैंव। 6औरौ आपणै घोरे आयौ दोस्तो औरौ पड़ोसी कै कौठै कौरेयौ बौल़ौ, ‘मैरै साथै जोश्न मोनांव, जिथुकै मैरै हाँईचैयौंदी भेड़ भैटी गौए।’ 7हांव तुऔं बुलू; कै ऐशैखैई ऐक पाप कौरणौवाल़ै आदमी कै बारै मुंजी बै स्वर्ग दा ऐतरा ही जोश्न हौंदा, जिशैक कै नीनाणुवें ऐशणै धरमी लोगौ कै बारै मुंजी ना मौनाया जांदा, जिनु पाप कौरणै छौड़णौ कै जौरुरत ना आथी।”
हाँईचैयौंदी सिक्कै का उदारण
8“यीशुए लोगौ कै ऐक उदारण दिया, जै कोसी बैटमाणिश कैंई दस चांदी कै सिक्कै हौंव औरौ तियांरा ऐक सिका हाँईची जांव, तौ सै दिवा बाल़ेयौ, औरौ घोरो पुंडा झाड़ू लांव औरौ तांव तौड़ी ध्यान शै जोन्दै रौंव जांव तौड़ी सैजा सिका भैटी नी जांव। 9औरौ जोबै सैजा सिका भैटी जांव, तौ सै आपणै सहैली औरौ पड़ोसी कै कौठै कौरेयौ बौल़ौ, ‘कै मैरै साथै जशन मोनांव, जिथुकै मैरा हाँईचैयौंदा सिका भैटी गौआ।’ 10हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्वर्ग दी पौरमेशवर कै स्वर्गदूतौ कै औरौ सोबी कै खुशी हौंव।”
उड़ाऊ बैटै का उदारण
11यीशुए हौजौ ऐक उदारण दिया, “कोसी आदमी कै दो बैटै थिए। 12तिनुमुंजी नानड़ै बैटै बापू खै बौल़ौ, ‘ओए रै बापू, हांव ताखै मौरणौ तौड़ी ना ठौल़ सौकु इथकारिए तोंवारै जायदात मुंजीदा जूंजा हिस्सा मैरा बौणौ सैजा मुखै दैय दै।’ बापूए दु बैटै खै आपणै जायदात बांडै दै। 13किछै दूसौ कै बाद नानड़ै बैटै आपणै हिस्से कै सौबै जायदात बैकै दै औरौ तिथकै जू पौएसै भैटी साथै नियौ घोर छोड़ दियु औरौ दूर देशो खै हौटै गौआ, औरौ तिथै तैणै आपणै सौबै जायदात बुरै कामौ दै उड़ाए दै। 14जोबै तैणै आपणै सौबै पौयसै खोर्च कौर दिए, तौ तैसी देशो दा बौड़ा काल़ पौड़ा, औरौ तैसीयांगै खाणौ कारिए किछै ना बोची। 15इथकारिए सै तैसी देशो कै रौणौवाल़ै ऐकी आदमी कै इथै काम कौरदा हौटा, तैसी आदमीए तैसी आपणै खेतौ दा सुंगरों चोराणो कै छाड़ा। 16औरौ सै ऐतरा भूखा थिया, कै सै सैजौ खाणौं खाणौ लैई बै खुश थिया जू सुंगर खांव थिए, कै तिथलैई आपणा पेट भोरो; पौरौ तैसी कुणिए किछै नै दैंव थिए। 17जोबै सै आपणै होशो दा ओऊवा, तोबै बौलदा लागा, ‘मैरै बापू कै घोरे कैतरै मजदूरो खै जौरुरत शै जादा रोटी भैटौ, पौरौ हांव इथै भूखा मौरदा लागै रौआ।’ 18हांव ऐबै बिज़यो आपणै बापू कै धोरे जोऊंबा औरौ तैसी बौलदा कै, ‘ओए रै बापू मोऐं पौरमेशवर कै खिलाफ औरौ तैरी नोज़रो दा पाप कौरे राए। 19हांव ऐबै तैरा बैटा बौलणौ कै लायक ना रौई, मुखै आपणै ऐकी मजदूर कै जैशणा राखी दै।’
उड़ाऊ बैटै कौ पाछु आणौ
20तोबै सै तैसी देशो कै छोडे़बा आपणै बापू कै धोरे जाणौ कारिए पाछु हौटा। सै इबी दूर ही थिया कै तैसकै बापूए तैसी दैखैयो तरस खोऊवा, औरौ बैटै कै ढौबौ दौड़ैबा तैसी गल़े लोऊवा, औरौ बौहुता खुपटियोऊवा। 21बैटै तैसी बौल़ौ, ‘ओए रै बापू जी, मोऐं पौरमेशवर कै खिलाफ औरौ तैरी नोजोर दा पाप कौरे राए; औरौ हांव ऐबै तैरा बैटा बौलणौ कै लायक ना रौई।’ 22पौरौ बापूए आपणै नोकरो खै बौल़ौ, ‘शोट बोड़िया शै बोड़िया खोटणो निकाल़ैयो ऐसीकै बोम्बांव, औरौ ऐसकी हाथौ दी कांगणी औरौ लातो दी जूती लाव। 23औरौ बौड़ै दावत तैयार कौरौ ताकि आमु खोऊं औरौ जोश्न मोनाए सौकु। 24जिथुकै मोऐं ऐजौ सोंचै राए थियु, कै मैरा नानड़ा बैटा मौरे गौआ, पौरौ ऐबै जियुंदा औसौ ऐजा हाँईची रौआ थिया, औरौ ऐबै भैटी गौआ।’ औरौ सै सौबै जोणे जोश्न मोनादै लागै।
बौड़ै बैटै कै शिकायत
25जोबै ऐजौ हौंदौ लागै रौव थियु, तौ तैसका जैठा बैटा बागड़ी दा थिया। जोबै सै पाछु आन्दै बैई घोरो कै नेड़िक पोऊंचा, तौ तैणै गाणै बोजाणे औरौ नाचणो की आवाज़ शुणी। 26औरौ तैणै ऐकी नोकरो खै बौएदैयौ पूछु, ‘इथै का हौंदौ लागै रो?’ 27औरौ तैणै तैसी बौल़ौ, ‘तैरा भाए घोरे पाछु आए रौआ औरौ तैरै बापूए ऐक बौड़ा दावत तैयार कौरे राए, इथकारिए कै तैसी आछा भोला पाया।’ 28ऐजौ शोणेयो सै गुस्से दा भोरै गौआ, औरौ घोर कै भीतरै नी हुटी, इथकारिए तैसका बापू बायरै ओऊवा औरौ तैसी घोरो कै भीतरै आणौ कारिए बिन्ती कौरदा लागा। 29पौरौ तैणै बापू खै जोवाब दिया, ‘दैख, मोऐं ऐतरै सालो तौड़ी तैरै सेवा कौरे लोए औरौ कौलोंई बै तैरै बात ना टाल़ी, तोबै बै तुऐं मुखै कौलोंई बै आछौ ना दी कै हांव आपणै दोस्तो कै साथै जोश्न मोनाए सौकु। 30पौरौ जौल़ौ तैरा ऐजा बैटा ओऊवा, जैणै तैरै जायदात वेश्याओं मुंजी उड़ाए दै, तौ तैसी कारिए तुऐं ऐक बौड़ै दावत तैयार कौरे।’ 31बापूए तैसी बौल़ौ, ‘मैरा बैटा, तू सौदा मैरै साथै औसौ; औरौ जू किछै मैरौ औसौ सै सौबै तैरौ औसौ।’ 32पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”
S'ha seleccionat:
लूका 15: SRXNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
लूका 15
15
हाँईचैयौंदी भेड़ो का उदारण
(मत्ती 18:12-14)
1सौबै मामला लोणो वाल़ै औरौ पापी लोग यीशु की बातौ शुणणौ कारिए तैसकै धोरे ओऊवे। 2पौरौ फरीसी औरौ यहूदी शास्त्री लोग खिजैयौ बौलदै लागै, “ऐजा तौ पापी लोगौआरी रौंव औरौ तिनकै साथै खाया-पैया बै कौरौ।” 3तोबै यीशुए तिनु ऐक उदारण दैयौ बौल़ौ: 4“जै तुऔं मुंजी कोसीयागे सौ भेड़ो हौंव, औरौ तिनुमुंजी दै ऐक हाँईची जांव, तौ तुऐं पाका नीनाणुवें भेड़ो कै शुनशान जौगैह दी छोड़े दैलै, औरौ तांव तौड़ी तियौं ऐक हाँईचैयौंदी भेड़ कै जौया कौरदै, जांव तौड़ी सै भैटी नी जांव। 5औरौ जोबै सैजै भेड़ भैटी जांव, तोबै सै बौड़ै खुश हौयौ तियौं कांधे पांदी टिपै दैंव। 6औरौ आपणै घोरे आयौ दोस्तो औरौ पड़ोसी कै कौठै कौरेयौ बौल़ौ, ‘मैरै साथै जोश्न मोनांव, जिथुकै मैरै हाँईचैयौंदी भेड़ भैटी गौए।’ 7हांव तुऔं बुलू; कै ऐशैखैई ऐक पाप कौरणौवाल़ै आदमी कै बारै मुंजी बै स्वर्ग दा ऐतरा ही जोश्न हौंदा, जिशैक कै नीनाणुवें ऐशणै धरमी लोगौ कै बारै मुंजी ना मौनाया जांदा, जिनु पाप कौरणै छौड़णौ कै जौरुरत ना आथी।”
हाँईचैयौंदी सिक्कै का उदारण
8“यीशुए लोगौ कै ऐक उदारण दिया, जै कोसी बैटमाणिश कैंई दस चांदी कै सिक्कै हौंव औरौ तियांरा ऐक सिका हाँईची जांव, तौ सै दिवा बाल़ेयौ, औरौ घोरो पुंडा झाड़ू लांव औरौ तांव तौड़ी ध्यान शै जोन्दै रौंव जांव तौड़ी सैजा सिका भैटी नी जांव। 9औरौ जोबै सैजा सिका भैटी जांव, तौ सै आपणै सहैली औरौ पड़ोसी कै कौठै कौरेयौ बौल़ौ, ‘कै मैरै साथै जशन मोनांव, जिथुकै मैरा हाँईचैयौंदा सिका भैटी गौआ।’ 10हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्वर्ग दी पौरमेशवर कै स्वर्गदूतौ कै औरौ सोबी कै खुशी हौंव।”
उड़ाऊ बैटै का उदारण
11यीशुए हौजौ ऐक उदारण दिया, “कोसी आदमी कै दो बैटै थिए। 12तिनुमुंजी नानड़ै बैटै बापू खै बौल़ौ, ‘ओए रै बापू, हांव ताखै मौरणौ तौड़ी ना ठौल़ सौकु इथकारिए तोंवारै जायदात मुंजीदा जूंजा हिस्सा मैरा बौणौ सैजा मुखै दैय दै।’ बापूए दु बैटै खै आपणै जायदात बांडै दै। 13किछै दूसौ कै बाद नानड़ै बैटै आपणै हिस्से कै सौबै जायदात बैकै दै औरौ तिथकै जू पौएसै भैटी साथै नियौ घोर छोड़ दियु औरौ दूर देशो खै हौटै गौआ, औरौ तिथै तैणै आपणै सौबै जायदात बुरै कामौ दै उड़ाए दै। 14जोबै तैणै आपणै सौबै पौयसै खोर्च कौर दिए, तौ तैसी देशो दा बौड़ा काल़ पौड़ा, औरौ तैसीयांगै खाणौ कारिए किछै ना बोची। 15इथकारिए सै तैसी देशो कै रौणौवाल़ै ऐकी आदमी कै इथै काम कौरदा हौटा, तैसी आदमीए तैसी आपणै खेतौ दा सुंगरों चोराणो कै छाड़ा। 16औरौ सै ऐतरा भूखा थिया, कै सै सैजौ खाणौं खाणौ लैई बै खुश थिया जू सुंगर खांव थिए, कै तिथलैई आपणा पेट भोरो; पौरौ तैसी कुणिए किछै नै दैंव थिए। 17जोबै सै आपणै होशो दा ओऊवा, तोबै बौलदा लागा, ‘मैरै बापू कै घोरे कैतरै मजदूरो खै जौरुरत शै जादा रोटी भैटौ, पौरौ हांव इथै भूखा मौरदा लागै रौआ।’ 18हांव ऐबै बिज़यो आपणै बापू कै धोरे जोऊंबा औरौ तैसी बौलदा कै, ‘ओए रै बापू मोऐं पौरमेशवर कै खिलाफ औरौ तैरी नोज़रो दा पाप कौरे राए। 19हांव ऐबै तैरा बैटा बौलणौ कै लायक ना रौई, मुखै आपणै ऐकी मजदूर कै जैशणा राखी दै।’
उड़ाऊ बैटै कौ पाछु आणौ
20तोबै सै तैसी देशो कै छोडे़बा आपणै बापू कै धोरे जाणौ कारिए पाछु हौटा। सै इबी दूर ही थिया कै तैसकै बापूए तैसी दैखैयो तरस खोऊवा, औरौ बैटै कै ढौबौ दौड़ैबा तैसी गल़े लोऊवा, औरौ बौहुता खुपटियोऊवा। 21बैटै तैसी बौल़ौ, ‘ओए रै बापू जी, मोऐं पौरमेशवर कै खिलाफ औरौ तैरी नोजोर दा पाप कौरे राए; औरौ हांव ऐबै तैरा बैटा बौलणौ कै लायक ना रौई।’ 22पौरौ बापूए आपणै नोकरो खै बौल़ौ, ‘शोट बोड़िया शै बोड़िया खोटणो निकाल़ैयो ऐसीकै बोम्बांव, औरौ ऐसकी हाथौ दी कांगणी औरौ लातो दी जूती लाव। 23औरौ बौड़ै दावत तैयार कौरौ ताकि आमु खोऊं औरौ जोश्न मोनाए सौकु। 24जिथुकै मोऐं ऐजौ सोंचै राए थियु, कै मैरा नानड़ा बैटा मौरे गौआ, पौरौ ऐबै जियुंदा औसौ ऐजा हाँईची रौआ थिया, औरौ ऐबै भैटी गौआ।’ औरौ सै सौबै जोणे जोश्न मोनादै लागै।
बौड़ै बैटै कै शिकायत
25जोबै ऐजौ हौंदौ लागै रौव थियु, तौ तैसका जैठा बैटा बागड़ी दा थिया। जोबै सै पाछु आन्दै बैई घोरो कै नेड़िक पोऊंचा, तौ तैणै गाणै बोजाणे औरौ नाचणो की आवाज़ शुणी। 26औरौ तैणै ऐकी नोकरो खै बौएदैयौ पूछु, ‘इथै का हौंदौ लागै रो?’ 27औरौ तैणै तैसी बौल़ौ, ‘तैरा भाए घोरे पाछु आए रौआ औरौ तैरै बापूए ऐक बौड़ा दावत तैयार कौरे राए, इथकारिए कै तैसी आछा भोला पाया।’ 28ऐजौ शोणेयो सै गुस्से दा भोरै गौआ, औरौ घोर कै भीतरै नी हुटी, इथकारिए तैसका बापू बायरै ओऊवा औरौ तैसी घोरो कै भीतरै आणौ कारिए बिन्ती कौरदा लागा। 29पौरौ तैणै बापू खै जोवाब दिया, ‘दैख, मोऐं ऐतरै सालो तौड़ी तैरै सेवा कौरे लोए औरौ कौलोंई बै तैरै बात ना टाल़ी, तोबै बै तुऐं मुखै कौलोंई बै आछौ ना दी कै हांव आपणै दोस्तो कै साथै जोश्न मोनाए सौकु। 30पौरौ जौल़ौ तैरा ऐजा बैटा ओऊवा, जैणै तैरै जायदात वेश्याओं मुंजी उड़ाए दै, तौ तैसी कारिए तुऐं ऐक बौड़ै दावत तैयार कौरे।’ 31बापूए तैसी बौल़ौ, ‘मैरा बैटा, तू सौदा मैरै साथै औसौ; औरौ जू किछै मैरौ औसौ सै सौबै तैरौ औसौ।’ 32पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.