Yohanis Kata-Kata Partama
Kata-Kata Partama
Yohanis pung Kabar Bae soal Yesus ni, akang carita soal Yesus Kristus tu sapa. Antua datang dari sorga par kasi salamat manusia. Yohanis carita Yesus kasi balajar orang, kasi bae orang saki, kasi hidop orang mati, deng biking tanda-tanda herang. Abis samua tu, Yesus dapa tangkap, dapa siksa, deng dapa salib, mar hidop kombali pas akang pung hari katiga.
Kitab ni dapa kasi nama par Kabar Bae, tagal akang carita soal bagemana Allah Bapa utus Yesus Kristus par mati deng hidop kombali par tabus manusia pung dosa, biar sapa sa yang parcaya Antua bisa baku bae kombali deng Antua, deng hidop tarus-tarus deng Antua.
Kalo katong baca kitab Yohanis pung Kabar Bae soal Yesus ni, akang pung “rasa” beda dari tiga kitab Kabar Bae yang laeng (Matius, Markus, deng Lukas). Barang, Yohanis banya pili carita yang beda, yang seng ada dalang tiga kitab Kabar Bae yang laeng tu. Dia jua banya carita soal Yesus waktu Antua cuma ada deng babarapa orang sa (3:1-21, 4:1-42, 13:1—17:25, 19:25-27, 20:11-18).
Sapa yang tulis kitab ni: Dalang kitab ni seng bilang jelas sapa yang tulis akang. Orang yang tulis cuma kasi kanal dia pung diri par “Yesus pung murid yang Antua paleng sayang” (13:23, 19:26, 21:20, 24). Kalo iko pamimping-pamimping gareja dolo-dolo, dia tu Yohanis, orang yang jua tulis surat 1-3 Yohanis deng Yohanis Dapa Tanda. Yohanis ni orang Yahudi, Yakobis pung sudara, deng satu dari Yesus pung sapulu dua murid. Dia, sama-sama Petrus deng Yakobis, paleng dekat deng Yesus deng lia hal-hal yang murid-murid laeng seng lia (Matius 17:1-13; Markus 5:37, 14:32-33). Abis Yesus nai ka sorga, dia jadi penatua di jamaat Yerusalem (Galatia 2:9; 2 Yohanis 1:1).
Kitab ni par sapa: Tagal Yohanis jadi penatua di jamaat Yerusalem, dia mangkali tulis kitab ni par orang-orang parcaya di kota tu deng di mana sa. Mar pasáng dari dia pung tulisang tu bukang cuma par orang-orang parcaya sa, mar jua par orang-orang yang balong parcaya Yesus di mana sa (20:31). Jadi, Yohanis tulis kitab ni par samua orang, Yahudi deng bukang Yahudi. Tagal itu, dia pake babarapa ide dari budaya Yahudi deng Yunani par kasi jelas Yesus tu sapa.
Mangapa Yohanis tulis kitab ni: Yohanis kasi jelas soal mangapa dia tulis kitab ni dalang Yohanis 20:30-31. Dia tulis kitab ni biar orang bisa parcaya kalo Yesus tu Allah pung Ana. Dari waktu buka carita lai dia su bilang kalo Yesus tu Allah, deng ada sama-sama deng Allah dari waktu langit deng dunya ni balong ada lai (1:1-5). Lewat Antua, orang bisa batul-batul kanal Allah (1:18, 14:6-11).
Dia jua tulis kitab ni biar orang bisa parcaya kalo Yesus tu Orang yang Allah su Angka par Kasi Salamat Manusia. Allah Bapa utus Yesus par datang ka dunya la mati par kasi salamat manusia dari dong pung dosa-dosa (3:16). Deng bagitu, orang yang parcaya Antua bisa hidop tarus-tarus deng Allah.
Kitab ni tabage par babarapa bagiang:
| 1:1-18 | Yesus tu sapa |
| 1:19-35 | Yohanis Tukang Baptis kasi tau Yesus tu sapa |
| 1:35—12:50 | Yesus pung tanda-tanda herang deng ajarang |
| 13:1—17:26 | Yesus kasi balajar Antua pung murid-murid |
| 18:1—20:29 | Yesus dapa tangkap, dapa salib, la hidop kombali |
| 20:30-31 | Mangapa sampe Yohanis tulis kitab ni |
| 21:1-23 | Yesus kasi unju rupa par Antua pung murid-murid |
| 21:24-25 | Yohanis pung kata-kata laste |
S'ha seleccionat:
Yohanis Kata-Kata Partama: ABMA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku
Yohanis Kata-Kata Partama
Kata-Kata Partama
Yohanis pung Kabar Bae soal Yesus ni, akang carita soal Yesus Kristus tu sapa. Antua datang dari sorga par kasi salamat manusia. Yohanis carita Yesus kasi balajar orang, kasi bae orang saki, kasi hidop orang mati, deng biking tanda-tanda herang. Abis samua tu, Yesus dapa tangkap, dapa siksa, deng dapa salib, mar hidop kombali pas akang pung hari katiga.
Kitab ni dapa kasi nama par Kabar Bae, tagal akang carita soal bagemana Allah Bapa utus Yesus Kristus par mati deng hidop kombali par tabus manusia pung dosa, biar sapa sa yang parcaya Antua bisa baku bae kombali deng Antua, deng hidop tarus-tarus deng Antua.
Kalo katong baca kitab Yohanis pung Kabar Bae soal Yesus ni, akang pung “rasa” beda dari tiga kitab Kabar Bae yang laeng (Matius, Markus, deng Lukas). Barang, Yohanis banya pili carita yang beda, yang seng ada dalang tiga kitab Kabar Bae yang laeng tu. Dia jua banya carita soal Yesus waktu Antua cuma ada deng babarapa orang sa (3:1-21, 4:1-42, 13:1—17:25, 19:25-27, 20:11-18).
Sapa yang tulis kitab ni: Dalang kitab ni seng bilang jelas sapa yang tulis akang. Orang yang tulis cuma kasi kanal dia pung diri par “Yesus pung murid yang Antua paleng sayang” (13:23, 19:26, 21:20, 24). Kalo iko pamimping-pamimping gareja dolo-dolo, dia tu Yohanis, orang yang jua tulis surat 1-3 Yohanis deng Yohanis Dapa Tanda. Yohanis ni orang Yahudi, Yakobis pung sudara, deng satu dari Yesus pung sapulu dua murid. Dia, sama-sama Petrus deng Yakobis, paleng dekat deng Yesus deng lia hal-hal yang murid-murid laeng seng lia (Matius 17:1-13; Markus 5:37, 14:32-33). Abis Yesus nai ka sorga, dia jadi penatua di jamaat Yerusalem (Galatia 2:9; 2 Yohanis 1:1).
Kitab ni par sapa: Tagal Yohanis jadi penatua di jamaat Yerusalem, dia mangkali tulis kitab ni par orang-orang parcaya di kota tu deng di mana sa. Mar pasáng dari dia pung tulisang tu bukang cuma par orang-orang parcaya sa, mar jua par orang-orang yang balong parcaya Yesus di mana sa (20:31). Jadi, Yohanis tulis kitab ni par samua orang, Yahudi deng bukang Yahudi. Tagal itu, dia pake babarapa ide dari budaya Yahudi deng Yunani par kasi jelas Yesus tu sapa.
Mangapa Yohanis tulis kitab ni: Yohanis kasi jelas soal mangapa dia tulis kitab ni dalang Yohanis 20:30-31. Dia tulis kitab ni biar orang bisa parcaya kalo Yesus tu Allah pung Ana. Dari waktu buka carita lai dia su bilang kalo Yesus tu Allah, deng ada sama-sama deng Allah dari waktu langit deng dunya ni balong ada lai (1:1-5). Lewat Antua, orang bisa batul-batul kanal Allah (1:18, 14:6-11).
Dia jua tulis kitab ni biar orang bisa parcaya kalo Yesus tu Orang yang Allah su Angka par Kasi Salamat Manusia. Allah Bapa utus Yesus par datang ka dunya la mati par kasi salamat manusia dari dong pung dosa-dosa (3:16). Deng bagitu, orang yang parcaya Antua bisa hidop tarus-tarus deng Allah.
Kitab ni tabage par babarapa bagiang:
| 1:1-18 | Yesus tu sapa |
| 1:19-35 | Yohanis Tukang Baptis kasi tau Yesus tu sapa |
| 1:35—12:50 | Yesus pung tanda-tanda herang deng ajarang |
| 13:1—17:26 | Yesus kasi balajar Antua pung murid-murid |
| 18:1—20:29 | Yesus dapa tangkap, dapa salib, la hidop kombali |
| 20:30-31 | Mangapa sampe Yohanis tulis kitab ni |
| 21:1-23 | Yesus kasi unju rupa par Antua pung murid-murid |
| 21:24-25 | Yohanis pung kata-kata laste |
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku