Mateus 15
15
Su bo iil le ndro Jesu le nongen asu.
1Su Pharisi, ma su ndremda hernou ber Jerusalem, su me ndro Jesu, su ndemani i. 2Desa su lao adem de delengasu le nongen asu labenen ber goru bui, su de surhi nemesu bui, be su beg ien suslong? 3Jesu i vong le ndro su, i bode: Desa mu de hinen nongen ad Jehova bui, mu hinen nongen asu labenen ge? 4Jehova i gin bai: Orgulue dam orgulue nanem dagara: Be homo i vong nongen momen le ad damen e nanen i na gmed. 5Mu ge, mu bai: Be homo i vong le ndro damen e nanen, i bai: Io beg hengen le ndro Jehova, beg dirhor le ndro i memrad ademu, mu lengi i me ademu, 6i de bogulue damen ma nanen bui. Mu da hanguruen dagara, mu gin bieni nongen ad Jehova leri, hanguruen nongen asu labenen ge. 7Mu ndremda bahilou ge. Nongen ad Jesaia i monen ge, be i da gin boharni. 8Su ndramed ogo, su bamugueni io le ngusun asu, bergolsu i da manan, manan ge. 9Su bamugueni io dahed, su da hanguruen nongen asu labenen ge. 10Boen i loh su ndramed masi, i vong le ndro su, i bai: Ha hirong i, e boro i! 11Longu masi i la bohon ad hom ndramed, i de hinen i segdan bui, longu masi i da bieni bohon ad ndramed, i ogo, i hinen homo gina momen ge.
12Boen su lao aden su la ndro i, su vong le ndro i, su bai: Uo danem, su Pharisi, su da gin hirong nongen adem malabo, su bangondrngondr. 13I bode: Gei heie e heie, Bo Domo ber lang de gin daui i bui, su ordi i giao. 14Bisenden! Su beg dulieni su ndramed le sal, begmarsu bui. Be homo begmarn bui, beg dulieni homo begmarn bugane lie, le sal sor marmou na glos le ngai. 15Malabo Petrus i vong le ndro Jesu, i bai: 16Gobharni me ndro du heb nongen dohongein ogo. Jesu i bode; Umu danmu boro heb nongen ordo bui lie? 17Danmu bui longu masi i la bohon i la ndrnen, i de danen hinen dramed gina momen bui i de me bergoln bui, le ndrne ge, muren me lendi lie, i iao le sal aden. 18Longu masi i da bieni le bohon, i gin meher le bergoln, i ogo hinen hom ndramed gina momen ge. 19Hanguruen momen ge, i da meher le bergoln ad hom ndramed: I beg daii, beg rui bihin, beg sungsou, beg behena, beg gogobaini, beg rodi su ndramed. 20Longu ogo masi, i ge, i hinen ndramed gina momen ge. Ar homo de surhi nemen bui, be i beg ien gan, aga de hinen hom ndramed momen bui.
Jesu ma hom bihin ber Tirus.
21Jesu i gin bieni gor ogo, i dogi le gor asu Tirus e Sidon. 22Hom bihin ber gor ogo i me, i loholo le ngasen ndoun, i bai: Ndorlaben, uo ndur David, golmgisden io. Beld Satan i rii ndurbihin ordo sidesi. 23Jesu i de vong heb de la ndro i bui. Malabo su lao aden su la born ndro i, su ndemani i: Ha hirong i, bihin ogo i loholo le ndrbo du, hengen le ndro i, i da soling dagara. 24Jesu i bode: Io gin me ndro su meh ber Israel ge, su da gina momen ge. 25Bihin ogo i gin meher, i los le boan baghege ndro i, i soling, i bai: Ndorlaben, osbani io. 26Jesu i bode: Aga i de heb monen bui, be su hedi gan ansu mbunana, su hengen i le ndro su ndurmui. 27Boen i bode: Ndorlaben, su ndurmui, su da behendra geao asu ndorlaben, dansu ien nogden i da los le boan. 28Jesu i vong le ndro i, i bodeie: O bihin, uo danem boro ndoui ordo hian ge, hedi i, dege uo lengi. Malabo ndurbihin aden i horuan, i mamaren lie.
Jesu hengen gan me ansu mahabou.
29Jesu i bieni gor ogo, i meher baghege le ndran Galilea. I gobad ndra bahali, i lugdo im boan. 30Su ndramed dsoln, su la born ndro i. Su gin huri me asu ndegesu momen, begmarsu bui, mandrsu gina momen, de dansu vong bui, ma su mabosanged iab i da ndro su. Su gin daui su baghege le ndegen ad Jesu. I regurdueni su. 31Su ndramed masi, meluasu i ieb, be su gin ilndri, bohosu bui, dansu vong; ndrun asu momen, su horuan lie; ndegesu momen, dansu irgai; begmarsu bui, dansu lele hian; su bamugueni Ndorlaben asu Israel leri.
32Jesu i loh su lao aden, i vong le ndro su i bai: Ndrno i gosusngo le asu ndramed, goloisden su. Bing madolo su de gin ien hebsa bui, gin hirong nongen ordo ge, io mbure su aio, su de gin ien hebsa bugane, debosan su na gmed le sal asu. 33Homo asu lao aden i vong le ndro i, i bode: Iou da hedi gan mabosanged dagara le ndro su masi oho? Gor ogo i marboga ge. 34Jesu i ndemani su: Suslong masehe ademu? Su bode: Manondrdolo, ma ni holel mandehege. 35I vong le ndro su ndramed, su lugbo im boan. 36Boen i hedi suslong manondrdolo, dagara su ni, i bamugueni Jehova leri, i iendri suslong, i hengen i le ndro su lao aden, su lao aden hengen i le ndro su masi. 37Su masigane su ien, mosesu, su hedi nogden, su nhui le ndob manondrdulhad. 38Su masi su da gin ien le gan su gamel ge mahabou, su bihin ma su mbunana la born. 39Muren i bieni su ndramed, i la lundiendol heie, su iao le gor Magadan.
S'ha seleccionat:
Mateus 15: LLENT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society 1956
Mateus 15
15
Su bo iil le ndro Jesu le nongen asu.
1Su Pharisi, ma su ndremda hernou ber Jerusalem, su me ndro Jesu, su ndemani i. 2Desa su lao adem de delengasu le nongen asu labenen ber goru bui, su de surhi nemesu bui, be su beg ien suslong? 3Jesu i vong le ndro su, i bode: Desa mu de hinen nongen ad Jehova bui, mu hinen nongen asu labenen ge? 4Jehova i gin bai: Orgulue dam orgulue nanem dagara: Be homo i vong nongen momen le ad damen e nanen i na gmed. 5Mu ge, mu bai: Be homo i vong le ndro damen e nanen, i bai: Io beg hengen le ndro Jehova, beg dirhor le ndro i memrad ademu, mu lengi i me ademu, 6i de bogulue damen ma nanen bui. Mu da hanguruen dagara, mu gin bieni nongen ad Jehova leri, hanguruen nongen asu labenen ge. 7Mu ndremda bahilou ge. Nongen ad Jesaia i monen ge, be i da gin boharni. 8Su ndramed ogo, su bamugueni io le ngusun asu, bergolsu i da manan, manan ge. 9Su bamugueni io dahed, su da hanguruen nongen asu labenen ge. 10Boen i loh su ndramed masi, i vong le ndro su, i bai: Ha hirong i, e boro i! 11Longu masi i la bohon ad hom ndramed, i de hinen i segdan bui, longu masi i da bieni bohon ad ndramed, i ogo, i hinen homo gina momen ge.
12Boen su lao aden su la ndro i, su vong le ndro i, su bai: Uo danem, su Pharisi, su da gin hirong nongen adem malabo, su bangondrngondr. 13I bode: Gei heie e heie, Bo Domo ber lang de gin daui i bui, su ordi i giao. 14Bisenden! Su beg dulieni su ndramed le sal, begmarsu bui. Be homo begmarn bui, beg dulieni homo begmarn bugane lie, le sal sor marmou na glos le ngai. 15Malabo Petrus i vong le ndro Jesu, i bai: 16Gobharni me ndro du heb nongen dohongein ogo. Jesu i bode; Umu danmu boro heb nongen ordo bui lie? 17Danmu bui longu masi i la bohon i la ndrnen, i de danen hinen dramed gina momen bui i de me bergoln bui, le ndrne ge, muren me lendi lie, i iao le sal aden. 18Longu masi i da bieni le bohon, i gin meher le bergoln, i ogo hinen hom ndramed gina momen ge. 19Hanguruen momen ge, i da meher le bergoln ad hom ndramed: I beg daii, beg rui bihin, beg sungsou, beg behena, beg gogobaini, beg rodi su ndramed. 20Longu ogo masi, i ge, i hinen ndramed gina momen ge. Ar homo de surhi nemen bui, be i beg ien gan, aga de hinen hom ndramed momen bui.
Jesu ma hom bihin ber Tirus.
21Jesu i gin bieni gor ogo, i dogi le gor asu Tirus e Sidon. 22Hom bihin ber gor ogo i me, i loholo le ngasen ndoun, i bai: Ndorlaben, uo ndur David, golmgisden io. Beld Satan i rii ndurbihin ordo sidesi. 23Jesu i de vong heb de la ndro i bui. Malabo su lao aden su la born ndro i, su ndemani i: Ha hirong i, bihin ogo i loholo le ndrbo du, hengen le ndro i, i da soling dagara. 24Jesu i bode: Io gin me ndro su meh ber Israel ge, su da gina momen ge. 25Bihin ogo i gin meher, i los le boan baghege ndro i, i soling, i bai: Ndorlaben, osbani io. 26Jesu i bode: Aga i de heb monen bui, be su hedi gan ansu mbunana, su hengen i le ndro su ndurmui. 27Boen i bode: Ndorlaben, su ndurmui, su da behendra geao asu ndorlaben, dansu ien nogden i da los le boan. 28Jesu i vong le ndro i, i bodeie: O bihin, uo danem boro ndoui ordo hian ge, hedi i, dege uo lengi. Malabo ndurbihin aden i horuan, i mamaren lie.
Jesu hengen gan me ansu mahabou.
29Jesu i bieni gor ogo, i meher baghege le ndran Galilea. I gobad ndra bahali, i lugdo im boan. 30Su ndramed dsoln, su la born ndro i. Su gin huri me asu ndegesu momen, begmarsu bui, mandrsu gina momen, de dansu vong bui, ma su mabosanged iab i da ndro su. Su gin daui su baghege le ndegen ad Jesu. I regurdueni su. 31Su ndramed masi, meluasu i ieb, be su gin ilndri, bohosu bui, dansu vong; ndrun asu momen, su horuan lie; ndegesu momen, dansu irgai; begmarsu bui, dansu lele hian; su bamugueni Ndorlaben asu Israel leri.
32Jesu i loh su lao aden, i vong le ndro su i bai: Ndrno i gosusngo le asu ndramed, goloisden su. Bing madolo su de gin ien hebsa bui, gin hirong nongen ordo ge, io mbure su aio, su de gin ien hebsa bugane, debosan su na gmed le sal asu. 33Homo asu lao aden i vong le ndro i, i bode: Iou da hedi gan mabosanged dagara le ndro su masi oho? Gor ogo i marboga ge. 34Jesu i ndemani su: Suslong masehe ademu? Su bode: Manondrdolo, ma ni holel mandehege. 35I vong le ndro su ndramed, su lugbo im boan. 36Boen i hedi suslong manondrdolo, dagara su ni, i bamugueni Jehova leri, i iendri suslong, i hengen i le ndro su lao aden, su lao aden hengen i le ndro su masi. 37Su masigane su ien, mosesu, su hedi nogden, su nhui le ndob manondrdulhad. 38Su masi su da gin ien le gan su gamel ge mahabou, su bihin ma su mbunana la born. 39Muren i bieni su ndramed, i la lundiendol heie, su iao le gor Magadan.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society 1956