Luk 7
7
Jisu Kriemhokezhau Kituou Chü Keshürhokeshü
(Mat 8:5-13)
1Siro Jisu die hako pupie mia kieshükewa sie tuo Kapernaum nu vota. 2Süki chüpahi kriemhokezhamia puo puo kekhrietho kituo puo mhachü di siatatuoü bata. 3Siro kezha süu Jisu dze sikeshü ki, puo bu vor puo kituou chü keshürhoshünu di Judamia phichümia huo ketseshü. 4Sidi uko Jisu ki vor tse, uko puo ki cha bei di sie, “No themia hauha ngumezhieshü zhü sekecü puo zowe, 5kekreilamonyü puo hie themiako khrieya, mu puo hie la sinagog chüshü zo.” 6Sitse Jisu uko ze vota, siro puo vor ki tsolieketuo cha ba moketa ki kezha süu puo kezemia kro puo ketsepie puo ki shü di puo ki, “Niepuu, no kemezhie tuo hietacie, kekreilamonyü n bu a ki khrükhro lerketuo a sü mo; 7süla a thuo rei vor n ze keseketuo a ziejüte. Derei dieca puorei pushü di a kituou bu shürhotacie. 8A rei kezhamia khro tuoyakezhamia puo, tsiu a khro rei chüpahimia ba; siro a mia puo bu, ‘Vocie’ ishü rei puo voya, mu kekreiu ki, ‘Vorcie’ ishü ro puo vorya, siro a kituou ki, ‘Hau chüshülie,’ ishü ro, kituou süu chüya.” 9Sitse Jisu die hau sikeshü ki themia süu ngupie puo ngota, sidi rürei vo puo siemedziketuo krodiu ki, “A nieko ki pushütuo, a Israelmia donu rei u kepele kezha hade ngu chie mo!” 10Siru dielieko la kinu vor tse puo kituou shürho baketa ngulie.
Jisu Samipfü Puo Nuou Chü Perhei Lakeshü
11Süsie cha ba kemonu#7:11 Leshü kewe huo nu Süsienhie si. puo tuo Nain ükecü rünau nu vota, tsiu puo pethakelieko mu themia krodi puo rei sa puo ze vo. 12Siro puo tuo rüna süu kharu penuo vozhü tse mia kesiamia puo pie prazhü. Kesia süusü puo zuo nuopfuliu, tsiu thenu süpfü rei samipfü puo; mu rünau nunu themia kekra puo ze di prazhü. 13Sitse Niepuu süpfü ngupie puo noumezhie di sie süpfü ki, “Kra hiecie.” 14Sidi puo tuo phi mopiera bieshü ru süu pieketuoko thata. Sitse puo sie, “Khriesau a n ki puya, no sieliecie!” 15Siru siaketau sie balie di die pu chielieta, siro Jisu puo khapie puo zuo tsüwa. 16Süki themiako michie phita, mu Ukepenuopfü tshe di sie, “Siedzekesi kezha puo u donu sierte!” mu “Ukepenuopfü puo themiako mehoshüte!” ita. 17Siro puo dze hau keza se Judia pete mu sükhieümhou keba rüna kheko nu vota.
Johan Mia Dzülukepfüu Dielieko
(Mat 11:2-19)
18Süsie Johan-e pethakelieko mha hako pete pie puo ki pushü. Süla Johan puoe pethakeliemia kenie kielie. 19Sidi unie ketsepie Niepuu ki shü di sie, “Mia puo vortuo üdi pukecüu no me? Mo hie bu kekreimia puo merü batuo ga?” si. 20Siro sünie puo ki vor tse sie puo ki, “Johan mia dzülukepfüu hienie ketsepie n ki shü di hienie bu n ki, ‘No vortuoüketuou mo, hie bu kekreimia puo pfhe la batuo ga?’ iyalie.” 21Süteiki Jisu mia kekra kechükenyü, tsiu kechü kere mu kesuo ruopfü bu u kebi ze ketuoko chü keshürhoshü, siro mhiciemia kekra mhi rei chü pevishü. 22Tsiu puo la sie sünie ki, “Vo di nnie kesikengu kheko pie Johan ki pushücie; mhiciemia mha ngulie bate, kerünyiemia chatuolie bate, mpa kechümia rei chü kemesalie bate, nyievümia mhapfhe silie bate, kesiamia chü perheilie bate, dieliekeviu pupie kejüko kieshü bate. 23Siro kehoupuorei a gei jata kemomia thejakepfütho,” sishü.
24Siro Johan chalienie tuoketa sie, Jisu krodiu ki Johan dze pu di sie, “Nie rayha nu kedipuo mehotuoü pra ga? Teikhrie bu he kele keba tekhriebo puo me? 25Mo nieko kedipuo mehotuoü pra ga? Themia u pfhenei kevi sekecümia mu ketheguo di lhoukezhamia kedikiko nu baya ze. 26Siüro nieko kedipuo mehotuoü pra ga? Siedzekesimia puo me? U, süu ketho, mu siedzekesimia ki rei zhakuokecü puo zo. 27Puo dze thiedzü thupie tuokecü:
‘Harie, a n zie kengu mhodzü a chalieu ketseshütuo,
mu puo n mhodzü nunu n cha kesetuo,’
siketuou sü puo zo. 28A nieko ki pushütuo, thenumia geinu lhou kevorko donu Johan ki kezha puorei lhou sier mo; derei Ukepenuopfü kedi nu we kecütho-u zorei puo ki zhakuo.” 29Siro themia peteko, khezhanuo khruoyakezhako rei sa, Jisu die sishü di Ukepenuopfü üse puotouu üphreta,#7:29 Moro Ukepenuopfü tsheta. uko Johan dzülu khakeshü nunu dzülupfükelie la. 30Derei Farisiko mu thezhokepethako we puo bu uko dzülu khashü mvü di uko thuo Ukepenuopfü medo-u meliewata.
31“A bu tsiedo kelhou phouu pie kedipuo ze kemejü ro puotou mu uko üse kedipuo mhie üta? 32Ukoe nhicuko lhithochü nu ba di huoniehuo kie di sie,
‘Hie luoü khoushü nie kie,
derei nie nashülie mo;
hie thekrü chüshü,
derei nie kralie mo,’
ikeba mhie zo. 33Kekreilamonyü Johan mia dzülukepfüu vorkecü niekhrüda cü mo mu zu rei krie mo ru nieko sie, ‘Puo terhuo kesuo zeya,’ si; 34siro Themia Nuou vor di mhacümhakrie ru, nieko sie, ‘Lere-i, mhakecü khu tsiu zu kekrie khu puo, khezhanuo kekhruoko mu mia u thiyakezhako khrietho-u,’ site. 35Siüderei puo nuonuoko pete geinu mhasiu mezhü ücü thashü.”
Jisu Simon Farisiu Kinu Kevo
36Va puo Farisimia puo Jisu bu vo puo ki nu mhacünu di kie, süla puo Farisiu ki vo di mhacütuoü ke balie. 37Süki nadi nunu kephoumamiapfü puo puoe Farisiu ki nu mhacütuoükecü silie di tier alabaster bou puo pie vor. 38Sidi puo Jisu sietsa puo phi ki tha, di kra tha ru puo mhidzü potsu Jisu phi tsheta, süla puo tha pie süu süwa, süsie puoe puo phi meboshü di tier rupie puo phi kenheshü. 39Sitse Farisiu puo kiekeshüu süu ngushü di puo thuo puo rüchü di sie, “Themia hau siedzekesimia puo üro, puo bie ketha thenupfü supuo mu kimhiecüpfü puo shi sikelie mese: puoe kephoumamiapfü puo ze.” 40Sitse Jisu puo ki, “Simon, a n ki mhapuo pu nyüya.” Sitse puo sie “Kepethau, pushücie.” 41Siru puo sie, “Raka pie mia thepuyakezhamia puoe mia kenie puo pu pfüzhü. Mia puo denari krie pengou mu kekreiu hiepengou. 42Ru sünie thepu sulie lhoketa ki puoe thepuko vapie unie tsüwa, siro, ki-a, sünie kiu puo ngupie puo neikuotuo ga?” 43Sitse Simon sie, “A lecü vapie tsü krashüketau zotuo.” Siru puo sie, “No pu toushüta zo.” 44Sidi puo rürei thenupfü kitsa valie di sie Simon ki, “No thenu hapfü ngu tha mo? A n ki nu lerlie rei no we a bu a phi khrüketuo la dzü rei pie a tsü mo, derei thenupfü we puo mhidzü pie a phi khrüshü di puo thapie sü pesoshü. 45No we a mebo chie mo, derei thenu hapfü we a lerkelie yawinu a phi mebo ba tsie tso. 46No we tier pie a tsü kenheshü mo, derei puo we tier pie a phi kenheshü. 47Süla, a n ki pushütuo, puo kephouma krathortuoketako vapie puo tsüwate; puo a kekhrie kezha thashücü la. Derei va petsashü puo ketsüu puo we mia khrie petsaya.” 48Sitse puo sie hapfü ki, “N kephoumako vashü n tsüwate ho!” si. 49Sükisü vor puo ze mhacü kebako uko thuo kepu di sie, “Mia kephoumako vapie tsüyakezha themia hau supuota mu?” 50Siro puo sie thenupfü ki, “N kepele thuo n kelaliete ho; n nou mene di votalie,” siwata.
S'ha seleccionat:
Luk 7: ANBRBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
The Bible Society of India
© 2023, Used by permission. All rights reserved. More
Luk 7
7
Jisu Kriemhokezhau Kituou Chü Keshürhokeshü
(Mat 8:5-13)
1Siro Jisu die hako pupie mia kieshükewa sie tuo Kapernaum nu vota. 2Süki chüpahi kriemhokezhamia puo puo kekhrietho kituo puo mhachü di siatatuoü bata. 3Siro kezha süu Jisu dze sikeshü ki, puo bu vor puo kituou chü keshürhoshünu di Judamia phichümia huo ketseshü. 4Sidi uko Jisu ki vor tse, uko puo ki cha bei di sie, “No themia hauha ngumezhieshü zhü sekecü puo zowe, 5kekreilamonyü puo hie themiako khrieya, mu puo hie la sinagog chüshü zo.” 6Sitse Jisu uko ze vota, siro puo vor ki tsolieketuo cha ba moketa ki kezha süu puo kezemia kro puo ketsepie puo ki shü di puo ki, “Niepuu, no kemezhie tuo hietacie, kekreilamonyü n bu a ki khrükhro lerketuo a sü mo; 7süla a thuo rei vor n ze keseketuo a ziejüte. Derei dieca puorei pushü di a kituou bu shürhotacie. 8A rei kezhamia khro tuoyakezhamia puo, tsiu a khro rei chüpahimia ba; siro a mia puo bu, ‘Vocie’ ishü rei puo voya, mu kekreiu ki, ‘Vorcie’ ishü ro puo vorya, siro a kituou ki, ‘Hau chüshülie,’ ishü ro, kituou süu chüya.” 9Sitse Jisu die hau sikeshü ki themia süu ngupie puo ngota, sidi rürei vo puo siemedziketuo krodiu ki, “A nieko ki pushütuo, a Israelmia donu rei u kepele kezha hade ngu chie mo!” 10Siru dielieko la kinu vor tse puo kituou shürho baketa ngulie.
Jisu Samipfü Puo Nuou Chü Perhei Lakeshü
11Süsie cha ba kemonu#7:11 Leshü kewe huo nu Süsienhie si. puo tuo Nain ükecü rünau nu vota, tsiu puo pethakelieko mu themia krodi puo rei sa puo ze vo. 12Siro puo tuo rüna süu kharu penuo vozhü tse mia kesiamia puo pie prazhü. Kesia süusü puo zuo nuopfuliu, tsiu thenu süpfü rei samipfü puo; mu rünau nunu themia kekra puo ze di prazhü. 13Sitse Niepuu süpfü ngupie puo noumezhie di sie süpfü ki, “Kra hiecie.” 14Sidi puo tuo phi mopiera bieshü ru süu pieketuoko thata. Sitse puo sie, “Khriesau a n ki puya, no sieliecie!” 15Siru siaketau sie balie di die pu chielieta, siro Jisu puo khapie puo zuo tsüwa. 16Süki themiako michie phita, mu Ukepenuopfü tshe di sie, “Siedzekesi kezha puo u donu sierte!” mu “Ukepenuopfü puo themiako mehoshüte!” ita. 17Siro puo dze hau keza se Judia pete mu sükhieümhou keba rüna kheko nu vota.
Johan Mia Dzülukepfüu Dielieko
(Mat 11:2-19)
18Süsie Johan-e pethakelieko mha hako pete pie puo ki pushü. Süla Johan puoe pethakeliemia kenie kielie. 19Sidi unie ketsepie Niepuu ki shü di sie, “Mia puo vortuo üdi pukecüu no me? Mo hie bu kekreimia puo merü batuo ga?” si. 20Siro sünie puo ki vor tse sie puo ki, “Johan mia dzülukepfüu hienie ketsepie n ki shü di hienie bu n ki, ‘No vortuoüketuou mo, hie bu kekreimia puo pfhe la batuo ga?’ iyalie.” 21Süteiki Jisu mia kekra kechükenyü, tsiu kechü kere mu kesuo ruopfü bu u kebi ze ketuoko chü keshürhoshü, siro mhiciemia kekra mhi rei chü pevishü. 22Tsiu puo la sie sünie ki, “Vo di nnie kesikengu kheko pie Johan ki pushücie; mhiciemia mha ngulie bate, kerünyiemia chatuolie bate, mpa kechümia rei chü kemesalie bate, nyievümia mhapfhe silie bate, kesiamia chü perheilie bate, dieliekeviu pupie kejüko kieshü bate. 23Siro kehoupuorei a gei jata kemomia thejakepfütho,” sishü.
24Siro Johan chalienie tuoketa sie, Jisu krodiu ki Johan dze pu di sie, “Nie rayha nu kedipuo mehotuoü pra ga? Teikhrie bu he kele keba tekhriebo puo me? 25Mo nieko kedipuo mehotuoü pra ga? Themia u pfhenei kevi sekecümia mu ketheguo di lhoukezhamia kedikiko nu baya ze. 26Siüro nieko kedipuo mehotuoü pra ga? Siedzekesimia puo me? U, süu ketho, mu siedzekesimia ki rei zhakuokecü puo zo. 27Puo dze thiedzü thupie tuokecü:
‘Harie, a n zie kengu mhodzü a chalieu ketseshütuo,
mu puo n mhodzü nunu n cha kesetuo,’
siketuou sü puo zo. 28A nieko ki pushütuo, thenumia geinu lhou kevorko donu Johan ki kezha puorei lhou sier mo; derei Ukepenuopfü kedi nu we kecütho-u zorei puo ki zhakuo.” 29Siro themia peteko, khezhanuo khruoyakezhako rei sa, Jisu die sishü di Ukepenuopfü üse puotouu üphreta,#7:29 Moro Ukepenuopfü tsheta. uko Johan dzülu khakeshü nunu dzülupfükelie la. 30Derei Farisiko mu thezhokepethako we puo bu uko dzülu khashü mvü di uko thuo Ukepenuopfü medo-u meliewata.
31“A bu tsiedo kelhou phouu pie kedipuo ze kemejü ro puotou mu uko üse kedipuo mhie üta? 32Ukoe nhicuko lhithochü nu ba di huoniehuo kie di sie,
‘Hie luoü khoushü nie kie,
derei nie nashülie mo;
hie thekrü chüshü,
derei nie kralie mo,’
ikeba mhie zo. 33Kekreilamonyü Johan mia dzülukepfüu vorkecü niekhrüda cü mo mu zu rei krie mo ru nieko sie, ‘Puo terhuo kesuo zeya,’ si; 34siro Themia Nuou vor di mhacümhakrie ru, nieko sie, ‘Lere-i, mhakecü khu tsiu zu kekrie khu puo, khezhanuo kekhruoko mu mia u thiyakezhako khrietho-u,’ site. 35Siüderei puo nuonuoko pete geinu mhasiu mezhü ücü thashü.”
Jisu Simon Farisiu Kinu Kevo
36Va puo Farisimia puo Jisu bu vo puo ki nu mhacünu di kie, süla puo Farisiu ki vo di mhacütuoü ke balie. 37Süki nadi nunu kephoumamiapfü puo puoe Farisiu ki nu mhacütuoükecü silie di tier alabaster bou puo pie vor. 38Sidi puo Jisu sietsa puo phi ki tha, di kra tha ru puo mhidzü potsu Jisu phi tsheta, süla puo tha pie süu süwa, süsie puoe puo phi meboshü di tier rupie puo phi kenheshü. 39Sitse Farisiu puo kiekeshüu süu ngushü di puo thuo puo rüchü di sie, “Themia hau siedzekesimia puo üro, puo bie ketha thenupfü supuo mu kimhiecüpfü puo shi sikelie mese: puoe kephoumamiapfü puo ze.” 40Sitse Jisu puo ki, “Simon, a n ki mhapuo pu nyüya.” Sitse puo sie “Kepethau, pushücie.” 41Siru puo sie, “Raka pie mia thepuyakezhamia puoe mia kenie puo pu pfüzhü. Mia puo denari krie pengou mu kekreiu hiepengou. 42Ru sünie thepu sulie lhoketa ki puoe thepuko vapie unie tsüwa, siro, ki-a, sünie kiu puo ngupie puo neikuotuo ga?” 43Sitse Simon sie, “A lecü vapie tsü krashüketau zotuo.” Siru puo sie, “No pu toushüta zo.” 44Sidi puo rürei thenupfü kitsa valie di sie Simon ki, “No thenu hapfü ngu tha mo? A n ki nu lerlie rei no we a bu a phi khrüketuo la dzü rei pie a tsü mo, derei thenupfü we puo mhidzü pie a phi khrüshü di puo thapie sü pesoshü. 45No we a mebo chie mo, derei thenu hapfü we a lerkelie yawinu a phi mebo ba tsie tso. 46No we tier pie a tsü kenheshü mo, derei puo we tier pie a phi kenheshü. 47Süla, a n ki pushütuo, puo kephouma krathortuoketako vapie puo tsüwate; puo a kekhrie kezha thashücü la. Derei va petsashü puo ketsüu puo we mia khrie petsaya.” 48Sitse puo sie hapfü ki, “N kephoumako vashü n tsüwate ho!” si. 49Sükisü vor puo ze mhacü kebako uko thuo kepu di sie, “Mia kephoumako vapie tsüyakezha themia hau supuota mu?” 50Siro puo sie thenupfü ki, “N kepele thuo n kelaliete ho; n nou mene di votalie,” siwata.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
The Bible Society of India
© 2023, Used by permission. All rights reserved. More