Salm 93
93
Duw, y Brenin
1Yr ARGLWYDD sy’n teyrnasu!
Mae wedi’i arwisgo’n hardd.
Mae’r ARGLWYDD wedi’i arwisgo,
a’i gryfder fel gwregys am ei ganol.
Mae’r ddaear yn saff, a does dim modd ei symud!
2Cest dy orseddu’n frenin amser maith yn ôl;
ti wedi bodoli bob amser!
3Roedd y tonnau’n codi’n uchel, O ARGLWYDD,
roedd sŵn y tonnau fel taranau,
sŵn y tonnau trwm yn torri.
4Ond roedd yr ARGLWYDD, sydd yn uwch na’r cwbl,
yn gryfach na sŵn y dyfroedd mawr,
ac yn gryfach na thonnau mawr y môr.
5Mae dy orchmynion di yn hollol sicr.
Sancteiddrwydd sy’n addurno dy dŷ,
O ARGLWYDD, a hynny am byth!
S'ha seleccionat:
Salm 93: bnet
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Cymdeithas y Beibl 2023