Matayo 1
1
Ikipelela kya Yesu Kilisiti
(Luka 3:23-38)
1Aga ge mataawa ga kipelela kya Yesu Kilisiti#1:1 Kilisiti Kwe kutigila Mesiya, umuunu ye aahaaguliilwe nu kutumwa nu Nguluvi kuvapoka avaanu vonda ngita Mupoki, nu kutema avaanu mu wutwa waakwe ngita Mutwa. Lole UKilisiti ku Figanulo. ye aahumile mu kipelela kya mutwa Dawudi ni kya Abulahamu.
2UAbulahamu amuvegiye uIsaka,
uIsaka akumuvegalaga uYakobo,
uYakobo akumuvegalaga uYuda na vanungʼuve.
3UYuda akumuvegalaga uPelesi nu Sela kwa Tamali,
uPelesi akumuvegalaga uHesiloni,
uHesiloni akumuvegalaga uAlamu,
4uAlamu akumuvegalaga uAminadabu,
uAminadabu akumuvegalaga uNasoni,
uNasoni akumuvegalaga uSalumoni.
5USalumoni akumuvegalaga uBohasi kwa Lahabu,
uBohasi akumuvegalaga uObedi kwa Luti,
uObedi akumuvegalaga uYese,
6uYese akumuvegalaga umutwa Dawudi.
UDawudi akumuvegalaga uSelemani kwa mwayuuva ye aali mudala va Uliya.#1:6 Mudala va Uliya Ilitaawa lyakwe aali Batiseba, 2 Samweli 11:3.
7USelemani akumuvegalaga uLehobohamu,
uLehobohamu akumuvegalaga uAbiya,
uAbiya akumuvegalaga uAsafu,
8uAsafu akumuvegalaga uYehosafwati,
uYehosafwati akumuvegalaga uYolamu,
uYolamu akumuvegalaga uOsya.
9UOsya akumuvegalaga uYotamu,
uYotamu akumuvegalaga uAhasi,
uAhasi akumuvegalaga uHesekya,
10uHesekya akumuvegalaga uManase,
uManase akumuvegalaga uAmoni,
uAmoni akumuvegalaga uYosya.
11UYosya akumuvegalaga uYekoniya na vanungʼuve. Umusika ugu, aVaisilaheli vaasindiikwe ku wugalulano ku nyi ya Babeli.
12AVaisilaheli pe vaaviye vágaluliilwe kula ku Babeli,
uYekoniya akumuvegalaga uSalatyeli,
uSalatyeli akumuvegalaga uSelubabeli,
13uSelubabeli akumuvegalaga uAbyudi,
uAbyudi akumuvegalaga uElyakimu,
uElyakimu akumuvegalaga uAsoli.
14UAsoli akumuvegalaga uSadoki,
uSadoki akumuvegalaga uAkimu,
uAkimu akumuvegalaga uElyudi,
15uElyudi akumuvegalaga uElyasali,
uElyasali akumuvegalaga uMatani,
nu Matani akumuvegalaga uYakobo.
16UYakobo akumuvegalaga uYosefu, umugoosi va Maliya.
UMaliya uyo ye ngʼina va Yesu ye iikemeelwa Mesiya.#1:16 Mesiya Ilitaawa ili pamwinga ni litaawa Kilisiti, gonda gali kiganulo kimwinga. Lole UKilisiti ku Figanulo.
17Neke ukuvangila uAbulahamu ukufikila kwa mutwa Dawudi, kwali ni fivegalo finyikyumi ni fitayi (14). Kangi ukuvangila uDawudi ukufikila aVaisilaheli pe viisindikwa ku wugalulano ku Babeli, kwali ni fivegalo finyikyumi ni fitayi. Kangi ukuhuma pe viisindikwa ku wugalulano ukufikila umusika gwa kuholwa kwa Kilisiti, kwali ni fivegalo finyikyumi ni fitayi.
Ukuholwa kwa Yesu Kilisiti
(Luka 2:1-7)
18Ukuholwa kwa Yesu Kilisiti kwali endee. Ungʼina va Yesu ilitaawa lyakwe Maliya, aabaanyiilwe nu Yosefu. Umusika ugo pe aali asinaa atawuka, aawoniike ukutigila, ali nu wuvaha wugendela mwa Mubepo uMwimike. 19Neke kangi uYosefu umufwike vaakwe,#1:19 Umufwike vaakwe Mu mivedzehedze gya Vayahudi, umudiimi nu muhindza pe víibaanyile, lwalongwaga umusika ugo ukutigila vátooliine, nde vavedze vaasakulwaga ukudzindila mwaka gumwinga ukufikila ukwikalasa. aali mugolofu pa miiho ga Nguluvi, lwe lwene asaaweene lunofu ukumuyeyewusa uMaliya pa lilugu, neke ahoodzage ukumuleka kinyele.
20Pe aaviye áhoodziidze idzo, umunyamwandza#1:20 Umunyamwandza Lole Avanyamwandza ku Figanulo. va Mutwa Nguluvi akumuwonekelaga mu lulooto. Akumulongelaga iitigilaga, “Yosefu, ye úhumile mu kipelela kya mutwa Dawudi, utane ukoogopa ukumutoola uMaliya, pakuva uwuvaha we ali nawo, ápeeliilwe wugendela mwa Mubepo uMwimike. 21Ahadza iivegala umwana umudiimi, na yuuve umupeelage ilitaawa Yesu,#1:21 Yesu Ilitaawa ili kwe kutigila, uNguluvi iipoka. pakuva ye mwene ye alavapoka avaanu vaakwe ukuhuma mu ndzanangifu dzaawo.”
22Dzonda idzo dzaahumiye ukuta likwile ilidzwi lya Mutwa Nguluvi, lye aalongile wugendela wa muvidzi ukutigila, 23“Lolage! Umuhindza ye asimudzeeliye umugoosi alaavedza nu wuvaha, alaavegala umwana umudiimi! Navo valamupeela ilitaawa Imanweli.”#Isaya 7:14 Ikiganulo kyakwe kwe kutigila, uNguluvi pamwinga naafwe.
24UYosefu pe aalamwike, iilimaga ngita umunyamwandza va Mutwa Nguluvi kye akamulagiidze, akumutoolaga uMaliya. 25Neke kangi asaagendile nave ukufikila uMaliya pe iivegala umwana umudiimi. UYosefu akumupeelaga umwana uyo ilitaawa Yesu.
S'ha seleccionat:
Matayo 1: BEZ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 Wycliffe Bible Translators, Inc. All rights reserved.